بحبك ياتوكتوك

[مصطفى مامون]

http://www.vb.6ocity.net/imgcache/10366.imgcache.gif (http://www.vb.6ocity.net/imgcache/10366.imgcache.gif)




بحبك ياتوكتوك لأنك بسيط



وبحس أنك انت عيل لقيط



لانمره مركب وصاحبك ما يسكت



ودايما محشش ولسانه سليط



عنده الجراءه **وله ف الحداءه



وف فن الشتيمه ** عامل شريط



ولا حد همك **ولا شىء يلمك



وسايأ دلالك ** وعامل عبيط



لا يهمك اشاره**ولا حتا جاره



تخش ف محل **او تلبس ف حيط



تسأط حوامل **وتعمل عمايل



لا نفعك مطب**ولا تعرف غويط



زبونك بيركب **أتفضل ياباشا



ولما بينزل**وداعه الشخيط



حاسب يافندى**خشى ياست



خد يابنى عنى **شوال ارنبيط



تشغل اغانى **لمطرب شوارع



ماتسمع ودانك ** غير السويط



مبقتش عارف **انت ياتوكتوك



نفعنا والا **هم وصديد

[مصطفى مامون]

محدش عايز يركب التوكتوك حد قال جاى والا استنا الدور الجاى ياحج اسامه

[محمود التهامي]

ايه دا يا مصطفى
دا محدش هيركب توكتوك بعد كدا

[مصطفى مامون]

محمود نورتنى بوجودك اللى اسعدنى كتير واؤمر انت بس وانا اجبهولك لحد البيت

[اسامة22]

والله زماااااااااان يادرش ياابو دم خفيف
ياشاعر يافنان
وحشتني
ومنور الدنيا
ابعتلي التوكتوك عاوز انزل اتعشي بمصر وارجع بسرعة
هههههههههه

[مصطفى مامون]

والله زماااااااااان يادرش ياابو دم خفيف
ياشاعر يافنان
وحشتني
ومنور الدنيا
ابعتلي التوكتوك عاوز انزل اتعشي بمصر وارجع بسرعة
هههههههههه

جاهز ياحج بزابورتك ف ايدك وقميصك ولابسه والتوكتوك وجاهز فاضل ايه هصفرلك تنزل اوك

[محمد المصري]

ابدعت فى كلماتك

تتسلم ايدك

[مصطفى مامون]

ابدعت فى كلماتك

تتسلم ايدك



شكرا محمد على مرورك الطيب

[Aqua Kitty]

يعنى اول قصيدة اشوفها ليك
تكون دى
ههههههههههههههههههههههههههه
لأ بس بجد جميلة
تسلم ايدك

[مصطفى مامون]

شكرا على الكلمات الجميله ولكن ليس كل اسشعارى كما رايتيها ولكنها فانتازيا اخترعتها من فكرى دام مرورك ودامت لى كلماتك

[الرومنسى]

شكلك يا عم مصطفى عاوز تكتك
وبتكرة الناس فيه
علشان هو يشتغل
ومحدش غير يبقى على الطريق
بط أعمل حسابى وتعالى نشارك بعض
بجد
اسلوب جميل
وفكرة اجمل
ربنا يوفقك
شكرا على الابداع

[مصطفى مامون]

شكرا رومانس ولكن بلغة الشاعر التوكتوك دا ماهو الا اسقاط على شىء اخر وبجد بجد انا سعيد بك كأخ وشاعر وصديق ويشرفنى انك تاخد لفه بالتوكتوك

[خلود]

ياعم يابتاع التوك توك

خلى بالك اللجنه واقفه على اول الشارع مش مرخص3
ههههههههههههه

جميله اوى يامصطفى

دايما افكارك رائعه واسقاطاتك هايله

[مصطفى مامون]

ياعم يابتاع التوك توك

خلى بالك اللجنه واقفه على اول الشارع مش مرخص3
ههههههههههههه

جميله اوى يامصطفى

دايما افكارك رائعه واسقاطاتك هايله


انتى بس اركنى شوال الارنبيط على جنب
شكرا مرورك الجميل يامديرتنا ياغاليه

[اميرة حبى انا]

انا عايزة توصيلة صغنونة
بس ممكن تودينى بالتوكتوك على اول المنتدى كده مش اوله اوى يعنى ناصية قسم النقاشات
معلش يا مصطفى تعبت من المشى

[مصطفى مامون]

انا عايزة توصيلة صغنونة
بس ممكن تودينى بالتوكتوك على اول المنتدى كده مش اوله اوى يعنى ناصية قسم النقاشات
معلش يا مصطفى تعبت من المشى
صباحك فل يااميره اهى دى الزباين اللى تفرح مش خلود جايبه قرنبيط وعايزه تحطه فى التوكتوك
بس مش هقدر ادخل بيكى المناقشات لحسن فيه كمين عمله الشاويش اسامه وبعدين كله مطبات وحفر هنزلك الابداعات وانتى اتمشى الشويه دول





نورتى الموضوع اميره

[اميرة حبى انا]

ماشى اهو اى حاجة قريبة
وبعدين قرنبيط ايه ده
متوصلهاش انا مش بحب القرنبيط

[خلود]

اه يامصطفى يامفترى

ده انا عمرى ما جبته ولا هو بيحبنى خالص

امشى اطلع بره يامصطفى بالتوك توك بتاعك ده

وانتى يااميره بتبعينى من ول محطه
ماشى ياحاجه

[مصطفى مامون]

اه يامصطفى يامفترى

ده انا عمرى ما جبته ولا هو بيحبنى خالص

امشى اطلع بره يامصطفى بالتوك توك بتاعك ده

وانتى يااميره بتبعينى من ول محطه
ماشى ياحاجه


هتعملى فيها بريئه ومتعرفيش حاجه عن التوكتوك انتى ناسيه ان التوكتوك دا بتاعك وانا يادوب سواق عليه واشترتيه عشان تتنقلى بين الاقسام فى المنتدى

[فريد]

يانهار مش فايت
التوك توك ده بتاع خلود
ييعنى توكتوك و كمان محل مباخر
يلا الضرايب هاتتبسط

بصراحة عجبنى قوى التوك توك ده يادرش
و انت كتبها برشاقة و لباقة و لياقة
انت ساكن فين
عشان نضرب صحابيه سوى
و اهو كله مصالح
هههههههههههههههه
اخوك فريد جديد هنا

[اسامة22]

شاويش ياواااااااااااااااااد ياصاحبي
عقيد لو سمحت
وطالما طلع التوكتوك بتاع خلود
خلاص مش هسحب الرخص منك
وبعدين هي اشتكت منك بتخنصر من الايراد بحجة
شوية تقولها بغير زيت وزيت فرامل
ومصاريف كتير
شوف شغلك ياافندي
هههههههه

[مصطفى مامون]

يانهار مش فايت
التوك توك ده بتاع خلود
ييعنى توكتوك و كمان محل مباخر
يلا الضرايب هاتتبسط

بصراحة عجبنى قوى التوك توك ده يادرش
و انت كتبها برشاقة و لباقة و لياقة
انت ساكن فين
عشان نضرب صحابيه سوى
و اهو كله مصالح
هههههههههههههههه
اخوك فريد جديد هنا

طبعا دا شىء افتخر بيه صداقتك يافريد لكن بالنسبه للتوكتوك انا رجعته لصاحبته هى تتصرف فيه اللى يصاحبنى يقضيها معايا موتورجل يعنى تتمشى يافريد ها هتكمل والا هتخلع ههههههههههههههههههههههههههه

[فريد]

طبعا دا شىء افتخر بيه صداقتك يافريد لكن بالنسبه للتوكتوك انا رجعته لصاحبته هى تتصرف فيه اللى يصاحبنى يقضيها معايا موتورجل يعنى تتمشى يافريد ها هتكمل والا هتخلع ههههههههههههههههههههههههههه

عيب الكلام ده يارجل
احنا بنشترى رجالة يادرش
طبعا هاخلع
اروح اشوف خلود بقى
ههههههههههههههههههههههه