المساعد الشخصي الرقمي

مشاهدة النسخة كاملة : مدرسة ام المؤمنين



nona
24-04-2009, 07:50 PM
ارجوا اخبارى عن مستوى هذه المدرسه

lionking
24-04-2009, 08:26 PM
اهلا يا نونا

انت ممكن تقرأى عن المدارس هنا فى الرابط ده

http://6ocity.net/vb/showthread.php?t=1039

setokm_h
04-05-2009, 07:59 AM
السلام عليكم ورحمة الله وبركاتة
انا مرت على السؤال بتاعك ده وخرجت ورجعتله تانى
شوفى انا لسه بدور على مدرسة لبنتى وانا بجوار مدرسة ام المؤمنين
لكن دى اخر مدرسة ممكن ادخل بنتى فيها او انصح حد بيها
لان دى مدرسة اهالى وسمعت ان التعليم فيها مش قده كده يعنى العاملين فيها اصحبها حتى لو همه مش مؤهلين
للعمل كمعلمين واعتقد انك لو تعاملتى مع مدرسة تجريبى هيكون افضل بكتير
وده اللى سمعته عنها وياريت لو هتدخلى فى المدرسة دى اسئلى عنها كويس اوى
وشكرا

asirat
15-05-2009, 07:48 PM
ياريت ياجماعة حد يقلي رايه في مدارس ام القري وبدر تيجر والحصري والشارقة والرضوي الحديثة ورياض الصالحين مهم جدا وجمال حمدان 6 اكتوبرالجديدة المدرسة الشاملة انهي احسن ارجوا الرد سريعا:BeRightBack:

دعا
17-05-2009, 03:56 PM
مدرسة ام القرى تحس انها حكومة وتيجر و بدر عربى ورياض الصالحين برده عربى بس اسمع ان الرضوى مستواها التعليمى كويس بس هى شكلها مش حلو

قمارا
08-06-2009, 09:49 PM
والله انا جارتي ولادها 2 ابتدائي و كي جي 2 فيها قسم عربي وبتشكر فيها اوي

setokm_h
10-06-2009, 12:56 AM
السلام عليكم ورحمة الله وبركاتة
للامانة خصوصا ان قولت رائي فى مدرسة أم المؤمنين سابقا
احب اقول اللى سمعته عنها جديد
انا التقيت بوكيلة مدرسة ام المؤمنين سابقا بالصدفة وسئلتها عن مستوى المدرسة التعليمى
فقالت انها كانت مدرسة جيدة وكويسه بس حاليا مستوى اللغات فيها بقه ضعيف جدا وممكن بس ادخل فيها عربى لان العربى هناك مستواه معقول مش وحش
وده على لسان وكيلة مدرسة سابقه لام المؤمنين
والله واعلم
وشكرا

قمارا
10-06-2009, 11:09 PM
شكرا جزاك الله خيرا

نبض الكلمات
07-09-2009, 02:05 PM
السلام عليكم

بصى يا حبيبتى
أبعدى عن الرضوى ورياض الصالحين وأم المؤمنين كثافتهم عالية والتدريس مش كويس
أولادى فى بدر تايجرز المدرسة كويسة ومديرها راجل تربوى
لكن بأمانة ما سمعت عن مستوى أم القرى
والحصرى أزهرى

eng_elm
30-12-2009, 10:24 AM
السلام عليكم ورحمه الله وبركاته
يا جماعه انا عايزه اقول حاجه انا ولادي في المدرسه ديه في kg2 واولي ابتدائي بس اقدر اقول ان المدرسه معتمده اعتماد كلي علي الدروس الخصوصيه وان المدرسين فيها خريجين جداد ومعندهمش اي خبره والا داره ضعيفه جدا وغير ترباويه وكمان مستوي الاولاد الاخلاقي لايوجد اي اهتمام بيه ومعظم المدرسين غير تربويين ويا ريت لو حد مجرب مدرسه تانيه يقول علشان انا ان شاء الله هنقل بس بشرط تكون مدرسه لغات فقط
وجزاكم الله خيرا