00 أمتى تعرف انك لازم توقف وتقول كده كفايه

[اسامة22]

ركزوا معايا كده عشان انا محتاج اجابه ايجابيه وواقعيه

امتى تقول كفاية كده ستوب
مش عايز استمر
امتى تحدد انك لازم تبعد عن حد
وامتى تعرف انك لازم تقرب
ازاى تحدد اللى قدامك لسه عايزك ولا خلاص مش عايز
ايه الحدود والمعايير
امتى اعرف انى شخص غير مرغوب فيه
امتى اقف
امتى امشى
ازاى اعرف ايه الصح دلوقتى عشان اعمله
القرب ولا البعد ؟!
امتى بتقول لنفسك
stop
كفاية
no more
ياريت حد يقولى ازاى اخرج من منطقة الحيرة دى
وازاى اكون متاكد ان اللى حواليا عايزنى معاهم
وانى مش بشكل ضغط عليهم
وبدل ما اشك انى كائن غير مرغوب فيه
وايه هى المساحه اللى لازم تكون بين الاصحاب
وامتى ادى اللى قدامى المساحه دى

وايه احساسك لما تكتشف انك كنت مجرد مرحلة فى حياة حد
وخلاص دورك انتهى
المسرح لازم يكون مستعد لاستقبال نجم المرحلة القادمة
اللى فى الغالب مش انت طبعا
والغريبة انك بتكون كنت فى حالك ومش عايز دور فى فيلم اى حد لكن اتطلبت بالاسم والفيلم وقف عليك ودخلته بدافع انسانى بحت
وتبدا بعد فترة تحب اهميتك فى حياة اللى قدامك وتحب خوفك وقلقك عليه
تحب الدفا والحنان اللى انت بتمثله عنده
ويبدا هو يحس بالاكتفاء وتبدا تحس انت انك بدل ما كنت نعمة فى حياتة بقيت بتشكل ضغط عليه هو خلاص مش محتاج ده منك فى المرحلة دى
ويبدا كل تصرف منك يبقى كتير
over
وتقف وتسأل نفسك يا خبر هو انا ازاى بقيت كده عنده
ما هو اللى دخلنى ياترى عملت ايه عشان يطلعنى انا هو نفس الشخص
وتكتشف اخيرا ان
game over
ويمشى ويسيب جوه قلبك وروحك علامة تفكرك دايما
ان عمرك ما تلعب دور فى فيلم حد غير فيلمك انت

مجرد فضفضه لا غير

[وردة الايمان]

موضوعك جميل جدا يا اسامه

وانا من رأيى اننا مش لازم نقول كفايه ابدا

وهنفضل متواجدين بأفكارنا ومع الناس اللى بنحبهم

صعب انك تقول stop لأن لو حصل نهاية لأى شىء بيكون وراها بداية اجمل وابقى

انا من رأيى ما فيش حاجه اسمها كفايه

لكن فيه استمرار .........ومشاركه ............وتواجد

[ahmedabdelziem]

لكن فيه استمرار .........ومشاركه ............وتواجد

وردتنا الجميله
لقد اختزلت كل يمكن من ردود بثلاث كلمات

[ام الاء]

طول ما ا حنا عايشين لابد ان يكون لنا دور فى الحياة
اى لابد من التواجد والمشاركة والاستمرارية

[خلود]

جميله الفضفضه بتاعتك يااسامه

وفعلا مينفعش نبعد ونقول كفايه ابدا

طول ما احنا عايشين وفين نبض مش لازم نيأس

[fagrmasr01]

إن كنت فهمت أنا سؤال الموضوع صح .. كما هو مكتوب :
وايه احساسك لما تكتشف انك كنت مجرد مرحلة فى حياة حد
وخلاص دورك انتهى
المسرح لازم يكون مستعد لاستقبال نجم المرحلة القادمة
اللى فى الغالب مش انت طبعا
والغريبة انك بتكون كنت فى حالك ومش عايز دور فى فيلم اى حد لكن اتطلبت بالاسم والفيلم وقف عليك ودخلته بدافع انسانى بحت
وتبدا بعد فترة تحب اهميتك فى حياة اللى قدامك وتحب خوفك وقلقك عليه
تحب الدفا والحنان اللى انت بتمثله عنده
ويبدا هو يحس بالاكتفاء وتبدا تحس انت انك بدل ما كنت نعمة فى حياتة بقيت بتشكل ضغط عليه هو خلاص مش محتاج ده منك فى المرحلة دى
ويبدا كل تصرف منك يبقى كتير
over


رأيى الشخصى ان هذه اللحظة هى نفسها يجب ان تكون لحظة التوقف .. والإبتعاد ... طالما ان وجودى أصبح عبئاً عليه .. او على الاقل تطفلاً