ابــــنـــــى مــــــتمرد جداااااا وعنيد

[lionking]

السلام عليكم ورحمة الله وبركاته

انا قررت انى اعرض مشكلتى اللى بجد تعبتنى يمكن الاقى حل او الاقى اى نصيحة ممكن تساعدنى

ابنى اللى عنده 9 سنوات

متمرد على كل حاااااااااااااااجة

ع النوم وع الصحيان .. ع المذاكرة .... على انه يسرح شعره ... متمرد على الوضوء والصلاة .... متمرد على النظافة ... متمرد على تغيير قناة التليفزيون عشان احنا نشوف اى حاجة فى الدنيا

باختصار متمرد على كل حاجة لازم تتعمل

وجنب التمرد ده بئه كمية عند رهيبة جدااا بحس انى بكلم نفسى او بكلم حيطة او يمكن الكلام مش بيوصله اصلا

بجد انا تعبت منه

جربت معاه كل الطرق بس بما انه اذكى منى عرف ان ده اخرى هزعق شوية وبعد كده هجرى احضنه واصالحه

يا جماعة ده متمرد ع الاكل كله يعنى مثلا :: نفسى يا ماما فى المكرونة بالباشاميل ....!!! من عنيا حبيبى واعملها تانى يوم .... يقوم يقولى مش عايز خلاص نفسى اتسدت دلوقتى .........طبعا انا اتشال واتهبد واصوت وازعق واعمل الشو بتاعى وهو ولا هو هنا ولا مدينى ودن اصلا

حد عنده اى حل اكيد فى حد مر بالموضوع ده ونجح فى انه يعالجه ياريت حد يقولى اعمل ايه ؟...؟؟؟...!!!!

[اميرة حبى انا]

شوفى يا ستى
موضوع الولاد ده موضوع حله صعب وبيستغرق للاسف الشديد سنين
كل واحدة فينا بتعانى مع ولادها معاناة مختلفة وصعبة
لكن انتى جيتى فى وقت عرفت فيه الحل بس يوم الجمعة اللى فاتت
الشيخ بعد صلاة الجمعة
قال الحل فى الصلاة والدعاء له بالهداية فقط لا غير
كمان قال لو فى حاجة مش حلوة بتحصل فى البيت تتمنع فورا
وقرأت مقال بيقول ان مش كل ما ابنك يقولك نفسى فى كذا تعمليه
اعمليه بس بعد اسبوع
وقوليلو فاكر لما طلبت منى مكرونة ادينى مش ناسية وعملتهالك اهو
بس مش تانى يوم ياليون
لانهم بجد بجد ما بيصدقوا ان طلباتهم بتبقى مجابة
وبجد بيتمردوا زى مابتقولى كده
اما بالنسبة للمذاكرة
فلا حول ولا قوة الا بالله
ربنا يعدى ايام وسنين الدراسة على خير ومعتقدش انها هتبقى غير بالعافية
مش عارفة ردى هيعجبك او هيعجبكوا ولا لأ
بس ده اللى انا شيفاه خصوصا ان ولادى اكبر من ابنك بس انا مخبيش عليكى
وخداها معاهم عافية شوية
ربنا يهدى ولادنا جميعا

[lionking]

اوكى يا اميرة

الاكل مقدور عليه اعمل الحاجة بعد اسبوع مش مشكلة

لكن النوم والصحيان

انتى عارفة ده زى ما يكون حالف ما ينام قبل واحدة بالليل

انا ف مرة قلت اسيبه اشوف هيتعب وينام امتى ؟؟؟ وده يوم من ايام الدراسة

ولقيت الوقت عمال يعدى الساعة بقت 11 وو 12 وو 1

والواد صاحى فى الاوضة مع ان النور مطفى والبيت نايم الا انا طبعا

وكل شوية يستفزنى

ماما ... نعم يا حبيبى

نمتى .؟؟؟
اه يا قلبى

طب ازاى نايمة وبتردى عليا

اقول فى سرى مش هرد عليه

وفضلنا كده اليوم ده لغاية 3 الفجر

بس عند منى بئه صحيته الساعة 6 عشان يروح المدرسة

وعاديكى ع اللى عمله وهو بيصحى

تفتكرى بئه المشكلة دى اعمل فيها ايه

ومنكم نستفيد

[اميرة حبى انا]

بصراحة ابنى عنده نفس المشكلة بينام متأخر مع انى بدخلهم سرايرهم من بدرى
وبيصحى بالعافية برضو
بس عمرى مافكرت انها مشكلة لانى انا برضو ولا بعرف انام بدرى وبصحى بدرى عشان المدرسة بتاعتهم بالعافية

[lionking]

لالالالالالالالالا
بس النوم متاخر غلط

واعتقد ان ابنك يا اميرة مش 9 سنوات صح

طب برده عايزين نشوف حل

[Aqua Kitty]

حاولى تتجاهليه شوية ياميس ليون
يعنى بينيله انك مش مهتمة بيه وحاولى تخليه يعتمد على نفسه
يعنى يقول لحضرتك عايز اشرب قوليله قوم هاتها لنفسك
الاول هيعاند بس لما يعطش اوى هيقوم يجيبها لنفسه
وحضرتك ممكن تفتحى اللينك ده انا عاملاه عشان حضرتك
http://www.vb.6ocity.net/showthread.php?t=26772&p=86306#post86306

[مصطفى مامون]

انا عندى اقتراح ممكن هيكون صعب بس سحرى العيال لغاية سن 12سنه تروح ملاجىء وبعد12 الى 18 تروح احداث تتطلع بسم الله تهذيب واصلاح

[اميرة حبى انا]

الله يسامحك يا شيخ
تعالى يا ليون
ردى الاخ بتاع الاحداث ده

[Aqua Kitty]

ربنا يخليهوملك يامصطفى
ههههههههههههههههههههه
احداث يامفترى

[lionking]

حاولى تتجاهليه شوية ياميس ليون
يعنى بينيله انك مش مهتمة بيه وحاولى تخليه يعتمد على نفسه
يعنى يقول لحضرتك عايز اشرب قوليله قوم هاتها لنفسك
الاول هيعاند بس لما يعطش اوى هيقوم يجيبها لنفسه
وحضرتك ممكن تفتحى اللينك ده انا عاملاه عشان حضرتك
http://www.vb.6ocity.net/showthread.php?t=26772&p=86306#post86306



والله حبيبتى جربت التجاهل بس للاسف بيجيب نتيجة عكسية تماما

العفاريت كلها تتنطط بئه ويكسر الدنيا اللى حواليه

ع العموم يا قمر هشوف الموضوع بتاعك حبيبتى يمكن اعرف استفيد

ميرسى يا كيتى

[lionking]

انا عندى اقتراح ممكن هيكون صعب بس سحرى العيال لغاية سن 12سنه تروح ملاجىء وبعد12 الى 18 تروح احداث تتطلع بسم الله تهذيب واصلاح



هههههههههههههههههههههههه
ونعم النصيحة

بس لا يا عم انا استحمله وهو كده ولا انه يبعد عنى فمتو ثانية

منك لله يا شيخ انت ايه اللى جابك هنا ....... خليك فى التوك توك بتاعك

[lionking]

الله يسامحك يا شيخ
تعالى يا ليون
ردى الاخ بتاع الاحداث ده




حسبى الله ونعم الوكيل

طب ده يترد عليه ازاااااااااى

انا صحته يخليه فى التوك توك احسن

[اسامة22]

انت داهية يامصطفي والله
هههههههههه

ليووووووووووون خدي الموقع دا وهو هيفيدك جدا جدا
وابقي ادعيلي دعوة حلوة كدا بلاش بخل
مااااااااااااشي



http://yassernasr.com/

[fagrmasr01]

موضوع مهم جدا بجد يا ليون
والكلام فيه مش هاينفع يكون من خلال نظريات صماء
انما نصيحتى من خلال تجربتى مع خمس ولاد وكمان حفيد .. عقبالك باذن الله .. ان لازم احنا اللى نعلم ولادنا أساليب التماشى مع متطلبات الحياة بهدوء ومن غير ما احنا نفسنا نتعصب
لان الوسطية مهمة جدا فى التعامل مع عيالنا علشان نطلع باذن الله جيل هادى او الى حدٍ ما مستقر نفسياً
هنا الولد .. بسم الله ماشاء الله عليه .. ذكى ولماح .. وبيجرب يكتشف حياته زى أى طفل فى سنه .. ربنا يحميه ويحرسه
واول تجاربه لازم تكون مع ماما طبعاً
لأن الولد هنا بيكون واثق من رحمة رد الفعل من الأم مهما أخطأ
وبالتالى بيجرب بقلب واثق من حنية رد الفعل مهما كان فى الظاهر جامد او قاسى

فى الحالة دى لازم نتعامل معاه بهدوء .. هدوء حقيقى وم مفتعل ولا تمثيل .. علشان بجد نزرع فيه القيمة والمبدأ طبعا وفى نفس الوقت منخليهوش يفقد الثقة فى حنان ماما اللى هو واثق انها بتحبه زى عينيها واكتر

واولى خطوات الاصلاح تبدأ بتحديد المشكلة ..
وأظنها هنا الدلع والخوف على الطفل شويتين زيادة .. ومشكلتنا مش ان الطفل استثمر الوضع القائم
.. انما مشكلتنا هى احنا ..
لأن احنا الوضع القائم
بهدوء وبراحة كدا ومن غير قمصة نرفض له طلب واتنين على اعتبار مثلا مثلا .. مكرونة بالبشاميل ليه ؟ ما احنا عندنا مثلا مكرونة عادية وبانيه .. او مثلا عندنا برضو مكرونة لكن باللحمة المفرومة
يعنى برضو مكرونة .. مش شرط بالبشاميل المرة دى يا حبيبى
ولو رفض تقوليله برضو بحنان الأم
ماما مش هتقدر تعمل البشاميل اليومين دول لان ماما مش قادرة.. لكن لو ابنى حبيبى يوررينى شطارته ويخلص على الموجود .. من عينيا هعمل له بالبشاميل بكرة من عينى
فيها رفض .. لكن من غير تحدى
وزى ما هو بيستثمر حب ماما وحنانها عليه
ماما تستثمر حب الابن ليها بهدوء
ولما ينفذ المطلوب يتكافئ بكلمة شكر مش بحلويات مثلا او نزود الدلع
علشان منزرعش فيه قيمة معاكسة انه كل ما يعمل شئ كويس لماما لازم ياخد الثمن

وباذن الله لى عودة
ان كان فى العمر بقية


وعلى سبيل المثال ..

[lionking]

انت داهية يامصطفي والله
هههههههههه

ليووووووووووون خدي الموقع دا وهو هيفيدك جدا جدا
وابقي ادعيلي دعوة حلوة كدا بلاش بخل
مااااااااااااشي



http://yassernasr.com/





ربنا يسهل يا اسامة انا هروح الموقع وهرد واقولكم النتيجة

وربنا يسهل ان شاء الله

[lionking]

كلامك معقول جدا يا جمال

هو الموضوع محتاج تركيز وهدوء فعلا

بس تفتكر الهدوء بس هو الحل


طب ده فى الاكل

فى المذاكر والنوم وكل حاجة

اعمل ايه

[ahmedabdelziem]

طيب هو مش ممكن
يكون فى حوار معاه
9 سنين يعنى عارف انه هو كده بيضايقك
مش يمكن شايف ان لى اخ وانت بتفضلى اخوه عنه
او يمكن محدش بيفكر يتكلم غير بالاوامر
صيغه الحوار والمناقشه فى السن ده افضل وخصوصا للاولاد

[ام الاء]

الحل انك تدعي له بالهداية ده اولا
ثانيا والاهم كل الاطفال وهم فى السن ده
بيكون ده تصرفهم متعرفيش دى طريقة
لشد الانتباه لهم ام شقاوة او بيقلدوا اصحابهم
اللى معاهم فى المدرسة
عشان انت متوتريش نفسك معاهم حاولى بقدر الامكان
انك تتجاهلى تصرفته وهى فترة هتمر ومش هطول
يعنى طولى بالك شوية

[فريد]

تتصورى نفس الكلام الا بسمعه لما اروح
بالحرف لكن هيه بنت
تقريبا نفس السن
و هيه متفوقة يعنى ترتيها التالت
كويس
بس كل الا قلتيه بالحرف بسمعه و احيانا اشوفها
و الغريبة ان كل الطرق لم تنفع لا بالذوق و الشدة و لا العقاب
و لا اى حاجة هو فيه ايه بالضبط
هما متمردين
و لا احنا مش فاهمين

[lionking]

طيب هو مش ممكن
يكون فى حوار معاه
9 سنين يعنى عارف انه هو كده بيضايقك
مش يمكن شايف ان لى اخ وانت بتفضلى اخوه عنه
او يمكن محدش بيفكر يتكلم غير بالاوامر
صيغه الحوار والمناقشه فى السن ده افضل وخصوصا للاولاد



والله حاولت

بس هو عنيد جدا والظاهر بيتكيف لما ينرفزنى

[lionking]

الحل انك تدعي له بالهداية ده اولا
ثانيا والاهم كل الاطفال وهم فى السن ده
بيكون ده تصرفهم متعرفيش دى طريقة
لشد الانتباه لهم ام شقاوة او بيقلدوا اصحابهم
اللى معاهم فى المدرسة
عشان انت متوتريش نفسك معاهم حاولى بقدر الامكان
انك تتجاهلى تصرفته وهى فترة هتمر ومش هطول
يعنى طولى بالك شوية



حاااااااااااااااااضر ام الاء

احاول اتجاهل لما اشوف

[lionking]

تتصورى نفس الكلام الا بسمعه لما اروح
بالحرف لكن هيه بنت
تقريبا نفس السن
و هيه متفوقة يعنى ترتيها التالت
كويس
بس كل الا قلتيه بالحرف بسمعه و احيانا اشوفها
و الغريبة ان كل الطرق لم تنفع لا بالذوق و الشدة و لا العقاب
و لا اى حاجة هو فيه ايه بالضبط
هما متمردين
و لا احنا مش فاهمين




تقريبا احنا اللى مش فاهمين يا فريد

[اسامة22]

نفس الكلام اللي قالك علية الاستاذ جمال هتلاقية في الموقع اللي اديتة ليكي
بتاع الدكتور ياسر نصر وبالتفصيل وموجود محاضرة لية عن الطفل العنيد كيفية التعامل معاه وتقويم سلوكة
ادخلي الموقع وانتي هتستفيدي الدكتور دا رهيب بجد ولة حلقات تليفزيونية
وعامل معسكرات صيفية للشباب ومخيمات ويطلعوا كشافة في رحلات وبيتعامل معاهم باسلوب علمي جميل
وبيكلم بطريقة سلسة جدا واحيانا بطريقة بلدي خالص
ادخلي بس وانتي هتستفيدي فعلا

[lionking]

انا فعلا شفت السايت اسامة وربنا يسهل باذن الله لما نشوووووووووووووف

الدكتور ده هيجيت نتيجة مع ابنى حبيبى ولا نووووووووووو

[fagrmasr01]

صدقينى يا ليون .. الولد مش صغير وفاهم هو بيعمل ايه .. وكمان عارف ازاى يشد اليه الانتباه .. ودا طبيعى جدا ... لانه عارف كويس اوى ايه هى ردود افعالكم انتوا على اللى بيعمله

لكن والله مش هو اللى محتاج يغير طريقته

لازم انتوا الى تغيروا طريقتكم معاه ف البيت

[nouran_111]

شوفى يا لون انا بنتى عمرها سنوات ومن صغرها مش بتعرف تنا قبل الفجر بالرغم من انى بفصل الكهربا عن البيت وبزعق زى ما انتى بتقولى وافتكر انها كانت بتروح الحضانة وهيه لسة نايمة كانت الدادة بتشلها وتاخدها نايمة

اتغير الموضوع شويةمع دخولها المدرسة وبقت بتصحى طبعا بعد تعب الاعصاب
انا متأكدة ان ابنك ذكى جدا واحساسه عالى قوى وبيعشق التأمل حاولى توصلي لحل وسط يعنى ينام ايام الدراسة بدرى وايام الاجازة يسهر براحته

[الرومنسى]

والله مغلبين نفسكوا على الفاضى
اللى تعبان يعمل زيي
انا ازهق من حاجة ارمى نفسى من على السجادة
ههههههههههه

[قموره]

ههههههههههه

تصدق فكره هايله جدا

تسلم وتعيش يارومانسى

[مصطفى مامون]

صدقونى ياجماعه العيال دى تروح ملاجىء اكله نضيفه وهدمه كويسه ويتعلم صنعه اومال حاجه تشرف اسمعوا الكلام الملاجىء تهذيب واصلاح
اللهم بلغت اللهم فاشهد

[مصطفى مامون]

وانا اعتقد حاله صعبه جدا واقترح ان تدهنى جسم ابنك بالهيموكلار فى اماكن التمرد ثلاثه مرات يوميا مع المحافظه على نعومه بشره الطفل بوضع حبات من الخل فى اماكن وجع التمرد وبالشفا انشاء الله

[مندوب مبيعات]

ماتكبريش الحكايه ابنك لسه صغير مايعرفش حاجه .بس اتعاملى معاه بطبيعتك عادى وحده وحده عليه