المساعد الشخصي الرقمي

مشاهدة النسخة كاملة : بشرى للزملاء اللي هيستلمو في المنطقة السابعة



kito
01-05-2009, 12:31 PM
بشرى للزملاء اللي هيستلمو في المنطقة السابعة
من خلال متابعتي لموضوعات الزملاء االلي بأذن الله هيستلمو في المرحلة السابعة المنطقة السابعة لاحظت تشاؤم كبير وانا ارى العكس تماما للاسباب التالية:
1- موضوع القلق من الاستلام ده ميخوفش خالص لان الحكومة بتحارب عشان المشروع يخلص قبل 2011 اللي هو ميعاد الانتخابات الرئاسية عشان يقولوا الانجازات اللي تمت في مشروع الرئيس مبارك وده يفسر ليه الحكومة مصرة أنها متزودش المدة الزمنية للبنا وكمان موضوع ان ممكن المستفيدين يبيعو شقق للغير ده بشرط يكملو التلت ادوار وكمان يلغو باقي الاقساط ويدو للي هيشتري 15 الف عشان يزودو عدد الوحدات اللي وفرها مبارك فحملته الانتخابية.
2- بالنسبة لموقع المنطقة السابعة يعتبر أفضل مواقع المشروع على الاطلاق لأنه في وسط أكتوبر بالظبط بين الاحياء السكنية والمنتجعات والاماكن السياحية والملاهي وكمان يا جماعة دي اعلى منطقة في اكتوبر ارتفاعها شاهق بجد بتوصل ل 230 م عن سطح البحر وبكده ممكن تشوف اكتوبر بكل احيائها ومنطاقها السياحية والقاهرة من المنطقة 7 دي وكمان اقرب منطقة للمحور وكمان قريبة لنزله الدائري طريق الواحات.
3- موضوع المقابر هيكون جمب اللي هتكون قطعته نحية الشمال قوي وحتى لو كده فالمقابر بتضمن ميكونش فيه زحام في المستقبل خاصة وأن الزحف السكاني قادم بلا هوادة ناحية أكتوبر.

أخوكم سامح إسحاق
المنطقة 6
قطاع ق
0124768866

hanaa2008
01-05-2009, 10:48 PM
هي فين المنطقة السابعة بالظبط لاني معروض عليا قطعة ارض هناك وياتري ايه الاسعار هناك لو حبيت اشتري وايه المميز فيها وغير المميز
ارجو الرد

kito
02-05-2009, 10:40 AM
الأخت هناء
بالنسبة للاسعار فليس لدي فكرة ولكني ارى ان كل المنطقة مميزة وجميلة ولكن إن كنتي من النوع الذي لا يفضل السكن بجوار المدافن فيكون الافضل لكي لو اشتريتي قطعة بعيدة عنها كذلك لو قطعة الارض على ناصية أو على ميدان تكون أفضل وهذا لن يتضح إلا بعد استلام القطعة مع العلم انه سيتم البدء في تسليم المرحلة السابعة شهر اغسطس القادم باذن الله
موقع المطقة السابعة على جوجل إيرث
http://wikimapia.org/#lat=29.9296471&lon=30.9841919&z=13&l=0&m=a&v=2
تحياتي
سامح
منطقة 6
قطاع ق

osamamaz
02-05-2009, 07:15 PM
الذ حاجة فيك يا سامح انك متفائل و كلك امل و دة شىء كويس مفتقدينه كتير
قلت غزل فى المنطقة 6 و انها بها مميزات افضل مناطق اكتوبر و مرتفعه عن باقى اراضى اكتوبر
ثم تغزلت فى المنطقة 7 و انها اعلى مناطق اكتوبر على الاطلاق و نسيت الربوه انها الاعلى حسب كلامك
و اخر الذ حاجة انى حاسس انى انا و انت ايللى شايلين هم ابنى بيتك و عمالين نعمل خرائط و تعارف و الاغلبية مش سائل

ابو مسلم
03-09-2009, 07:10 AM
ربنا يستر و تكون المقابر بعيدة عنها شوية زى ما سمعت من كلام و الله اعلم يمكن اشاعات و يمكن يكون حقيقي لان القرب من المقابر يخليها مش محبوبة مع انى عرفت ان الاراضي حول المقابر او بالاخص امام المقابر غالية جدا ده طبعا علشان الطريق بس ممكن تكون غلو الاراضي اللى امام المقابر تخلى اللى بجانب المقابر ممكن حد يستحملها شوية و يمكن يحبها!

mohamedbook
03-09-2009, 11:43 AM
المقابر يجماعة
ميتين وشكل مقبض للقب اعتقد الامر هيكون صعب علي ناس كتير تسكن بجوار المقابر

m emam
03-09-2009, 12:52 PM
شكرا ااااااااااااا
يااستاذ سامح
بس انا سمعت ان الاستلام فى منطقة السابعة على الورق فقط
اخوك محمد منطقة 7 قطاع د

m emam
03-09-2009, 12:56 PM
ياجماعة انا عضو جديد احب اشارك معاكم فى موضوع ابنى بيتك
واحب ان اسأل لو فى جيران لى فى المنطقة السابعة قطاع د ياريت نتعارف
الااسم محمد عبد المنعم
المنطقة السابعة
قطاع د
محاسب
موبيل 0105330767

أحمد السعيد
04-09-2009, 05:18 AM
عموما المرحلتين 5 و 7 هم أحسن مراحل أبنى بيتك
ولكم الشكر

a_dahy
27-10-2009, 04:31 AM
ياجماعة حد يقولي فين القطاع ن في المنطقة السابعة

علاء الدين عثمان عوض عقل
29-10-2009, 11:00 AM
الاخ الفاضل/ سامح.
الأخ الفاضل/ اسامة.

أولا: جزاكم الله خيرا علي أي مجهود مبذول منكما في هذا المنتدي لينتفع به اخوانكم المستفيدين من المشروع.
الاخ العزيز/ اسامة .
قرأت اخر مشاركة لسيادتكم في هذا الموضوع ، واحببت أن اذكر ليس إلا وأنا اعلم بالطبع انك علي علم بما سأقول ولكن الدين النصيحة لأن النفس احيانا تمل ، وتحتاج لما يحفزها للخير ، أوضح اخي الفاضل/ أن كل معلومة أو مساهمة ..الخ قد ساهمت بها في هذا المنتدي فإنها بإذن الله في ميزان حسناتك ، بقدر انتفاع الناس منها وهو [المستفيدين بالمشروع] .
أما عن عدم تسابق اغلب الحاجزين معكما علي هذا الخير ، فإنه يرجع في الغالب إلي عدم علمهم بشيئ كما يتضح لك من استفسارتهم بهذا المنتدي عموماً ، ومن ثم من مشارتكما تكون لأغلبهم طوق النجاة .
وجزاكم الله خيرا عن اي مساهمة لإخوانكم
اخوك/ علاء عثمان

aamin80
02-11-2009, 04:27 PM
انا اخوكم احمد امين عضو جديد في منتدي ابني بيتك انا هستلم باذن الله في المنطقة السابعة قطاع ص قطعة 506 وانا جاهز ومرحب باي تعاون مع الاخوة اللي في نفس القطاع او المنطقة وجزاكم الله خيرا علي التعليقات الجميلة انتوا فعلا حببتوني في المنطقة علي الرغم من اني اما سمعت موضوع المقابر اتشامت ولاكن معرفش قطاع ص هيبقي علي المقابر ولا لا المهم اني مؤمن تماماً بان ماكان لك سوف يأتيك وعسي ان تكرهوا شيئ وهو خيراً لكم
موبيلي : 0106244982:36_3_1[1]:

ayman salim
08-11-2009, 03:38 AM
من فضلكم اقرِؤا هدا الكلام المفيد حتى النهاية

ياجماعة أى حد فى المنطقة السابعة قطاع ر أو أى قطاع مجاور يحاول يكلمنى صدقونى ياجماعة لما نبقى كلنا ايد واحدة هنعرف نساعد بعض كويس وكمان هنوفر على نفسنا جهد وفلوس كتير ... آنا بصراحة فى مجموعة من الناس كلمونى ومكنتش أعرفهم ولكن تم التعارف وكنت سعيد جدا بيهم .... أنا من وجهة نظرى اننا لما نكون يد واحدة ليها فوائد كتير ومن أهم هده الفوائد :
1- عند الحفر لما نتفق كلنا مع شخص واحد أكيد السعر هيختلف عن لما كل واحد يتفق لوحده
2- لما نشرى مواد البناء كلنا مع بعض هنجيب بسعر الجملة غير طبعا لما كل واحد يتفق لوحده وكمان أسعار النقل هتختلف
3- لما تفيض شيكارة أسمنت أو سيخ حديد عند واحد مننا زميلة اللى لسه مصبش يأخدها بدلا من انها تفسد عنده أو تتسرق منه عندما تظل فى مكانها أو ان هو يتحمل تكاليف نقلها تانى لغاية بيته وكدلك زميله برده لما تفيض عنه حاجة حد من زمايلنا يكون محتاجها يأخدها وبالتالى صدقونى هنوفر كتير
4- المفروض ان احنا نتفق مع بعضنا ونقسم بعضنا بحيث كل اثنين أو ثلاثة مننا مثلا يكونوا موجودين هناك يوم فى الأسبوع بحيث يراعوا مصالحهم ومصالح جميع زملائهم اللى موجودين معانا فى الرابطة فى هدا اليوم وكل يوم يبقى فى اثنين أو ثلاثة تانيين يراعو المصالح وبالتالى هنحس ان احنا كلنا هناك كل يوم ودة طبعا لأننا كلنا عندنا شغل ومش فاضيين فهنرتب مثلا كل واحد يكون هناك فى يوم أجازته مثلا وهكدا وبكده هنوفر على بعض مجهود كبير جدا
5- وأهم ما فى الموضوع ان احنا نتفق مع مقاول محترم موثوق منه ويكون مسلم شغل قبل كده وشغله مفهوش مخالفات ونكون عارفين أهله ونسبه بحيث لما يغلط نعرف نحاسبه ويكون سعره كويس وطبعا علشان نجيب مقاول بالمواصفات دى لازم نكون مجموعة مع بعض علشان يرضى يجيب خشبه فى المكان وأنا عندى استعداد اننى أتولى المهمة بتاعة المقاول دى لى ولكل زمايلى فى قطاع ر والقطاعات المجاورة لنا اللى هيكلمونى وهيكونوا معانا فى هده الربطة ان شاء الله تعالى لأن بصراحة يا اخوانى الوحد على ما يبنى بيكون صرف مصاريف كتيرة جدا وبالتالى احنا مش حمل واحد ييجى ينصب علينا أصل العملية مش ناقصة

بالتالى يا اخوانى أنا شرحت وجهة نظرى واللى عنده أى اختلاف معايا يكلمنى علشان يناقشنى والمتفق معايا فى الرأي يكلمنى علشان نبدأ نجمع الأسامى والتليفونات علشان نبدأ حفر وشغل كلنا مع بعض أو حتى نعمل اجتماع كلنا مع بعض قبل بداية العمل علشان نكون عيلة واحدة كلنا

أسف على الأطالة وأتمنى للجميع دوام التوفيق ويارب يكون بيت سعيد لينا كلنا وفى انتظار تليفوناتكم

أخوكم مهندس / أيمن سالم 0128374681 قطعة رقم 51 قطاع ر المنطقة السابعة