المساعد الشخصي الرقمي

مشاهدة النسخة كاملة : والله حرام


الرومنسى
15-12-2010, 10:24 PM
ارضك يا خضرا
يا ام الزروع الناضرة
بساتينك دى سكر
وشجرك معطر
وزرعك اخضر
بين ورودك فرحى بيكبر
وبين نخيلك قلبى يرعرع
طول عمرك
فوق العالم غالية
دهبك فى صحرا
بيطرح كنوز غاليه
طول عمرك هيبة
فى وسط العالم مفيش عيبة
ارضى وساكنة قلبى
عرشى فوق نجيل ارضى
طب يا اخوانى مش حرام
نلاقى فين زى دة كلام
وصف اتوصف ملهوش تمام
والله حرام
زرعى وسمموة
بمواد تحرق اكبدنا مسرطنة
وسم يهرى كبد بنت مضفرة
ويبور ارض كانت مظهرة
والله حرام
دهبنا اللى فى الصحرا اتسرق
وبطن الارض واحة للغرب بتتحرق
وارض سينا اليهود عليها شرك
وبترولك فى ارضك اتبعاع بورق
والله حرام
بيقولو قلب الوطن
طب فين الوطن
تعالو ندور على حدودنا
شمال وجنوب وشرق وغرب
شمالنا ودا غرب مستنى لينا وقعة
وجنوبنا وقصموة وباعو نصيبنا
شرقنا وفيه سور عازل قلبنا
وغربنا
بجواز نسافر بعد ما كانت أرض تلمنا
والله حرام
فين خريطة الوطن العربى
كانت فى كتابى
افرح لما اشوفها
اشوف فيها عنوانى
ولما عنيا تقع عليها
ديما تتمسع احزانى
من يومين بصيت عليها
ملقتش الدول فيها
فين عروبتنا
فين ارضيا
قلولى دولة صهاينة جنبينا
وامريكا فى الجنب التانى
وقصب الجنوب
فى معاصر فى الدنوب
طب شوفو ولاد الكلاب
يمكن يحتاجو عظمة من العراق
او حتة لحمة من السودان
او ارجيلة سوريه
والا مصرح من لبنان
او حتة خنجر من عمان
واللى حتى يتفسحو فى الاردن
او يسرقو يمنى فى صروخ عطلان
او حتى الدار البيضا يحولوها للالمان
مش قسمنا الوطن العربى
وعملنا مزياد بأرخص الاثمان
اللى ياخدلوا حتة يقف بيها على ناصية
ويقول كمان
والله حرام
والله حرام
والله مليون حرام
اميرة حبى انا
15-12-2010, 11:18 PM
مؤثرة اوى يا رومانسى
شكرا على الكلمات الواقعية
الرومنسى
15-12-2010, 11:42 PM
دا حالنا يا أميرة
بلدنا كانت عاوزة أميرة زيك تخاف عليها
وعلى شعور اللى فيها
زى ما انتى خيفى على المنتدى واللى فيه
خلود
16-12-2010, 02:38 AM
جميله اوى يارومانسى

واتجاه جديد فى الكتابه رائع جدا

مثلما ابدعت واتحفتنا برومانسيتك نجدك تبدع ايضا فى وطنيتك

الله عليك وعلى تنقلك بمنتهى الحرفيه والمعلمه والاتقان

تقبل منى اجمل تحيه
الرومنسى
16-12-2010, 02:55 AM
لكى منى أجمل تحية خلود
مجرد احساس بحسرة ما نحن فيه
حتى عندما نتجه للرومانسية
نتجه لها حيث موت الرومانسية إلا فى داخل عقولنا
لا توجد رومانسية على الواقع الا القيل منها
حتى مع صراعات لقمة العيش تندثر
لذلك نلهث ورائها فى مخيلاتنا
حتى لا تموت
الى الابد
تحياتى لك
fagrmasr01
16-12-2010, 08:59 AM
أحسنت يا رومنسى فى وصف الداء
لعلنا بكشف الداء .. قد نُبَصِرُ بالدواء
الرومنسى
16-12-2010, 10:14 AM
[QUOTE=fagrmasr01;95141]
أحسنت يا رومنسى فى وصف الداء
لعلنا بكشف الداء .. قد نُبَصِرُ بالدواء
[/QUOTE

أخى جمال يمكن الداء موجود
لكن خايف لاموت قبل ما نلاقى الدوا
يشفى جراح ملايين
stylooo
16-12-2010, 11:03 PM
أحسست عند قرأتى لها
إنى أشاهد أحفاد عرابى ولا مصطفى كامل
قلت فين سعدزغلول يسمع حفيده يذكرمحاسن حبيبته
و فى النهاية لا يطاوعه قلبه أنه يجردها
مما ألم بها خوفا عليها من الانحلال
و تراخى ناسها و تركوها للكلاب ينهبوبها
تسلم و سلم كلامك مازال مثلك تكون بكم بلدنا
منتظرة جديدك و كل قديمك
ربما أيقظت كلامتكم الصم البكم من أموات الشعب
ahmedabdelziem
17-12-2010, 12:46 AM
تسلم لنا ابداعاتك الجميله
جميله ياستاذ رومانسى
وتسلم ايدك
nouran_111
17-12-2010, 01:55 AM
ربنا يسامحك رومانسي ادميت قلبي وعينى
بتلك الخاطرة اللى اتت على الجرح ونزف دموعا ودما
الرومنسى
19-12-2010, 02:39 PM
تسلم لنا ابداعاتك الجميله
جميله ياستاذ رومانسى
وتسلم ايدك

انت الاجمل حبيب قلبى منور قلبى
الرومنسى
19-12-2010, 02:41 PM
ربنا يسامحك رومانسي ادميت قلبي وعينى
بتلك الخاطرة اللى اتت على الجرح ونزف دموعا ودما

انا اقدر دا قلبى يتوجع
الرومنسى
19-12-2010, 03:09 PM
أحسست عند قرأتى لها
إنى أشاهد أحفاد عرابى ولا مصطفى كامل
قلت فين سعدزغلول يسمع حفيده يذكرمحاسن حبيبته
و فى النهاية لا يطاوعه قلبه أنه يجردها
مما ألم بها خوفا عليها من الانحلال
و تراخى ناسها و تركوها للكلاب ينهبوبها
تسلم و سلم كلامك مازال مثلك تكون بكم بلدنا
منتظرة جديدك و كل قديمك
ربما أيقظت كلامتكم الصم البكم من أموات الشعب



ستايلو
كلمات مؤثرة اكثر مما كتبت انا
وفعلا يا ريت اللى ما عمرت بيت
كلنا نصحى حتى انا