RSS
30-11-2010, 07:00 PM
صدق اللي قال زمان، الجنازة حارة و الميت كلب ...
تحية خاصة و جميلة و عطرة من مواطن مصري مخرف مجنون إلى الرجال الأبرار في الحزب الوطني و الحكومة، و إلى الشرفاء المناضلين في الإخوان و المعارضة و الى الشعب المصري الطيب اللطيف المهاود ...
و نشكركم على حسن تعاونكم معنا طوال الثلاثون عاما الماضيين، كشعب طيب متعاون امين ينضرب على قفاه و تتزور انتخاباته و تتورث جمهوريته و يحتكره حزب واحد موحد ومعاه معارضة متأمرة و هابلة منها اللي بتشتغل يا لصالح الحكومة شوية باسم الدين و منها بردو اللي بتشتغل لصالح الحكومة باسم التتغير و الحرية السياسية و الليبرالية و الديموقراطية ...
يا سلاااام الف شكر و الله يا جماعة، اسعدتوني و اكدتولي ان فعلا كنت بني آدم متامر و عميل لدولة اجنبية لما كنت بذعق بعلو صوتي من سنتين و نص ايام زمان لما كان الركن ده ركن سياسي على ابوه و معايا فيه ناس محترمين (قبل مايلم و يبقى مرتع لكل كلاكس و كل طبال و كل حامل صاجات ومباخر سواء هنا او في القهوة كلها)، كنت بنبح و اقول بعلو صوتي يا ناس يا شعب يا بني آدمين اصحوا قبل ما الطوفان ييجي و يسحلنا سحلة الكلاب !
اكدتولي اني كنت مجنون و مخرف و استاهل ان يتم ايداعي مستشفى الأمراض العقلية، بسبب اعلاني المستمر ان البلد دي لا ينفعلها لا وطني ولا اخوان ولا نيلة، البلد دي عايزة حد من الشارع المصري الأصيل يفوق و يصحى و يصحي معاه البلد اللي شعبها نايم في سابع نومه، و يكون حاسس بمشاكل الناس و بلاويها و قرفها، و يوجد مع جمع من السياسين اصحاب الضمير في البلد حالة وعي بالمشاركة و التفاعل، موش بحكم الفرد بس !
اكدتولي اني استاهل الإعدام بتهمة الخيانه العظمى، لما وقفت في وش مطبلطية الحكومة و رقاصين و بغبغانات الحزب (الواطي الديموقراطي) و كمان الرجم بالحجارة او اقامة الحد عليا لكوني كافر بالشريعة و الإسلام، لما وقفت بردو في وش بهائم و بقر جماعة (مولانا و بطيخ مولانا) المشهورين باسم (الإخوان المسلمين)، لما وقفت في وشهم بردو مع بتوع الحزب (الواطي)، و قولت بالفم المليان انهم الجوز ممثلين فاشلين في مسرحية درامية سخيفة و مستفزة و عايز يتولع فيها بجاز وسخ !
اكدتولي مما لا يدع فيه مجالا للشك، اني ضد الديموقراطية وضد التغير و التطوير و التقدم للأمام، لما رفضت اللي عاملين نفسهم معارضين و هما لا معارضين ولا يحزنون و مهماش اكتر في دورهم في المسرحية التافهة دي غير قوادين سياسة متهنين في السياسة اقدم مهنة من مهن التاريخ، و لكن باسلوب و شكل سياسي بحت (دعارة سياسية)..
اكدتولي في النهاية، اني كنت على حق و اني استاهل يتلعن اسمي في مليون الف موقع و الف مليار موضوع ...
بس خليكوا فاكرين ..
خليكوا فاكرين ان التاريخ شاهد عليكم ..
خليكوا فاكرين ان التاريخ بيكتب اسامينا كلنا بصفحات سوده مليانه نكسات و مصائب و جهل و تخلف !
خليكوا فاكرين ان ولاد ولادنا في المستقب هايلعنونا و يلعنوا سلسفين جدودنا وجدود اللي خلفونا علشان سبنالهم مستقبل ضايع في بلد مالهاش عزيز ولا غالي !
خليكوا فاكرين ان الأمم موش هاتستنى تعطف علينا، و ان اذا كنا بنغني النهاردة اننا دولة ماحدش قربلها ولا احتلها، بكره هانصوت و نقلع هدومنا ملط من ديوننا و تدخل الأجنبي في اراضين و عدم امتلاكنا السيادة على بلادنا من تطبيع حكامنا مع الصهاينه و بعزقة الغاز عليهم من غير حساب !
خليكوا فاكرين ان التاريخ اذا كان زمان نصفنا و قال علينا شعب خير اجناد الأرض، فبكره التاريخ هايخسف بينا و بحاضرنا و بمستقبلنا لسابع ارض !
مبروك عليكم الحزب الوطني و مبروك عليكم جمال مبارك، و الإخوان شيوخ الغباء السياسي و الوفد المعارض المستانس في كنف النظام، و احزاب دلعينا يا حكومك نايدك شكرا !
مبروك على كل (خطيب جاهل اعمى) كل يوم و كل ثانية مصدق نفسه و متيقن من الكدبة ان البلد دي بكره هاتكون احسن بايدين الحزب الواطي الديموقراطي !!!
و انا عن نفسي و بالأصالة عن افكاري، و بالنيابة عن كل ارائي و معتقداتي بقولها و اللي يحصل يحصل ...
بقولها و انا موش خايف و عارف ان العمر واحد و الرب واحد..
بقولها و انا عارف ان هنا لسه في ناس محترمه بيحاولوا يحافظوا على اللي بنيناه انا و زمايلي زمان ..
بقولها و انا عارف و حاسس و متيقن ان الأمل لسه موجود في مصريين لسه التاريخ مامسحش هويتهم الحقيقية ...
بقولها و انا على مرمى بصري السنين بتجري شايلة كفن نظام احمق متخلف هايقضي على نفسه بنفسه ...
أعيش مخرف، و اموت مجنون ...
ارحم من اني اعيش في البلد دي عاقل، و اموت مشلول...
والسلام ختام ... اشوف وشكم بخير
تحية خاصة و جميلة و عطرة من مواطن مصري مخرف مجنون إلى الرجال الأبرار في الحزب الوطني و الحكومة، و إلى الشرفاء المناضلين في الإخوان و المعارضة و الى الشعب المصري الطيب اللطيف المهاود ...
و نشكركم على حسن تعاونكم معنا طوال الثلاثون عاما الماضيين، كشعب طيب متعاون امين ينضرب على قفاه و تتزور انتخاباته و تتورث جمهوريته و يحتكره حزب واحد موحد ومعاه معارضة متأمرة و هابلة منها اللي بتشتغل يا لصالح الحكومة شوية باسم الدين و منها بردو اللي بتشتغل لصالح الحكومة باسم التتغير و الحرية السياسية و الليبرالية و الديموقراطية ...
يا سلاااام الف شكر و الله يا جماعة، اسعدتوني و اكدتولي ان فعلا كنت بني آدم متامر و عميل لدولة اجنبية لما كنت بذعق بعلو صوتي من سنتين و نص ايام زمان لما كان الركن ده ركن سياسي على ابوه و معايا فيه ناس محترمين (قبل مايلم و يبقى مرتع لكل كلاكس و كل طبال و كل حامل صاجات ومباخر سواء هنا او في القهوة كلها)، كنت بنبح و اقول بعلو صوتي يا ناس يا شعب يا بني آدمين اصحوا قبل ما الطوفان ييجي و يسحلنا سحلة الكلاب !
اكدتولي اني كنت مجنون و مخرف و استاهل ان يتم ايداعي مستشفى الأمراض العقلية، بسبب اعلاني المستمر ان البلد دي لا ينفعلها لا وطني ولا اخوان ولا نيلة، البلد دي عايزة حد من الشارع المصري الأصيل يفوق و يصحى و يصحي معاه البلد اللي شعبها نايم في سابع نومه، و يكون حاسس بمشاكل الناس و بلاويها و قرفها، و يوجد مع جمع من السياسين اصحاب الضمير في البلد حالة وعي بالمشاركة و التفاعل، موش بحكم الفرد بس !
اكدتولي اني استاهل الإعدام بتهمة الخيانه العظمى، لما وقفت في وش مطبلطية الحكومة و رقاصين و بغبغانات الحزب (الواطي الديموقراطي) و كمان الرجم بالحجارة او اقامة الحد عليا لكوني كافر بالشريعة و الإسلام، لما وقفت بردو في وش بهائم و بقر جماعة (مولانا و بطيخ مولانا) المشهورين باسم (الإخوان المسلمين)، لما وقفت في وشهم بردو مع بتوع الحزب (الواطي)، و قولت بالفم المليان انهم الجوز ممثلين فاشلين في مسرحية درامية سخيفة و مستفزة و عايز يتولع فيها بجاز وسخ !
اكدتولي مما لا يدع فيه مجالا للشك، اني ضد الديموقراطية وضد التغير و التطوير و التقدم للأمام، لما رفضت اللي عاملين نفسهم معارضين و هما لا معارضين ولا يحزنون و مهماش اكتر في دورهم في المسرحية التافهة دي غير قوادين سياسة متهنين في السياسة اقدم مهنة من مهن التاريخ، و لكن باسلوب و شكل سياسي بحت (دعارة سياسية)..
اكدتولي في النهاية، اني كنت على حق و اني استاهل يتلعن اسمي في مليون الف موقع و الف مليار موضوع ...
بس خليكوا فاكرين ..
خليكوا فاكرين ان التاريخ شاهد عليكم ..
خليكوا فاكرين ان التاريخ بيكتب اسامينا كلنا بصفحات سوده مليانه نكسات و مصائب و جهل و تخلف !
خليكوا فاكرين ان ولاد ولادنا في المستقب هايلعنونا و يلعنوا سلسفين جدودنا وجدود اللي خلفونا علشان سبنالهم مستقبل ضايع في بلد مالهاش عزيز ولا غالي !
خليكوا فاكرين ان الأمم موش هاتستنى تعطف علينا، و ان اذا كنا بنغني النهاردة اننا دولة ماحدش قربلها ولا احتلها، بكره هانصوت و نقلع هدومنا ملط من ديوننا و تدخل الأجنبي في اراضين و عدم امتلاكنا السيادة على بلادنا من تطبيع حكامنا مع الصهاينه و بعزقة الغاز عليهم من غير حساب !
خليكوا فاكرين ان التاريخ اذا كان زمان نصفنا و قال علينا شعب خير اجناد الأرض، فبكره التاريخ هايخسف بينا و بحاضرنا و بمستقبلنا لسابع ارض !
مبروك عليكم الحزب الوطني و مبروك عليكم جمال مبارك، و الإخوان شيوخ الغباء السياسي و الوفد المعارض المستانس في كنف النظام، و احزاب دلعينا يا حكومك نايدك شكرا !
مبروك على كل (خطيب جاهل اعمى) كل يوم و كل ثانية مصدق نفسه و متيقن من الكدبة ان البلد دي بكره هاتكون احسن بايدين الحزب الواطي الديموقراطي !!!
و انا عن نفسي و بالأصالة عن افكاري، و بالنيابة عن كل ارائي و معتقداتي بقولها و اللي يحصل يحصل ...
بقولها و انا موش خايف و عارف ان العمر واحد و الرب واحد..
بقولها و انا عارف ان هنا لسه في ناس محترمه بيحاولوا يحافظوا على اللي بنيناه انا و زمايلي زمان ..
بقولها و انا عارف و حاسس و متيقن ان الأمل لسه موجود في مصريين لسه التاريخ مامسحش هويتهم الحقيقية ...
بقولها و انا على مرمى بصري السنين بتجري شايلة كفن نظام احمق متخلف هايقضي على نفسه بنفسه ...
أعيش مخرف، و اموت مجنون ...
ارحم من اني اعيش في البلد دي عاقل، و اموت مشلول...
والسلام ختام ... اشوف وشكم بخير