اعـــــلانــــــــات مــــن زمــــان

[lionking]

ازيكم جميعاا

وانا قاعدة بتفرج على فيلم خليج نعمة

وشفت غادة عادل

الممثلة الجميلة

مش عارفة ايه اللى خلانى افتكر بداياتها فى الاعلانات
بس للاسف معرفتش افتكر اعلاناتها

بس جتلى الفكرة دى وقلت اعرضها عليكم

:50 (21):

ايه رايكم اللى يفتكر اعلان من اعلانات زمان يكتبه هنا

ولو حتى فاكر جزء بسيط اكيد هتلاقى حد يكمل الاعلان معاك


:1 (6): :1 (6):

معلش الموضوع محتاج ذاكرة قوية وهنتعب شوية عشان نفتكر

بس نحاول

وانا شخصيا افتكرت الاعلان ده دلوقتى
:50 (26): :50 (26): :50 (26):
سلام عشان خضر العطار
معروف كمان
وزباينه كتار
والجار يقول للجار
اسعاره
ارخص اسعار
من اسوان لراس التين
عارفين طبعا عارفين
فيه عنده قمر الدين
والفزدق ويا التين
والشمر والينسون
والفلفل والكمون
وعرفنا
العنوان فين
في الصاغه
والحسين
خضر خضر خضر العطار
خضر العطار



مستنية مشاركاتكم جميعااااا

[fagrmasr01]

اجرى بسرعة ياواد يا حسين
تقب وتغطس ف دقيقتين
شوف لنا ريرى بيتباع فين
هات لنا منه باكوت واتنين
الصلاة ع الزين الصلاة ع الزين


خدى بال حضرتك .. بيقول ياواد يا حسين ..
مش يا حسنين... ههههههه

[lionking]

ههههههههههههههههههههههه

والله حلو ان حد افتكر اعلانات زمان

خد الاعلان ده كمان


و احتكم الامر مع عبد الررحيييييييييييم عمرو و هتجوز...... هتجوز

هيجوزونى
انا مش شايف بروبليم
و اجيب جهاااازى منين:1 (18):
من عبد الرحيم عمرو

[fagrmasr01]

ياكلوا حلاوة .. ياكلوا جاتوه
ياكلوا كل اللى يحبوه
يرد الاطفال : والتسويييس

يكمل الاعلان ..
انا معجون مخصوص علشانكوا
انا معجون يحفظ أسنانكوا

اسمك اييييه ؟

معجون المعاجين
أرتف بالفلورين .. بالفورين
معجون الاسنان
بتحبه الملايين .. الملايين


والله برافو عليكى يا ليون ..
فكرتينا بأيام زمان
ايوه كده ..
صحصحوا ذاكرة الناس العواجيز
اللى زى حالاتى

تسلم ايديكى وتسلمى

[Miss Robe]

هههههههههههههههههههههه


منك للى كلت دراع جوزها ياليون

عارفة افتكرت اية دلقولتى


فاكرةاعلان ايزالوة بتاع النامس

انا فاكرة حتة من الاغينة:storm_7974695981287

ناموس عمال يقرص ياخويا مش عارف انام منوة يا خويا :36_3_2[1]:
من وقت ما حطيت كيتوة يا خويا مش لايقى ولا ناموسة يا خويا
وعااااااااارف انام:36_3_2[1]:

كيتوة دة اسم القرص :36_6_7[1]:

كيتوة نام

بناااااااااااام


هههههههههههههههه

[lionking]

ههههههههههههههههههههههههههه
:50 (3): :50 (3): :50 (3):
اهلا بيكى يا روبى

بس انتى عسل والله

انا منى للى كلت دراع جوزها

مااااااااااااااااااااااشى

خدى بئه الاعلان ده وورينى هتعملى ايه



الصلا عالزين
ياورد مفتح عالخدين
جبت الجمال ده ياحلوه منين
البركه فريري ياضي العين البركه فريري
انا جيت اهني بشكل جديد
ومعايا فيتامين كله حديد
من رضعه واحده ابنك حيزيد
غير مشيه بدري ده بالتأكيد
ريري جه هل هلاله
والكل هيصله وقالو
جانا ريري جانا
سقفوله معانا
يامشبعنا
يامقوينا
يامكبرنا
ومغزينا
البركه في ريري
هاتلنا ريري
هاتلنا منه باكو اتنين
الصلى علزين الصلى عالزين


:50 (34): :50 (34): :50 (34):

[lionking]

بلهارسيا بلهارسيا
يعنى أيه يعنى أيه يعنى أيييييييه
دودة أسيّة دودة أسيّة
وأنتى يا ست يا قاعدة وناسية ناسية أن الدودة هنا راسية
دودة أيه
دودة موجودة تحتيكى فى المية
دودة موجودة والنية أسيّة
يا أختى أسم الله أسم الله علىّ
غسيل نزول هنا ممنوع
دا الدود بيشجى فى المنقوع
بدل الحالة بميزان حسّاس
أنفد بجلدك دا العلاج ببلاش
ولا عمرك تشكى وجيعتك للناس
هى كلمة
طول ما ندى ضهرنا للترعة
عمر البلهارسيا فى جتتنا ما ترعى

:50 (27): :50 (27): :50 (27):

ايه بس يا ناس محدش فاكر اى اعلانات

شغلوا الذاكرة شوية وهتفتكروا والله

[رحاب محسن]

شكرا ليون على الحاجات الحلوة دى

[مارو]

فيه إعلان إسمه (أنجرام) معجون حلاقة
وكان فيه الخطيب وحسن شحاتة وفاورق جعفر وكان شكله جميل جداً