لغز يجننك

[اسامة22]

بسم الله الرحمن الرحيم (http://www.durbah.com/vb)


واحد اخرس(والاخرس مابيسمعش طبعا)وواحد اعمى في جزيره مهجوره والأخرس عايز يقول للأعمى ابوك مات يعمل ايه؟؟؟؟ ال هيحل اللغزده هيبقى زكي بجد

[رحاب محسن]

الأخرس الى مش بيتكلم ، لكن الأصم هو الى مبيسمعش يبقى أزاى:confused:

[خلود]

هههههههههههههههه

طيب اخرس يعنى لا بيتكلم ولا بيسمع هيقولها ازاى للاعمى

دى حيره لا وايه فى جزيره لوحدهم كمان

اقولك هو يلطم على خده والتانى بقى يحاول يخمنولو انها مش هتيجى فى باله خالص

[DMR]

انا اللي اعرفه ان الاصم هو اللي مش بيسمع و لا يتكلم
و لكن الاخرس هو اللي لا يتكلم و لكن يسمع

ممكن الاجابة دي تبقى صح ؟؟؟

ينقش له على الحجر و الاعمى هيعرف

[DMR]

ممكن تقولنا على الاجابة اسامة

[سما]

وهما في الجزيرة المهجورة دي عرف الأخرس إن أبو الأعمى مات إزاي؟
بس ممكن يمسك شنب الأعمى ويحاول يخنقة

[خلود]

ههههههههههههههههه

سما ردك جميل فعلا ودى احسن وسيله يعرفوا بيها ونخلص منهم هما الاتنين لان الاعمى اكيد مش هيسكت له واكيد هيخلص عليه هو كمان

[سما]

أشكرك خلود
ولكن لازم يحصل كده علشان اللغز ينتهى
وإلا مش ها نخلص

[خلود]

سما اقولك على فكره
احنا ناخد صاحب اللغز ده نوديه الجزيره المهجوره دى ونسيبه مع الاخرس والاعمى ومعاه ربنابقى ونستيرح من اللغز اللى مالوش حل ده:50 (3)::50 (3):

[mervat_u]

طبعا الاعمي بيسمع ................. الاخرس هيشغل له شريط قران ويصدر اصوات فيها نحيب

[دعاء الكروان]

هو اكيد الحل فى الكلمة نفسها
لانة اكد ان الاخرص ما بيسمعش
يبقى هو دة اللغز

[اميرة حبى انا]

ممكن يكتبهاله على حجر
ويخليه يحس بيها
يعنى ينقشها على حجر بطريقة بارزة
ولو غلط
ارحمنا بقى
وقول الحل

[مارو]

طالما من وجهة نظرك إن الأخرس ما بيسمعش بكده الحل سهل
الأخرس اللي ما بيسمعش دا يقول للأعمى أبوك مات بكل سهولة