المساعد الشخصي الرقمي

مشاهدة النسخة كاملة : فهرس باسماء الاطباء الممتازين وعناوينهم واسعارهم - شاركونا



haneen
03-12-2010, 12:10 AM
السلام عليكم يا شباب
:36_3_12[1]:
انا ملاحظة ان اسعار كشف الدكاترة في 6 اكتوبر مولعة نار وشرار
اينعم الاسعار غالية عموما بس الا في 6 اكتوبر
الموضوع مبالغ فيه اوي
ده غير ان مش سهل نلاقي دكتور كبير له اسمه وقديم في ممارسة المهنة ابدا في المدينة
:storm_9401257127043
يعني حد يصدق ان فيزة دكتوراسنان في الحي الرابع توصل ل 200 جنيه ده غير تكلفة الشغل
وهل يرضي ربنا ان اخويا يروح يعمل شيل عصب لضرسه وتركيب طربوش يكلفه اكتر 700 جنيه؟
لا وايه اول مرة اشوف درس العصب بيتعالج في جلستين تلاتة وبالسعر ده
:1 (16):

فرجاء انا ليا طلبين :
اولا : يا ريت نعمل فهرس باسماء وتخصصات الدكاترة الممتازين في اكتوبر والشيخ زايد وعناوينهم وتليفوناتهم وسعر الفيزيتا
ثانيا: تحديد الدكاترة الغير مبالغين في اسعارهم

since1990
03-12-2010, 02:13 AM
فكره جيده
لكن مبدأيآ حابب أقولك اذا كنت عضوه فى نادى 6 أكتوبر

من حقك الحصول على تخفيض على الكشف فى عده مستشفيات

ومعامل هامه مثل مستشفى دار الفؤاد من 85 الى 65 جنيه والدكاتره على

أعلى مستوى, و كذلك مستشفى الصفوه بالحى الاول,ومستشفى زايد التخصصى,

والحال نفسه فى معامل البرج والمختبر......


http://www.vb.6ocity.net/imgcache/10082.imgcache.jpg

haneen
03-12-2010, 03:02 PM
للاسف scince 1990
انا مش مشتركة في النادي
يا ترى ايه البديل من وجهة نظرك
شكرا

محمود التهامي
03-12-2010, 04:51 PM
الموضوع طبعا جميل واتمنى ان تسمحولي اقول رأيي واشارككم النقاش

لكن اولا نشوف هل فعلا فيه مشكلة وللا لأ

استاذه حنين
حضرتك بتقولي

مش سهل نلاقي دكتور كبير له اسمه وقديم في ممارسة المهنة ابدا (http://www.vb.6ocity.net/showthread.php?t=24018)في المدينة

وعلى حد معرفتي وتجاربي مع الاطباء
فالقدم في ممارسة المهنه ليس مبرر ابدا للنجاح
بالعكس بل ان بعض الاطباء الكبار سنا يرفضون اتباع الجديد في مجال الطب ويتجاهلون الابحاث الجديدة
وذلك طبعا يضر بمرضاهم
وشاهدت ذلك مرارا وتكرارا خصوصا فيما يتعلق بأمراض النساء والتوليد
وايضا بناءا على تجاربي مع اساتذه معهد القلب القومي حيث اني مريض قلب منذ 21 عاما
وأفضل الاطباء الذين قابلتهم بالمعهد لم يتعدى عمره 35 سنة


اما بالنسبة لاسعار الكشف والفيزيتا
فعن تجربتي كمواطن اكتوبري لمدة 20 عاما
فالاسعار ليس لها علاقة ابدا بمستوى الطبيب او قدرته وخبرته
ولكن كل الفارق هو في مكان العيادة وديكوراتها
فعيادة طبيب بالحي السادس
لن تكون ابدا كعيادة نفس الطبيب في الحي المتميزو
كذلك طبعا سعر تذكرة الكشف وايضا روشتة العلاج

كمان اكتوبر فيها مستشفيات جامعيه كبيرة وعلى قدر كبير جدا من الرقي والعلم
فمثلا مستشفى جامعه مصر
بها قسم مجاني يشرف عليه نخبة من امهر وارقى الاطباء والاستشاريين
وهدي لحضرتك مثال بسيط وبرضة هيكون على اطباء الاسنان
الحالة الاولى خلع درس في الحي السادس
عيادة متواضعه
الدكتور بيقولك سعر الكشف وسعر الخلع وسعر حقنه البينج قبل ما يبتدي
وفي النهاية كان الاجمالي 65 جنيه

الحالة الثانية في الحي السابع
دكتور اكبر سنا
عيادة شيك
40 جنيه كشف
وبعد الخلع 185 جنيه

الحالة الثالثة
مستشفى جامعه مصر
الكشف مجاني
ولكن اول مرة بس 5 جنيه لعمل ملف طبي وتسجيله على الكمبيوتر للمتابعه المستقبليه
الاطباء استشاريون ومدرسين بكليات الطب
كل الاجراءات وخطوات العلاج مجانية
حتى العلاج اغلبه متوفر كعينات مجانيه والباقي تشتريه من برة



اضافة كمان
في الحي السادس فيه عيادة استشاري قلب بمعهد القلب
الكشف 20 جنيه
في الحي الثاني جمب خير زمان
استشاري قلب بجامعه 6 اكتوبر
والكشف 60 جنيه

هاا
ايه رأيكم بقا دلوقتي


الخلاصة ان اكتوبر مدينة عادية زي اي مدينة

يعني لو حضرتك روحتي عيادة في الزمالك
مش هتكون زي عيادة في بولاق
رغم ان دكتور بولاق ممكن قوي يكون امهر من دكتور الزمالك