المساعد الشخصي الرقمي

مشاهدة النسخة كاملة : بعـــد ستـّــة


محمود التهامي
30-04-2009, 06:59 PM
بعـــد ستـّــة



:: بحبك ::
بعد 6 أسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعني لو مش بحبك كنت هاتجوزِك ليه ؟؟؟
*********
:: بعد الشغل ::
بعد 6 أسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الأكل ؟؟
*********
:: جرس التليفون ::
بعد 6 أسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردي !.. انا عندي صداع
*********
:: وقت الغدا ::
بعد 6 أسابيع : ماكنتش اعرف ان نَفَسك حلو اوي كده
بعد 6 شهور : عاملة ايه النهاردة؟
بعد 6 سنين : بامية تاني؟
*********
:: لما تشترى فستان جديد ::
بعد 6 أسابيع : مبروك ياحبيبتي , هياكل منك حتة
بعد 6 شهور : انتي جبتي فستان جديد تاني ؟
بعد 6 سنين : هممممم.. بكام ؟
*********
:: لما يتفرجوا على فيلم ::
بعد 6 أسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم ده
بعد 6 سنين : انا رايح السينما , نامي انتي بقى
*********
:: لما تعزم اصحابها ::
بعد 6 أسابيع : وماله.. اهلاً بيهم فى اي وقت
بعد 6 شهور : انتي كل اسبوعين هاتعزميلنا حد ؟
بعد 6 سنين : يوووووه.. ده مابقاش بيت
*********
:: في العيد ::
بعد 6 أسابيع : حبيبتي الكحك والبسكوت برّه على السفرة
بعد 6 شهور : مش واجب بقي مامتك تجيب لنا الكحك؟
بعد 6 سنين : مش لازم كحك السنة دي .. انتي تخنتي اوي
*********
:: وهيّ رايحة للدكتور ::
بعد 6 أسابيع : حبيبتي قوليلي قبلها عشان اعمل حسابي فى الشغل
بعد 6 شهور : خدي مامتك ولاّ حد من صحابك
بعد 6 سنين : دكتور دكتوووووووور .. مانتي زي البمب اهو
*********
:: المولود ::
الاول : زي القمر .. شبهك
المولود التاني : شبه اخوه
المولود التالت : ياريت تخلّي بالك المرة الجاية
*********
:: لما يروحو السوبر ماركت ::
بعد 6 أسابيع : تحبي تروحي انهي سوبر ماركت يا حياتي؟
بعد 6 شهور : وماله عم أنور البقال ؟
بعد 6 سنين : انتي بتودي الأكل فين !؟؟
*********
:: لما ييجي عيد ميلادها ::
بعد 6 أسابيع : معلش كان نفسي اجيبهولك ألماظ
بعد 6 شهور : خدي 50 جنيه وهاتي اللي انتي عايزاه
بعد 6 سنين : مش عيد ميلادك كان السنة اللي فاتت؟.. هوّ كل سنة ولا إيه !؟
ensana
30-04-2009, 07:36 PM
ههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههههه
بجد تحففففففففففففففففففففه الراجل ده
ده لو كان جوزى كان زمانكو قارين خبر موته فى صفحة الوفيات :D:D
الحمد لله انى مش مجوزه ههههههههههههههههههههههههههههههه
تسلم ايدك يا مديرنا :rolleyes:
M.Khalifa
30-04-2009, 07:43 PM
هههههههههههه
ده الأخ ده قليل الأصل قوي
حد بيزهق من مراته كده
ممكن ده يكون عاى سبيل الضحك
لكن في الواقع لا أظن ذلك
محمود التهامي
30-04-2009, 07:43 PM
ده لو كان جوزى كان زمانكو قارين خبر موته فى صفحة الوفيات :D:D



ههههههههههههههههههههههههه
الباشا تلميذ
30-04-2009, 09:33 PM
هههههههههههههههههه
طب وبعد مضاعفة المدة (12 سنه) حيبقى الرد إيه
fagrmasr01
30-04-2009, 10:10 PM
هههههههههههههههههههههه
عودة قوية اوى يا مديرنا الحبيب

انما .. ولكن يعنى ...
دول ستة وحصل دا كله
امال الى زى حالاتى 26 ....
26 سنة مش شهر


تسلم ايديك يا مديرنا الغالى
محمود التهامي
03-05-2009, 05:58 PM
هههههههههههههههههه
طب وبعد مضاعفة المدة (12 سنه) حيبقى الرد إيه






دول ستة وحصل دا كله
امال الى زى حالاتى 26 ....
26 سنة مش شهر


تييييييييييييييييييييييييييييييييييت

هههههههههههههههههههههههههههههههههههههههههههههههه