دا شعب فقرى احمد فؤاد نجم

[فريد]

دا شعب فقرى



نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ……. نسترحمك
نستعطفك …….نستكرمك
ترحمنا من طلعة جنابك حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد ‘غازه’ لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد ‘مستوطنة ‘
متسلطنة بالسرطنة
إيه اللي خدناه م الكرامة والإباء
حبة خطب وكلام…كلام
إحنا راهننا على النظام
ورضينا بخيار السلام
بخيارحنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم





أحمد فؤاد نجم

[ابو اسامه]

استاذ : فريد .. أيه الحلاوة دى وايه الكلام اللى يتلف فى حرير ده .
الله ينور عليك على اختيارك لهذه الكلمات ..
تقبل مرورى من بين هذه التحفه الفنيه الرائعة .. ابو اسامه ...

[محمود التهامي]

على فكرة يا فريد
علاج المغص اللي جالي من الضحك ده هيبقا على حسابك

[الرومنسى]

شكرا فريد
بجد زوقك عالى فى اختيار حتى قصائد النقل لديك
لان الاستاذ الشاعر الكبير احمد فؤاد نجم
هو استاذنا بل كلماتة رائعة
وهو دا حال بلادنا
شكرا لك على ما امتعتنا به

[فريد]

استاذ : فريد .. أيه الحلاوة دى وايه الكلام اللى يتلف فى حرير ده .
الله ينور عليك على اختيارك لهذه الكلمات ..
تقبل مرورى من بين هذه التحفه الفنيه الرائعة .. ابو اسامه ...

اهلا بيك ياابو اسامة نورت
على شرف الرائع احمد فؤاد نجم
تحياتى لك ياغالى

[فريد]

على فكرة يا فريد
علاج المغص اللي جالي من الضحك ده هيبقا على حسابك

ياباشا و لا يهمك
من جنيه لحد ****************
ده انت الغالى
لا يمكن استخسر فيك حاجة ابدا
و اوعدك هاخفف المغص باخرى قريبا

[فريد]

شكرا فريد
بجد زوقك عالى فى اختيار حتى قصائد النقل لديك
لان الاستاذ الشاعر الكبير احمد فؤاد نجم
هو استاذنا بل كلماتة رائعة
وهو دا حال بلادنا
شكرا لك على ما امتعتنا به



ربنا يكرمك يارومنس
شرفت و نورت
وكلامك زى السكر زيك بالضبط
اهلا بيك اخ غالى
احمد فؤاد نجم
بلا تعليق

[ahmedabdelziem]

ياسلام على جمالك
الله ينور ياباشا
ودائما الى الافضل

[lionking]

احمد فؤاد نجم

راااااااااااااااااااااااااااااااااااااائع فى كل كتاباته

واقعى صريح محترف

تسلم ايدك يا فريد على الاختيار الرائع فى الوقت المناسب

[فريد]

ياسلام على جمالك
الله ينور ياباشا
ودائما الى الافضل


ده جمالك انت ياباشا
و ينور عليك و بارك الله فيك

[فريد]

احمد فؤاد نجم

راااااااااااااااااااااااااااااااااااااائع فى كل كتاباته

واقعى صريح محترف

تسلم ايدك يا فريد على الاختيار الرائع فى الوقت المناسب



فعلا ياليون
احمد فؤاد نجم
ملوش حل
كلامه صح الصح
اشكرك ياليون