صدااااااااع مش قاردة

[Miss Robe]

السلام عليكم

مساء الفل عليكو كلكو

في مشكلة عملالى كالو في دماغى من يوم ما سكنت اكتوبر

البلد جميلة مقدرش اقول عنها حاجة وهو ده سبب انى سكنت فيها
لكن سبحان الله الحلو ميكملش على رائ الشاعر

في كمية كلاب هنا بطريقة فظيعة لدرجةانى ساعات بخاف اعدى من الشارع منهم
الالما حد يعدينى

واتفرج بقةعلى بليل ساعة النوم محلالهمش الرغى والهوهوه الا باليل

ابقا خلاص هجنن

ومنسترين تحت العمارة تؤلش قاعدين فى كافتريا يا خواتى ولا على القهوة

ساعات لما بتنرفز خلاص مش قاردة اقول هخرج احدفهم بطوبة احسن

بس ياعينى اكمنى طيبة برجع اقول لا حراام


واعصر على نفسى 500 لمونة واقول خشى يا بنتى نامى الطيب احسن


ولما سئلت بابا على الظاهرة دى لانو عددهم كبير اووى ويكاد يكونو عاملين مستعمرة في اكتوبر
قالى دى بيبقو جايبينهم للحراسة ساعة اما يجو بينو العمارات ولما تخلص العمارة بخ بقة بيسيبوهم
في الشارع عادى

فا مش عارفة اية الحل للمشكلة دى بجد خنقانى جداا

[الفارس]

ربنا يعينك مس روبى ازعج أصوات هى اصوات الكلاب
معلشى كملى عصر الليمون مالهمش حل ربنا معاكى

[دعاء الكروان]

اختى الغالية روبى
عندما ترى الكلاب مهما كان عددها
تقولى هذا الدعاء وانتى
فى طريقك دون ان تشعرى بخوف
ولا تشعرى الكلاب انك خائفة
وامشى فى طريقك وانتى فى ذكر الله ومعية الله
وقولى**اعوذ بكلمات الله التامات من شر ما خلق**
وان شاء الله مش ها تلاقى حاجة
وربنا معاكى

[الطاوس الحزين]

بيارك الله فيك دعاء الكروان

هذا ما كنت اشيره على صاحبة المشكلة

[vertical.horizon]

يوجد هناك إدارة بيطرية للتخلص من الكلاب، طبعا لن يرد عليكي أحد هناك عشان مكبرين دماغهم. عندنا في الحي الثالث برضة كمية الكلاب لا بأس بيها، أنا عدتهم طلعوا حوالي 16 كلب وفي ست كلاب بييجو ويروحوا حسب مواعيدهم وشغلهم. طبعا كمية الإزعاج اللي بيعملوها غير طبيعية غير طبعا الأمراض اللي ممكن ينقلوها والوساخة اللي بيسببوها قرب حاويات الزبالة. الحل.....؟؟؟؟؟؟ انا فكرت إني أشتري عظم أو لحمة رخيصة وأغرقها بالسم. سم فيران واديها للكلاب.. بس خايف إن كدة يبقى حرام إني أموتها.. حد يدينا فتوى يا ترى يجوز ولا لأ. عشان ماهو الإدارة البيطرية بتموتهم على أي حال، يعني مش بتاخدهم عشان توديهم محو الأمية.

[ام العيال]

عن نفسى استحرم اسم الكلاب دى
لكن انا بجد بحس انهم بيدوا امان للمنطقه اللى فيها
لان لو حرامى هيعدى هيجروا وراه اكيد
خصوصا وان فيه مناطق كتيره مسكونه وممكن تكتر السرقات بسبب نقل سكان بعض العشوائيات لاكتوبر
سيبيهم حبيبتى
اهو عاملين جو

[sharabasy]

من متابعتي للموضوع ومواضيع اخري في المنتدي ان هناك مشكلتين في محافظة اكتوبر الكلاب والنظافة ياريت نحاول ايجاد حلول
ام اياد

[ام العيال]

عندك حق اختى ام اياد
والنظافه
وخصوصا بالسوق بالسادس

حقيقى الرائحه من الخارج فظيعه
لابد من حل جذرى

[vertical.horizon]

بالنسبة للكلاب وهي المشكلة الأولى، طبعا الكلاب دي ما تجريش ورا حرامية ولا أي حاجة دي كلاب مش مدربة "كلاب شوارع"، الكلاب المدربة هي بس اللي بتحمي وبتحمي أصحابها اللي هي متدربة عشان تحميهم، الكلاب اللي عندنا في الشارع بتنشر الأوساخ والإزعاج وبس يعني مالهاش لازمة في التوازن البيئي غير وجع الصداع بتاعنا. بالنسبة للأوساخ ومخلفات البناء ودي المشكلة التانية الحل إن الأهالي يشتركوا مع بعض وينضفوا الشارع. إحنا هنا اتفقنا إننا نجيب لودر عشان يشيل كل مخلفات البناء في الشارع بتاعنا وبعد كدة هانزرع الشارع كله شجر ونتفق مع الراجل بتاع الزبالة يعدي في الشارع مرتين عشان يشيل الحاجات اللي بتقع من الناس. إيه رأيكم؟