الرجوله ماتت ياجماعه

[خلود]

بسم الله الرحمن الرحيم
موضوعى ده مش جديد تقريبا هو استكمال لموضوع اغتصاب فتاه امام 22 من اشقائها
بس ده اغتصاب فتاه امام امها وخالتها و10 من الرجال وقفوا مكتوفى الايدى
والحكايه تبتدى بركوب بنت عندها 18 سنه مع امها وخالتها ميكروباص وفيه 10 من الرجال
من بينهم شاب وتقريبا كده واخد نوع معين من البرشام والميكروباص فى طريقه وقفه الشاب
واجبر السائق على الوقوف ورفع المسدس فى وجوههم كلهم وسرق كل من كان بالميكروباص
واجبر البنت وامها وخالتها على النزول وامر السائق بالسير فى طريقه وبالفعل مشى الميكروباص ومعه 10 من الرجال
وتركوا البنت وامها وخالتها بدون اى مقاومه ومضى الشاب بهم فى الطريق وفى حته ضلمه وانتم عارفين الباقى بقى
تم اغتصاب البنت وسرقه كل ما مع امها وخالتها من مال ودهب
وتركهم وهرب
وصلنا لهذه الدرجه من الللامبالاه الى الحد الذى يترك فيه 10 شاب وغير مظبط جسمانيا بمعنى انهم لو كتفوه ما حدث ما حدث
حسبى الله ونعم الوكيل
اللهم ما ارفع مقتك وغضبك عنا وكفايه كده بجد حاجه تحزن فعلا

[اميرة حبى انا]

لا حول ولا قوة الا بالله
حسبى الله ونعم الوكيل
ده زمن العجايب
رجالة اخر زمن

[محمود التهامي]

حسبى الله ونعم الوكيل
بس فين الرجالة دول
انتي مش بتقولي كان فيه معاهم 10 رجالة

ما هما لو رجاله ما كنش حصل اللي حصل

[خلود]

عندك حق اميره زمن العجايب ولسه ياما نشوف ونسمع

يارب استرها على البنات كلهم يارب

[خلود]

زى ما قلت نصل الهوى لو كانوا رجاله مكنش ده حصل

يارب ارحمنا برحمتك ويحصل فوقان للناس اللى فى الغيبوبه

[abo trieka elking]

ربنا يجازيه ويتعمل كدة فى حد من اهله
وفعلا الرجولة ماتت

[خلود]

ياابو تريكه مندعيش على حد من اهله

لانهم ممكن يكونوا ناس كويسين بس ابنهم وحش

يبقى ذنبهم ايه بقى ربنا يجازيه هو بعمله

وشكرا ياكابتن على مرورك

[M.Khalifa]

لازم نفرق بين الرجولة والذكورة
ممكن يكونوا ذكور انما مستحيل يكونوا رجالة
لا حول ولا قوة الا بالله

[habiby]

الرجولة ؟؟؟؟
والله لو اخر لحظة فى العمر ما يجوز ان يتركوا البنت

هم من الاول اخيب من الخيبة
اللى يطلع فلوسه ويتهاون فى انه يترك العرض يضيع لابد ان يكون عديم الايمان عديم الرجولة عديم الكرامة

علمونا الخوف من حكوماتنا ومن العسكرى ومن مدمن المخدرات
حكوماتنا سحبت الكرامة من الشرفاء وتركت الحبل على الغارب للصوص ومدمنى المخدرات وتجار السوق السوداء
والمجتمع البعيد عن الدين لازم يفقد كرامته مهما حاول انه يدعى المدنية

الحل هو العودة الى الله

[مارو]

كما تدين تدان

وكله الا الشرف يااولاد .........

[هاوي]

حسبنا الله

[فريد]

هيه مش حاجة تحزن ياخلود
للاسف دى حاجة اسف تقرف
كل مايحدث بسبب واحد البعد عن الدين
و لو عدنا اليه لاعادنا الله
اللهم ردنا اليك ردا جميلا

[fagrmasr01]

انه الخضوع زرعوه فينا .. نخاف من غير الله فنخضع لغير الله
علمونا ان نخشى اى مواجهة حتى وصلنا الى حالة من التردى ضاعت معها الكرامة
علمونا ان نعصى الله فلم نعد نطلب منه العون وانسونا الشياطين ذكره فلم نعد نستعينه ولا نستهديه ولا نستنصره جل جلاله سبحانه
علمونا ان نطلب العزة من غير الله بنفاق واسترضاء ، فهان علينا دين الله الحنيف
اصبحنا نرتشى ونسرق ونزنى ونشرب المخدرات والخمور علنا فى الشوارع وفى الافراح وفى المناسبات.. فأصبحنا نخشى الشرطى والبلطجى

من يتق الله يخيف منه كل مخلوقات الله
ومن يعص الله يخيفه الله من كل مخلوقات الله


ومن طلب العزة من غير الله عز وجل ، فانه يرمى بنفسه الى التهلكة الحقة

نحن قوم أعزنا الله بالاسلام فإن طلبنا العزة فى غير الاسلام أذلنا الله

اللهم ارفع غضبك ومقتك عنا ولا تؤاخذنا بما فعل السفهاء منا وردنا يارب الى دينك رداً جميلاً
اللهم آمين

[رحاب محسن]

لا حول ولا قوة الا بالله

[RMR]

الهم اهد عبادك
واحفظهم

[خلود]

اشكركم جميعا وكم كنت حزينه وانا اسمع عن هذه القصه عند حدوثها

للاسف كما قال جمال اصبحنا نخشى من اى مواجهه لدرجه ضاعت معها الكرامه

اتمنى ان لا يحدث هذا فى مجتمعنا ولكنها مجرد امنيه

جزاكم الله خيرا اخوانى واخواتى