ما معني ان تفوز قطر باستضافة كاس العالم 2022

[محمد المصري]

كيف تفوقت قطر علي كل من استراليا, كوريا الجنوبية, اليابان, وامريكا
وتفوز باستضافة كاس العالم لعام 2022؟


الامر لم يكن بالامر الهين علي شعوب البلاد الخاسرة فاستضافة كاس العالم حلم خاصة بعد ان كان الجميع يتوقع نجاح الولايات المتحدة

قطر ستكون اول بلد عربي وخليجي بل واسلامي يفوز باستضافة كاس العالم

الفوز لم ياتي صدفة بل اتي بعد سنوات من العمل الجاد من خبرات عربية واجنبية بحثت كيفية النجاح
وقد بهر الاخوة القطريين الفيفا بل والعالم باقتراحهم بانهم سيتبرعون بالاستادات الرياضية لبلاد العالم الثالث


مبروك قطر لهذا النجاح العظيم

[وردة الايمان]

فعلا شىء جميل جدا ان بلد عربى تستضيف كأس العالم

ده معناه اننا مش اقل ابدا من اى دولة اوروبيه نظمت كأس العالم قبل كده

شىء جميل بجد ...والاجمل ان الفرق العربيه يكون مستواها عالى وتقدم مباريات على مستوى عالمى من الناحيه الفنية

مبروك لقطر ولكل العرب

[fagrmasr01]

الف مبروك لقطر
بالفل ملفها كان شئ يشرف
وأثبتوا انهم بيحبوا بلدهم
مش زى اللى باعوا القضية وخلونا ناخد صفر كبير والخيبة انهم وبمنتهى البجاحة لسا هم كبار المسئولين عن الرياضة فى مصر
مبروك لقطر
والله يعينك يا بلدى على ولادك اللى ناموا فى العسل ومش فاكرين اى شئ غير ان اجدادنا هم الفراعنة بناة الأهرامات



فريق
النجاح والإمتياز
بإذن الله نصنع نجاحنا بالإرداة والتحدى

[lionking]

طبعا يا محمد كلامك صح

النجاح عمره ما ييجى صدفة ابدا

قطر درست الموضوع كويس اوى وطبعا طبعا طبعا استعانت بخبرات عالمية عشان توصل للهدف بتاعها

هييجى حد يقولى انهم اشتروا وصرفوا.............!!!

هقوله صح

قطر اشترت الخبرات وصرفت على تنفيذ الافكار

وكذلك الامارات ليه بقت كده ؟؟؟ عشان اشترت خبرات وصرفت


:1 (16): :storm_6014232031094 :1 (16): :storm_6014232031094
يعنى من الاخر لازم ندرس الموضوع قبل وقته بفترة ونصرف شوية عليه ... هنتعب فى الاول لكن المردود اكيد كويس

لكن احنا بتوع الفراعنة يا جمال

والله حتى ما نعرف ايه هى الاسرات ولا نعرف تاريخ مصر الفرعونى ولا اى حاجة

احنا بئه بتوع اللحظات الحرجة

فجاة نفتكر ان فى ملف للمونديال.................
فجاة نفتكر رمضان .......................

عادى بئه

مبروووووووووووووووووووووووووووك