###عاوزين مدرب عالمي وايقاف التعاقدات لمد عامين ###

[اسامة22]

السلام عليكم...........
استمتعنا امس بشباب الاهلي في مباراه صعبه مع الفريق المنافس في قلب ميت عقبه بملعب حلمي زامورا في وجود التوئم وشيكا وعوامل صعبه تواجه لاعبين شبان ليس لديهم خبره لكن كالعاده ابناء الاهلي في الموعد اداء راقي وروح الفانله الحمراء والتزام اخلاقي وهو ده الفرق بين الاهلي واي حد تاني.......
طبعا مباراه امبارح غايب عن فريق الاهلي فيها حوالي 10 لاعبين ومع ذلك المجموعه اللي لعبي كانت روعه وده دليل علي ان الاهلي غني بابنائه في كل الاعمار السنيه لكن المشكله ان اي مدرب مصري لا يستطيع تحمل الضغط الاعلامي والجماهيري في النادي الاكبر في افريقياولكن السؤال ماذا يحتاج الاهلي.......
اي فريق كره هو منظومه اداريه وجهاز فني ولاعبين والحمد لله نملك ارقي اداره في الشرق الاوسط وافريقيا ونملك اجيال رائعه من اللاعبين قادره علي تسيد القاره لمده 7 سنوات علي الاقل ولا يبقي الا المدرب........
الاهلي في اعتقادي يحتاج الي مدرب عجوز قدير قادر علي بناء فريق للمستقبل مع المنافسه في البطولات المختلفه وشخصيه قويه تتحمل الضغوط وcvمقنع للجماهير الحمراء والاتفاق معه ان يتم ايقاف التعاقدات الداخليه لمده موسمين لاننا نملك اجيال رائعه وبالمبالغ التي يتم توفيرها من التعاقدات يحصل المدرب علي راتبه المتوقع ان يكون كبيرا.........
هي مجرد فكره اتمني تطبيق ولو جزء منها لان اولاد الاهلي هم الاقدر علي قيادته وفيما يلي بعض الاسماء الصاعده في بعض المراكز التي يعاني منها الفريق الاول قادره علي حمل لواء الاهلي........
في قلب الدفاع........
سعد الدين سمير(مخلاش محمد ابراهيم يلمس كوره)
محمد عبد الفتاح
.الظهير الايسر........
ايمن اشرف
حسين السيد(كان شويه وهيخلي حازم امام يعيط)
الظهير الايمن........
حمدي السيد(كان معقد حسام عرفات امبارح)
وسط ارتكاز.........
شهاب احمد
هشام محمد(ربنا يشفيه)
احمد مانجا
وسط مهاجم(جناح)........
علاء شعبان
شكري
عفروتو
سعيود
عبد الله عبد العظيم
هجوم.......
عمرو جمال
عبد الرحمن احمد(صاحب الهدف العالمي)
محمد طلعت

اخيرا..........
اعتقد احنا مش محتاجين غير 2مهاجمين افارقه بجوار متعب وطلعت وعمرو جمال وعبد الرحمن والاستغناء عن حسني وفضل وفرانسيس وغدار...........

للنقاش؟؟؟؟؟
هل توافق علي ان يوقف الاهلي تعاقداته الداخليه لمده عامين ويتعاقد مع مدرب عالمي؟؟؟؟؟ام تفضل التعاقد مع مدرب عادي والاستمرار فس سياسه الشاء من الخارج؟؟؟؟؟

[fagrmasr01]

اوافق طبعا
لأن المدرب الأجنبى بيخلى الادارة تمتنع عن التدخل وبياخد فرصته كاملة وبالتالى بينجح
الأهلى قلعة الرياضة فى مصر وافريقيا والعرب
ويستاهل كل التوفيق

[since1990]

أتصور ان الاهلى فعلا محتاج لمدرب اجنبى
وبعد مباره الاتحاد وضح الامر ان اللاعبين فقدوا الروح العاليه
او بمعنى اخر انهم يبقوا عايزين يكسبوا باى شكل علشان يرضوا المدرب
وده كان بيحصل ايام جوزيه.
وبما ان حاله الاهلى سيئه للغايه بدليل عدم استطاعه الفوز فى ثلاث مباريات متتاليه
فان الاهلى فى حاجه الى علاج سريع و هو بكل صراحه مانويل جوزيه لانه عارف كل
خبايا الفريق ويمتلك مفتاح كل لاعب من اللاعبين الحاليين.
اما بخصوص شراء لاعبين فان الاهلى يحتاج الى 2 خط ظهر ولاعب باك يمين واثنين رؤؤس حربه بجانب متعب.