المساعد الشخصي الرقمي

مشاهدة النسخة كاملة : اسمعوا يا بنات!!!!!!!!!!!!!!!!



اميرة حبى انا
28-12-2008, 02:48 PM
كلمات بيقولوها الشباب للبنات ومن جواهم بيقولوا كلام تانى:
ها قولكوا بيقولولكوا اى ومن جواهم اى:-
اللى بين القوسين هو اللى جواة واللى من غير اقواس دا اللى على لسانة:
يا ريت فيه كلمه تعبر ع اللى انا حاسس به غير بحبك
(لانى فى الحقيقه مبحبكيش)


اول مره اقول كلمه بحبك لواحده
(وتصدقنى ودا لانك هبله طبعا)



انتى كنتى اجمل واحده فى الحفله امبارح
(بس ابقى اعملى عمليه تجميل فى ودانك ومناخيرك وبقك)



حنتجوز طبعا يا حبيبتى بس ادينى فرصه 6 شهور
(وبعدها مش هتشوفى وشى)



باحس دايما انى مسئول عنك
(فى الحاجات اللى متكلفش فلوس)



بتبقى حلوة اوى وانتى بتبكى
(بس فاهم دموعك كويس ومش هتجوزك)



انا مستاهلكيش
(وهتكتشفى بعدين الحقيقه دى بنفسك)



ازاى كنت عايش من غيرك قبل كده
(اكيد احسن من دلوقتى وع العموم قربت ارجع اعيش من غيرك تانى)



طول الليل بحلم بيكى
(اللهم احفظنا من الكوابيس)



كلمه منك واقاطع كل الناس
(الا ميمى وسوسو وتوتو و .....)






ماالقمر الا انعكاس لوجهك حبيبتي
( في الليالي المظلمة )




لما اشوفك يروح مني الكلام وانساه
( من الصدمة )




عنيكي احلى مافيكي
(لما تلبسي نظارة الشمس)


شفايفك زي الفراولة
( بتاعت الصوبات )


تتجوزيني ياحبيبتي
( يارب تقول لا )





وحشتيني ووحشني كلامك
( اللي زي الدبش )
دا اللى بيقولوا والتانى اللى فى قلبهم
بس يا ريت تاخدوا بالكم
http://www.6ocity.net/vb/images/smilies/New17.gif

محمد المصري
28-12-2008, 03:20 PM
والا يسعدنى ان اكون او من يرد على موضوعك

ثانيا :

هذا غير معقول

مع الحب الصادق

ولا يحدث ابدا

محمود التهامي
28-12-2008, 03:46 PM
ههههههههههههه

حب صادق قال

كان زمان ياعم قبل طوابير العيش والتوكتوك والقعده عالقهاوي

محمود عبد الله
28-12-2008, 05:57 PM
لما قريت الموضوع ده حسيت بالظلم الشديد حرام عليكى لسا فى ناس بتحب بجد
بالعكس بئا د البنات هما اللى قلوبهم ماتت خلاص و كل واحدة عايزة عريس جاهز و خلاص
لالا مش و خلاص هما عايزين الشاب يكون كويس و ظروفه كمان كويسة بس بيشوفو الظروف الاول

اميرة حبى انا
28-12-2008, 06:23 PM
مالكو اخذتو الموضوع على ان انتو اللى بتقولو الكلام ده ليه كده:confused:
يا سيدى انت وهو وهو مش كلكم
مافيش او مينفعش اى حاجة وحشة او حلوة نعممها
لان مش كله وحش:rolleyes:
ومش كله حلو:(
ومتشكرين على الردود يارجالة
الف شكر:)

اميرة حبى انا
28-12-2008, 06:34 PM
http://up1.m5zn.com/photo/2008/12/28/12/i8odtoeft.gif/gifhttp://up1.m5zn.com/photo/2008/12/28/12/i8odtoeft.gif/gifhttp://up1.m5zn.com/photo/2008/12/28/12/i8odtoeft.gif/gif

معلش بقى
نسيت
احلى شكر
واحلى كلام
لعمو المدير
عشان اول واحد يرد على الموضوع

http://up1.m5zn.com/photo/2008/12/28/12/mprfkzilv.gif/gif

خلود
28-12-2008, 06:48 PM
ههههههههههههه
عندك حق اميره وموضوع ظريف جدا وفعلا ضحكنى جدا
والشباب بقم بتوع حوارات وخلاص

اميرة حبى انا
28-12-2008, 06:53 PM
قوليلهم لحسن مش مصدقين

محمود التهامي
28-12-2008, 08:14 PM
لأ أنا مصدق ومصدق قوي كمان

عارفين ليه

عشان متجوز ومش بارسم على حد

هههههههههههههههههههههه

ههههههههههههههههههههههه

Messenger of Peace
09-03-2009, 04:08 AM
ههههههههههههههههه
انا اصلا مش جربت اكلم بنت
مافيش غير بنت كده كنت بسأل على مخلص مادة التنكولوحيا
وقالت معرفش
لية بقى الاحراج ده

habiby
09-03-2009, 06:10 PM
كده يعنى هتخلوا البنات متصدقناش تانى طب تعمل احنا ايه لما كل واحدة الواحد يكلمها كلمتين تقوم مغمضة ومفتحة . وعاوزاك تنقذنى . ولازم تروح لبابا .. والحقنى جابوا لى اربعتاشر عريس . وابن عمى وابن خالتى هايموتوا بعض عشانى. ولو رحت لهم بجد.. ابوها عاوز وعاوز وعاوز . واحنا نجيب منين

habiby
09-03-2009, 06:12 PM
تعرفو ياحضرات السادة والسكر الزيادة انا سميت نفسى حبيبى ليه؟ عشان مش لقيت حد يقولها لى
غير امى طبعا

اميرة حبى انا
09-03-2009, 08:10 PM
تعرفو ياحضرات السادة والسكر الزيادة انا سميت نفسى حبيبى ليه؟ عشان مش لقيت حد يقولها لى
غير امى طبعا

شفتوا الاكتفاء الذاتى سمى نفسه حبيبى عشان ملقاش حد يقولها
اهو الحل بسيط محدش يزعل بقى
ربنا يستر ومنلاقيش كله غير اسمه وتبقى حنفية حبيبى واتفتحت على المنتدى
هههههههههههههههههه
متزعلش انا بهزر طبعا بكرة ان شاء الله تلاقى اللى تقولهالك
وانت يامعاذ لسه بدرى على الكلام ده نذاكر الاول

بنت الجزائر
24-12-2010, 04:51 PM
شوفي ولله معاك حق بس مش كلهم زي بعض 90 بلمية كذابين 50 بلمية صادقين هههههههه