المساعد الشخصي الرقمي

مشاهدة النسخة كاملة : تعالى انتخب


الرومنسى
10-12-2010, 03:24 AM
قاعد وندهوا على
بتعمل ايه
تعالى انتخب
راجل ميه ميه
هيجبلك عيش وكمان ميه
وهيفتح الحنفية
دا راجل كل شويه
يدينا فلوس ميه ميه
ووظيفة عال العال
وكمان مفيش عوطليه
طب يا جماعة هو منين
طب اصلة ايه
يا عم صوت وخدلك جنيه
ومعاهم حتة لحمة كمان
وحتة هدمة وقرش حشيش
روحت اللجنة
دخلت لقيت
ناس عمالة شمال ويمين
تسجل اسم فلان وفلان
عيشين واللى مايتين
فى الاخر عد اصوات مجانين
فين اسمى هو فين
ازاى
هو انا انتخبت
واللى احنا نيمين
اه
عرفت
دى ديمقراطية
حسن وحسين
اسامة22
10-12-2010, 04:51 AM
هههههههههههههههههههه

مين حسن وحسين دول

ايه الروعه دى ياعم والجمال ده

طيب يعنى خدت حتتين اللحمه ولا مخدتش
الرومنسى
10-12-2010, 04:05 PM
والله لسه بدور عليها يا عم اسامة
قلولى لحة ةتهت فى الزحمة
لا انتخبت ولا اكلت
وعرفت بعد كدة ان واحد انتخبلى
وكل اللحمة
ahmedabdelziem
10-12-2010, 04:22 PM
جامده ياسامه
بس خلى بالك عشان
حسن وحسين جايين يقبضو عليك
انا بجهزلك عيش وحلاوه
ولا تطلع معانا رحله الاعتقال اللى انا منظمها اسرع

بس سيبك من التهريج اللى فات
كلمات جميله جدا
الرومنسى
10-12-2010, 04:26 PM
طمنتنى يا أحمد
اللى رد عليها هيعتقلوه
طب اللى كتبها
nouran_111
11-12-2010, 12:33 AM
الله عليك يا رومانسي
محمود سامى البارودى
اتنفي برة وانت هتتنفي جوة ان شاء الله
fagrmasr01
11-12-2010, 11:52 AM
طب يا جماعة هو منين
طب اصلة ايه
يا عم صوت وخدلك جنيه


جميلة جميلة أوى جدا بجد
الفكرة والتوزيع مش أى حد

بتعجبنى دايما يارومنسى كل أفكارك
يارب يسعدك ودايما تسعدنا بأشعارك
الرومنسى
11-12-2010, 04:14 PM
الله عليك يا رومانسي
محمود سامى البارودى
اتنفي برة وانت هتتنفي جوة ان شاء الله

المهم هتنفى معاى
واللى هتسبينى لوحدى
واللى اقولك
خليكى برة
العيش والحلاوة اسعارهم غاليه
توفرى وتبعتيلى
الرومنسى
11-12-2010, 04:18 PM
ردك دائما جميل جدا
بل يفوق كل الاشعار فى كتب الشعراء
ahmedabdelziem
11-12-2010, 04:22 PM
طمنتنى يا أحمد
اللى رد عليها هيعتقلوه
طب اللى كتبها


هيروح غونتامو
عشان تبقى روحه ومش راجعه تانى
هههههههههههههههههه
فريد
12-12-2010, 10:53 AM
اخيرا اخيرا اخيرا
اهو كده الكلام الجميل الرائع
ايوه ياعم طلع شوية من الحاجات الحلوة
دى بعيد عن الحب و الرمنسية
بس سؤال صغير
فين اللجنة الحلوة بتاعتك دى
دنا محدش بص فى وشى و لا حتى الضباط و العساكر
حتى فى اللجنة محدش عبرنى
اصلهم افتكروا انى من الجماعة المحظورة
و قعدت اقول انا وطنى انا وطنى
ولا حد سال
انا مستنى الابدعات دى بعيد عن كلامات الحب
صلاح الشريف
12-12-2010, 12:59 PM
رومنسي
ابعد عن الانتخبات
مش لعبتك
انت رومنسي
وبس
الرومنسى
14-12-2010, 03:15 AM
كان لازم اكتب حاجة
علشان تشرفنى استاذ فريد
انا اتشرفت بيك
على فكرة
انت شكلك جريت على اللجنة
ومحلقتش ذقنك
الرومنسى
14-12-2010, 03:19 AM
يا ابنى الانتخابات لعبتى
انت وصلت امتا
لعبة وحفضناها
وعشنا جواها
خلود
15-12-2010, 12:50 AM
جميل فى كلماتك سواء الرومانسيه او السياسيه

رائعه وواقعيه وبتعبر فعلا عن واقعنا
الرومنسى
15-12-2010, 01:30 AM
جميل فى كلماتك سواء الرومانسيه او السياسيه

رائعه وواقعيه وبتعبر فعلا عن واقعنا


هل الرومانسية شئ للكتابة فقط
لا يوجد لها مجال فى حياتنا
او انها ماتت
واصبحت السياسة شئ للنقد فقط
لانها اصبحت ثروة قومية فى النقد
بالاضافة انها مهنة من لا مهنة له
فالسياسة ليس لها وسط
انما مكسب وتجارة فى الاساس
او نقد علشان ناخد حتة لحمة
لا بداعى التغيير
اشكرك لردك الجميل