ممنوع الدخول( ونو كومينت)هههههههههه

[Messenger of Peace]

السلام عليكم ورحمة الله وبركاته
اخى واختى فى الله......هذا الموضوع قراته فى احد المنتديات وحبيت ان انقله لكم
انه سؤال محير .....
لو مبارك على فراش الموت .. ماذا يقول؟
التفت الأسرة حول فراش الزعيم وهو يلفظ أنفاسه الأخيرة .... قال الزعيم
بصوت ضعيف ولكنه حازم فى نفس الوقت
حسنى: كلكم موجودين
سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين
حسنى: طب إسمعوا اللى حقوله كويس
جمال: سامعينك يابابا ... إتكلم
حسنى: مصر دى كنز ياولاد ... إمكسوا فيها بإيديكم وسنانكم ...
بنسرق فيها بقالنا سنين وسنين ولسه بتدينا
علاء: هيا دى البركة اللى بيقولوا عليها يابابا
حسنى: أيوه يابنى .... ربنا يبارك لكم ولعيالكم فيها ... ودلوقتى
علاء: إنته على الهوى يابابا ... إتكلم
حسنى: أنا مش مديون لحد ياولاد ... يعنى أى واحد يصيع عليكم ويقول
لكم
أبوكم كان مستلف منى فلوس تفوا فى وشه على طول
علاء:إطمن يابابا ... حرامى على حرامى ما يلعبش
حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض
... فلوس متلتلة متتعدش .... مش حقول لكم حافظوا عليها وبس ...
لآلآلآلآ ... زودوها كمان وكمان لاجل ما روحى ترتاح وأنا فى تربتى
جمال: هيا الفلوس اللى إنتا عملتها يابابا دى بتسميها فلوس ....
شفنى أنا
وعلاء حنعمل إيه .... ولا صحيح حتشوفنا إزاى .... عموماً ما
تقلقش
حسنى: ودلوقتى إسمعوا وصيتى ..... الحكم لاولاد مبارك ... لازم أول
ما
جمال يحلف اليمين تغيروا إسم مصر وترجعوه زى ما كان زمان أيام الملك
فاروق
والملكة نازلى (المملكة المصرية)
جمال: مفهوم يابابا ... خش فى اللى بعده
حسنى: الجيش والشرطة والأزهر ... أوعوا واحد من التلاته دول يخرج عن
طوعكم أبداً
علاء: مفهوم برده .. اللى بعده .... ياساتر ده إنته ملل
سوزان:عيب ياعلاء لما تكلم أبوك كده
علاء: بهزرياماما
حسنى: الهرم لأم العيال ... ليكى ياسوزان بعد ما خدمتينى بتفانى
وإخلاص طول السنين دى
سوزان: هرم !!!!!!! .... هو دى آخرة صبرى !!! ...... وده يسوى كام ده !!!!
علاء وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس
سوزان: مش ح ارضى باأقل من التلات أهرامات وأبو الهول
حسنى: مش خسارة فيكى ياغالية .... أثار النوبة لعلاء .... والأقصر لجمال
... ودلوقتى نيجى للميه .... الساحل الشمالى لعلاء والبحر الأحمر لجمال
وقناة السويس تخصصوا دخلها صدقة جارية على روحى
سوزان: إنته أكيد مخبول ... مليار ونص دولار صدقة جارية على روحك !!!!
جمال: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه للفقرا
علاء وهو يمسك بالألة الحاسبة: ممكن نطلع لحد ألف جنيه يا جمال ... السيولة تسمح
حسنى: أوعوا تفرطوا فى حبيب العادلى من بعدى ياولاد ... حبيب قلبه ميت وإيده طرشه ... وهوه ده اللى ينفع مع الغجر اللى
هنا
جمال: بس ما بيعجبنيش شنبه يابابا
حسنى: إنته مالك ومال أم شنبه ..... إحنا بنشترى مجرم
جمال: أعاهدك يابابا إنى حخليه معايا ومش حفرط فيه أبداً
حسنى: الشيخ طنطاوى ياولاد راجل بركة ...... يمين يمين شمال شمال ....
أوعوا تفرطوا فيه ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ
علاء: ولا يهمك يابابا .... حاخلى أنكل كمال الشاذلى يصلى عليك
حسنى: والله لو عملتها ياعلاء لكون متبرى منك إلى يوم الدين
علاء: بهزر معاك يابابا ..... أنكل كمال مش حافظ الفاتحة
حسنى: المشير طنطاوى ياولاد ..... مش حوصيكم عليه . . . الراجل ده عامل زى الست المستحية .... حاطط وشه فى الأرض على طول
وعمره ما استجرى يرفع عينه فيا ... وفى نفس الوقت ماسك الجيش بإيد من حديد
سوزان: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجمال
جمال: حاضر ياماما
حسنى: عايز جنازتى ياولاد الناس تحكى وتتحاكى عنها ...... هاتوا المخرج الإيطالى ده اللى إسمه مكافيللى يصورها
علاء وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر
حق توزيع الفيديو فى أوروبا وأمريكا
حسنى: عايز أحلى مدفع يشيل النعش يا ولاد
جمال: مدفع رشاش
سوزان: الهزار مش فى الحاجات دى يا جمال
جمال: آسف يا ماما
حسنى: عايز أدفن فى شرم الشيخ ياولاد جنب أولمرت وشارون
علاء: بلاش كفر مصيلحة يعنى ؟
حسنى: لأ كلها براغيت ياعلاء .... وإسم شرم الشيخ كمان أشيك بكتير</div>

[اميرة حبى انا]

تانى
بسجل اعتراضى الشديد جدا على الاسلوب
مش خوف من حد
ولا على حد
عشان كله فاهمنى غلط
لكن سبق وقلت ممكن نعترض نسخر نهزر باسلوب راقى ومتحضر
واصلا الموضوع ده مكانه مش النقاشات الجادة
لان ايه النقاش فى كده مش فاهمة
ومع ذلك مش هنقله لانى معرفش له مكان غير حاجة واحدة وبس
ومتزعلش من ردى يااستاذ معاذ
دلوقتى كتييييير هيدخلو يهنوك على الموضوع الرائع
http://up3.m5zn.com/photo/2009/6/2/01/irn4m8elb.gif/gif
ده رأيى وانا حره فيه

[fagrmasr01]

معاذ... التجريح مرفوض قلباً وقالباً

ولا أظن ان أحد يهنئ على الإساءة والسب والقذف العلنى

كلنا من حقنا ننتقد ... لكن ننتقد ما يجوز انتقاده وبطريقة مهذبة
لكن يا معاذ السب والتجريح لا يعتبر انتقاد

[الفارس]

مرفوض . . مرفوض . . مرفوض

ماينفعش يامعاذ بكل الاشكال ماينفعش

[مارو]

ياه يا سيد معاذ!!!!!!!
كده بعد ما نقلت الموضوع من منتدى آخر إرتحت؟
أم إنت مستني تعليقات عليه؟
يا أخ معاذ الكلام ده تقوله على قهوه بلدي أو مع أصحابك في النادي
ولكن منتدى على الإنترنت يشاهده المصريين وغير المصريين يبقى ده تهريج.
وإلى إدارة المنتدى
أليس هناك مراجعة أو فلترة لهذه الموضوعات؟
إذا كان معاذ أخطأ
فإنني لا اعفي إدارة المنتدى من الخطأ الأكبر بمرور هذا الموضوع
حسني مبارك هو رئيس مصر
ورئيس كل المصريين
وإنت وغيرك رحت إنتخبته
وهو رمز
عيب أوي اللي حصل ده

[خلود]

ماهى دى اخره الديمقراطيه اللى بيتريقوا عليها يااخ مارو

لو اتدخلت اداره المنتدى ومسحته مش هنخلص من الكلام والتعليقات

لو كان ده حصل زمان مكنش حد شاف معاذ ولا سمع حسه

ياريت تكون انبسطت يامعاذ من موضوعك وعجبتك التعليقات

ياريت تبطل بقى يامعاذ مواضيعك دى وممكن تحط مواضيع برضو كويسه وتثير الجدل بس من غير اهانه لرئيس بلدك

منتدانا ده بيشوف عرب ومصريين ومالوش لزوم كده خااااااااااااااااااالص

وياسيدى انت اتعرفت كويس فى المنتدى ومش لازم المواضيع اللى من النوعيه دى

انا بسجل اعتراضى على مثل هذه المواضيع وبرجو حذفه مباشره

[lionking]

ايه يا معاذ اللى انت عامله ده

انت هتودى نفسك فى ..........

:1 (15):
بص يا سيدى

كلمتين ابرك من عشرة
:storm_1572884228162 :storm_1572884228162
اعترض وقول اللى انت عايزه

بس منغير سب وتجريح
:50 (30): :50 (30):
انت مترضاش انك تكون بتكلم واحد صاحبك وخالفك الراى تقوم تشتمه
مش كده ولا ايـــــــه

وبعدين عندى كلمة للاستاذ مارو

معلش ولامؤاخذه

مين راح انتخب مين ؟؟؟

؟؟؟؟؟؟؟؟
؟؟؟
؟؟
؟
؟
؟

مجرد سؤال فرض نفسه عليا

بس

ومش المقصود منه فتح باب للنقاش ولا حاجة
:36_3_5[1]: :36_3_5[1]:

[abo trieka elking]

مرفوض مرفوض مرفوض
انا بسجل اعتراضى على مثل هذه المواضيع

[kabo]

ولو انى فيه حاجات كتير مش عاجبانى بس مينفعش نشتم بالطريقة دى
حتى فى الاصحاب مينفعش نشتم
الشتائم عيب جدا

[kabo]

عندى سؤال متهيألى انه مهم اوى
هل معاذ عايش فى مصر ؟
أشك

[Messenger of Peace]

تانى

بسجل اعتراضى الشديد جدا على الاسلوب
ياكبير ولا يهمك لك حرية التعبير

مش خوف من حد
ولا على حد
لو سمحت شئ من التوضيح يا مس ميرو

عشان كله فاهمنى غلط
طب ممكن تفهمنيا علشان انا اصلا مش فاهم

لكن سبق وقلت ممكن نعترض نسخر نهزر باسلوب راقى ومتحضر
فاكر والله ولسة فاكر
الاسلوب الهزلي ده علشان الموضوع مش يتقفش يعني يعدي من الرقابة
لو اتكلمنا بحق يبقى عليه العوض


واصلا الموضوع ده مكانه مش النقاشات الجادة
والله عارف
ده كمان العنوان مش هو اصلا عنوان الموضوع الحقيقي
بس اخترته خصيص للمنتدى هنا
1- ممنوع الدخول : لان الكل هيخش
2- نو كومينت : علشان الكل هيرد
3- ههههههههه: علشان عارف سخط الكل ومش اقصد طبعا ان حد يضايقك
4- الموضوع في قضايا في اسلوب طريف محزن مبكي مضحك
العنوان كمان اتغير علشان مش يتقفش من اوله من على العنوان وميكنش اول القصيدة كفر بالمصري

لان ايه النقاش فى كده مش فاهمة
النقاش مداري والله بس اللي يأخد باله ويعيش حال البلد اللي ربنا يرحمها من 28 سنة

ومع ذلك مش هنقله
شكرا ع كرم حضرتك
لانى معرفش له مكان غير حاجة واحدة وبس
هما 3 حاجت ممكن تعمليها في المضووع ده
في الحقيقة 2
هو انك تحذفيه
بس طلب رفيع يا ريت براحة عل الموضوع علشان الريس وعياله جوه الموضوع وكمان مامي سوزو
اصلها مش متعواداااا
ديه بتاعت الروتاري
اكيد ناني في فافي
الله يرحم

ومتزعلش من ردى يااستاذ معاذ
استاذ!!!!!!
اظن ان احنا اول ما اجتمعنا قولتم ان احنا اسرة واحدة ولا ديه شعارات زي الانتخابات ولا الديموقراطية بتطير مع تثبيت الزبون

دلوقتى كتييييير هيدخلو يهنوك على الموضوع الرائع
الموضوع مش موضوعي وانا قلت انه منقول
تقصدي مين؟؟؟
ما علينا مش تفرق
بس مش اظن انهم عايشيين الحكرتة بتاعت 70% من الشعب
الحمد لله الذي عفانا مما ابتلا به غيرنا

http://up3.m5zn.com/photo/2009/6/2/01/irn4m8elb.gif/gif
كشرا جزيلا على تقييمك
وعلى ذقوك يا ماما ميرو
ده رأيى وانا حره فيه
اكيد يعني هو حد يقدر يقول غير كده
لكي من فائق التقدير والاحترام
ومرسيه على مشاركتك الرقيقة والرد الراقي يا ماما ميرو
في رعاية الله
ابنكم في الله
ماسنجر اوف بيس






تحياتي الى الجميع خصوصا دادي حسني والمودام
ملحوظة رفيعة اوووي
ده يكمن اول مضووع ارد عليه
تانيا انني اعرض الراي والرأي الآخر وان كان معاكسا
وكل من الشارع المصري
البقاء لله في نجل نجل الرئيس مبارك
ونشاطرهم الاحزان ونسأل الله ان يلهمهم الصبر والسلوان ونسحتبه في الجنة وينزله مع الصدقين والنبين هو ووالده وجده وجميع المسملين
في رعاية الله
ابنكم في الله
رسول السلام
معاذ

[اميرة حبى انا]

ويعيش حال البلد اللي ربنا يرحمها من 28 سنة
عمرك 15 سنة وبتتكلم فى 28 سنة
احنا اسرة واحدة ده مش موضوع للخلاف وواضح للجميع
وانك تعلق على ردى بسخريتك دى مش مشكلة عشان انا ماما اميرة زى مابتقولى وهستحملك
المشكلة فعلا انك حقيقى مش شايف ان الموضوع ده وحش جدا
وده مش رأيى انا لوحدى ولا انت مشفتش الا رأى اميرة بس
وموضوعك اللى فى قسم الشعر اللى كله شتيمة
ومواضيعك اغلبها كده اذا كنا اعترضنا على كلام ونقاش عادى مش هنعترض على شتيمة واسلوب ساخر بالطريقة دى
لا يا معاذ
انت بتتكلم فى حاجات معرفش اذا كنت حاسسها وعايشها فعلا ولا لأ
فى سؤال احد الاعضاء سأله وانا كمان بسأله
انت مصرى يا معاذ؟
عايزة اجابة لو سمحت
ومن غير اجابة
انت عندك 15 سنة
يعنى حتى موصلتش للسن اللى يخليك تقول مش لاقى شغل ومش عارف افتح بيت ومش لاقى ومش لاقى ومش لاقى....
يبقى المواضيع دى ليه
والشتيمة والسخرية دى ليه
وجملتك اللى اقتبستها فى اول ردى دى ليه
ماما اميرة بتشكرك يا معاذ على ردك الساخر

[M.Khalifa]

طبعا بأضم صوتي للناس اللي رفضت مثل هذا الموضوع شكلا وموضوعا ويا ريت يتم حذف مثل هذا الموضوع وأنا عارف ومتأكد ان معاذ هيتقبل الأمر ومش هيزعل لأنه ببساطة أخطأ ومش عيب انه يخطأ لكن العيب ان الموضوع ده يستمر في المنتدى لأنه بصراحة مش بيسيء لحسني مباركــ وبس ده بيسيء لمصر ولمنتدى 6أكتوبر كمان