المساعد الشخصي الرقمي

مشاهدة النسخة كاملة : بص ياادم وانتى ياحواء


خلود
08-05-2009, 01:52 AM
http://up.stop55.com/upfiles/BWa35513.gif

اخوانى واخواتى

انا هقولكم النهارده على فكره شفتها وعجبتنى وان شاء الله نطبقها هنا فى منتدانا

هنحط مواضيع خاصه بالسيدات فى قسم حواء ومواضيع خاصه بالرجال فى قسم ادم

هى هتكون مواضيع خاصه جدا مش اباحيه علشان محدش يفهمنى غلط

لكنها ممكن تكون استفسارت ومواضيع للمناقشه خاصه جدا

يعنى مواضيع خاصه بالنساء وهيتكتب قصادها خاص بالنساء فقط

وممنوع على الرجال حتى قراءتها والعكس بالعكس

وعلى الطرف الاخر احترام وتنفيذ انه ممنوع الدخول او قراءه مواضيع الطرف الاخر

ومن يخالف ذلك من الاعضاء سوء ادم او حواء سوف يتعرض للمخالفه والوقف والطرد

اكيد طبعا كلنا كأعضاء فى منتدانا الحبيب ده كبار و مش صغيرين

ومحدش هيخالف واكيد كلنا بنعمل فى صالح المنتدى
اميرة حبى انا
08-05-2009, 02:24 AM
واكيد مالوش لزمة حد يقرا حاجات خاصة بحد
الفكرة جميلة
وعلم وسينفذ باذن الله
ونرجو الالتزام
خلود
08-05-2009, 08:23 PM
شكرا ياميره ويلا بقى ياادم ويا حواء فين التفاعل الحقيقى

كل واحد يدخل على القسم بتاعه ويحط المواضيع والاسئله والاستفسارات الخاصه بكل منهم

واشكركم لتفاعلكم
fagrmasr01
08-05-2009, 11:28 PM
الفكرة طبعا حلوة
ربنا يسهل ومتعملش مشاكل
الرجاء متابعتها بدقة وباستمرار
علشان تنجح
لأنها مهمة وكويسة فعلا
خلود
08-05-2009, 11:34 PM
والله ياجمال لو كله التزم مش هتحصل مشاكل خالص

واظن اننا كلنا هنا والحمد لله مش صغيرين

بس يلا اعملوا مواضيع لكم بقى انتم ومالكوش دعوه بينا
M.Khalifa
10-05-2009, 04:04 PM
ليه التفتت الاسري اللي انت عملتيه ده ياخلود أنا مش موافق طبعا
وده مش معناه اني هادخل على موضوع السيدات
بس أنا مش موافق على الفكرة
وده رأيي وياريت ماتزعليش مني ياخلود
dalia
10-05-2009, 09:56 PM
ليه التفتت الاسري اللي انت عملتيه ده ياخلود أنا مش موافق طبعا

وده مش معناه اني هادخل على موضوع السيدات
بس أنا مش موافق على الفكرة

وده رأيي وياريت ماتزعليش مني ياخلود



انا معاك فى رايك
العالم كله اصبح عالم واحد بكل مشاكلة وهمومة
ومافيش خصوصية0 00 اذا كان الدين اباح ذلك ولا حرج فى الدين ولا العلم

انا رايى ان تطرح المشاكل عموماً كلِ فى قسمة ويشارك فيها الجميع حتى يستفيد منها الجميع
مشكورة خلود
خلود
11-05-2009, 12:14 AM
ليه التفتت الاسري اللي انت عملتيه ده

مش تفتت ولا حاجه يامحمد

يامحمد فيه مواضيع خاصه جدا واسئله تهم السيدات بس واستفسارات ومواضيع خاصه نعرضها للستات بس
ياخلود أنا مش موافق طبعا
انت حر يامحمد ومن حقك توافق او متوافقش
وده مش معناه اني هادخل على موضوع السيدات
اكيد عارفه انك مش هتدخل يامحمد
ده رأيي وياريت ماتزعليش مني ياخلود
ازعل ليه يامحمد
اقولك تانى ده رأيك وانت حر



e
خلود
11-05-2009, 12:18 AM
شكرا ياداليا على مرورك

بس لما تبقى مواضيع خاصه بالسيدات بس الرجل هيستفيد منها ايه

ولا فيه خصوصيه اكيد مش كل الدنيا مفتوحه اوى كده

وبرضو ده رأيى وياريت محدش يزعل منه
dalia
11-05-2009, 01:23 AM
شكرا ياداليا على مرورك



بس لما تبقى مواضيع خاصه بالسيدات بس الرجل هيستفيد منها ايه


ولا فيه خصوصيه اكيد مش كل الدنيا مفتوحه اوى كده


وبرضو ده رأيى وياريت محدش يزعل منه


ياحجة الرجالة الوقتى بتعرف حاجات الستات نفسها

ماتعرفهاش
يعنى مش فارقة معاهم
واخيراً الخلاف فى الراى لا يفسد للود قضية
خلود
11-05-2009, 11:52 PM
ههههههههههههه

طيب ياداليا

شكلنا هنقطع بعض هنا ولا ايه
الباشا تلميذ
12-05-2009, 12:08 AM
ليه التفتت الاسري اللي انت عملتيه ده ياخلود أنا مش موافق طبعا
وده مش معناه اني هادخل على موضوع السيدات
بس أنا مش موافق على الفكرة
وده رأيي وياريت ماتزعليش مني ياخلود



انا معاك فى رايك
العالم كله اصبح عالم واحد بكل مشاكلة وهمومة
ومافيش خصوصية0 00 اذا كان الدين اباح ذلك ولا حرج فى الدين ولا العلم

انا رايى ان تطرح المشاكل عموماً كلِ فى قسمة ويشارك فيها الجميع حتى يستفيد منها الجميع
مشكورة خلود



اوافقكم الرأى بعدم الموافقه لانه لايوجد ما يستدعى لحواء أو لادم بطرح مواضيع ذات سريه عاليه جدا
واقتراح طرح المشاكل فى كل قسم أو فى قسم النقاشات الجاده لاستفادة الجميع
وشكرا
اميرة حبى انا
12-05-2009, 12:33 AM
ياسادة ياكرام الحكاية مش حكاية مشاكل سرية او مواضيع سرية
الحكاية حكاية حاجات مش هتهم الا السيدات فقط
ايه اللى هتستفيدوه من كده او من اطلاعكم عليها
يعنى لما احط موضوع فيه صور قمصان نوم تشوفوه انتو ليه
لما نتكلم كلام لا يخص الا السيدات فقط وكلامى واضح
تشوفوه انتو ليه
لا اله الا الله
الحقيقة بقى موقفكم انتم اللى غريب جدا
ده فى بعض المنتديات عاملة لقسم حواء كلمة سر لا تعرفها الا السيدات والبنات
واحنا بنقول اقرأو كل المواضيع ماعدا المكتوب عليها خاص للسيدات فقط
ايه المشكلة فى كده
dalia
12-05-2009, 07:16 AM
خلاص اعملى باسورد لكل عضوة وامنعى الرجالة
بس على فكرة ممكن كمان راجل يسجل باسم ست ويدخل يشوف كل ممنوع عن الرجالة

يبقى يشوفوا بمزاجنا احسن من غصب عننا

ولعلمك لابد ان يكون المنتدى مكفى اعضائة بكل ما هو مميز وغير تقليدى علشان ما يدورش فى مكان تانى على اللى ناقصة
الفارس
12-05-2009, 07:42 PM
معلشى ممكن اشارك جاى متأخر

المفروض ان المنتدى مفتوح للجميع واحنا مش صغيرين وانتم كمان
ولو عايزين ندخل على حاجه خاصه بالسيدات النت مفتوح بكل مافيه

طيب احنا نعرف بعض مجموعه الاعضاء والمشرفين وهنقول الرجاله ماتدخلش
ازاى تضمنوا الضيوف ولا الى لسها هيسجلوا وبعدين المفروض ان تكون المواضيع الى هتتكتب تكون فى حدود معينه بحيث لو اى حد قرأها تعتبر عاديه .

والا زى ماقالت الاخت داليا تحطوا عليها باسورد بس ياريت ينفع وزى ماقالت الرجاله والشباب والدنيا كلها مفتوحه على النت .

طيب ممكن اقترح ليكى اقتراح
ممكن تعملوا القسم والى عايز يدخل ويكتب فيه يسجل بعضويه جديده بأسم جديد لو مش عايز حد يعرفه ولو عادى عنده يدخل بعضويته وبأسمه
دا مجرد اقتراح بس لو اتفتح ماينفعش تقولو لحد انت داخل ليه وبتعمل ايه هنا

على العموم دا مجرد رأى

وتحياتى للجميع
lionking
12-05-2009, 08:59 PM
بسم الله الرحمن الرحيم

ايه ده خناقة ولا ايه

اسيبكم يومين تعملوا كده فى بعض

طيب
منغير تهريج

انا شايفة ان الموضوع ده مينفعش خالص
لعدة اسباب
ان الراجل ممكن يسجل من الاول باسم واحدة ويتكلم معانا وبراحته خالص

وكمان انا شايفة ان المشاكل او الحكايات الخاصة اوى ده مش مكانها

وبعدين يا اميرة مين اللى قالك لما تحطى صورة قمصان نوم الرجالة مش هتتفرج

انتى لو حطيتى صورة قطة حلوة ولابسة مايوه كل الرجالة هتتفرج

وزى ما قال الجميع
لو عايزين يشوفوا اى حاجة هيشوفوها ع النت مش هنا

وبما اننا المتفاعلين مع بعض معديين سن الرشد والحمد لله
يبقى نخلى المناقشات والمواضيع والمشاكل فى قسم النقاش الجاد

للاستفادة

ومش لازم يعنى الحاجات الخاصة اوى هنا


وده مجرد رأى