عايزه رأيكم

[خلود]

السلام عليكم ورحمة الله وبركاته
فى موضوع كنت عايزة اخد رايكم فيه
فى عالم النت
المنتديات وخلافه
هل مطلوب من كل عضو او عضوه
انهم يقولوا اسمهم الحقيقى
ولا لو فضل العضو/ه انه يكتفى بالاسم المستعار
المفروض نحترم ده ونقدره
انا فى انتظار رايكم

[ensana]

انتى صح يا خلود انا كمان الموضوع ده مضايقنى بذات
لما كنت مره دخله المنتدي ومرضيش يدخل الالما اكتب رقم التليفون
وبعض المعلومات الخاصه اللى مفروض احتفظ بيها لنفسي
وانا كتبت رقم وهمى مش رقمى طبعا لان رقم تليفونى ده شئ يخصنى لوحدي
دى حجات شخصيه المفروض يكون ليها احترام

[lionking]

موضوع جميل يا خلود

طبعا لازم نحترم خصوصية بعض وخصوصا ان ده عالم وهمى

وكله بيضحك على كله ومحدش بيقول الحقيقة فيه

ولا حد بيكون على حقيقته


ومعاكى يا انسانة فى موضوع رقم الموبايل وخلافه


بس فى اوقات العلاقة الوهمية دى بتتحول الى شىء من الحقيقة

او شىء من الواقع

طب فى الحالة دى


نستمر فى الكدب برده ؟؟

طب لو كان الطرف التانى اللى من نفس نوعى (امراة يعنى )

صريح معايا

استمر انا فى الكدب برده؟؟؟


بس عايزة اقول حاجة واحدة


الواحد فى الوقت ده ( لما بيحس ان الطرف التانى مش مستامنه)

اكيد
اكيد
اكيد

من حقه انه يزعل شوية او يتضايق شويتين

لان هو مش بيتعامل بالطريقة دى

انا اعرف ناس فى محيط علاقاتى اتعرفوا على بعض فى منتديات وجزء منهم هنا وجزء فى الخليج

والعلاقة تطورت وبقوا اصدقاء فى الحياة الحقيقية

يعنى انا بقول لما انا وواحدة معينه نحس اننا مرتاحين فى الكلام مع بعض
وبقينا بنتكلم على الميل مثلا لوحدنا

يبقى من حقنا احنا ال2 اننا نكون صريحين مع بعض

مش كده ولا ايه

لكن مينفعش اقول بياناتى على الملأ

ادام الناس كلها

[اميرة حبى انا]

لا طبعا كل واحد حر
وعلاقات النت الاراء حولها كتير
فعلا فى بيستمر
وفى مش بيستمر
المهم
ان اكيد هو مش وهمى اوى
المهم ان كل حد فينا مثلا ليه اسم
الناس بتناديله بيه فى عالمنا ده
العالم اللى احنا دخلناه نتعرف ونشارك بعض حاجات حلوة اوى ممكن تكون مش موجود فى العالم الحقيقى
يبقى مش لازم نزعل ولا نخاصم
نحب بعض ونحترم بعض حتى من غير مانشوف ولا نعرف اسامى بعض ولا تليفونات ولا حتى ايميلات

[fagrmasr01]

حقيقى انه موضوع مهم
ومهم اوى جدا خالص
عارفين ليه

هو فعلا النت وعلاقاته ممكن تكون نوع من الوهم او الخيال او زى ما ينفع نقول عليه
العالم الافتراضى
وأغلبنا داخل النت على الاساس ده
وبنستمر فيه واحنا بنتعرف على عقليات بعض
وعلى اسلوب وطريقة تفكير بعض
وبنحب بعض او نزعل من بعض ع الاساس ده فقط
ولكن
فعلا أحيانا بتتطور العلاقة ومع الاحترام المتبادل او القناعة المتبادلة أحيانا بنوصل للتعارف الحقيقى
وفى الوقت ده .. اما الطرف التانى يرفض .. وتستمر العلاقة فى إطار العالم الافتراضى
او يقبل.. ووقتها تتحول للعالم الحقيقى
ودا طبعا حسب اتفاق الطرفين مع بعض وقناعتهم ببعض

مش غلط انها تستمر فى حدود معطيات العالم الافتراضى ...
بالمسميات الوهمية والمعلومات المعطاة فقط

ومش غلط ( مع القناعة ) انها تتحول للعالم الحقيقى لكن يشترط ساعتها الصدق

[محمود التهامي]

بالنسبة لموضوع خلود فأعتقد اننا منقدرش نعمم

يعني فيه حاجات او اوقات لازم نتعامل فيها ببياناتنا الحقيقية

لكن في اغلب الاوقات يكون الافضل تكون كل المعلومات الشخصيه مبهمه ودا هيمنع مشاكل كتير بنسمع عنها كل يوم

لكن برضه مش معنى كدا انه يبقى سباق في تكنولوجيات وايدولوجيات الكدب والتمثيل
يعني كل واحده تبقا تجارة انجليش ومن مدينة نصر او مصر الجديدة وشبه نانسي او هيفاء وهبي
لكن اللي مش عايز يقول بياناته او شايف انه مش المفروض يعلنها فالافضل انه يمنعها لكن بلاش المعلومات المزيفة

بالنسبة بقا لرد انسانة ومشكلتها مع رقم التليفون
فأحب أأكد لها و ليكم كلكم ان البيانات دي سرية ومش مسموح لأي حد يشوفها لكنها هتساعدنا في حالة احتجنا للاتصال باي حد من الاعضاء لاي سبب لكن اللي مش حابب دا حقه طبعا ويقدر يملا الخانه باصفار لكن بلاش رقم تليفون نتصل بيه ويطلع رقم غلط لانه ساعتها هيبقا بيضر وبيزعج ناس تانية وبيحطنا في موقف مش ظريف

[ensana]

السلام عليكم ورحمة اله وبركاته

مديرنا العزيز شكرا للتوضيح فى نقطتى وعلى العموم انا لما حطيت الرقم وهمى تعمدت انه يبقي رقم
مش هيدي اى حاجه يعنى محدش هيرد فيه
وانا مكنتش عارفه انه هيبقي سري بس انا كنت
مستغربه لانه اول مره اشترك فى منتدي ويطلب منى رقم التليفون :confused::confused:
وانا هروح اغيره حالا:)

[الفارس]

الاخ الفاضل . . المدير العام

طبعا واثقين ان ارقام الهواتف هتكون سريه فى المنتدى
لكن بتقول لو احتجتم الاتصال على العضو . . طيب معلشى ليه الاتصال بالهاتف
مش ممكن دا يعمل لبعض الناس مشاكل فى الاتصال بيهم وخصوصا اخواتنا من البنات والستات

المفروض الاتصال بأى عضو يكون عن طريق المنتدى بس ولا ايه . .
دا اصبح شرط لدخول المنتدى تسجيل رقم الهاتف

[اميرة حبى انا]

لا يافارس مش شرط للدخول
وزى ماقال المدير العام
اللى مش حابب
او زى مانت قلت اللى ظروفه او ظروفها مش هتسمح بالاتصال بيها
تكتب او يكتب اصفار
وهيدخل المنتدى ومش هيطلب منه رقم التليفون تانى مادام كتب اى حاجة فى خانة رقم التليفون
ده توضيح مش اكتر

[اسامة22]

مين قال ياليون انة عالم وهمي
بالعكس الي هيخدع الناس مش فارقة
معاه نت او واقع بالعكس اعرف ناس كتير
تم الارتباط من خلال النت وعلاقات ممتازة للحين
ومنهم من تزوج من معرفة النت
لايوجد وهم بالعكس طبيعة الانسان هي مهما كان
صحرا ان كان او بستان
اما بالنسبة للاسامي والتليفونات
اكيد لما اتاكد وان علاقتنا اصبحت قوية
اكيد تلقائيا هتقولي علي اسمك
عموما موضوع يستحق المناقشة
ولكن اهم نقطة انة ليس عالم وهمي
بالعكس ياليووووووووووووون

[خلود]

اشكركم جميعا اخوانى واخواتى اللى تفضلوا بالرد على الموضوع المهم ده جداااا

اعتقد انه مش ضرورى نكدب اصلا لكن هى مش بتبقى كدبه قد ما انها بتبقى خصوصيات مش من حق حد معرفتها

لكن لما تتوثق العلاقه وبيبقى علاقه حقيقيه قايمه على الاحترام المتبادل اكيد حقايق كتير بتنكشف مع مرور الوقت

وعلى فكره انا مخبيتش غير اسمى بس وقلت اسم بنتى لكن كل بياناتى صحيحه جدا

والله على ما اقول شهيد

[M.Khalifa]

بالنسبة لموضوع خلود فأعتقد اننا منقدرش نعمم

يعني فيه حاجات او اوقات لازم نتعامل فيها ببياناتنا الحقيقية

لكن في اغلب الاوقات يكون الافضل تكون كل المعلومات الشخصيه مبهمه ودا هيمنع مشاكل كتير بنسمع عنها كل يوم

لكن برضه مش معنى كدا انه يبقى سباق في تكنولوجيات وايدولوجيات الكدب والتمثيل
يعني كل واحده تبقا تجارة انجليش ومن مدينة نصر او مصر الجديدة وشبه نانسي او هيفاء وهبي
لكن اللي مش عايز يقول بياناته او شايف انه مش المفروض يعلنها فالافضل انه يمنعها لكن بلاش المعلومات المزيفة

بالنسبة بقا لرد انسانة ومشكلتها مع رقم التليفون
فأحب أأكد لها و ليكم كلكم ان البيانات دي سرية ومش مسموح لأي حد يشوفها لكنها هتساعدنا في حالة احتجنا للاتصال باي حد من الاعضاء لاي سبب لكن اللي مش حابب دا حقه طبعا ويقدر يملا الخانه باصفار لكن بلاش رقم تليفون نتصل بيه ويطلع رقم غلط لانه ساعتها هيبقا بيضر وبيزعج ناس تانية وبيحطنا في موقف مش ظريف


أنا دخلت علشان أقول رأيي لكن بعد ما قرأت رأي حضرتك لقيتك قلت كل اللي كنت هاقوله
وكويس جدا ان الموضوع ده طُرح للنقاش
وأنا مع حضرتك في كل ماقلت
طبعا بنشكر خلود انها أعطتنا هذه الفرصة للنقاش
أفادكم الله ونفع بكم

[خلود]

شكرا يامحمد على ردك وافادتك

نورت الموضوع