عشقت صورتك .. إلهامى

[fagrmasr01]

http://up3.m5zn.com/photo/2009/5/5/11/tnkpqr1af.gif/gif
شفتك كتير وحبيتك ، يا خيال وعايشة باحلامى
وعشقت جمالك وداريتك يا وهم الحب بأوهامى
واخلصت لحبك ولقلبك فى كل صحوتى ومنامى
العمر وهبته للقياكى ولهواكى نذرت لحبك أيامى


لحد ما يوم زلزلتينى وشفت صورتك ويا النجوم
حاولت اصعد للنجمة والمس رموشك بين الغيوم
قضيت كتير فى محاولاتى وعيونى مفارقها النوم
ومليتى بالدمع حياتى مش عارف اوصل لك يوم


واهلى وناسى نصحونى
انى ارحم قلبى وجفونى
وكتبوا قصايد ع العشاق
بأحزانى وبدمع عيونى


أتاريكى صورة ومرسومة بخيال فنان
إلهام بالحب وبالرقة فى مشاعر أنسان
رمز الهيام رمز الضنا .. رمز الحنان
ياعايشة فى كوكب تانى جوه الوجدان



عشقت الصورة ف بروازها جوه قزازها شايف حبى
أهيم بنظرتها السارحة ، وآهات جارحة جوة فى قلبى
وارسم لشفايفها فرحة واتخيل الفستان طرحة فى قربى
واصحى على حرارة دمعى ويذوب شمعى ويتوه دربى


وابص تانى للصورة .. وأعشقها جوه فى خيالى
ونفسى حزينة ومكسورة .. وتايهة نظرتى لأمالى
وانتى واقفة هناك ... وسط النجوم مش باصة لى
ياصورة بصى لأحزانى هنا فى مكانى رقى لحالى


منذ فترة لم أكتب ..
ولكن هذه الصورة من البومات الاخت أميرة حركت القلم .. فارتجلت ..
فلا تلوموا مشاعر خفقت .. لصورة



.

[دعاء الكروان]

كلمات فوق الروعة
جميلة جدا استاذ جمال
بس لية الفترة الاخيرة
ما كنتش بتكتب حاجة
تسلم ايدك ودايمافى تا لق
بارك الله فيك وادام عليك الصحة والعافية

[fagrmasr01]

يارب يخليكى يا دعاء الكروان
مرورك الطيب وتشجيعك الجميل بيسعدنى
انا بصراحة الفترة الى فاتت كنت باستمتع بابداعاتكم الجميلة وده الى كان مخلينى مش باكتب كتير لان ابداعاتكم فعلا رائعة وفيها مشاعر واحاسيس وتعبيرات قوية
الف شكر ليكى ... ربنا يخليكى
جمال

[lionking]

لحد ما يوم زلزلتينى وشفت صورتك ويا النجوم
حاولت اصعد للنجمة والمس رموشك بين الغيوم
قضيت كتير فى محاولاتى وعيونى مفارقها النوم
ومليتى بالدمع حياتى مش عارف اوصل لك يوم


واهلى وناسى نصحونى
انى ارحم قلبى وجفونى
وكتبوا قصايد ع العشاق
بأحزانى وبدمع عيونى



بجد يعنى

روعة اوى اوى
واحساسك فيها جميل
وبعدين اكتب يا فجر
عمر ما حد هيلومك
احنا بنستنى اشعارك وكتاباتك

[اميرة حبى انا]

http://www.krtoon.com/upfiles/BEz11171.gif
صدقنى مش لاقية اى كلام يعبر عن روعة كلمات
http://www.krtoon.com/upfiles/aT911171.gif

[ensana]

واهلى وناسى نصحونى
انى ارحم قلبى وجفونى
وكتبوا قصايد ع العشاق
بأحزانى وبدمع عيونى

أتاريكى صورة ومرسومة بخيال فنان
إلهام بالحب وبالرقة فى مشاعر أنسان
رمز الهيام رمز الضنا .. رمز الحنان
ياعايشة فى كوكب تانى جوه الوجدان

فكرت فنسجت فابدع خيالك بكلمات نثرتها على صفحات منتدانا
فسلم عقلك وقلمك وابداعك دائما لنا
بس مين الهامي ده :confused::confused:

[fagrmasr01]

ليون ... انتى عارفة قد ايه مرورك بيسعدنى
وتشجيعك بيطيب خاطرى.. ربنا يخليكى

أميرة.. مش عارف اشكرك ازاى .. بجد ربنا يكرمك

انسانة .. تقديرك وتشجيعك لهم طعم خاص .. ربنا يبارك لك

جزاكم الله عنى جميعا خير الجزاء
وأحسن اليكم
آمين

[ensana]

برضو مقولتش مين الهامي يا فجر :storm_1160919550103

اتكلم :storm_1680014788131 الاعتراااااااااااااااااااف مش هيفيييييييييييييد :103150307:

[fagrmasr01]

ياترى لو قلت مين هى الهامى .. هايحصل اييييه ؟

هههههههه

[lionking]

هههههههههههههه

انت لو قلت هتحصل بلاوووووووووووى

بس متخافش احنا هنحميك

كلنا معاك

:36_6_7[1]: :36_6_7[1]: :36_6_7[1]:

قول بس وخلى الباقى علينا

:36_6_7[1]: :36_6_7[1]:

[DMR]

بجد اكثر من روعة تسلم ايدك فجر مصر

[fagrmasr01]

ليون كنج
ربنا يخليكى ايها الملم الأسد والأسد الملك
حلوة اوى السيوف الى داخلة بيها الموضوع

قصدك يعنى تخلينى اتطمن واقول ؟؟
ههههههههههههههه

اقول يعنى ؟
والا وقتها هتقولى لى معلش معلش النت قطع والسيوف مش راضية تشتغل
ههههههههههههههه

بس بجد بجد .. شكرا للحماية يا ليون كنج ...
متشكرين اوى جدا خالص والله
كده الواحد يعرف يكتب وهو متطمن ..

[fagrmasr01]

دى دى
.. الف شكر ..
بجد مرورك وتشجيعك هم اللى اروع
فعلا .. بيسعدنى تشجيعك
ربنا يبارك فيكى ويكرمك
اللهم آمين