-- :: 24 سر من أسرار الولاد فى أختيار البنت :: الجزء ‏التالت والأخير :: ‏

[RSS]

السلام عليكم ورحمة الله وبركاته ..


دووول ياجماعة الـ 25 الجداد وآخر حاجة من أسرار الولاد مع البنات :)


وكنا قبل كدا عملنا توبيكين عن أسرار الولاد مع البنات وكل توبيك فيه 20 سر ..

.,

وأدى ال 25 الجداد :

41- الشاب بيحب البنت اللي عندها حاجة اسمها عقل مش البنت اللي بتلبس (مينيي جيب :biggrin23:) ..


42- الشاب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح :D؟؟؟


43- عملياً الشاب بيتفاخر عن كل حاجة تخصه ( ده أساسي يعني :D ) ..


44- الشاب غالباً عمره ميتآمن على سر خدي بالك بقي مبيتبلش فيه فولة وده غصب عنوا ديه طبيعة عادي يعني (مش كلوا يعنى :D ) ..


45- الشاب دماغه مبتهداش على طول بتودي و تجيب مبيبطلش تفكير ابدا ..


46- الشاب خياله واسع قوي (يرمح فيه الخيل يعني :D) ..


47- الشاب طولك عنده مش مهم بس صدقيني مفيش عندو أهم من وزنك حااااسبي :Jumpy:..


48- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) ..


49- لما سيادتك تجنني شاب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ :D ..


50- غالباً بيكون صعب على الشاب يسيبك و خصوصاً اذا كان بقالكوا مع بعض أكتر من 3 سنيين ( يعني لو عمل كدة هيكون بيدوس على قلبه:confused: ) ..


51- لازم لازم لازم الصراحة يعني تقولي للشاب أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس ..


52- تجذير هاااام الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه وإلا عمره مهيكبر و يعقل ويبطل لعب العيال ..


53- لو حصلت ظروف مش قد كدة غالباً الشاب بيلوم نفسوا أكتر بكتييير منك ده كمان ممكن توصل انو يعمل حاجة في نفسه اوعي تسيبيه في ظروف زي دي اتفقنا ؟ عشان ده أكير وقت بيحتاجك فيه ..


54- الشاب عموماً عنده انفعال و شغف انه يتغير للأحسن .. بس إرادته للأسف ضعيفة يعني محتاج منك زأة لو مفيش مانع :D ..


55- الشاب يكون مع الناس كلها واد إيه أسد مرعب محدش يقدر يفتح بقوو معاه بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي ..


56- لما الشاب يقولك انه مجنوون بيكي يبقى فعلا حبك عمله جنان و غالباً مش بيكدب ..


57- لما الشاب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقه يدايقك
(بس مش الزن اللي يخنق:biggrin23:) ..


58-الشاب في الحقيقة غالباً ملوش قرار نهائي ( وخدي بالك من النقطة دي) ..


59- لما الشاب يحبك بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي ..


60- لما الشاب يسيب التهريج و يبقى عايز يتكلم بجد إسمعيه و وريه اد إيه أنتي مهتمة ..


61- لو الشاب فضل ساكت و قافل بقوو متقلديهوش و تقعدي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه ..


62- الشاب ما بيآمنش بالحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة ..


63- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي ...


64-الشاب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود:biggrin23:) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه :Jumpy: ..


وبس كدا ويارب الشباب ميزعلش منى .. ومعظمنا كدا بصراحة .. والمعظم الأخر لا :) ..


والموضوعين اللى قبل كدا :

:: 20 سر من أسرار الولاد فى أختيار البنت :: (http://3gypt.com/vb/thread317397.html) ‏

:: 20 سر من أسرار الولاد فى أختيار البنت :: الجزء ‏التانى :: (http://3gypt.com/vb/thread318151.html)