هى حكومة منحوسة ولا مــــــــــــــــــ......

[lionking]

هي حكومه "منحوسه" ولا " موكوسه "
(http://zizoahmed85.jeeran.com/archive/2009/2/804004.html)بصراحه يا جماعه مش عارف أقول أيه ولا أحكي على أيه



بس من أول ما الحكومه " الجينيوس " دي شرفت

و الكوارث مش ملاحقين عليها ما شاء الله بالكوم
أنفلونزا الطيور

طببببببببببعا دي بقى بتاعتنا

و مين يقدر يسبقنا في تربية الفراخ و الطيور

احنا اساتذه من زمان و أنفلونزا الطيور دي اخرها يومين و تمشي

طلعت التصريحات بالطمأنه و الطبطبه و مفيش حاجه ما تقلقوش

و فجأة
حاله

ماتت

حالتين

ماتوا

3

4

5

و هلم جرجرينه

و طلعت التصريحات تاني

ماتقلقوش خالص:eek:

دي حالات فرديه و الأنفلونزا اخرها برشامتين و هاتطلع من مصر اخر السنه

باعتبار أنها دور برد

المهم

اخر التصريحات كانت ان الانفلونزا مش هاتطلع قبل 10 سنين

و طبعا الحالات شغاله على ودنو وعاااااااادي

خلااااااااااص كلو بيتنسي في الزحمة

طيب بلاش دي

حوادث تصادم القطارات

التصريحات

مفيش أي مشاكل
القطر لسة خارج من الصيانة
هما كام مصاب و كام قتيل

و الوضع تحت المسطره
و هوبا هوبا
الموضوع خلص
و نسييييييييناه
و كمان

الدويقه

لأ بقى لأ

الدويقه

معروف من زمان

منازل عشوائيه

مبنيه على منحدرات صخريه

يعني ما ينفعش

طبعا التصريحات طلعت

لالالا دي مساكن عشوائيه

و في خطه قويه من المحافظه

لمكافحه الكلام ده و القضاء عليه

المهم الناس فرحت

عاصمه بلا عشوائيات

قولنا تمام

هووووووووبا هوووووبا

كارثه

الناس وقعت

بيوووووووووت اتدمرت مع الانهيار الصخري


الحكومه طلعت يومها

التصريحات

كالعاده

الوضع تحت المسطره:eek:

و ماتقلقوش
اخر اليوم عمليات الانقاذ هاتنتهي
وكلوا هايبقى تمام

و الناس مش هاتبات في الشارع اللي نجوا طبعا

و أقولكم

بكررررررررررررره ننننننننسى


طبعا في حاجات تانيه كتييييييييييييييييييير أوي مش عايزين نتكلم فيها من اختلاسات و اضرابات و اعتصامات و حاجات كتييييييييييييير أوي

بس السؤال بقى

هي حكومه منحوسه ولا حكومه موكوسه

[خلود]

يابنتى ربى عيالك واسكتى بقى شويه

حرام عليكى ههههههههههههه

بس موضوع جميل بس هى مش حكومه موكوسه ولا منحوسه

دى حكومه فى غيبوبه

انا مقلتش حاجه وهبعد عن البت دى ولا اعرفها خااااااااااااااااااااااااااالص

[fagrmasr01]

وأتشرف ان اضم تعليقى ليكتمل الثلاثى

ليون معاكيش حق بئه فى اللى قلتيه
مش معنى اننا عندنا كام وزارة منحوسة يعنى قوم تقولوا الكلام دا كله .. وبصى يا ست الستات
* انفلونزة الفراخ والخنازير والحاجات دى ... لالالا .. دى بئه قدر
* الحوادث اللى بالهبل فى سكك حديد مصر... لالالا دا هى دى النصيب .. ومحدش بيهرب من نصيبه
* انما بئه الانهيارات اللى بالكوم.. والكام ميت اللى راحوا... لالالا عيب عليكوا تجيبوا ف سيرة حد مات
* وبئه قوم اييه ... الكام حريقة اللى شعللوا ف الشورى وقصور الثقافة برضه لا.. لأ لأ بجد ملكوش اى حق تزعلوا. دى ملك الحكومة واحنا بئه أحرار فى أملاكنا .. وبرضه ملكوش حق تتكلموا فى املاك مش بتاعتكوا
* انما بئه شوية السفن اللى بتغرق .. اهى دى مخصوصاً بئه .. قطاع خاص .. وصاحب الشركة ذات نفسه مزعلش وبيتفسح ف بلاد بره.. قوم بئه انتوا زعلانين ازاى .. يعنى هاتزعلوا اكتر من صاحب المال ؟
* اما بئه شوية الشبان اللى زى الفل اللى بيغرقوا وهم فى الطريق الى اوربا فى البحر.. دول مجموعات شباب جروبات يعنى .. وأكيد أكيد كانوا فى رحلة ترفيهية.. محدش يصدق الاشاعات الى بيقولوها القلة المندسة بتاعة البطالة وان العيال طهقت وزهقت وكانت بتهرب مهاجرة
* اخر حاجة الشباب اللى بيتجمعوا جوه مصنع او قدام نقابة من اياهم.. دوووول تجمعات اجتماعية ..
وحتى دول لم تقصر معهم الحكومة وبتبعت لهم الوفات من قوات الامن المركزى والنتشار السريع والمباحث وأمن الدولة .. وكلهم بكامل العتاد.. زى ماتقولوا كده.. تشريفة

ياريت يعنى بئه يا شعبنا العزيز متتدخلوش فى اللى مالكوش فيه .. مش ناقصين صداع ووجع دماغ
وهانغيظكوا ومش هانقول لكوا روحوا كلوا عيش .. لان لو قلنا كده .. هاترجعوا تصدعونا تاااانى وتقولوا لنا
قال ايه .. مفيش عيش

قال يعنى مش فاضل كمان غير ان الحكومة تخبز لكوا وتوكلكوا

شعب متدلع صحيح

[ensana]

انا معخلود
يا بنتى انتى عندك عيال بلاش الكلام ده
خديني معاكي ونبي يا خلود انا جيت ابص بس مش اكلم ولا اقول اى حاجه تانيه
وبلاش انا بذات اكلم عشان لو اكلمت
باقى المنتدي هيجي يزورنا احنا الاتنين لا ده احنا الاربعه ويجبولنا عيش وحلاوه
ده لو عرفو طرقنا اصلا
انا معاك حق يا استاذ جمال البلد بخير وكله تمام احنا بس اللى حبين نحشر نفسنا فى حجات متخصناش
روحي شوفى الاكل اللى هيتحرق يا ليون

[اميرة حبى انا]

لا تعلــــــــــــــــــــيق

[lionking]

:mad: :mad: :mad: :mad:

ايه ده بقى كلكوا عليا ولا ايه

ايه يا جدعان شوية تخاريف هتحاسبوتى عليهم

ماشى يا فجر مصر

كلامك صح وتماااااااااااااااااااااااااام


والحكومة حلوة والناس مبسوطة :D:D:D

وانا اللى حشرية

وانسانة كلامها فى الجوووووووول:eek:

واجدع رد بقى

اميييييييييييييرة

نيجى لخلود

والله يا ستى عايزة اربى العيال

دى مجرد تخاريف انتى عارفة بقى ايام امتحانات وايام مفترجة والواحد صايم والدنيا حر والجو ده بقى

كملى انتى بقى

يالا تصبحوا على خير