مشكلة كبيرة في المنطقة 6

[sayede]

الأخوة الأفاضل جيران أبني بيتك السلام عليكم و رحمة الله
عندما ذهبت إلى المنطقة 6 لأرى القطاع الموجود به خلف السكك الحديد لم أستطع الوصول إليه
لأن هناك ساتر ترابي كبير ارتفاعه حوالي (20 متر ) وهذا الساتر يتمثل في شريط القطار الذي
يقسم المنطقة أ ، ب قبل القطار و باقي القطاعات خلف القطار أي أكثر من 80% من القطاعات خلف القطار
و لا يوجد سوى مطلع ترابي واحد فقط تغرز به السيارات و هذا يمثل صعوبة كبيرة لتوصيل المواد الخام ( المون )
اللازمة للبناء و ارتفاع أسعارها بشكل مبالغ فيه بحجة عدم وجود طرق أو بسبب هذا المطلع الذي يصعب اجتيازه
فيجب أن نتكاتف جميعا في المنطقة 6 و نطلب من الجهاز و المسئولين سرعة عمل عدة طرق مسفلته و عدة أنفاق
تربط القطاعات خلف القطار بالعالم الخارجي
فلا يعقل أن تكون أكبر منطقة في مشروع ابن بيتك بها ألاف القطع و لايربطها بالطريق الرئيسي سوى هذا المطلع الملعون
أخوكم سيد فؤاد

[tolbasaid]

انا رحت الجهاز وقلت هذا الكلام وحذرت من وقوع كوارث خصوصا ان المطلع شاهق الارتفاع خاصه بالنسبه للسيارات الخاصه حيث انه اتجاه واحد ولا يرى قائد السياره السيارات القادمه من الاتجاه الاخر مع ارتفاع شريط السكه الحديد

[osamamaz]

يا اخواننا الظاهر ان المنطقة 6 دى للمغضوب عليهم و الضالين و الغلابة المساكين ايللى ميتسمعلهمش حس
و انا باسمى القطار ده القطار العازل ايللى بيحاصرونا خلفه
و حسبى الله و نعم الوكيل

[osamamaz]

الخوف كمان لحسن يكون قطاع 6 ده المقصود بيه 6 اكتوبر و فيه خط القطار الحصين ايللى المفروض احنا نعبرة و نحطمه و لو حتى بنفق عشان نقدر نعيش فى سلام بعد الانتصار على هذا القطار العازل

[اية]

السادة الافاضل ان شاء الله ملاك المنطقة السادسة ارجو الانتظار حتى نستلم المرحلة السادسة فا اذا لم يتحرك الجهاز بعمل كوبرى او نفق من حهة القطاع ا - ب وعمل كوبرى اخر او نفق اخر من طريق الواحات وسوف نسطتيع ان نتكتل ونجر بعض فى كيان واحد نخاطب بة المسئوليين بداية من رئيس جهاز مدينة 6 اكتوبر وانتهاء بصاحب فكرة المشروع الرئيس العظيم حسنى مبارك ولا اعتقد اذا اجتمع اكثر من ستة الاف مالك قطعة ارض اى 20 الف حائز على الاقل الا ويكون صوتهم مسموعا اذا احسنوا استخدامة وتوحد مطالبهم لذلك اقترح ان نتداول بيننا على المسمى الذى نجتمع فية كلنا ونتفق غلية وعلى سبيل المثال الاسم المنطلاق حاليا على المنطقة 6 ربوة 6 اكتوبر المنطقة السادسة

[tttttttttt]

بدايه زى الفل

[majdyara]

خلونا نراسل رئيس الجهاز اذ لم يستجيب نروح لوزيره وبعدين نخاطب المسئولين الكبار قوي

[حسن السقا]

يا جماعة المفروض نبص للموضوع بواقعية اكتر من كدة حتى لو كان هناك استجابة من الجهاز وتم عمل انفاق مش هو ده حل الموضوع لان خط برليف ربوة اكتور سيظل عائقا يعزل المنطقة الخلفية عزلا تاما عن العالم المحيط بها وذلك بدون فائدة حقيقية يحققها هذا الحصن المنيع ولذا نرجوا ان تتجمع الآراء على هدف واحد وهو ازالة هذا الحصن واذا تجمعت الايدى مع بعضها سنقدر باذن الله على ازالته واعتقد ان هذا الحل اوقع وافيد حاليا ومستقبلا عايزين دايما نتطلع للغد وبعد الغد افضل من ان نتطلع الى اليوم فقط...................!

[محى محى الدين أحمد فراج]

االموضوع ده بجد مزعج جدا وبدايه مش تمام بس أنا موافق على اننا نشتغل على الغاء وتحويل مسار القطار تماما من المنطقه السادسه وبسرعه , ويا ريت نبدأ فى عمل تكلتل من الآن يكون له هيكله بمعنى رئيس ونائب وأعضاء وبرنامج عمل ونشاط وهكذا
التواصل عن طريق الميل
[email protected]

[سما]

ياجماعة الخير موضوع القطار هذا مش مشكلة أبداً لأن أكيد فيه أنفاق ومش ممكن الناس هاتسلمنا الأرض من غير ما نعرف نوصل لها ونبنيها .
وبعدين لسه لم يستلم غير قطاع ك والباقي مع الأيام وقطاع ك سوف يذهب ويشوف حل مع الجهاز .
يعني صدقوني أنا سمعت رئيس الجهاز على قناة النيل لايف في برنامج كل ليلة وقال إنشاء الله موضوع الطرق والمياة والأمن في طريقهم للحل .
الأيام بيننا.
أهم شئ هو الحصول على عروض من مهندسين أو شركات مقاولات كويسة وهي تتولى توصيل خامات البناء والحراسة أي عقد أو إتفاق إن إحنا نعمل التراخيص وهما عليهم البناء ومحلولة إنشاء الله المشاكل دي.
والله ولي التوفيق.

[اية]

لازم نعرض الافكار فىكيفية التجمع فى كيان واحد نستطيع من خلالة التواصل مع االمسئولين بصفة دائما ليس الان فقط ولكن على مدى الحياة طلما انناسوف نعيش فى هذةالمنطقة ارجو بداية الاقتراحات فى برنامج العمل الجماعى والمسمى لهذا التجمع والاماكن المقترحة لبدية القاءات تمهيدا لولادة هذا الكيان الذى نستطيع من خلاله فرض مصلحتنا المشروعة والتى استهدفها الرئيس لنا من هذا المشروع العظيم 00000ايه 000المنطقة السادسة ف

[محى محى الدين أحمد فراج]

ممكن بس حد يقولى ايه هى القطاعات اللى خلف القطار العازل وما هى القطاعات اللى تسبقه فى المنطقه السادسه ؟
شكرا للمعلومه

[محى محى الدين أحمد فراج]

ممكن بس حد يقولى ايه هى القطاعات اللى خلف القطار العازل وما هى القطاعات اللى تسبقه فى المنطقه السادسه وبارك الله فيكم ؟
شكرا للمعلومه

[osamamaz]

كل القطاعات خلف القطار عدا |( أ - ب - ج - د ) دول بس قبل القطار العازل

[neven magdy]

السلامعليكم جيرانى الاحباب
من فضلكم لا تسعجلو الاحداث كل شى وله حل ان شاء الله
وانا عندى مقاول هايل مجربينه يا ريت نتفق معه مع بعض والله يعينا ويساعدنا رقم تليفونى 26829467 يا رب نتكاتف يدا واحدة

[tttttttttt]

سيداتى انساتى سادتى ضحايا المرحله السادسه ده اللينك بتاع خريطة المرحله ومبين فيه الثعبان اللى قاسمها
اللينك http://www.wikimapia.org/beta/#lat=29.899889&lon=30.9378433&z=12&l=0&m=b&v=1

[osamamaz]

ياريت يا جماعه ايللى يتكلم يقول القطاع التابع له ( ه ح ى ز ق الخ) و كذا رقم القطعه عشان كله يعرف جيرانه او الاقرب له حتى يمكن قبول عروض البناء

[أبو عمرو]

و الله دي مهزلة فعلا و عدم احترام لادمية البشر
رحت استلم في المنطقة 6 قطاع ل و كان يوم لن يتكرر
أولا المطلع أو المزلقان ده انحداره و ميله شديد جدا و ما بيخدش إلا عربية واحدة يعني لو العربيتين دخلوا الطريق في وقت واحد واحده منهم هتتقلب
ثانيا ما فيش طريق ممهد محدد يوصلك للمزلقان بندخل من بين القطع الموجوده قبل القطار ( أ ,ب ,ج )
ثالثا المستفيدين بيبنوا و يرموا نواتج الحفر في الطريق و اتفرج على كم الغرز للعربيات ما فيش حاجة اسمها عربية ما تغرزش و ده بيعمل عطلة في الطريق بالساعات مع ان المسافة ما تجيش 300 متر
المهم وصلنا باتوبيس الجهاز وبعد ما وصلنا هناك بحوالي 10 دقايق بندور عليه لقيناه مشي و تركنا
ركبنا مع جار لينا في القطاع و خدنا حوالي ساعة على ماعدينا المزلقان و المفاجأة كانت بعد المزلقان الطريق إلي دخلنا منه اتحفر أصلها كانت قطعة أرض و من حظنا صاحبها حفرها فسد الطريق
أعدنا نلف حوالي ساعة علشان نلاقي فتحة نخرج منها و العربية غرزت أكثر من خمس مرات و فيه مرة منهم جبنا جرار يشدنا
وده مش معانا بس ده مع كل العربيات المحبوسة بين المزلقان و الطريق
المهم إلي انقذنا ربنا طبعا وكا فيه عربية شرطة محبوسة معانا و اتصرف الأمين الموجود فيها و جاب لودر عمل ممر نعدي منه
طبعا اليوم كان حر جدا و كنا في الظهر و ما فيش مياه نشرب و كان فيه أطفال معانا
و الله المشهد ده ذي ما بحكيه بدون مبالغة
يبقى لازم أول حاجة نطالب بيها عمل طريق ممهد نعرف نوصل منه لقطعة الأرض و بعدين مزلقان عدل أو نفق يعدينا القطر و دي أهم حاجة حاليا
بجد الموضوع مهم جدا و لازم نشوف هنتصرف ازاي

[هانى جمعة]

أنا من المنطقة 6 خلف القطار
سوء حظ
ولكن يجب معرفة أنة فى خلال عامين وبعد عمل الانفاق ستصبح المنطقة 6 مثل القاهرة الجديدة
يعنى عايزة صبر شوية

[أبو عمرو]

و لاتزال المشكلة قائمة و لم يتحرك أحد
و سوف يواجه الجميع هذه المشكلة عند بداية البناء و الذهاب للمنطقة 6 خلف القطار

[مارو]

برجاء الحل السريع للطرق على الأقل حتى يتسنى لنا الذهاب للأرض بتاعتنا بسهولة

[osamamaz]

هو الكلام ده موجه لمين

[hatim hassan]

انا رائئ انه لابد في حاله التعرض لمشكله لابد من التفكير فيها علي الاسس الاتيه :
1- ان لا يكون التشاؤم والياس هو اول خاطر يجول بعقولنا
2- البحث عن حل لهذه المشكله واقصد اي مشكله
3- لابد ان نكون اول من يبحث عن مميزات المنطقه 6 وليس اول المنفرين منها وفي مثل قديم بيقول(الي صحابها يقولولها يا عوره يلعبو بها الكره)
4- لابد ان نعلم ان هذا المكان اما اننا هانعيش فيه او هانستثمره وفي الحالتين لابد ان نكون اول من يحبه
5- وهو ده المهم دي منطقه جديده ولسه المرافق هاتيجي بعدين واكيد ها يتغير كل ده في الفتره الي جايه والي مش مصدق افكره بالقاهره الجديده الي كانت صحراء وانا رحت شفتها في بدايتها كانت اسوء من كده
6- استعينوا بالصبر والصلاه وبروح الامل في بكره احسن وكل المناطق الجديده كانت اكتر من كده
جاركم \ حاتم حسن قطاع ق المنطقه 6

[modaliref]

بدايه زى الفل

بدايه زى الفل

[osamamaz]

هو الفل ده حاجة حلوة

[أبو عمرو]

بسم الله الرحمن الرحيم
أحب اوضح للاخوة بعض النقاط الهامة
أولا المنطقة 6 تعد من أمييز مواقع المشروع ( فهي تقع داخل الكتلة السكنية المتمثلة في أحياء أكتوبر و الأمل و المستقبل و مبارك و غيره- تقع على الطريق الرئيسي فلا توجد لها مواصلات داخلية - مرتفعة جدا - قريب جدا من خدمات المدينة المرور - السنترال - الجهاز - الادارة التعليمية - الاسواق - المولات ..... - و هي أقرب المناطق لطريق المحور الذي يربط المدينة بوسط البلد و مزايا كتيرة مش موجودة في منطقة أخرى )
ثانيا : ليس معنى عرض المشكلة ان ده دعوة للتشائم و لكنه دعوة للاتحاد لحل المشكلة لان كل منطقة توجد فيها مشكلة ما يتحد فيها المستفيدين لحل المشكلة و ده حدث بالفعل
ثالثا : عندما تحاول الوصول إلى قطعة أرضك خلف القطار بسيارتك أو بأي وسيلة هتعرف حجم المشكلة
رابعا : المطلوب حاليا على الأقل نوصل صوتنا للمسؤلين في الجهاز لحل المشكلة لأن حلها بسيط جدا عملية تمهيد طريق و توسيع المزلقان مش هتتكلف كتير
و دعائي للجميع بالتوفيق

[مارو]

الأن ومنذ فتح باب التوزيع للقطع خلف القطار وأعتقد أنه تم توزيع ما لا يقل عن ألف أو الفين قطعة (فيما معناه قطع كتير) .
فهل كل أصحاب هذه القطع عندهم نفس المشكلة .
طيب أتوبيس الجهاز بيروح إزاي؟
الناس اللي بدأت حفر بيروحوا إزاي؟
واضح إنه فيه مشكلة ولكن أعتقد مش كبيرة قوي.
الصبر جميل وكله ها يبقى كويس
وإنشاء الله سوف تمهد الطرق