RSS
04-12-2010, 11:10 PM
" بكام الطماطم يا حاجه "
سؤال سمعته وانا راجع من الكليه من واحد بيسأل بياعه طماطم فقالتله سعر مكنتش
عارف ان الطماطم وصلته واستغربت قولت يااه الطماطم مالها بقت غاليه كده
فجأه بقت الطماطم زي الكنز الي الشعب بيبحث عنه
الكل مهووس طماطم , او ممكن الابحاث اثبتت ان الطماطم تعتبر اكتر الخضراوات فايده للجسم
وطبعا شعبنا مطلع وعارف المفيد فعشان كده بيدور زي المجنون علي الطماطم في كل حته
اصل غريبه لما الطماطم تلاقيها بقت اغلي من بعض الفواكه زي البرتقال والجوافه والعنب
والبياعين بدأوا في سياسه احتكار للطماطم طبعا لانها بقت سلعه هامه وبعدين يطلعوها لما الناس تجيب اخرها
ساعتها بقي لم يا معلم المكاسب فهو عصر الطماطم او زمن الطماطم عشان محدش يفتكرني اقصد عصير الطماطم :wink_3:
بس برده بستغرب ليه الطماطم بالذات سموها مجنونه يمكن فعلا عشان سعرها يوم طالع ويوم نازل
بس برده ليه ده السؤال الي من زمان ونفسي اعرفه هل الشعب استهلاكه بيزيد
طيب اشمعني الطماطم بالذات , اه صحيح يمكن عشان هي بتدخل في اكلنا كله
سلطه ماشي طبيخ ماشي كاتشب ماشي محشي ماشي مسقعه ماشي
الطماطم دلوقتي مبقتش زي زمان اوعي تنسي وتقول طماطم كده حاف زي زمان اوعي
دلوقتي بقي اسمها طماطم هانم معالي طماطم ومفيش مانع ندلعها عشان تحن عينا مثلا نقولها يا قوطه فندم
وان كان ليك عند الطماطم حاجه قولها يا ستي
ده بالنسبه للمواطن الغلبان
اما بقي المواطن المستريح الغني فيقول الي هو عايزه يا بت يا طماطم يالي متتسميش حقه يقول زي ما يحب
وطبعا مفيش مانع لو طلب مهر بنته طن طماطم علي الفرازه مع 300 علبه صلصه فاين فودز وياخدلها شقه علي السوق ويسفرها في شهر العسل في
سوق الجمله او غيط طماطم حاجه من الاتنين
اما بقي فيه نوع اسمه " المواطن الذكي " الي بدأ يفكر في بدائل وقعد مع نفسه وقال طيب منا اجرب استخدم
الفلفل الاحمر مع خلطه بسيطه وتبقي زي الصلصه والحياه ماشيه وواحد تاني بقي ياكل من غير طبيخ وسلطه
وواحد حلف علي مراته بالطماطم " بقت حاجه يتحلف بيها عشان غاليه " عليه الطماطم بالتلاته لو دخلت طمطمايه البيت
ليطلقها ويتجوز بياعه الطماطم الي علي الناصيه , وواحد بدأ يخترع اصناف جديده من الاكل بحيث يدخل الفاكهه مع الطبيخ
بديلا للطماطم و ... ..
- احماااااااااااد " ثواني ماما بتنادي "
- نعم يا ماما
- تعالي يا حبيبي الغدا جهز , عملالك صنيه بطاطس بالجوافه
_ حاضر جاي اهو هخلص الي في ايدي وجاي
عرفتوا بقي مين المواطن الذكي :biggrin2:
استأذنكم بقي مقدرش افوت اكلتي المفضله :wink_3:
انتظروني في القادم
احمد
سؤال سمعته وانا راجع من الكليه من واحد بيسأل بياعه طماطم فقالتله سعر مكنتش
عارف ان الطماطم وصلته واستغربت قولت يااه الطماطم مالها بقت غاليه كده
فجأه بقت الطماطم زي الكنز الي الشعب بيبحث عنه
الكل مهووس طماطم , او ممكن الابحاث اثبتت ان الطماطم تعتبر اكتر الخضراوات فايده للجسم
وطبعا شعبنا مطلع وعارف المفيد فعشان كده بيدور زي المجنون علي الطماطم في كل حته
اصل غريبه لما الطماطم تلاقيها بقت اغلي من بعض الفواكه زي البرتقال والجوافه والعنب
والبياعين بدأوا في سياسه احتكار للطماطم طبعا لانها بقت سلعه هامه وبعدين يطلعوها لما الناس تجيب اخرها
ساعتها بقي لم يا معلم المكاسب فهو عصر الطماطم او زمن الطماطم عشان محدش يفتكرني اقصد عصير الطماطم :wink_3:
بس برده بستغرب ليه الطماطم بالذات سموها مجنونه يمكن فعلا عشان سعرها يوم طالع ويوم نازل
بس برده ليه ده السؤال الي من زمان ونفسي اعرفه هل الشعب استهلاكه بيزيد
طيب اشمعني الطماطم بالذات , اه صحيح يمكن عشان هي بتدخل في اكلنا كله
سلطه ماشي طبيخ ماشي كاتشب ماشي محشي ماشي مسقعه ماشي
الطماطم دلوقتي مبقتش زي زمان اوعي تنسي وتقول طماطم كده حاف زي زمان اوعي
دلوقتي بقي اسمها طماطم هانم معالي طماطم ومفيش مانع ندلعها عشان تحن عينا مثلا نقولها يا قوطه فندم
وان كان ليك عند الطماطم حاجه قولها يا ستي
ده بالنسبه للمواطن الغلبان
اما بقي المواطن المستريح الغني فيقول الي هو عايزه يا بت يا طماطم يالي متتسميش حقه يقول زي ما يحب
وطبعا مفيش مانع لو طلب مهر بنته طن طماطم علي الفرازه مع 300 علبه صلصه فاين فودز وياخدلها شقه علي السوق ويسفرها في شهر العسل في
سوق الجمله او غيط طماطم حاجه من الاتنين
اما بقي فيه نوع اسمه " المواطن الذكي " الي بدأ يفكر في بدائل وقعد مع نفسه وقال طيب منا اجرب استخدم
الفلفل الاحمر مع خلطه بسيطه وتبقي زي الصلصه والحياه ماشيه وواحد تاني بقي ياكل من غير طبيخ وسلطه
وواحد حلف علي مراته بالطماطم " بقت حاجه يتحلف بيها عشان غاليه " عليه الطماطم بالتلاته لو دخلت طمطمايه البيت
ليطلقها ويتجوز بياعه الطماطم الي علي الناصيه , وواحد بدأ يخترع اصناف جديده من الاكل بحيث يدخل الفاكهه مع الطبيخ
بديلا للطماطم و ... ..
- احماااااااااااد " ثواني ماما بتنادي "
- نعم يا ماما
- تعالي يا حبيبي الغدا جهز , عملالك صنيه بطاطس بالجوافه
_ حاضر جاي اهو هخلص الي في ايدي وجاي
عرفتوا بقي مين المواطن الذكي :biggrin2:
استأذنكم بقي مقدرش افوت اكلتي المفضله :wink_3:
انتظروني في القادم
احمد