المساعد الشخصي الرقمي

مشاهدة النسخة كاملة : بحبك يا ريس ....


Messenger of Peace
08-05-2009, 10:24 AM
بسم الله الرحمن الرحيم
السلام عليكم ورحمة الله وبركاته



بعد ماتقرئو القصيدة قوليلي رايكم بجد



بحبك يا ريس

وحبك يا ريس *** معكنن عليــــه

مقطعلى قلبى *** مطلع عنيــــه

سيبونى فى حالى *** وبيا اللى بيه

دا كل اللى لية *** محرم عليه

عشان حاجة واحدة

عشــــــانك يا ريس

*********

بحبــــــــــك يا ريس

دى كلمة قالوها *** زمان من سنين

وكل اللى قالها *** مطـيـن بطـيـن

يا سارق فلوسنا *** يا كاتم نفوسنا

يا واكل عرقنا *** برجلك دايسنا

ولســـــه بحبك *** واحب اللى حبك

وباحلف هاحبك *** واحب اللى جابك

فى يوم اغبر علينا ريس

*********

مبارك يا ريس *** عليــــك البــــلد

لابنـــك وابنــــه *** وولد الولد

سوزانك سوزانا *** جمالك جمالنا

علاءك علائنا وبكرة وبعده وطول الامد

*********

غباءك يا ريس *** ملوش حل خالص

وسايق ف الهبل *** وكلامك هجايص

ولولاك يا ريس *** مكنشى دا حالى

وحال كل مصري *** مدروخ ولايـص

*********

قالوا العيشة حرة *** وهي العيشة مرة

ومش مـــر عادي

دا صبرك يا ريس *** ممرر بلادى

واسعار بترفع *** ماتنزلش مرة

وباين علينا *** هنطلع لبرة

رغيفك يا ريس *** بيصغر ما يكبر

وسعره يا ريس *** بيرفع ماينزل

سألنا دا ماله *** قالولنا الحديد

وايه العلاقة *** بسعره الجديد

تكونش يا ريس *** لغيت الدقيق

وبتطحن بداله *** برادة حديد؟

مهو انت اللى عارف *** وسامع وشايف

جمالك قشــطنا *** وعز اللى خاننا

وولـــع بلدنا *** برفع الحديد

*********

ماتصحى ياريس *** وصحى البلد

هنبقى يا ريس *** كمالة عدد

ف وسط العوالم *** وشعبى اللى هايم

وكبته اللى دايم *** وقرشه اللى عايم

هنبقى يا ريس *** كمالة عدد

واقولك واعيدلك *** لأنى بحبك

نصيحة فصيحة *** نصيحة مريحة

لبلدى وبلدك *** ماترحل يا ريس

ليه دايما متيس *** ودايما مهيس

مترحل بقى



وخد لي ف وشك *** جمالك . مش باغشك

علاءك .. سوزانك *** شريفك .. سرورك

نظيفك .. كمالك *** وعزك .. دا خانك



خدهم وانصرفوا *** أشـــتاتآ أشتوت

خدهم وانصرفوا *** لحسن حانموت

ارحل بقى

ارحل بقى



مترحل بقى

مترحل بقى

مترحل بقى








في رعاية الله
fagrmasr01
08-05-2009, 10:39 AM
دى مين الى كاتبها يا معاذ ؟
خلود
08-05-2009, 11:47 AM
لا تعليق:mad::mad::mad:
اميرة حبى انا
08-05-2009, 12:12 PM
ممكن الانسان يعبر عن رأيه بأسلوب احسن من كده
وغير كده
فلا تعليق
الباشا تلميذ
08-05-2009, 04:55 PM
لالالالالالالالاتعليق
سندريلا
08-05-2009, 06:17 PM
ههههههههههههههههههههههه
بجد تجنن يامعاذ تسلم ايدك
Messenger of Peace
08-05-2009, 07:05 PM
دى مين الى كاتبها يا معاذ ؟

منور يا استاذ جمال
الكاتب الاستاذ احمد نجم اكيد معروف
انتظرو البقية






لا تعليق:mad::mad::mad:



والله ان عازركم انا عارف انكم عازيين تقوللو اكثر من كده بس خاييفين علشان العيال:D
:cool:

للحديث بقية

انتظرو البقية
fagrmasr01
09-05-2009, 01:08 AM
انا مع انى اعارض
واقول رأيى بحرية

لكن من غير اى شيتيمة
او اساءة للأشخاص
ensana
09-05-2009, 01:15 AM
اى كان اللى كاتبها تسلم ايده
lionking
28-05-2009, 04:30 PM
:1 (6): :50 (3): :1 (6): :50 (3):

حلوة والله جداا يا معاذ

ربنا معاك :1 (14):
DMR
28-05-2009, 07:06 PM
هههههههههههههه
حلوة يا معاذ تسلم ايدك
اميرة حبى انا
29-05-2009, 10:49 AM
من حقى اعترض من غير مااغلط فى اى حد ايا كان
ومن حقى انا كمان اعترض على اعجاب الناس بالشتيمة
ده مجرد تسجيل اعتراض
قمر
18-06-2009, 06:31 PM
حلوة تسلم ايدك