المساعد الشخصي الرقمي

مشاهدة النسخة كاملة : صورة سلبيه من الحي العاشر



mostafa_or
17-04-2009, 03:45 PM
اهلا ومرحبا بكم يسعدني الانضمام لهذا المنتدي المميز

وانا اعمل مطور مواقع ومن سكان مدينة 6 اكتوبر

واخذت هذه الصورة من الحي العاشر ارجو ان ترصد انت ايضا السلبيات لتكون متاحة امام المسئولين


http://www9.0zz0.com/2009/04/17/12/997453803.jpg:)

lionking
18-04-2009, 12:03 AM
اهلا بيك معانا فى المنتدى

وفعلا المنظر ده انا شفته فى العاشر
مش بس العاشر

اكتوبر حاليا المجارى مبوظاها مش عارفة ليه:eek:

نفسى افهم ايه اللى حصل فى المدينة

ولا لما الضغط زاد عليها باظت

على فكرة القمامة كمان بقت منظر مش تمام خالص
مع العلم ان الواحد كان بيفتخر انه ساكن فى اكتوبر بجوها الجميل والنقى

انا بقى هصورلك كام منظر برده
مساهمة منى
يمكن المسئولين يشوفوها

يمكن

يمكن يمكن


أشــــــــــــــــــــــــــــــــــــــــــــــــ ـــك

:eek::eek::eek::eek:

fagrmasr01
18-04-2009, 08:15 AM
مصطفى - ليون كينج
هل السلبيات عندنا محتاجة صورة للمسئولين ؟
هل المسئولين عندنا مش عارفين ؟

ممكن لو مشاكل مختفية مثلا او لو مشاكل عويصة فى نجع او كفر او قرية بعيدة
لكن فى محافظة اكتوبر ؟؟؟ أشــك
وفى الشوارع الكبيرة؟؟ أشــــك
ومشكلة خاصة بالنظافة ؟؟ أشــــك أشـــــــك أشــــــــــــــــــــك

mostafa_or
21-04-2009, 03:59 PM
شكرا لمرور

الي اسعدني


شكرا لكم جميعا

habiby
21-04-2009, 04:19 PM
هل الموضوع محتاج مرور وبس يا أستاذ مصطفى

البلد كلها محتاجة حد يبص وحد يسمع وحد يرحم

ولا أعتقد ان فيه أمل لأن المطلوب اليومين الحاليين واليومين الى جايين

اننا نتوه فى زحام مشاكلنا وننسى الواقع

وياريت لو حد عرف يوصل للمسئولين
يبلغهم السلامات
دا يعنى لو عرف يوصل لهم

اسف طبعا للازعاج
لكن هى دى الحقيقة مع شديد الاسف
واللى مش مصدقنى يلف فى الاحياء
ويشوف بعينه الشوارع والمجارى والدمار الحاصل مع اننا مدينة جديدة

Miss Robe
23-04-2009, 01:37 PM
عارفه كول دة ............


مع اننا نعتبر مدينة جديدة

عيب عليهم بجد الى بيحصل عندنا


متزعلوش خالص

انا بقة سمعت في الاخبار امبارح عن وجود بقع زيتية في مدينة شرم الشيخ

فا لبعيب مش علينا بقة


بقينا مكب للنفايان على راى واحدة


ثاك يوه على الصور


وارجوة نحاول نشوف حل ولو بمجهودتنا الشخصية

دى بلدنا مش لازم نسبها كدة اكيد

snake
24-08-2009, 10:21 AM
بسم الله

انا تركى

وجيت مصر اعدت فيها سنة عشان عمتى كانت هتعد هنا فترة وانا جيت معاها

وسالنا على المناطق النظيفة فى مصر فا ناس كتير قالولنا على 6 اكتوبر

مبدئيا كانت معقوله لكن بعد كدا اكتشفت كذا شئ

الطريقة اللى الناس كانت بتستغلنا بيها

والشوارع اللى عمرى ما رايت واحد بينظفها

والرمل والحصى والشوارع الغير متساوية

وعدم الاهتمام بالناس الللى واقفة فى الشمس علشان تركب مواصلات تروح بيها اماكن عدم توفير ليهم مواصلات بالمواعيد ومقاعد للراحه واشارات مرور لعبور المشاه

كل الكلام دا ماشفتش منو ولا حاجة

بجد انا خاب ظنى فى مصر كنت بسمع عنها كلام حلو بس حقيقة مش كويسة

ساسى
20-10-2009, 11:12 AM
ياجماعة انا كنت فى اكتوبر امبارح وللاسف شوفت شوارع كتير غرقانة من الصرف الصحى بجد انا كنت رايحة عشان ادور على شقه اشتريها وانقل من فيصل والهرم والزحام لكن للاسف شوفت مناظر اسوأمن الزحام اللى كنت عايزة اهرب منه شوارع منظرها مقزز وفى بعض الاماكن فى الاحياء والله ريحتها بشعة وكأنى ماشية فى شوارع بولاق اللى كانت زمان طرنشات والله انا حزينة جدا من اللى شوفتوا وشوارع مكسرة والاكتر كمان انى العربية خدت حتة مطب والله ماشوفت ابشع منه فى الحى العاشر والله العربيه اتخبطت جامد جدا من تحتها مع ان جوزى كان بياخده بكل هدوء لكن للاسف .وفى الاخر شوفت مكان جميل مشروع اسمه 156 بيبص على البشاير بصراحة عمارات جديده للشباب لكن منخفضة جدا عن الشارع الرئيسى وده اللى مش فهماه لحد دلوقتى ليه اتبنت كده يعنى اذا لقدر الله اذا شوية امطار او صرف صحى ضرب فى المكان ينزل كله على المبانى دى ياريت لو حد عارف ليه اتبنت كده يفهمنى عشان انا فهمى على قدى .

أبو رانيا
26-10-2009, 12:08 AM
اكتوبر كانت زمان لما كان المسئول واحد وهو جهاز المدينة والان بعد ان اصبحنا ضمن محافظة مترامية الاطراف اصبحنا بلا مسئولين ولا محافظ ولا شفنا منه حاجة تفيد ان الشوارع لها صيانة او عناية وبقول صيانة مش نجرف الاسفلت ونسفلت من جديد عشان تبقي سبوبة للمسئول وتستاهل اما الصيانة العادية فلا احد ينادي بها
من الاخر لم يعد لدينا مسئول ولا محافظ يحافظ علي المدينة اللي كانت نظيفة
والمواصلات لايوجد يوجد خط مني باص لا يتحرك من الجيزة واتوبيس من الجامعة كل نص الي 3/4 ساعة وكل يوم يقف الطلبة والناس كلها تحت رحمة سائقي الميكروباص ربنا ينتقم منهم

haytham69
26-07-2010, 08:50 PM
http://www.vb.6ocity.net/showthread.php?t=2273

موضوع عن نفس الفكرة