هل تعدنى ألا تشهر سلاحك فى وجهى؟ وألا تقذف حجرك ناحيتى؟

[lionking]

استحملونى شوية لو سمحتم
عندما راقبت اوضاع مصر الحالية شعرت اننى معرضة للاصابة بنوبات متكررة من الجلطات وامراض العصر التى قد تودى بحياتى وبناءا عليه قررت ان افتح قلبى معكم
لنتشارك الحوار
شعرت فجاة بانى ساصاب بطوبة فى دماغى او مية نار على وجهى او حتى سنجة تعلم على وجهى او مطوة فى جنبى ..
عشان العنف السائد والبلطجة المستفحلة بلا رقيب..
كانوا زمان بيقولوا :: معاك قرش تعيش مرتاح
لكن دلوقتى بيقولوا :: معاك سلاح تعيش مرتاح


والله اوقات كثيرة افكر فى اقتناء كلب دوبرمان واتنين بادى جارد لكل فرد من افراد عائلتى ( للحماية من اى ضربة او زلطة مفاجئة )

السؤال او الموضوع اللى حسسنى بهذا الاحساس

عندما اراد المسيحيون التقرب الى الله ببناء كنيسة العمرانية وخالفوا شروط البناء او خالفوا الرسم هل هذا يتطلب نزول قوات امن وزلط وحجارة وناس تموت
وبرده اعضاء مجلش الشعب الكرام
هل احنا قلنالهم اريقوا كل هذه الدماء عشان تخدمونا والنبى

الموقفين مش محتاجين كل هذا العنف الدموى ابدا
هل فرض على الاقابط هذا المكان بعينه استرضاءا لله ولا هل فرض على العضو المنتخب قتل كل هذه البشر استرضاء للحكومة


عندما قررت المحافظة هدم المبنى الخدمى القبطى كانت تعبر عن رعونة موظفين يعملون لاثارة الفتنة....
ومرشحو البرلمان البلطجية لم يعبروا إلا عن فسادهم وعن برنامجهم الحقيقى
فى السرقة والعنف والاستفادة غير المشروعة من المجلس وحصانته.


الا تتفقوا معى ان هناك سحابة قاتمة آتية من بعيد ؟؟
اذا كانت حاسة الشم لديكم سليمة وبخير فسوف تشموا هذه الرائحة ؟؟
هل هناك من يضمن لى او لنفسه ان يسير غدا فى امان ؟؟ دون ان نصاب بمطوة او سنجة طائشة ؟؟

ايا كان ديننا
مسلم او مسيحى

المهم ان كلنا مصريين

هل سبق وعلى مر العصور ان حمل المصرى مطوه وضرب بها المصرى الذى صُور له انه عدوه اللدود ؟؟!!؟؟


تعالوا نشوف
اذا كنت انت مسيحى فانا مسلمة
هل يمكنك ان تعدنى ان تحافظ على هدوئك فى الايام القادمة ؟

هذا رجاء وطلب من مسلمين ومسيحين مصر

السحابة قادمة من بعيد فلا تدعوها تلوث سماءنا التى طالما كانت صافية

فلنجعل كل منا يتخيل انه مكان الاخر المسلم مكان المسيحى والعكس

فالاكيد ان كل منا لن يرضى بقتل ابناءه واهله

[مصطفى مامون]

لا اعدك بذلك فكل المؤشرات ترجح انها اما تكون حربا اهليه او انفصال والسحابه ستكون مطرا ولكن اسود

[وردة الايمان]

فعلا يا ليون انا شايفه ان فيه محاولات كتيره للتفرقه بين المسلمين والمسيحين

وحاسه ان فيه مؤامرة كبيره بتدبر مش عارفه نهايتها ايه

بس اتمنى ان الامان يستمر ويكون فيه وعى اكتر بين المسلمين والمسيحين علشان الفتنه دى تنتهى

[الرومنسى]

موضوع جميل ليون
لكن كل ما يحدث نحن مشاركون فيه
أذا كان بناء مسجد أو كنيسة سيحدث عليه كل البلبلة التى تزداد ام من المسيحيين أو المسلمين
اذا
فليترك كل مننا الدين الذى يعتنقة
كيف
ونحن منذ امد الدهر دئما ما نفتخر بأننا مصريين حتى فى ايام الفتن الطائفية كان شعارنا مصر أولا
انا مسلم ودينى ينص على عدم بناء كنيسه او تجديد كنيسه كما ذكر رسول الله صلى الله عليه وسلم
لكن
من فى مصر من المسلمين يعمل بذلك
اتعلمون لما
لان الشعار الاول هو مصر أولا
حق المواطنة لكل فرد
لذا
اى منا يقرأ خلف هذا اللغط من الكلام اشياء كثير
لما يحدث كل هذا
لحساب من
الم تكن هناك فى مصر شوارع كاملة لليهود يسكنون بجوار المسلمين والمسيحيين
الم يكن هناك معابد
حتى ديننا الحنيف وسبحانة عز وجل ذكر من فوق سبع سماوات
بعد بسم اله الرحمن الرحيم
(لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُواالْيَهُودَ وَالَّذِينَ أَشْرَكُوا)
لم يذكر فى الآيه المسيحيين
بل وان اخواننا المسيحيين يقرأون القرءان وبعض منهم يحفظونة
لذا فلصالح من كل هذا
مشروع الفتنة الطائفية موجود فى مصر من فترة طويلة
لا أعلم أغباء منا ان نسير ورأة مسلمين ومسيحيين
ام انة مقدر لنا ان نسير فى هذا الطريق
فقد أخذا هذا الموضوع الكثير من وقتى فى فترات مثيرة
حتى أنى وجدت ان فى أساس هذه المشكلة وجود الكنيست الاسرائيلى
او الموساد والى آى أية الاميركى فى الاساس
الاكثر من ذلك هل نعلم هذا
على حسب على ايضا نعلم
وما دمنا نعلم ماذا نريد كى نسير فى هذا الدرب
نحيا بهذا الخوف داخلنا
والبعض منا يموت فى اليوم مئات المرات
هل لجهلنا
أم كلمة العالم الثالث راسخة فينا
اسف على الطالة
لكن هذا الموضوع من الممكن ان يأخد عمر بأكملة كى نتكلم فيه

[lionking]

لا اعدك بذلك فكل المؤشرات ترجح انها اما تكون حربا اهليه او انفصال والسحابه ستكون مطرا ولكن اسود


فعلا كل المؤشرات بتقول كده يا مصطفى

لكن ايه الحل ؟؟

هنفضل نموت بعض كده لامتى؟؟؟

انا بحس ان اللى ورا الفتنة دى اقباط اللى مسميين نفسهم اقباط المهجر

والله اعلم

[lionking]

فعلا يا ليون انا شايفه ان فيه محاولات كتيره للتفرقه بين المسلمين والمسيحين

وحاسه ان فيه مؤامرة كبيره بتدبر مش عارفه نهايتها ايه

بس اتمنى ان الامان يستمر ويكون فيه وعى اكتر بين المسلمين والمسيحين علشان الفتنه دى تنتهى




كلنا بنتمنى التهدئة دى طبعا

وياريت نبدا بنفسنا يعنى بلاش نقفش ع البياع المسيحى وهما كمان مايقفشوش عاى المسلم وهكذا

احنا طول عمرنا عايشين مع بعض وكمان كان بينا يهود

احنا مصريين فى الاول وفى الاخر

واهم حاجة عندنا

بلدنا برغم كل ما نعانيه فيها ومنها

[lionking]

موضوع جميل ليون
لكن كل ما يحدث نحن مشاركون فيه
أذا كان بناء مسجد أو كنيسة سيحدث عليه كل البلبلة التى تزداد ام من المسيحيين أو المسلمين
اذا
فليترك كل مننا الدين الذى يعتنقة
كيف
ونحن منذ امد الدهر دئما ما نفتخر بأننا مصريين حتى فى ايام الفتن الطائفية كان شعارنا مصر أولا
انا مسلم ودينى ينص على عدم بناء كنيسه او تجديد كنيسه كما ذكر رسول الله صلى الله عليه وسلم
لكن
من فى مصر من المسلمين يعمل بذلك
اتعلمون لما
لان الشعار الاول هو مصر أولا
حق المواطنة لكل فرد
لذا
اى منا يقرأ خلف هذا اللغط من الكلام اشياء كثير
لما يحدث كل هذا
لحساب من
الم تكن هناك فى مصر شوارع كاملة لليهود يسكنون بجوار المسلمين والمسيحيين
الم يكن هناك معابد
حتى ديننا الحنيف وسبحانة عز وجل ذكر من فوق سبع سماوات
بعد بسم اله الرحمن الرحيم
(لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُواالْيَهُودَ وَالَّذِينَ أَشْرَكُوا)
لم يذكر فى الآيه المسيحيين
بل وان اخواننا المسيحيين يقرأون القرءان وبعض منهم يحفظونة
لذا فلصالح من كل هذا
مشروع الفتنة الطائفية موجود فى مصر من فترة طويلة
لا أعلم أغباء منا ان نسير ورأة مسلمين ومسيحيين
ام انة مقدر لنا ان نسير فى هذا الطريق
فقد أخذا هذا الموضوع الكثير من وقتى فى فترات مثيرة
حتى أنى وجدت ان فى أساس هذه المشكلة وجود الكنيست الاسرائيلى
او الموساد والى آى أية الاميركى فى الاساس
الاكثر من ذلك هل نعلم هذا
على حسب على ايضا نعلم
وما دمنا نعلم ماذا نريد كى نسير فى هذا الدرب
نحيا بهذا الخوف داخلنا
والبعض منا يموت فى اليوم مئات المرات
هل لجهلنا
أم كلمة العالم الثالث راسخة فينا
اسف على الطالة
لكن هذا الموضوع من الممكن ان يأخد عمر بأكملة كى نتكلم فيه





بالعكس اخى الفاضل كلامك مافيهوش اى اطالة

والموضوع فعلا محتاج مننا وقت وجهد ومحاولة للتفكر

وزى ما انت قلت كنا نتقاسم الشوارع مع المسيحين واليهود

انا اعتقد ان مبدا حق المواطنة كما ذكرت هو اللى مولع الناس كل واحد بيدور على اللى عايزه وحقه انه يكون ليه كذا وكذا

وكووووووولنا ناسيين سمعتنا وراميينها على جنب ومحدش فينا من كبيرنا لصغيرنا بيفكر فىيها خااااااااااالص

طبعا دى مصر
بلدنا

مش بقول كلام وطنى ولا شعارات وانا ضد ده اصلا

بس لو ما حبيناش البلد اللى احنا فيها عمرها ما هتحبنا

الحب طاقة بتخرج مننا واكيد ليها مردود راجع لينا وعلينا

وللحديث بقية ان شاء الله

[مصطفى مامون]

بصى ياليون انا هتكلم بصراحه ومن غير زعل دى حرية رأى
الانظمه السابقه فرضت على الاقباط القيود وتناست ان لهم الحقوق والواجبات بعد افتراضنا اننا دوله علمانيه بالتبعيه للدول الاوربيه وان حرية الرأى والعقيده مكفوله لكل مواطن ********الخ
لكن رحنا لا نهتم باعيادهم او نتواصل معهم فى حوار واعتبرناهم شرذمه مكروهه ومحتقره حتى اننا اعتقدنا ومنذ زمن انهم كارهو الاستحمام وان رائحتهم عفنه واللى هياكل من عندهم هيرجع ومشربش عصير من عند مسيحى واغسل ايدى بعد ما اسلم عليه وتناسينا انهم بشر ولهم حقوق على الاقل حق الجيره والمواطنه حتى وسائل اعلامنا نبذتهم وحتى كتبنا الدراسيه احتقرتهم والا قولوا لى
ماذنب طفل مسيحى ان يحفظ ايات قرأنيه كنصوص واجب عليه
وهل الانجيل كله محرف طبعا لا اذن هاتوا بعضا من تعاليم الميح السمحه واجعلوها نصوصا تحفظ للجميع اليس هووووو نبى كالرسول صلى الله عليه وسلم
او اجعلوا الدين فى كتب الدين ولكم دينكم ولى دين
اعلم تماما ان كلامى سيغضب البعض ولكنها وجهة نظر تحتمل النقاش والصواب والخطأ ولكنى اعتقد انه ان الاوان ان نرجع الى تعاليمنا الاسلاميه السمحه ونتحلى باخلاق الرسول او طالما جعلناها علمانيه فلتكن كذلك ولا نرقص على سلالم مكسوره
اسف للاطاله