خلود
17-12-2010, 01:13 AM
http://www.vb.6ocity.net/imgcache/12289.imgcache.jpg
حوار لطيف بين الزوج والزوجة حول شراء لاب توب … وبدأ الحوار …
الزوج : إيه رأيك يا حبيبتي .. كنت عاوز أخد رأيك في موضوع
الزوجة : (وهي تضحك ضحكة تنم عن فهم ) أيوة يا حبيبي مدام بتقول حبيبتي يبقي عاوز حاجة , خير ( وهي تتنهد )
الزوج : أبدا يا نور عيوني , أصل الموضوع وزي ما إنتي عارفة إبننا كبر يا حياتي وبسم الله ماشاء الله بيقعد علي الكمبيوتر كويس وبيشغل ألعاب وأفلام كرتون , ومش مخليني أشوف شغلي أو أكتب تقارير الشغل عليه , فكنت بفكر لو يعني أشتري لاب توب , وهو ينفعنا إحنا الإتنين أنا أكتب عليه تقاريري وأشوف أخبار العالم منه وإنتي يا أجمل واحدة شافتها عيني تدخلي ع النت وتتابعي أخر أخبار الموضة والإهتمام بالبشرة , ولا إيه رأي العسل ؟
الزوجة : والله فكرة … بس مش أعرف تمن اللاب توب ده كام الاول ؟
الزوج : أبدا مش غالي والله .. يعني حوالي 5000 جنيه بس ( خطف الجملة الأخيرة وملامح وشه تنتظر شيئ سيقع عليه )
الزوجة : لا أبدا يا حبيبي مش غالي ولا حاجة , لكن الموبيل اللي أنا طلبته منك اللي ب 1000 جنيه بس هو اللي غالي .. مش كده بردوا
الزوج : أبدا يا عقلي .. إنتي مش فهماني وبتظلميني في كل مرة , هو فكرك أنا مش عاوز أجيبلك الموبيل ليه ؟
الزوجة : ليه يا فارسني ؟
الزوج : أكيد تقصدي يا فارس أحلامي
الزوجة : أه ( تقولها بغيظ وكأنها تتألم ) يا فارس أحلامي .. ليه بقي إن شاء الله ؟
الزوج : أبدا أنا عاوز أجيبلك موبيل أحسن وأحدث وإنتي عارفة يا قلبي إن التكنولوجيا بترخص , ولو صبرنا شوية حنجيب بتمنه موبيل أحسن .. عرفتي بقي إنك علي طول في عقلي
الزوجة : طيب يا حبيبي … يبقي إنت اللي تستني لحد لما اللاب تمنه يرخص , مش يمكن تجيب أحدث منه
الزوج : ( وهو ينشل نفسه من حفره وقع بها ) لالا … إنتي مش عارفه إمكانياته .. دي عالية جدا , ومفتكرش إن في أجهزة أفضل منه حتنزل السوق , وصدقيني المشكلة مش في تمنه خالص
الزوجة : المشكلة مش في تمنه ! ... أَمال المشكلة في إيه ؟
الزوج : المشكلة في مصاريفه بعد الشرا
الزوجة : ليه بقي حيحتاج بامبرز ؟
الزوج : هههههههه ... أحمدك يا ربي .. أديتني زوجة مش بس جميلة .. لأ وروحها كمان ودمها زي العسل .. بصي يا حبيبتي كل الحكاية إنك عارفة ضغط الشغل اللي عندنا اليومين دول , واتفقت مع كام واحد من زمايلي في الشغل , إننا نقعد نخلص شغلنا سوا
الزوجة : ( وهي تقاطعه وكأن صاروخا قد إنطلق ) لا إنسي .. أنا دلوقت عرفت ليه عمال تقولي حبيبتي وروحي وعقلي ... أه عاوز تجيب أصحابك البيت وأنا أفضل أعملكم شاي وقهوه .. وولادك دول يروحوا فين هو أنا ملاحقة عليهم ولا علي بنتك الصغيرة اللي مجنناني .. الفكرة دي مرفوضة بتاتا .. عاوز تجيب اللاب توب إتفضل هاته أنا موافقة .. لكن فكرة القهوة والشاي وأصحابك لا
الزوج : إنتي لو تصبري .. أولا شكرا الموافقة علي شرا اللاب توب .. ثانيا وده الأهم من أي لاب توب , وأي شيئ في الدنيا دي كلها .. هي صحة حبيبتي .. علشان كده أنا مش حجيب زمايلي البيت .. إحنا حنروح أي كوفي شوب نخلص فيه شغلنا
الزوجة : ( وهي تشعر بمدي سذاجتها وتسرعها ) كل مرة تغلبني .. بجد أن مش عارفة أعمل فيك إيه ؟!
الزوج : أنا عارف تسيبيني أتصرف براحتي لأنك في أول إهتماماتي لأني بحبك و بحب فيكي أخلاقك العالية دي
الزوجة : أه .. فكرتني عالية بنتك عايزة بامبرز .. متنساش تجيبه وإنت جي
الزوج : تحبي أجيب بامبرز بزيادة علشان اللاب توب ؟
الزوجة : ( وهي تبتسم إبتسامة باهتة ) ظريف أوي حضرتك
حوار لطيف بين الزوج والزوجة حول شراء لاب توب … وبدأ الحوار …
الزوج : إيه رأيك يا حبيبتي .. كنت عاوز أخد رأيك في موضوع
الزوجة : (وهي تضحك ضحكة تنم عن فهم ) أيوة يا حبيبي مدام بتقول حبيبتي يبقي عاوز حاجة , خير ( وهي تتنهد )
الزوج : أبدا يا نور عيوني , أصل الموضوع وزي ما إنتي عارفة إبننا كبر يا حياتي وبسم الله ماشاء الله بيقعد علي الكمبيوتر كويس وبيشغل ألعاب وأفلام كرتون , ومش مخليني أشوف شغلي أو أكتب تقارير الشغل عليه , فكنت بفكر لو يعني أشتري لاب توب , وهو ينفعنا إحنا الإتنين أنا أكتب عليه تقاريري وأشوف أخبار العالم منه وإنتي يا أجمل واحدة شافتها عيني تدخلي ع النت وتتابعي أخر أخبار الموضة والإهتمام بالبشرة , ولا إيه رأي العسل ؟
الزوجة : والله فكرة … بس مش أعرف تمن اللاب توب ده كام الاول ؟
الزوج : أبدا مش غالي والله .. يعني حوالي 5000 جنيه بس ( خطف الجملة الأخيرة وملامح وشه تنتظر شيئ سيقع عليه )
الزوجة : لا أبدا يا حبيبي مش غالي ولا حاجة , لكن الموبيل اللي أنا طلبته منك اللي ب 1000 جنيه بس هو اللي غالي .. مش كده بردوا
الزوج : أبدا يا عقلي .. إنتي مش فهماني وبتظلميني في كل مرة , هو فكرك أنا مش عاوز أجيبلك الموبيل ليه ؟
الزوجة : ليه يا فارسني ؟
الزوج : أكيد تقصدي يا فارس أحلامي
الزوجة : أه ( تقولها بغيظ وكأنها تتألم ) يا فارس أحلامي .. ليه بقي إن شاء الله ؟
الزوج : أبدا أنا عاوز أجيبلك موبيل أحسن وأحدث وإنتي عارفة يا قلبي إن التكنولوجيا بترخص , ولو صبرنا شوية حنجيب بتمنه موبيل أحسن .. عرفتي بقي إنك علي طول في عقلي
الزوجة : طيب يا حبيبي … يبقي إنت اللي تستني لحد لما اللاب تمنه يرخص , مش يمكن تجيب أحدث منه
الزوج : ( وهو ينشل نفسه من حفره وقع بها ) لالا … إنتي مش عارفه إمكانياته .. دي عالية جدا , ومفتكرش إن في أجهزة أفضل منه حتنزل السوق , وصدقيني المشكلة مش في تمنه خالص
الزوجة : المشكلة مش في تمنه ! ... أَمال المشكلة في إيه ؟
الزوج : المشكلة في مصاريفه بعد الشرا
الزوجة : ليه بقي حيحتاج بامبرز ؟
الزوج : هههههههه ... أحمدك يا ربي .. أديتني زوجة مش بس جميلة .. لأ وروحها كمان ودمها زي العسل .. بصي يا حبيبتي كل الحكاية إنك عارفة ضغط الشغل اللي عندنا اليومين دول , واتفقت مع كام واحد من زمايلي في الشغل , إننا نقعد نخلص شغلنا سوا
الزوجة : ( وهي تقاطعه وكأن صاروخا قد إنطلق ) لا إنسي .. أنا دلوقت عرفت ليه عمال تقولي حبيبتي وروحي وعقلي ... أه عاوز تجيب أصحابك البيت وأنا أفضل أعملكم شاي وقهوه .. وولادك دول يروحوا فين هو أنا ملاحقة عليهم ولا علي بنتك الصغيرة اللي مجنناني .. الفكرة دي مرفوضة بتاتا .. عاوز تجيب اللاب توب إتفضل هاته أنا موافقة .. لكن فكرة القهوة والشاي وأصحابك لا
الزوج : إنتي لو تصبري .. أولا شكرا الموافقة علي شرا اللاب توب .. ثانيا وده الأهم من أي لاب توب , وأي شيئ في الدنيا دي كلها .. هي صحة حبيبتي .. علشان كده أنا مش حجيب زمايلي البيت .. إحنا حنروح أي كوفي شوب نخلص فيه شغلنا
الزوجة : ( وهي تشعر بمدي سذاجتها وتسرعها ) كل مرة تغلبني .. بجد أن مش عارفة أعمل فيك إيه ؟!
الزوج : أنا عارف تسيبيني أتصرف براحتي لأنك في أول إهتماماتي لأني بحبك و بحب فيكي أخلاقك العالية دي
الزوجة : أه .. فكرتني عالية بنتك عايزة بامبرز .. متنساش تجيبه وإنت جي
الزوج : تحبي أجيب بامبرز بزيادة علشان اللاب توب ؟
الزوجة : ( وهي تبتسم إبتسامة باهتة ) ظريف أوي حضرتك