نداء الى الاخوة و الاخوات اعضاء المنتدى

[فريد]

السلام عليكم
اخوتى و اخواتى اتمنى من كل الاخوة
تغير اسمائهم التى بالانجليزية الى العربية
لانه فعلا يجب ان نتمسك باسمائنا و لغتنا العربية
انا لا اريد احد ان يغضب من طلبى لكن لنفكر بهدوء
لماذا الانجليزية و نحن لسنا مجبرين عليها طالما نستطيع الكتابة بالعربى
تقلبوا تحيتى و تذكروا ماطلبت منكم هذا الا لسبب و احد
انى و الله احبكم فى الله

[lionking]

الاخ فريد

السلام عليكم ورحمة الله وبركاته

طبعا طلبك ده مفيهوش حاجة تزعل بس برده من حق كل واحد يختار اللغة والاسم اللى هو عايزه ومش معنى انى اخترت اسم باللغة الانجليزية انى لا اقدر اللغة العربية

وزى ما انت لك الحرية انك تسمى نفسك فريد اى واحد من حقه يسمى نفسه اى اسم باى لغة ان شاء الله حتى لو يسمى نفسه شوية ارقام

والاعتزاز باللغة العربية مش الاسم ده هو اللى هيبينه

احنا اصلا بنتحاور على شبكة مش عربية
الجهاز اللى انت بتدخل النت من عليه مفيهوش اى مكون عربى
اللغة المستخدمة ع النت مش عربى

لو عايزين نهتم بلغتنا

يبقى نحاول نعمل اى حاجة من دول بالعربى
مش اختيار الاسم فى منتدى يعنى هو اللى هيرفع قدر اللغة العربية

وبعدين لو انت مهتم باللغة العربية فعلا
عليك استخدام ابسط القواعد النحوية فى كتابة موضوعك
هو ده اللى اسمه اهتمام باللغة العربية
معلش اسمحلى
حضرتك كاتب الجملة دى
(تقلبوا تحيتى
اعتقد انها مكتوبة غلط)


مـــش اســـم فى مــنتــدى

[fagrmasr01]

الاخ الفاضل فريد
اشكرك واحييك تحية طيبة مباركة من عند الله عز وجل
واشكر لك اقتراحك
وارجو منك التكرم
بقبول مداخلتى بصدر رحب

انا شايف ان رأى ليون كنج صح .. وارجو ان يتسع صدرك لتفسير {ايى

اختيار الاسم لن يضيف الى لغتنا الجميلة شيئاً ذا قيمة

مثلا اسمى انا هنا هو
فجر مصر
ومكتوب باللغة الانجليزية
مع ان اسمى الحقيقى جمال

لكن ليس معنى اختيار اسمى باللغة الانجليزية هو اننى قد أهملت لغتى العربية
ويحضرنى هنا فكرة نفذتها سوريا لتعريب كل الجامعات
فهل حرمانى من استخدام الانجليزى يؤذى الانجليز او يضيف الى اللغة العربية ؟؟
كانت النتيجة تدهور الجامعات وتأخر العلوم فى سوريا نتيجة حرمانهم من اللغة التى تمكنهم من متابعة اخر التطورات العلمية والتكنولوجية

عفوا أخى فريد
اللغة فى اختيار الاسم ليست عائق
بل اننى اتذكر حديث شريف يقول ما معناه
من تعلم لغة قومٍ آمن مكرهم

كون ان اسمائنا انجليزى او اننا نتعلم ونتعامل باللغة الانجليزية .. ليس عيبا
ولا اظن ان اختيار الاسم باللغة الانجليزية او بالعربية سوف يدعم اللغة التى هجرها أبناؤها
فالعلوم المتطورة والاختراعات والتطور بالانجليزى
ومش عيب ابدا انى اتعامل بالانجليزى
ولا يجوز ان يقتصر تطوير اللغة
على اختيار الاسماء
هذا رأيى
ولك تقديرى

[اميرة حبى انا]

الكلمة المكتوبة غلط ممكن تكون غلط مش مقصود
وارجو مع الاختلاف فى وجهات نظركم جميعا ان نضع فى اعتبارنا
ان الخلاف للرأى لا يفسد للود قضية
الاخ فريد كتب حاجة شايفها صح وكل واحد عبر عن وجهة نظره
ياريت محدش يزعل من حد

[الباشا تلميذ]

الاخ الفاضل فريد
لك التحية والتقدير على طرحك لهذا الموضوع
وكما قالت اميره : الاختلاف فى الرأى لايفسد للود قضيه
فبصفتك شخص محب للغة بلدك
وبما إن انزل الله سبحانه وتعالى القرآن الكريم باللغه العربيه
ومع احترامى لرأى الاخت ليون والاخ فجر
فليس فقط الجهاز اللى انتوا اعدين عليه مش عربى
بل 99.9 % من الاشياء اللى بتستخدموها فى حياتكم مش عربيه ((موبايلات ، تليفونات ، وسائل المواصلات سواء خاصه أو عامه ، الاكل ، الشرب ، حتى فوانيس رمضان ))
كل ماهو هام ورئيسى فى حياتنا مش مصنوع فى دول عربيه

فأنا أحيك أخ فريد على تمسكك بلغة قرآننا
وتغيير الاسماء فى المنتديات لن يزيد أو ينقص من قدر لغتنا العربيه

جزاك الله خيرا

[fagrmasr01]

الحمد لله كلنا هنا فعلا اخوة ومش ممكن يكون فيه زعل باذن الله
انما هو تعبير عن وجهات نظر .... سواء من كاتب الكلمة او من الردود عليها
وربنا ميجيبش زعل يارب ابدا
انما هو توضيح لوجهات نظر قد تتفق وقد تختلف
والاختلاف فى الرأى لا يفسد للود قضية
باذن الله

[فريد]

السلام عليكم
اود ان اشكر جميع من اهتم بالرد على موضوعى
و اود ان انبه فقط انى قلت فى اول الموضوع
اتمنى و لم افرض التغيير على احد
من قال انى كلمة تقبل تحيتى غلط هذا هو الرد
و جزاه الله خيرا على التنبيه

السلام عليكم ورحمة الله وبركاته

هل تعرف ما معني كلمة تحياتي ؟؟؟

أفتى الشيخ ابن عيثيمين رحمه الله بعدم جواز قول كلمة (تحياتي - مع تحيات - تحياتي لك) لأن التحيات تعريفها شرعا هي: البقاء والملك والعظمة وهذه صفات لا تصرف إلا لله .

وإن لاحظتم، ففي كل صلاة نقول في التشهد: التحيــات للـــه

إذن علينا أن نستبدل كلمة تحياتي بكلمة تحيتي أو مع التحية

- :قال الشيخ ابن عثيمين رحمه الله

ان التحيات جمع تحية، والتحية هي التعظيم، وقال أيضا: ولا أحد يحيّا على الإطلاق إلا الله، أما إذا حيّا إنسان إنسانا على سبيل الخصوص فلا بأس به فلو قلنا مثلا: لك تحياتي أو لك تحياتنا مع التحية فلا بأس بذلك، فالأولى أن يتقيد الإنسان في التحية باللفظ الذي جاءت به السنة عن النبي صلى الله عليه وسلم وهي: السلام عليكم ورحمة الله وبركاته، وهذه التحية هي التي شرعها الله عز وجل.

اخوانى و اخواتى اود ان انبه اننا جميعا لسنا نعرف الانجليزية
او بلاش نحن انا لا اعرف الانجليزية
عشان محدش يزعل منى لان
واضح ان فيه ناس متربصه حتى لكلمة غلط

[fagrmasr01]

فريد
هنا فى المنتدى كلنا أخوة وأحباب فى الله عز وجل
وعلمونا العقلاء ان الخلاف فى الرأى
لا يجوز أن يفسد للود قضية

كتبت انت وأيدك البعض فى وجهة نظرك
وكتبت انا وأيدنى البعض فى وجهة نظرى
وغيرنا من الاعضاء قال رأيه
أرجو الا تعتبره تربصاً او تصيداً للأخطاء
فالمنتدى هنا الجميع اخوة .. وقد أسسه أصحابه على المحبة الخالصة فى الله ورسوله صلى الله عليه وسلم
ويتميز مشرفوا المنتدى وجميع أعضاؤه بالخلق القويم

أما أننى حييتك فقد قلت بالنص أننى
اشكرك واحييك تحية طيبة مباركة من عند الله عز وجل واشكر لك اقتراحك .. وارجو منك التكرم بقبول مداخلتى بصدر رحب

وهذه التحية التى ترفضها منى حضرتك وتعيب على أننى استعملتها فلم أعلم انه قد إعترض عليها أحد قبلك

الاخ فريد
لك كل الحق ان تعترض على طريقتى فى تقديم التحية

وان كان يرضيك ... فسوف أتوقف عن النقاش وابداء رأيى
حتى لا يتكرر اتهامى بالتربص أو تصيد للأخطاء

[فريد]

السلام عليكم
ياجماعة انا مش زعلان من حد
ولا عاوز حد يزعل منى انا سف للجميع
و اعتذر لكل المنتدى
و لو فيه مشكلة انا ممكن انسحب بهدوء من المنتدى
الموضوع مش مستاهل اصلا
و انا لم اعلق الا على من كتبت ان كلمة تحيتى غلط
و اعتقد برضه انه حتى لو غلط ملهاش لزوم تعلق عليها
و الا عاوز يقول رايه يقولها بس من غير تجريح
و اعتقد ان ده حقى ان محدش يجرحنى

[fagrmasr01]

الاخ فريد
أكرر لحضرتك احترامنا الكامل وتقديرنا لمشاركتك ولرأيك

وأرجو ان تعيد قراءة ردى السابق
فأنت الذى أستدللت من كلام شيخنا ابن العيثمين على بطلان انى حييتك بتحية .. مع انها لم نسمع ببطلانها من قبل
تحية طيبة مباركة من عند الله عز وجل واشكر لك اقتراحك .. وارجو منك التكرم بقبول مداخلتى بصدر رحب

مع اننى لم أعلم انه قد إعترض عليها أحد قبلك

وبرغم هذا خاطبتك بكل ود وترحاب .. ولا زلت .. وسأستمر على احترامى لحضرتك ولكل الأعضاء
ولم ولن اسمح لنفسى ان اجرح احد مهما كان اعتراضه على كلماتى او خالفنى الرأى

والى هذا الحد فاننى ...
أرجو منك ان تعيد تقييم الموضوع برمته وأن تعيد قراءة الردود بهدوء

هنا فى المنتدى الجميع يرحبون بكل رأى
وكلنا هنا بفضل الله أخوة ..
فلا تعط الموضوع اكبر من حجمه

[اميرة حبى انا]

الحمد لله كلنا هنا فعلا اخوة ومش ممكن يكون فيه زعل باذن الله
انما هو تعبير عن وجهات نظر .... سواء من كاتب الكلمة او من الردود عليها
وربنا ميجيبش زعل يارب ابدا
انما هو توضيح لوجهات نظر قد تتفق وقد تختلف
والاختلاف فى الرأى لا يفسد للود قضية
باذن الله
ده رأى حضرتك يااستاذ جمال ومشكور عليه

[اميرة حبى انا]

الاخ فريد
لك كل الحق ان تعترض على طريقتى فى تقديم التحية

وان كان يرضيك ... فسوف أتوقف عن النقاش وابداء رأيى
حتى لا يتكرر اتهامى بالتربص أو تصيد للأخطاء

تانى رجعنا لما يحصل اختلاف نقول او تقول هتتوقف عن المشاركة

[اميرة حبى انا]

السلام عليكم
ياجماعة انا مش زعلان من حد
ولا عاوز حد يزعل منى انا سف للجميع
و اعتذر لكل المنتدى
و لو فيه مشكلة انا ممكن انسحب بهدوء من المنتدى
الموضوع مش مستاهل اصلا
و انا لم اعلق الا على من كتبت ان كلمة تحيتى غلط
و اعتقد برضه انه حتى لو غلط ملهاش لزوم تعلق عليها
و الا عاوز يقول رايه يقولها بس من غير تجريح
و اعتقد ان ده حقى ان محدش يجرحنى

استاذ فريد
محدش قال حضرتك زعلان ولو حد قالها هيبقى خوف على مشاعر حضرتك مش اكتر
وزى ماقلت فى البداية الخلاف فى الرأى لا يفسد للود قضية
ولعلمك محدش بيدخل منتدانا ده ويخرج منه ابدا
يبقى مينفعش مع اول خلاف تقول انسحب
وكلنا اخوات وياريت نتقبل كلام بعض بصدر رحب

[خلود]

السلام عليكم ورحمه الله وبركاته
ياجماعه صلوا على النبى كده ووحدوا الله


استاذ فريد ملوش لزوم موضوع الكلام عن الانسحاب ده من المنتدى لان مبدأنا هنا اللى يدخل منتدانا ميطلعش منه ابدا وبنتمسك بكل الاعضاء حتى لو خالفناهم فى الرأى
استاذ فريدانامعاك فى رأيك بالنسبه للاسماء احنا فى بلد عربى ولغتنا عربيه وبنتكلم فى منتدى عربى بلغه عربيه فى مواضيع عربيه بيديره مديرين مصرين 100%100


انت من حقك تتمسك برأيك وطلبت طلب او اقترحت اقتراح واللى عايز يقبله يقبله واللى مش عايز خلاص هو حر



جمال
ليه موضوع انك تتوقف عن النقاش الموضوع اصغر من ذلك ولا يستحق كل هذا النقاش


استاذ فريد


بجد احييك على موضوعك لكن تانى نقول الخلاف فى الرأى لا يفسد للود قضيه ومتتكلمش تانى عن موضوع انسحاب من المنتدى ده تانى


مرحبابيك وسطنا اخ وصديق ومشارك معنا فى باقى المواضيع

[اسامة22]

اية ياجماعة الي بيحصل دا
اسيبكم كام يوم اجي القي الدنيا شكلها كدا
جمال افندي
اية الحكاية عربي انجليزي
لا انجليزي لا عربي
اخت ليون في اية
الي عاوز يكتب اسمة بالانجليزي يكتب ولا عاوز
يكتب اسمة بالعربي يكتب
النقاش شكلة مش تمااااااااااااااااااام خالص
انتو كدا خليتو شكلنا امام المنتديات التانية وحش اوي
فريد مرحب بيك وبكل اقتراحاتك
وانت علي عينا وراسنا
وبكرة تعرف جمال افندي عمنا
والاخت ليون
معلشي يافريد لان جمال وليون
الدراسة الخاصة ليهم كانت في بريطانيا العظمي
ههههههههههههههه
طبعا انا بهزر ياجمال وياليون
انجليزي ياميرسي
بس بكرة لما تعرف ليون ساحرةالمنتدي مش هتزعل منها
وشيخ المنتدي وشاعرنا جمال افندي
وعلي فكرة انا بايد رايك واقتراحك
وانا هغير اسمي واكتبة بالهندي
وربنا يجعلة عامر
بهدي النفوس بس

[lionking]

معلشي يافريد لان جمال وليون
الدراسة الخاصة ليهم كانت في بريطانيا العظمي
ههههههههههههههه
طبعا انا بهزر ياجمال وياليون
انجليزي ياميرسي

ههههههههههههههههههههههه
حلوة منك اوى دى يا مغترب
:1 (3): :36_1_9[1]: :1 (3): :36_1_9[1]:

اولا مفيش خناقة ولا حاجة احنا كوووووولنا اخوات

هو خلاف بسيط فى وجهات النظر

وده مش معناه اننا متخانقين

وبعدين لما تحب تهدى النفوس تهديها بعيد عن هنا الله يخليك

:36_1_9[1]: :36_1_9[1]: :36_1_9[1]:

وخلص الكلام

وفى الاول والاخر

كل واحد ليه وجهة نظره وقناعته الشخصية ومحدش بيتحكم فى حد

مش كده يا فريد ولا ايه
بس اوعى تكون زعلان :1:

[فريد]

السلام عليكم
بارك الله فيكم جميعا
الموضوع انتهى
و اشكر الجميع و ان شاء الله لا يكون بيننا زعل
جزاكم الله خيرا