RSS
25-11-2010, 10:30 PM
موضوعى النهرضه عن البساطه والتلقائيه وهتكلم بكل تلاقئيه زى العاده
لفتت انتباهى صديقه عزيزه على قلبى ان التلقائيه الزياده عن اللازم ساعات مش يتنفع وسط مجتمع معين مجتمع ( الاستقراطيه ) ان صح نطقى للكلمه اعذرونى
مين فينا أصله مش بيمتد لحد كان بسيط ساعد نفسه بنفسه وبنى نفسه بنفسه بطريقه شرعيه وحلال معظمنا مده على فكره قليل لما تلاقى حد كان جده باشا مثلا او وزير ولو دور ودعبس كويس هيلاقى انه اصله برضك انسان بسيط
مش مطلوب من اى حد فينا انه يعوج لسانه بطريقه معينه عشان يكون ابن اصل لالالالا
طول ما انت بتتكلم بتلقائيه ومخارج الالفاظ فى حدود الادب والين والخلق ومش بتجرح بيها حد يبقى انت انسان صاحب خلق ودين واصل
عمر البساطه ما كات نقص لا ابدا بالعكس بتخليك انسان محبوب جدا بين الناس وعن تجربه والله
ياما شفت ناس ولاد زوات على راى اللى بيتقال ولسانهم زى لسان العقارب والحيات ان طلع كلمه من لسانه بيجرح بيها مشاعر انسان ويمكن يخليه ينام حزين شوفت كمان ناس من الطبقه العاليه وكلامهم متنقى على الفرازه بس ياويلك لو وقعت تحت ايد حد فيهم
ياما شوفت ناس بسيطه جدا بيخرج من لسانها كلام بيكون زى البلسم يداوى جرح اى حد مثل ( ربنا يصلح حالك – ربنا ييسر امرك – انا متشكر ليك والله ) كلمات بسيطه ولها مغزى وتستقر فى القلوب
ومش معنى ان الانسان عنده تلقائيه فى كلامه انه يبقى ياى ايه البيئه ده على راى ولاد الزوات
معظمنا اصولنا يافلاحين ياصعايده ياعرب محدش فينا جاو من كوكب تانى انا مش بتكلم على حد هنا انما يمكن يكون الموضوع غايب عن ناس كتير وده للتذكره احنا كلنا اخوات ننبه بعض مش عيب
الغنى غنى النفس
والفقر فقر النفس
يقول ربنا عز وجل
بسم الله الرحمن الرحيم
( يحسبهم الجاهل أغنياء من التعفف )
وانا منكرش ان فى ناس اغنيه وروحهم حلوه جدا ومهما كان معاهم فلوس عمرهم مابيستغنوا عن تلقائيتهم
مش معنى انى مش اتعلمت فى مدرسه لغات ابقى مش بفهم
مش معنى انى مبعرفش اقول ( بابا وماما وعمو وعمتو ) ابقى من طينه تانيه أقل
لالا كلنا اتخلقنا من طينه وحده
وهنتحاسب امام رب واحد لا فرق بين شخص وشخص الا بالتقوى
فى الحج مثلا مافيش فرق بين غنى وفقير
حضرنى موقف بكانى فى رمضان عام 2006
لما كنت عند الكعبه شفت راجل حاطت راسه على جدار الكعبه وبيعيط وبيقول يارب سامحنى عن كل كلمه طلعت من لسانى ازيت بيها حد وكان راجل عليه هيبه رهيبه جدا
مش عاوزه اطول عليكم
انا بالنسبه ليا طول ما انا مش بغلط فى حد ومش بجرح حد بتلقائيتى يبقى مأجرمتش
والتلاقئيه مش معنها انى ممكن اهبل فى حوار مع حد لالالا كل كلمه بقولها حسباها كويس وعارفه بتخرج لمين وفى اى وقت تتقال وفى اى وقت مش تتقال
الحكايه مش بزرميط
واخيرا مش عاوزه حد يزعل منى كلامى مش موجه لشخص والله الموضوع للجميع وانا اولكم
اختم بالحديث النبوى الشريف
( ان الله لاينظر الى صوركم ولكن ينظر الى قلوبكم )
والايه الكريمه
( فلا تزكوا انفسكم هو اعلم بمن اتقى )
اطالت عليكم وازعجتكم
( صدقا احبكم فى الله )
( اختكم عزه )
لفتت انتباهى صديقه عزيزه على قلبى ان التلقائيه الزياده عن اللازم ساعات مش يتنفع وسط مجتمع معين مجتمع ( الاستقراطيه ) ان صح نطقى للكلمه اعذرونى
مين فينا أصله مش بيمتد لحد كان بسيط ساعد نفسه بنفسه وبنى نفسه بنفسه بطريقه شرعيه وحلال معظمنا مده على فكره قليل لما تلاقى حد كان جده باشا مثلا او وزير ولو دور ودعبس كويس هيلاقى انه اصله برضك انسان بسيط
مش مطلوب من اى حد فينا انه يعوج لسانه بطريقه معينه عشان يكون ابن اصل لالالالا
طول ما انت بتتكلم بتلقائيه ومخارج الالفاظ فى حدود الادب والين والخلق ومش بتجرح بيها حد يبقى انت انسان صاحب خلق ودين واصل
عمر البساطه ما كات نقص لا ابدا بالعكس بتخليك انسان محبوب جدا بين الناس وعن تجربه والله
ياما شفت ناس ولاد زوات على راى اللى بيتقال ولسانهم زى لسان العقارب والحيات ان طلع كلمه من لسانه بيجرح بيها مشاعر انسان ويمكن يخليه ينام حزين شوفت كمان ناس من الطبقه العاليه وكلامهم متنقى على الفرازه بس ياويلك لو وقعت تحت ايد حد فيهم
ياما شوفت ناس بسيطه جدا بيخرج من لسانها كلام بيكون زى البلسم يداوى جرح اى حد مثل ( ربنا يصلح حالك – ربنا ييسر امرك – انا متشكر ليك والله ) كلمات بسيطه ولها مغزى وتستقر فى القلوب
ومش معنى ان الانسان عنده تلقائيه فى كلامه انه يبقى ياى ايه البيئه ده على راى ولاد الزوات
معظمنا اصولنا يافلاحين ياصعايده ياعرب محدش فينا جاو من كوكب تانى انا مش بتكلم على حد هنا انما يمكن يكون الموضوع غايب عن ناس كتير وده للتذكره احنا كلنا اخوات ننبه بعض مش عيب
الغنى غنى النفس
والفقر فقر النفس
يقول ربنا عز وجل
بسم الله الرحمن الرحيم
( يحسبهم الجاهل أغنياء من التعفف )
وانا منكرش ان فى ناس اغنيه وروحهم حلوه جدا ومهما كان معاهم فلوس عمرهم مابيستغنوا عن تلقائيتهم
مش معنى انى مش اتعلمت فى مدرسه لغات ابقى مش بفهم
مش معنى انى مبعرفش اقول ( بابا وماما وعمو وعمتو ) ابقى من طينه تانيه أقل
لالا كلنا اتخلقنا من طينه وحده
وهنتحاسب امام رب واحد لا فرق بين شخص وشخص الا بالتقوى
فى الحج مثلا مافيش فرق بين غنى وفقير
حضرنى موقف بكانى فى رمضان عام 2006
لما كنت عند الكعبه شفت راجل حاطت راسه على جدار الكعبه وبيعيط وبيقول يارب سامحنى عن كل كلمه طلعت من لسانى ازيت بيها حد وكان راجل عليه هيبه رهيبه جدا
مش عاوزه اطول عليكم
انا بالنسبه ليا طول ما انا مش بغلط فى حد ومش بجرح حد بتلقائيتى يبقى مأجرمتش
والتلاقئيه مش معنها انى ممكن اهبل فى حوار مع حد لالالا كل كلمه بقولها حسباها كويس وعارفه بتخرج لمين وفى اى وقت تتقال وفى اى وقت مش تتقال
الحكايه مش بزرميط
واخيرا مش عاوزه حد يزعل منى كلامى مش موجه لشخص والله الموضوع للجميع وانا اولكم
اختم بالحديث النبوى الشريف
( ان الله لاينظر الى صوركم ولكن ينظر الى قلوبكم )
والايه الكريمه
( فلا تزكوا انفسكم هو اعلم بمن اتقى )
اطالت عليكم وازعجتكم
( صدقا احبكم فى الله )
( اختكم عزه )