رجال معنفون ( بينضربوا يعنى) :( :( :( :(

[lionking]

رجال معنفون من قبل زوجاتهم:mad:


لوقلت ان النساء معنفات تكون ظاهرة عادية( مش دايما كمان) لانه غالبا ما تتعرض المرأة للضرب والعنف من طرف الرجل ولكن أن أسمع وأشاهد أن الرجال أصبحوا هم المعنفون وهذه الظاهرة أصبحت منتشرة فى الفترة الأخيرة...

هذا ما شاهدته فى برنامــــــــــج
أحمر بالخط العريض على قناة lbc

رجال من المجتمع تعرضوا ولازالوا يتعرضون للعنف على يد زوجاتهم :eek::eek:

لقد رأيت فى البرنامج 6 رجال يقف (على شنبهم الصقر) زى ما بيقولوا
منهم من كان يتكلم وهو كاشف وجهه ومنهم من كان واضع نضارة يستتر بها ومنهم من كان يغطي وجهه بخمار
بس والله العظيم إندهشت :eek: :eek: :eek: :eek:

منهم من قال ان زوجته حاولت قتله ومنهم من قال عضت أصابعي وإنشال اللحم ومنه من أراد ت ذبحه بالسكينة بالإضافة إلى الشتم ومنهم من فقد اسنانه ( آخر بهدلة يعنى)
عنف جسدي -عنف جنسي-عنف معنوي بالالفاظ المجرحة :eek:

مش عايزة اقول ظاهرة طبعا الدنيا لسة فيها رجالة

فى الدراسات والإحصائيات التي تقول أن هذا العنف في تزايد مستمر

هذه الدراسات التي اكدت أن الإعتداء وصل إلى الصفع بالوجه ومرورا بالعض وإستعمال الادوات الحادة ماقابله من لجوء الرجال لتأسيس جمعيات للحصول على حقوقهم.


لا حول ولا قوة الا بالله

هنا لا نقف امام المرأة التي تعنف الرجل لان هذا يحتاج إلى نقاش آخر لكن السؤال او الاسئلة التي تطرح
*من الذي يمنع الرجل أن يدافع عن نفسه ويتركها تعنفه بشتى أنواع الأساليب المستعملة؟

هل حبا لها-خوفا منها-ضعف في
شخصيته ولا يستطيع إتخاذ قرار.
*لماذا رغم العنف يفضل البقاء معها تحت سقف واحد؟

أين رجولته وكرامته؟
*الرجل المعنف كيف ينظر إلى نفسه؟

رجل مكسور مهزوم أو رجل يحب زوجته ولازم أن يصبر على تصرفاتها.
إذا كانت المرأة الضعيفة في بنيتها أصبحت ترفض كل انواع العنف أين شخصية الرجل ولماذالا يدافع عن نفسه؟
موضوع نحاول أن ننقاش ونعرف الأسباب التي تدفع الرجل للصبر على زوجته وتحمل كل هذه التصرفات والإعتداءات

واحد سعودى من ضمن المعنفين قال ان زوجته تضربه باى شىء تقع يدها عليه .

سأله المذيع متى تعنفك زوجتك؟؟؟

أجاب وبراءة الاطفال فى عينيه


عندما اطلب منها أن تلتزم بالزى الشرعى وعندما اطلب منها ان لا تدخن الشيشة

لأ والأغرب لما سأله المذيع

من الذى يبدأ بالصلح

اجاب بنفس البراءة

انا بروح واطبطب عليها عشان اهلى ما يسمعوا شىء

مش فاهمة بقى
ده اسمه ايه فعلا

انا مذهوووووووووووووووووووله

[fagrmasr01]

ليون
صدمتنى كلماتك

فعلا أصابتنى بهزة عنيفة وكأننى لا أريد أن أصدق ما تقرؤه عينى

ولكن

انه زلزال القيم
فحين تتحطم القيم تضيع المجتمعات .. وضياع المجتمع يبدأ من داخل هذه البيوت التى تفقد فيها المرأة أنوثتها ويفقد فيها الرجل أساس قوامته .. وتخرج من هذه الأسر أجيالاً ضائعة مشردة فاسدة مفسدة

ان فقدان أى من المرأة أو الرجل لكرامته فى بيته ومع أهله هو الزلزال بحق يا ليون
حتى وان كان عجوزاً او كان مريضاً أو كان فقيراً .. وإن كانت هى كذلك على حال من هذه الأحوال

الاسلام علمنا .. وكل الأديان اجتمعت على .. وجوبية الاحترام المتبادل والعطاء
ان لم يكن الرجل قادر على ان يصلح حال بيته .. فليذهب الى حال سبيله ولا يسنكين لمثل هذه الاهانات المخجلة

انها مهزلة ولا يجوز ان تستمر تحت أى مسمى وتحت أى عذر
هذا رأيى .. وارجو قبول المعذرة لحدتى فى التعبير ... ولكنها صدمة بحق
والله عز وجل هو المستعان

[خلود]

اى راجل ده يستحمل كده انا مش هقول مهانه وزل ولا اى شئ غير ان اللى يرضى على نفسه كده مش راااااااااااااااجل ابدا ولا يمت للرجال بصله

مش معنى كده انا برضى بعنف الرجل مع الست لكن ميبقاش بالضعف ده اوى كده

لالالالالالالالالالالالالالا والف لالالالالالالالا

ده لا عرف ولا تقاليد ولا كتاب ربنا يقبل كده ابدا

وده موضوع فعلا بيخلينا يبقى ردنا عنيف بس بصراحه حاجه تنرفز فعلا

[ام الاء]

اذا كان هذا حال الرجال فى بيوتهم فلا نملك الاان نقول على الدنيا السلام
وهذه من العلامات الصغرى ليوم القيامة
اللهم ارحمنا فوق الارض وتحت الارض ويوم العرض عليك

[lionking]

انها مهزلة ولا يجوز ان تستمر تحت أى مسمى وتحت أى عذر
هذا رأيى .. وارجو قبول المعذرة لحدتى فى



طبعا يا استاذنا دى مهزلة حقيقية انا لما شفت اعلان البرنامج مكنتش مصدقة بس لما ظهر الرجـــــــــــالة (اعتذر عن تلقيبهم بهذا اللقب) صدقت

واتصدمت زيك بس قلبت معايا بكومدية بقى
:eek::p:D
انا مش لاقية اى مبرر لان الراجل اصلا يظهر ويقول كلام مخجل زى ده عن نفسه

[lionking]

اى راجل ده يستحمل كده انا مش هقول مهانه وزل ولا اى شئ غير ان اللى يرضى على نفسه كده مش راااااااااااااااجل ابدا ولا يمت للرجال بصله



مش معنى كده انا برضى بعنف الرجل مع الست لكن ميبقاش بالضعف ده اوى كده


لالالالالالالالالالالالالالا والف لالالالالالالالا


ده لا عرف ولا تقاليد ولا كتاب ربنا يقبل كده ابدا


وده موضوع فعلا بيخلينا يبقى ردنا عنيف بس بصراحه حاجه تنرفز فعلا


والله يا خلود انا معاكى فى الراى ده
بس دى حقيقة وناس موجوده..
انا شخصيا لا أعتبرهم رجال ولا يستحقوا أن يطلق عليهم هذا الاسم..
وبعدين دى ناس بتستهبل
ده الست أضعف مخلوق على وجه الارض ازاى يعنى مش قادر يزقها يبعدها عنه عشان تبطل ضرب
ده فيــــهم واحد قال للمذيع:eek:

يعنى أقابل العنف بالعنف

كنت هلطم ساعتها

[lionking]

اذا كان هذا حال الرجال فى بيوتهم فلا نملك الاان نقول على الدنيا السلام
وهذه من العلامات الصغرى ليوم القيامة
اللهم ارحمنا فوق الارض وتحت الارض ويوم العرض عليك



ام الاء

نورتى الموضوع برايك الجميل

على راى عادل امام ( احنا فى زمن المسخ)

مش عايزين نزعل الرجالة اللى هنا بس تحسى كده ان الرجولة والنخوة بتنعدم


اللهم ارحمنا فوق الارض وتحت الارض ويوم العرض عليك

[الباشا تلميذ]

لا حول ولا قوة إلا بالله العلى العظيم
حاجه تكسف
دى حتى المفروض انهم يبقى عندهم شوية خجل من نفسهم
إذا بليتم فاستتروا
مش أفرح بنفسى واقف اذيعها على الفضائيه
ده علشان الفضيحه تبقى على الهوا يعنى ولا إيه
هذه من علامات الساعه
اللهـــــم احفظنـــا
اللهم استرنا فوق الارض وتحت الارض ويوم العرض عليك
اللهم آمين

[lionking]

شكرا يا باشا على رأيك

وفعلا اذا بليتم فاستتروا

بس هما تقريبا وصلوا من العجز لمرحلة الجهر بالمشكلة

هيا مش حاجة تكسف وبس لالالالالالا دى حاجة تقرف ولامؤاخدة يعنى

انا كنت حاسة انى شايفة مسخ مش راجل

ربنا يقويهم على تحمل العلق والاهانة


هو السؤال


ليه مستمر فى الزواج مع الوحش دى ؟؟ مش فيه حاجة اسمها طلاق!!!!

ولا اصبح عاجز كمان عن الطلاق



لا حول ولا قوة الا بالله العلى العظيم

[M.Khalifa]

[quote=lionking;12674]




لا حول ولا قوة الا بالله

هنا لا نقف امام المرأة التي تعنف الرجل لان هذا يحتاج إلى نقاش آخر لكن السؤال او الاسئلة التي تطرح
س. من الذي يمنع الرجل أن يدافع عن نفسه ويتركها تعنفه بشتى أنواع الأساليب المستعملة؟

(هل حبا لها-خوفا منها-ضعف في
شخصيته ولا يستطيع إتخاذ قرار)
ج.// طبعاً ضعف في شخصيته //
س. لماذا رغم العنف يفضل البقاء معها تحت سقف واحد؟
ج. // ممكن عشان خايف تدفعه المبالغ المكتوبة في قائمة العفش ومنين هيجيب زوجة تانية لو طلقها على رأي المثل ضل ست ولاضل حيطة ... هههههه//

س.أين رجولته وكرامته؟
ج.// خرج ولم يعد //
س. الرجل المعنف كيف ينظر إلى نفسه؟

(رجل مكسور مهزوم أو رجل يحب زوجته ولازم أن يصبر على تصرفاتها).
ج. لو أنّه سئل لأجاب أنه لازم أن يصبر على تصرفاتها عشان الأولاد ... الخ
لكن لوسأل نفسه وكان صادق مع نفسه هيعترف أنا رجل مكسور مهزوم

إذا كانت المرأة الضعيفة في بنيتها أصبحت ترفض كل انواع العنف أين شخصية الرجل ولماذا لا يدافع عن نفسه؟
موضوع نحاول أن ننقاش ونعرف الأسباب التي تدفع الرجل للصبر على زوجته وتحمل كل هذه التصرفات والإعتداءات

طبعاً باتفق معاكي ان الموضوع محتاج مناقشة كتير
وبا أشكرك على الموضوع الجميل ده
انا مذهوووووووووووووووووووله
وبصراحة أنا كمان
مذهــــوووووووول جداً

[lionking]

[quote=lionking;12674]



لا حول ولا قوة الا بالله


انا مذهوووووووووووووووووووله
وبصراحة أنا كمان
مذهــــوووووووول جداً



اشكرك يا محمد على رايك ومداخلتك الممتعة


بس انت مذهول وانا مذهولة والدنيا كلها مذهولة وآخرة الذهول ده ايه


الرجالة كده مستقبلها هيضيع


والقضايا هتكتر والمحاكم هتتملى رجال معنفون


والفضيحة هتبقى للركب



وهتتعملهم افلام


اريد حلا تانى والخيط الرفيع


هههههههههههههه


والشقة من حق الزوج بقى
:eek:
:eek:
:eek:
:eek:
على فكرة انا لازلت


مذهووووووووووووووووووووووووووووله

[خلود]

هتفضلوا مذهولين كده كتير

انا عن نفسى لا احترم مثل هذا ولا اقول عليه رجل فهو لا يمت للرجوله بصله

ياجماعه احنا فى زمن العجايب فعلا

وعلى راى محمد خليفه ( ضل ست ولا ضل حيطه )

بس والنبى صعبوا على ربنا معاهم:d:d:d

ستات مفتريه

[habiby]

دول مش رجالة
دول كلاب

[lionking]

دول مش رجالة
دول كلاب


لالالالالا
اختلف معاك يا سيدى الفاضل

اصل الكلاب ولامؤاخدة بتدافع عن نفسها انما دول مكسورين الجناح يا ولداه

[fagrmasr01]

على فكرة يا ليون
الوضع العام كله أصبح مأساوى تراجيدى درامى .. الناس استسلمت لكل مظاهر الضعف والذل والقهر فى كافة مناحى الحياة فى بلادنا بطريقة مهينة
قد يكون المشهد الى بنتكلم عنه فظيع ومريع ومذهل فعلا
ولكن
مشاهد كتير ف حياتنا المعاصرة تشابهه تماماً بل وتتطابق معه
وعلى سبيل المثال لا الحصر
كل حقوقنا الى بتضيع بنفس طريقة الراجل المذلول المكسور الجناح مع مراته .. وكلنا ساكتين بل ووصلنا أحيان كتيرة نعلن كمان حبنا وتأييدنا للظالم واحنا موطيين راسنا ومن شدة تذللنا كمان بندعى له بطول العمر
ولسه.. الى يعيش فيها .. يا ما لسه هايشوف ويسمع
اللى بتقولى عليهم مكسورين الجناح دول ..
رمز من رموز الخضوع ويستاهلوا الاعدام ف ميدان عام
رمياً بالأحذية القديمة
حالهم حال كل ساكت عن قهر او ظلم .. يستاهل الى يجرى عليه

[lionking]

ههههههههههههههههههههههههه


طب ممكن اعرف بقى فى حالة زى حالتنا

مين هيضرب مين

احنا الشعب عندنا مقسوم نصين

نص ساكت قهرااا

والنص التانى خايف يتكلم احسن يسكت برده

احنا كووووووووووولنا هنموت كمدا والله فى الاخر

هنموت مكبوتين مخنوقين متنيلين بنيلة


خلينا ساكتين وخلى الطابق مستور


صباح الفل يا استاذنا