RSS
05-12-2010, 01:30 PM
اول النت ماجه :
يـــــــــــــاه .. أخيييييييييراً..
النت اتظبط بعد ما كان هييجننى امبارح والحمد لله السرعه بقت تمام وزى الفل اهى :marsa117:
Speed: 100.0 Mbps
فتحت جوجل ..يااااااااااااااه..وحشنى قوى..بقالى أكتر من 25 ساعة قاعد على الكومبيوتر ما فتحتهوش..
دخلت جرى على الفيس بوك..وكتبت الباسوورد غلط مرتين من فرحتى..
و قبل ما الصفحة تحمل..فجأة طلعلى إعتراض أول مرة أشوفه..بيطلب فيه يعمل ريستارت..
إضطريت أنفذ طلبه ، قلت أقوم أعمل كوباية شاى عقبال ما يخلص..
دخلت المطبخ ما لاقيتش شاى..نزلت أجيب باكو ليبتون خرز – شجع منتج بلدك – و رجعت ، كان الجهاز (رستر) وبقى زى الفل..
دخلت ع الفيس بسرعة وكتبت الباسوورد – صح من أول مرة – و سبته يحمّل ورحت أعمل الشاى
زبطت الكوباية فى الخمسينة ، ورجعت للحبايب ع الفيس..
بس لقيت الفيس ما حمّلش..
دخلت على جوجل..يدخل ، أدخل على الفيس..يقطع
قلت :لأ..دى مؤامرة بقى!
وخبطت على المكتب بقبضة يدى زى الأفلام العربى ، بس كوباية الشاى ما بتشوفش أفلام ، فوقعت على الأرض وإنكسرت..و تناثرت قطع الزجاج و قطرات الشاى (المتكلف) فى كل حتة..
"هى كانت ناقصة فعلاً "..قلتها وقمت أجيب المقشّة و حتة قماشة وميّه بصابون..
ده الشاى غرّق السجادة والبلاط وتحت السريـ.. إيه ده؟
مددت يدى تحت السرير فوجدت أجندة من سنة 2004..فتحتها ، لقيت فيها أغلى ورق كتبته فى حياتى
قصائد وطنية..مدح فى حضرة النبى "صلى الله عليه وسلم"..أبيات غزل غرامية.. نوادر عربية..خواطر من أيام الثانوية..يومياتى فى المصيف..
قعدت أفتكر كل الأيام دى..الثانوية..بنت الجيران.. مسابقات المدرسة..
وأنا بفتكر..دوست بكوعى على زرار الريستارت..الجهاز رستر وعرّف الكروت.. وأنا سرحان
و فجأة سألت نفسى سؤال.. ومن الآخر هوه ده السؤال اللى جاى النهارده أسأله ليكم:
إحنا ليه سيبنا الحاجات اللى كانت بتفرحنا زمان؟..و اكتفينا بإننا نفتكرها ونتنهّد ونقول: إيييييييه..كانت أيام!
ليه كل ما يظهر جديد..ننسى القديم..وكل السعادة اللى إداهالنا؟
مش معنى كده إننا ما نتقدّمش..بس على الأقل نخلّى لسعادتنا تاريخ..مش كل شوية ننسلخ منها زى جلد التعابين.
ياللى ساب الرسم عشان دخل تجارة..
وإنتى ياللى ما بقيتيش تلعبى بالمكعبات عشان لعب عيال..
(على فكرة ، بيل جيتس ما يستغناش عن علبة مكعباته القديمة فى مكتبه)..
وياللى سابت الشعر عشان فى آداب جغرافيا..
و ياللى بطل يلعب ماريو من أول ما طلعت فيفا..
وياللى بقى كتلة ترهلات علشان ما قبلش فى تربية رياضية..
إعمل لسعادتك ريستارت..إرجع لحب زمان اللى عيشك أحلى ذكرياتك..
حبوا بكره..بحب إمبارح..
إكتبوا تعليقاتكم وقولولى إيه الحاجات اللى كنتم بتعشقوها وانتوا صغيرين..وبطلتوا تعملوها..وحاولوا ترجعولها
و بالنسبة للكومبيوتر بتاعى ..أنا حأغير الويندوز..وحأطلع الأتارى..:wizard:
يـــــــــــــاه .. أخيييييييييراً..
النت اتظبط بعد ما كان هييجننى امبارح والحمد لله السرعه بقت تمام وزى الفل اهى :marsa117:
Speed: 100.0 Mbps
فتحت جوجل ..يااااااااااااااه..وحشنى قوى..بقالى أكتر من 25 ساعة قاعد على الكومبيوتر ما فتحتهوش..
دخلت جرى على الفيس بوك..وكتبت الباسوورد غلط مرتين من فرحتى..
و قبل ما الصفحة تحمل..فجأة طلعلى إعتراض أول مرة أشوفه..بيطلب فيه يعمل ريستارت..
إضطريت أنفذ طلبه ، قلت أقوم أعمل كوباية شاى عقبال ما يخلص..
دخلت المطبخ ما لاقيتش شاى..نزلت أجيب باكو ليبتون خرز – شجع منتج بلدك – و رجعت ، كان الجهاز (رستر) وبقى زى الفل..
دخلت ع الفيس بسرعة وكتبت الباسوورد – صح من أول مرة – و سبته يحمّل ورحت أعمل الشاى
زبطت الكوباية فى الخمسينة ، ورجعت للحبايب ع الفيس..
بس لقيت الفيس ما حمّلش..
دخلت على جوجل..يدخل ، أدخل على الفيس..يقطع
قلت :لأ..دى مؤامرة بقى!
وخبطت على المكتب بقبضة يدى زى الأفلام العربى ، بس كوباية الشاى ما بتشوفش أفلام ، فوقعت على الأرض وإنكسرت..و تناثرت قطع الزجاج و قطرات الشاى (المتكلف) فى كل حتة..
"هى كانت ناقصة فعلاً "..قلتها وقمت أجيب المقشّة و حتة قماشة وميّه بصابون..
ده الشاى غرّق السجادة والبلاط وتحت السريـ.. إيه ده؟
مددت يدى تحت السرير فوجدت أجندة من سنة 2004..فتحتها ، لقيت فيها أغلى ورق كتبته فى حياتى
قصائد وطنية..مدح فى حضرة النبى "صلى الله عليه وسلم"..أبيات غزل غرامية.. نوادر عربية..خواطر من أيام الثانوية..يومياتى فى المصيف..
قعدت أفتكر كل الأيام دى..الثانوية..بنت الجيران.. مسابقات المدرسة..
وأنا بفتكر..دوست بكوعى على زرار الريستارت..الجهاز رستر وعرّف الكروت.. وأنا سرحان
و فجأة سألت نفسى سؤال.. ومن الآخر هوه ده السؤال اللى جاى النهارده أسأله ليكم:
إحنا ليه سيبنا الحاجات اللى كانت بتفرحنا زمان؟..و اكتفينا بإننا نفتكرها ونتنهّد ونقول: إيييييييه..كانت أيام!
ليه كل ما يظهر جديد..ننسى القديم..وكل السعادة اللى إداهالنا؟
مش معنى كده إننا ما نتقدّمش..بس على الأقل نخلّى لسعادتنا تاريخ..مش كل شوية ننسلخ منها زى جلد التعابين.
ياللى ساب الرسم عشان دخل تجارة..
وإنتى ياللى ما بقيتيش تلعبى بالمكعبات عشان لعب عيال..
(على فكرة ، بيل جيتس ما يستغناش عن علبة مكعباته القديمة فى مكتبه)..
وياللى سابت الشعر عشان فى آداب جغرافيا..
و ياللى بطل يلعب ماريو من أول ما طلعت فيفا..
وياللى بقى كتلة ترهلات علشان ما قبلش فى تربية رياضية..
إعمل لسعادتك ريستارت..إرجع لحب زمان اللى عيشك أحلى ذكرياتك..
حبوا بكره..بحب إمبارح..
إكتبوا تعليقاتكم وقولولى إيه الحاجات اللى كنتم بتعشقوها وانتوا صغيرين..وبطلتوا تعملوها..وحاولوا ترجعولها
و بالنسبة للكومبيوتر بتاعى ..أنا حأغير الويندوز..وحأطلع الأتارى..:wizard: