تسجيل الدخول

مشاهدة النسخة كاملة : المرحلة السابعة


Mohamed Lasheen
13-04-2009, 12:17 PM
اخواننا اللي متوقعين تخصيص الارض في المرحلة السابعة
يا ريت نتواصل من دلوقتي و نكون علي اتصال دائم لمعلرفة اخر اخبار هذه المرحلة
و هل حد يعرف الاراضي ممكن تكون في اي مناطق؟
يعني هتكون في المنطقة السابعة بس و لا في اراضي في مناطق تانية.؟ و ايه اخبار المنطقة السابعة دي
هل هي جنب المقابر علي طول و لا فيه اسكان الشقق بين المقابر و بيننا؟
Mohamed Lasheen
13-04-2009, 01:57 PM
انتو فين يا اخواننا؟
اية
13-04-2009, 06:19 PM
انتو فين يا اخواننا؟


اليوم اتصلت لمعرفة المرحلة السابعة من بنك التعمير والاسكان رد احدى المواظفين المختصين بابنى بيتك باكتوبر فى اول شهر سبعة هتنزل هذة المرحلة واظن هتبقى شاملة المناطق كلها والاكثر منها طبعا المنطقة 7 وعلى فكرة هى كويسة ومافيش مناطق باكتوبر وحشة المهم تكون حلوة بسكانها والله الموافق
marwan
13-04-2009, 09:40 PM
الاخ الكريم بعد التحية
انا من مستفيدى مشروع ابنى بيتك المرحلة الاخيرةو لا ادرى ان كانت سبعة ولا ايه المهم ربنا يوفقنا جميعا ونستلم لو عرفت اى شىء عن الاسماء ياريت تبلغنا الايميل)************[email protected]************ *(

مشكور:)
المعتز بالله
15-04-2009, 04:19 AM
ممكن اعرف المرحلة السابعة دى
للناس اللى كانوا مقدمين ولا هيتفتح تقديم من جديد
يا ريت اعرف لانى عايز اقدم ومش عارف اعمل ايه
ahmed hassan
15-04-2009, 01:06 PM
بس يا رب تكون السابعة دى الاخيرة ويا مسهل:rolleyes:
Mohamed Lasheen
15-04-2009, 02:59 PM
لأ دي المرحلة الاخيرة في الناس اللي قدموا ورقهم في الفترة من 15/1/2008 إلي 15/2/2008
وان شاء الله يكون فيه اراضي تانية
انا قريت ان الريس طلب يكون فيه اراضي جديدة باعلان جديد و المغربي قالله ده ممكن يتطلب توفير 100000قطعة جديدة
لكن لسة مفيش تأكيد علي الكلام ده
شعبان سيد
16-04-2009, 10:43 AM
انا سألت في بنك التعمير والاسكان واخبرونا بانه سوف يتم الاعلان عنها فى شهر (7)وزى ماذكر هى غالبا هتكون فى المنطقة السابعة بجانب بعض القطع الباقية فى المراحل السابقة المهم تكون لنا وقفة ضد البدو فى هذه المرحلة وارجو التواصل على هذا الاميل [email protected]
zayna
17-04-2009, 04:06 PM
السلام عليكم ورحمة الله وبركاته

انا قدمت اوراقى اول ما أعلنوا عن موضوع ابنى بيتك يعنى فى 1/2007

وفى شهر 1/ 2008 جانى جواب ي}كد انى ممن انطبقت عليهم الشروط وانى من ضمن المستفيدين من الأراضى

ان شاء الله

وانا مقدمة على الأرض فى اكتوبر

ولغاية دلوقتى اسمى منزلش ابدا فى كل المراحل السابقة ياريت حد يفيدنى
جزاكم الله كل خير
اية
19-04-2009, 06:53 PM
السلام عليكم ورحمة الله وبركاته

انا قدمت اوراقى اول ما أعلنوا عن موضوع ابنى بيتك يعنى فى 1/2007

وفى شهر 1/ 2008 جانى جواب ي}كد انى ممن انطبقت عليهم الشروط وانى من ضمن المستفيدين من الأراضى

ان شاء الله

وانا مقدمة على الأرض فى اكتوبر

ولغاية دلوقتى اسمى منزلش ابدا فى كل المراحل السابقة ياريت حد يفيدنى
جزاكم الله كل خير

الاخ الكريم ان شاء الله انت من الذى انطبق علية الشروط ما تام ارسلوا لك خطاب بذلك و سوف تأخذ المرحلة السابعة وممكن تكون فى مرحلة كمان بعد السابعة على العموم لا تقلق عليها حوش انت بس ثمن المبنى والله المعين
ahmed hassan
20-04-2009, 04:13 PM
عايزين نتاكد يا جماعة السابعة دى الاخيرة ولا لسة فى بعدها انا اتصلت ببنك الاسكان والتعمير قالو لسة فى مراحل تانية ولم يحددوا . يا ريت لو حد عنده معلومة اكيدة يفيدنا
Mohamed Lasheen
03-05-2009, 01:41 PM
و الله اللي اعرفه انها الاخيرة
هل يا تري حد عنده خبر تاني؟
emaa37
04-05-2009, 06:39 PM
يا جماعة على فكرة أنا سألت مندوب من بينك الإسكان والتعمير وقال أنه في مرحلة سابعة في شهر 7 وكمان في مرحلة ثامنة في شهر عشرة واحتمال يضموا المرحلتين في شهر 10 لسة مش عارفين
gomaa
29-08-2009, 11:33 PM
السلام عليكم ورحمة الله وبركاتة
انا من ضمن المستفيدين من مشروع ابنى بيتك وسوف استلم الارض طبقآ للجدول المعلن عنه يوم الاحد الموافق 30/8/2009 ان شاء الله وارجوا التواصل وهذا إميلى [email protected] ,و شكرأ
saharlolo
02-09-2009, 09:22 PM
ياريت أ .جمعة نعرف استلمت والا لأ
ayman salim
08-11-2009, 03:41 AM
من فضلكم اقرِؤا هدا الكلام المفيد حتى النهاية

ياجماعة أى حد فى المنطقة السابعة قطاع ر أو أى قطاع مجاور يحاول يكلمنى صدقونى ياجماعة لما نبقى كلنا ايد واحدة هنعرف نساعد بعض كويس وكمان هنوفر على نفسنا جهد وفلوس كتير ... آنا بصراحة فى مجموعة من الناس كلمونى ومكنتش أعرفهم ولكن تم التعارف وكنت سعيد جدا بيهم .... أنا من وجهة نظرى اننا لما نكون يد واحدة ليها فوائد كتير ومن أهم هده الفوائد :
1- عند الحفر لما نتفق كلنا مع شخص واحد أكيد السعر هيختلف عن لما كل واحد يتفق لوحده
2- لما نشرى مواد البناء كلنا مع بعض هنجيب بسعر الجملة غير طبعا لما كل واحد يتفق لوحده وكمان أسعار النقل هتختلف
3- لما تفيض شيكارة أسمنت أو سيخ حديد عند واحد مننا زميلة اللى لسه مصبش يأخدها بدلا من انها تفسد عنده أو تتسرق منه عندما تظل فى مكانها أو ان هو يتحمل تكاليف نقلها تانى لغاية بيته وكدلك زميله برده لما تفيض عنه حاجة حد من زمايلنا يكون محتاجها يأخدها وبالتالى صدقونى هنوفر كتير
4- المفروض ان احنا نتفق مع بعضنا ونقسم بعضنا بحيث كل اثنين أو ثلاثة مننا مثلا يكونوا موجودين هناك يوم فى الأسبوع بحيث يراعوا مصالحهم ومصالح جميع زملائهم اللى موجودين معانا فى الرابطة فى هدا اليوم وكل يوم يبقى فى اثنين أو ثلاثة تانيين يراعو المصالح وبالتالى هنحس ان احنا كلنا هناك كل يوم ودة طبعا لأننا كلنا عندنا شغل ومش فاضيين فهنرتب مثلا كل واحد يكون هناك فى يوم أجازته مثلا وهكدا وبكده هنوفر على بعض مجهود كبير جدا
5- وأهم ما فى الموضوع ان احنا نتفق مع مقاول محترم موثوق منه ويكون مسلم شغل قبل كده وشغله مفهوش مخالفات ونكون عارفين أهله ونسبه بحيث لما يغلط نعرف نحاسبه ويكون سعره كويس وطبعا علشان نجيب مقاول بالمواصفات دى لازم نكون مجموعة مع بعض علشان يرضى يجيب خشبه فى المكان وأنا عندى استعداد اننى أتولى المهمة بتاعة المقاول دى لى ولكل زمايلى فى قطاع ر والقطاعات المجاورة لنا اللى هيكلمونى وهيكونوا معانا فى هده الربطة ان شاء الله تعالى لأن بصراحة يا اخوانى الوحد على ما يبنى بيكون صرف مصاريف كتيرة جدا وبالتالى احنا مش حمل واحد ييجى ينصب علينا أصل العملية مش ناقصة

بالتالى يا اخوانى أنا شرحت وجهة نظرى واللى عنده أى اختلاف معايا يكلمنى علشان يناقشنى والمتفق معايا فى الرأي يكلمنى علشان نبدأ نجمع الأسامى والتليفونات علشان نبدأ حفر وشغل كلنا مع بعض أو حتى نعمل اجتماع كلنا مع بعض قبل بداية العمل علشان نكون عيلة واحدة كلنا

أسف على الأطالة وأتمنى للجميع دوام التوفيق ويارب يكون بيت سعيد لينا كلنا وفى انتظار تليفوناتكم

أخوكم مهندس / أيمن سالم 0128374681 قطعة رقم 51 قطاع ر المنطقة السابعة