اتفضل يافارس المنتدى

[اميرة حبى انا]

السلام عليكم ورحمة الله وبركاته
الضيف الجديد ياجماعة هو
الفارس
ارجو رجاء خاص استقباله باسئلة مفيهاش رحمة
طبعا ده نوع من انواع الافترا
عادى يعنى
http://up2.m5zn.com/photo/2009/4/11/02/ukjicp3zm.jpg/jpg
اتفضل اقعد بقى
والله انت صعبان عليا
ههههههههههههههههههههههه

[الباشا تلميذ]

:eek::eek::eek:لا ياعم أنا الكرسى بتاعى كان أرحم
;)الله يعينك ويقويك وتعرف تركز وتجاوب
على كرسى كشف الكذب ده :D:D:D

[الفارس]

[quote=اميرة حبى انا;12190]
السلام عليكم ورحمة الله وبركاته


الضيف الجديد ياجماعة هو
الفارس
ارجو رجاء خاص استقباله باسئلة مفيهاش رحمة
طبعا ده نوع من انواع الافترا
طيب ليه كدا انا عملت ايه
عادى يعنى
طالما عادى خلاص
http://up2.m5zn.com/photo/2009/4/11/02/ukjicp3zm.jpg/jpg
اتفضل اقعد بقى
طيب ممكن اعرف اقعد فين بالضبط
انتى مقفله الكرسى من جميع الجهات وبعدين ايه السكاكين والخناجر الى تحت دى
والله انت صعبان عليا
ههههههههههههههههههههههه
شوفوا الافترا وبعد دا كله صعبان عليها

[الفارس]

[quote=الباشا تلميذ;12198]
:eek::eek::eek:لا ياعم أنا الكرسى بتاعى كان أرحم
حبيبى الباشا انا متشكر أوى على اختيارك ليه نردهالك فى الافراح . . . . بس ممكن اعرف انت كنت قاعد ازاى على الكرسى
;)الله يعينك ويقويك وتعرف تركز وتجاوب
على كرسى كشف الكذب ده :D:D:D
ربنا معانا ويقوينا على من يعاددينا
ياله فى انتظاركم بس معلشى هفضل واقف جنب الكرسى
منتظر اسئلتكم

[DMR]

اهلا و سهلا يا فارس نورت الكرس
و ربنا يعينك على حل الاسئلة و انت واقف

[lionking]

:eek:هههههههههههههههههههههه

ده كرسى اعتراف ولا كرسى اعدام

انت عملت ايه يا عم انت


يانهار ابيض والله صعبان عليا جدااا


ربنا معاك يا فارس وترجعلنا بالسلامة

اشوفك بكرة بقى بالاسئلة ان شاء الله

اذا كتبت لك النجاة ولقيت حتة تقعد فيها


:eek::eek::eek::eek::eek::eek::eek::eek::eek::eek: :eek::eek::eek::eek::eek:

[اميرة حبى انا]

الاسئلة الثابتة
1-الاسم؟
2- السن؟
3-احساسك ايه وانت قاعد على الكرسى؟
4- مين اقرب انساااااااان او انسااااااانه ليك؟
5-ايه احلامك؟
6-كام مره حسيت انك ملكش لزمه فى الحياه؟
7- كااااااام مره مقدرتش تكتم دموعك؟
8-حلمت حلم واتحقق؟؟

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
10-كل شخص مننا جواه نسبة حزن ياترى نسبة الحزن جواك كام في المية؟

11- مين اقربلك وبتحس انه فاهمك اكتر والدك والا والدتك ؟؟؟

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
13- لو حبيت شخص مش حاسس بيك ياترى تعمل ايه ؟؟؟؟
14- هاقولك كلمات توجهها لاشخاص في منتدانا
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فى المنتدى
- انت دمك خفيف اوى
- انت شخصية قوية تتحمل الصعاب
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

16- هل حد ظلمك لدرجة انك قلت مش ممكن اسامح؟؟؟
17- لو هتسافر مكان ومطلوب منك تاخد شخصين بس معاك تختار مين؟؟؟

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

:D ايه السؤال اللي كنت تتمنى انى ماسألوش ؟؟؟http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif

وطبعا دى الاسئلة الثابتة يعنى مش اسئلتى
:Dانا لسه مسألتش:D

[خلود]

واضح ان حضره المشرف العام بتحب الاعضاء اووووووووووى

كل كرسى انقح من اللى قبله

ربنا يعين ويقدر اللى بيقعد

الحمد لله فلتنا من تحت ايديها وعدينا خلاص

نحن السابقون وانتم اللاحقون

ربنا معاك يافارس ويصبرك بقى

[اميرة حبى انا]

لا يا حبيبتى انا
ممكن يجى عليكى الدور اكتر من مرة
مين قالك انها مرة وخلاص

[الفارس]

اهلا و سهلا يا فارس نورت الكرس
و ربنا يعينك على حل الاسئلة و انت واقف


ربنا يخليكى يادى دى وانتى شايفه الكرسى منور بالى فيه
وربنا يعينا

[الفارس]

[quote=lionking;12251]
:eek:هههههههههههههههههههههه



ده كرسى اعتراف ولا كرسى اعدام
انتى شايفه ايه ياليون


انت عملت ايه يا عم انت
والله ماعملت حاجه فى لحظه لقيت نفسى متورط فى قاعده مايعلم بيها الا ربنا وزى ماانتى شايفه



يانهار ابيض والله صعبان عليا جدااا



ربنا معاك يا فارس وترجعلنا بالسلامة


اشوفك بكرة بقى بالاسئلة ان شاء الله

انتى مفكره بعد قاعده الكرسى دى هتشوفينى بكره دا اذا كنت لسه موجود انشاء الله


اذا كتبت لك النجاة ولقيت حتة تقعد فيها

اشكرك على سؤالك بس اتمنى تسألى عنى بعد ماقعد على الكرسى




:eek::eek::eek::eek::eek::eek::eek::eek::eek::eek: :eek::eek::eek::eek::eek:

[lionking]

ازيك يا فارس؟؟ :D


طبعا مبسوط بالكرسى ومهيص :) :) :)


بجملة المتعة اللى انت فيها خد بقى شوية الاسئلة البايخة دى


:eek::eek::eek:


1) رايك ايه فى المنتدى؟؟
2) هل انت من انصار ديموقراطية الحوار وديكتاتورية القرار؟؟
3) هل تؤمن بالحب؟؟
4) ايه اصعب موقف مر عليك ووقفت مش عارف تتصرف؟؟
5) ايه اجمل هدية جتلك ومن مين لو سمحت؟؟
6) ايه اكتر كابوس بيطاردك؟؟
7) عمرك حلمت انك تاخد اى جنسية غير المصرية؟؟ بصراحة ومن غير بكش
8) لو نفسك تاخد اى جنسية تانية ممكن اعرف هيا ايه ؟؟ وليه؟؟
9) ايه اكتر حاجة بتحبها فى مصر؟؟ وايه اكتر حاجة بتكرهها فيها؟؟
10) هتعمل ايه لو توليت المناصب الجاية دى :


:: رئيس الجمهورية


:: وزير الصحة


:: وزير التربية والتعليم


:: رئيس الوزراء





11) ايه رايك فى الهجرة !!! شرعية او غير شرعية؟؟
12) مين اهم عندك مامتك ولا حبيبتك\مراتك؟؟
13) شايف مستقبلنا ازاى فى جمهوريتنا الحبيبة ؟؟
14) كام مرة اتظلمت قبل ماتيجى ع الكرسى هنا؟؟ اصل الكرسى ده يبقى انت اكيد عامل مصايب وربنا بيخلصها هنا
15) مين مطربك المفضل؟؟ ومطربتك المفضلة؟؟
16) نفسك تكون ايه من الطيور؟؟ وليه؟




كفاية بقى الشوية دول
انت مش ناقص خنقة
هبقى ارجع تانى
لو عرفت انك لسة بتقاوم ومستمر فى الوقوف جنب الكرسى

[الفارس]

[quote=اميرة حبى انا;12257]
الاسئلة الثابتة

1-الاسم؟
محمد
2- السن؟
42
3-احساسك ايه وانت قاعد على الكرسى؟
بتسألى على احساسى
فيه مثل بيقول يقتلو القتيل .. ويمشوا فى احساسه
4- مين اقرب انساااااااان او انسااااااانه ليك؟
زوجتى
5-ايه احلامك؟
الصحه والستر
6-كام مره حسيت انك ملكش لزمه فى الحياه؟
الحمد لله ولا مره
7- كااااااام مره مقدرتش تكتم دموعك؟
كتير بس الى كانت صعبه فى وفاه والدتى عليها رحمه الله
8-حلمت حلم واتحقق؟؟
بحلم لكن على الصبح بيكون اتبخر ( نسيته )


9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
الصداقه هى كلمه فوق الكلمات ومعنى فوق المعانى لاتوزن بميزان ولاتقدر بثمن
10-كل شخص مننا جواه نسبة حزن ياترى نسبة الحزن جواك كام في المية؟
5 % تقريبا


11- مين اقربلك وبتحس انه فاهمك اكتر والدك والا والدتك ؟؟؟
الله يرحمهم الاتنين


12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
كل مواضيع الاعضاء ممتازه
13- لو حبيت شخص مش حاسس بيك ياترى تعمل ايه ؟؟؟؟
هحاول ابعد عنه واتمناله السعاده لانى بحبه
14- هاقولك كلمات توجهها لاشخاص في منتدانا
- مواضيعك ممتازة
كل مواضيع الاعضاء بجد ممتازه
- انت فين وغايب عننا ليه
ابراهيم البشبيشى
- المنتدى وحش من غيرك
ابراهيم البشبيشى
- رأيك بيعجبنى
فجر مصر
- انت شخصية محبوبة جدا فى المنتدى
كل اعضاء المنتدى شخصيات محبوبه
- انت دمك خفيف اوى
وكلهم دمهم خفيف
- انت شخصية قوية تتحمل الصعاب
فجر مصر
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
الحمد لله لا


16- هل حد ظلمك لدرجة انك قلت مش ممكن اسامح؟؟؟
الحمد لله لا
17- لو هتسافر مكان ومطلوب منك تاخد شخصين بس معاك تختار مين؟؟؟
هرفض الدعوه لان زوجتى واولادى اكتر من الاتنين


18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
صعب بس احيانا مابنقدرش نتحكم فيها
20- ايه البلد اللي تحب تزورها؟؟ ولو
مصر
ماكونتش مصري كنت تتمني تكون من اى بلد؟؟؟
مصرى . . لآن مصر مش وطن لينا . . مصر وطن فينا


:D ايه السؤال اللي كنت تتمنى انى ماسألوش ؟؟؟
كل اسئلتك لذيذه رغم الكرسى الى قاعد عليه

http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif


وطبعا دى الاسئلة الثابتة يعنى مش اسئلتى
:Dانا لسه مسألتش:D

[الفارس]

[quote=خلود;12274]
واضح ان حضره المشرف العام بتحب الاعضاء اووووووووووى

واضح والله ياخلود حبها لكل اعضاء



كل كرسى انقح من اللى قبله
اول مره اشوف كرسى بخناجر وسكاكين
ياخلود



ربنا يعين ويقدر اللى بيقعد
الحمد لله لسه بنكتب ونقاوم


الحمد لله فلتنا من تحت ايديها وعدينا خلاص


نحن السابقون وانتم اللاحقون


ربنا معاك يافارس ويصبرك بقى

شكرا ليكى ياخلود وربنا يخليكم ليه ويبعدكم عن
كراسيها

[الفارس]

[quote=lionking;12324]
ازيك يا فارس؟؟ :D
الحمد لله الفارس بخير
طوله مانتم موجودين



طبعا مبسوط بالكرسى ومهيص :) :) :)
طبعا الحمد لله
ولو انى مابقتش مطمن ليكم


بجملة المتعة اللى انت فيها خد بقى شوية الاسئلة البايخة دى
مش بقول مش مطمن
ياله


:eek::eek::eek:


1) رايك ايه فى المنتدى؟؟
بجد ممتاز جدا وجماله فى اعضاؤه
2) هل انت من انصار ديموقراطية الحوار وديكتاتورية القرار؟؟
اكيد ديموقراطيه الحوار
3) هل تؤمن بالحب؟؟
الحب دا اجمل شىء فى الوجود
4) ايه اصعب موقف مر عليك ووقفت مش عارف تتصرف؟؟
الحمد لله كل المواقف بقدر اتصرف فيها
5) ايه اجمل هدية جتلك ومن مين لو سمحت؟؟
إزازه بارفان من زوجتى فى عيد ميلادى
6) ايه اكتر كابوس بيطاردك؟؟
الروتين اليومى
7) عمرك حلمت انك تاخد اى جنسية غير المصرية؟؟ بصراحة ومن غير بكش
بجد لا لآنى بحب بلدى
8) لو نفسك تاخد اى جنسية تانية ممكن اعرف هيا ايه ؟؟ وليه؟؟
هيا مصر وماليش غيرها لانها عايشه جوايا
9) ايه اكتر حاجة بتحبها فى مصر؟؟ وايه اكتر حاجة بتكرهها فيها؟؟
بحب ناسها ترابها اسمها
وبكره الشىء الى يشوها ويعيبها
ولو انها مليانه بالى مشوهها

10) هتعمل ايه لو توليت المناصب الجاية دى :


:: رئيس الجمهورية
كتير اوى مصر محتاجاه


:: وزير الصحة
ازرور جميع المستشفيات الى مابتوصلهاش الوزاره
المرضى الى مش لاقيين المكان ولا العلاج


:: وزير التربية والتعليم
ارحم اولياء الامور من الدروس الخصوصيه ومناهج التعليم الى اصبحت معقده


:: رئيس الوزراء
مابنفعش لانى كنت رئيس من شويه





11) ايه رايك فى الهجرة !!! شرعية او غير شرعية؟؟
غير شرعيه اكيد
12) مين اهم عندك مامتك ولا حبيبتك\مراتك؟؟
ومين يقدر يقول غير الام
13) شايف مستقبلنا ازاى فى جمهوريتنا الحبيبة ؟؟
مستقبل زى الفل انشاء الله وكفايه الى احنا شايفينه
14) كام مرة اتظلمت قبل ماتيجى ع الكرسى هنا؟؟ اصل الكرسى ده يبقى انت اكيد عامل مصايب وربنا بيخلصها هنا
عمال بدور على ذنب عملته مش لاقى . . الحمد لله بخاف اوى من الظلم لان احساسه صعب
15) مين مطربك المفضل؟؟ ومطربتك المفضلة؟؟
عبدالحليم وام كلثوم
16) نفسك تكون ايه من الطيور؟؟ وليه؟
عصفور سوسوسو
هههههههه




كفاية بقى الشوية دول
انت مش ناقص خنقة
هبقى ارجع تانى
انتى ناويه ترجعى تانى

لو عرفت انك لسة بتقاوم ومستمر فى الوقوف جنب الكرسى
على العموم اهلا وسهلا بيكى ثانى وثالث ماهى فرصه

[lionking]

[quote=lionking;12324]





9) ايه اكتر حاجة بتحبها فى مصر؟؟ وايه اكتر حاجة بتكرهها فيها؟؟
بحب ناسها ترابها اسمها
وبكره الشىء الى يشوها ويعيبها
ولو انها مليانه بالى مشوهها


والله انت طيب
كلها عيوب وبرده بتحبها






كفاية بقى الشوية دول
انت مش ناقص خنقة
هبقى ارجع تانى
انتى ناويه ترجعى تانى


بقى كده يا فارس
ماشى يا عم
مش راجعة تانى
خليهم يستفردوا بيك بقى


لو عرفت انك لسة بتقاوم ومستمر فى الوقوف جنب الكرسى


على العموم اهلا وسهلا بيكى ثانى وثالث ماهى فرصه




بعد ايه بقى يا فارس

[fagrmasr01]

اخى العزيز محمد ( الفارس )

اشكرك لإختيارك اسمى الفقير الى الله مرتين
جزاكم الله عنى خير الجزاء

واسمح لى ان اوجه لك كام سؤال

من هو قدوتك فى المعاصرين .. من الموجودين حالياً
من هو كاتبك المفضل ؟ وما هى اقوى كتاباته التى جعلتك تحبه
من هو شاعرك المفضل وما هى اجمل قصائده
أفضل بيت شعر قرأته
القناة المفضلة لديك تلفزيونيا
احسن برنامج تتابعه فعلا وتنتظره
الجريدة التى تداوم على قرائتها
عند متابعتك لحدث مهم .. وقتها .. أين تتابع نشرة الاخبار ( القناة المصرية - الجزيرة - بى بى سى - سى ان ان .. او غيرهم )

هل انت مشترك فى موقع منتدى تانى ؟
هل بتحب كرة القدم.. ما هو ناديك الى بتشجعه
هل انت رياضى ؟ وما هى لعبتك المفضلة
من فضلك وجه نقد الى المنتخب القومى لكرة القدم .. والى مدربه حسن شحاتة

ما هى الحكمة التى دائماً أو غالباً تتذكرها

من فضلك وجه النصيحة الى كل من :
إدارة المنتدى
الى الأعضاء عموما من الشباب والرجال
الى الأعضاء عموما من البنات والسيدات
الى جمال (فجر مصر)

الى وزير التضامن الاجتماعى
الى وزيرة القوى العاملة والهجرة
الى وزير الأوقاف
الى مدير المرور فى القاهرة
الى رئيس الحى الى انت عايش فيه

فى السياسة .. هل انت من المؤيدين . أم لا سمح الله ... من اللى مش مؤيدين
هل عندك بطاقة انتخابية .. وبتشارك فى الانتخابات ؟ واللا من الأغلبية الصامتة

ما هو أحسن إنجاز فى حياتك ؟
ياريت تكتب لنا عن موقف صعب اتعرضت له واتصرفت فيه ازاى


أكرر شكرى لك وتقديرى
و
ربنا يعينك ويقويك

[اميرة حبى انا]

ردودك جميلة جدا رغم انك فى اسئلة رديت عليها بدبلوماسية ومذكرتش اسماء:rolleyes:
بس ماشى:p
فاصل ونواصل:D
لما تخلص اسئلة فجر مصر
وانتى ياليون يااختى :)
ميهمكيش;)
اسألى زى مانتى عايزة:D
:p:p:p:p:p

[الفارس]

[quote=fagrmasr01;12377]اخى العزيز محمد ( الفارس )

اشكرك لإختيارك اسمى الفقير الى الله مرتين
جزاكم الله عنى خير الجزاء
هذه كلمه حق لفجر مصر

واسمح لى ان اوجه لك كام سؤال
طبعا تفضل

من هو قدوتك فى المعاصرين .. من الموجودين حالياً
قدوتنا وحبيبنا رسولنا الكريم صلى الله عليه وسلم
قدوه كل البشر
من هو كاتبك المفضل ؟ وما هى اقوى كتاباته التى جعلتك تحبه
هو كاتب جديد صاحب كلمه ورأى أسمه فجر مصر
اخر كتاباته كان نداء ورجاء الى المسئولين
من هو شاعرك المفضل وما هى اجمل قصائده
أفضل بيت شعر قرأته
ماهو اصله كمان شاعر ذو احاسيس وكلمات جميله
دايما بينادى بيها حبيبته مصر حطيته جنب جاهين
وهو بيقول
ليه ياحبيبتى مابينا دايما سفر دا البعد ذنب كبير لايغتفر
ليه ياحبيبتى مابنا دايما بحور أعدى بحر الاقى غيره اتحفر

القناة المفضلة لديك تلفزيونيا
الناس
احسن برنامج تتابعه فعلا وتنتظره
البيت بيتك والعاشره مساءا
الجريدة التى تداوم على قرائتها
الاهرام
عند متابعتك لحدث مهم .. وقتها .. أين تتابع نشرة الاخبار ( القناة المصرية - الجزيرة - بى بى سى - سى ان ان .. او غيرهم )
احاول سماع الخبر على معظم القنوات أن امكن

هل انت مشترك فى موقع منتدى تانى ؟
لا
هل بتحب كرة القدم.. ما هو ناديك الى بتشجعه
نعم - النادى الاهلى
هل انت رياضى ؟ وما هى لعبتك المفضلة
نعم - القدم والطائره والتنس
من فضلك وجه نقد الى المنتخب القومى لكرة القدم .. والى مدربه حسن شحاتة
منتخبنا محتاج كتير اوى - الله يعينه المعلم النصر بيرفعه فوق الاكتاف والهزيمه ..

ما هى الحكمة التى دائماً أو غالباً تتذكرها
اذا دعتك قدرتك على ظلم الناس فتذكر قدره الله عليك

من فضلك وجه النصيحة الى كل من :
إدارة المنتدى
وجودكم ليه طعم تانى بالمنتدى
الى الأعضاء عموما من الشباب والرجال
عليكم بالصلاه وبر الوالدين
الى الأعضاء عموما من البنات والسيدات
انتم قيمتكم كبيره اوى عندنا انتى البنت والاخت والزوجه والام انتى الحياه
الى جمال (فجر مصر)
ماينفعش بعد كدا ابدا تزعل من اى حد

الى وزير التضامن الاجتماعى
أحزن على مصر عندما يقال أن نسبه الفقر فى بها وصلت 40 %
الى وزيرة القوى العاملة والهجرة
لماذا زادت الهجره الغير شرعيه أين وصل شبابنا اليوم . واين انتم من معاناه المصريين بالخارج
الى وزير الأوقاف
كنا نتمنى حملتكم تكون ضد العري والانفلات الاخلاقى مش النقاب
الى مدير المرور فى القاهرة
محتاجين جهد كبير اوى علشان نوصل للحضاره والتقدم
الى رئيس الحى الى انت عايش فيه
بتمنى دايما لما انزل اجازه الاقى اى تغيير لو بسيط

فى السياسة .. هل انت من المؤيدين . أم لا سمح الله ... من اللى مش مؤيدين
هل عندك بطاقة انتخابية .. وبتشارك فى الانتخابات ؟ واللا من الأغلبية الصامتة
فيه بطاقه بشارك فيها لما بيصادف وجودى فى مصر الانتخابات

ما هو أحسن إنجاز فى حياتك ؟
الرضا عن النفس
ياريت تكتب لنا عن موقف صعب اتعرضت له واتصرفت فيه ازاى
المواقف كتيره بس اخر موقف لما كنت راجع من دبى للسعوديه وعلى الحدود اكتشف الضابط الحدود ان جوازى بدون ختم دخول طبعا كانت مشكله لحد مااقنعتهم ودفعت الغرامه المطلوبه وعملوا ليه دخول جديد بتاريخ قديم علشان اخرج
اتعطلت كتير لكن الحمد لله


أكرر شكرى لك وتقديرى
انا الى اشكرك
و
ربنا يعينك ويقويك
شكرا ليك

[fagrmasr01]

أخى الحبيب محمد الفارس
جزاك الله عنى خير الجزاء وأحسن إليك ورضى عنك وجمعنى وإياك فى صحبة سيد الخلق أجمعين حبيبنا سيدنا رسول الله صلى الله عليه وآله وصحبه وسلم ..
آمين

كلما حاورتك اشكرك .. شكراً تستحقه بأخلاقياتك العالية
أكرر شكرى لك على تفضلك بهذا التشجيع والثناء الطيب
جعل الله تشجيعك الطيب لشخصى الضعيف فى موازين أعمالك .. آمين
وباذن الله تعود لبلدك سالماً غانما معافى ومسرور وموفق بإذن الله رب العالمين

وشكرا على نصيحتك الغالية وبإذن الله سأجتهد أن أعمل بها .. والله عز وجل هو الهادى الى سواء السبيل
ربنا يحفظك ويكرمك ويبارك لك
آمين

[اميرة حبى انا]

عمو عمو ممكن كام سؤال صغننين كده على ماقسم
السلام عليكم
1- أين تقضي كل وقتك ... ؟
2- أين تجد راحة البال ... ؟
3- أين تجد نفسك في البيت ... ؟
4- من علمته الرماية فرماك ... ؟
5- من يعجبك من أعضاءمنتدىمدينة 6 اكتوبر (( عضو واحد فقط )) ... ؟
6- من هو صديقك الصدوق ... ؟
7- من أى شئ تغضب ... ؟
8- متى تبكي بحرقه ... ؟
9- متى تجلس لوحدك ... ؟
10- متى تقول لا ... ؟
11- متى تكون أناني ... ؟
12- كيف تعيش يومك ... ؟
13- كيف ترى حال الأمة اليوم ... ؟
14- كيف تنظر لمستقبلك ... ؟
15- كيف تنظر للمرأة ... ؟
16- في عصر العولمة الحالي (( ما رأيك في حب الإنترنت )) ... ؟
17- يقال أن الحب يمحو جميع العيوب والأخطاء في المحبوب (( ما تعليقك )) ... ؟
18- ما هو سر نجاحك في الحياة ... ؟
19- ما أجمل مافي الحياة في نظرك... ؟
20- هل أنت عاطفي ... ؟
21- هل صدمت بالخيانة من أعز أحبابك ... ؟
22- هل أنت فوضوي ... ؟
23-العضو اللي تتمنى تشوف شكله هو ........
24-العضو اللي نفسك تعطيه كف هزار ........

25-العضو اللي نفسك تعطيه كف (((مش)))هزار.......
26-عضو تلقبه بسوبر ستار شباب المنتدى......

27-عضوه تلقبها بسوبر ستار صبايا المنتدى.........

28-عضو تقوله (ياغايب ليه ماتسأل).........

29-عضو تقوله(والله العظيم اشتقنالك).........

30-عضو تقوله الله يجزيك خير ويعطيك العافيه.......

31-عضو اتقولوا انااسف بحقك .........

32-عضو تقوله (خير ان شاءالله)..........

33-عضو تقوله الله يسهل لك .........

34-عضو ارتحت له من اول ماشفت اسمه بالمنتدى.......

35-عضو اول ماشفته ماكنت تطيقه ويوم عرفته حبيته......

36-عضو تتخيل شكله وتقول متخيل ايه............

37-عضو طيب على نياته......

38-عضو شعبيته كبيره ومحبوب عند غالب الاعضاء........

39-عضو تحسه برييء براءه اطفال........

40-(الثقل والركاده والرزانه والهدوء والوناسه)تجتمع في العضو........

41-عضو مثقف.....

42-عضو مرح ....

43-عضو شاعر......

44-عضو زووووء .........

45- عضو تهديه هديه وايه هي الهديه .........

46-عضو تهديه اغنيه وايه هي الاغنيه .............

47-عضو تهديه بيت شعر وايه هو بيت الشعر ...............
48-ما الفرق بين شخصيتك في النت وخارج النت؟
49- ماهو مبدئك في الحياة
50- ماهو الطموح الذي تريد ان توصل اليه
51- ماهي امنيتك في الحياة
52-ما اجمل مرحلة دراسية مرت في حياتك وتتمنى ترجع لها ..؟
53-ماذا تعني لك الصداقة؟
54-ماذا تمثل لك الاشياء التاليه
/القمر
الحب
الصداقه
البحر
الدراسه

55-بوجهة نظرك. هذه مجموعه من الشخصيات ضع من يقابلها من اعضاء المنتــــدى,

الشخصية المثقفة ....

الشخصية الاجتماعية ....

الشخصية المبدعة ....

الشخصية الفوضوية ....

الشخصية المشاغبة ....

الشخصية الهادئة ...

الشخصية العبقرية ...

الشخصية الانيقة ....

الشخصية الدبلوماسية ....

الشخصية المرحة ....

الشخصية الساخرة ...

الشخصية البريئة ....

الشخصية الحادة ....

الشخصية الحنونة ....
56 -من هو العضو الي يسعدك تواجده بالمنتدى؟

57- من هو العضو الي يضايقك وجوده بالمنتدى؟ بصراحة
58- كيف يعتذر الرجل عامة؟ وكيف يعتذر "محمد" خصوصا؟

59- أشياء لا تحب ان تتكلم عنها مع إي شخص؟
60- هل اضطررت الى الكذب في أحد أسئلة كرسي الاعتراف؟؟
:p:D:p:D:p:D

[خلود]

طنط طنط ممكن اسال حضرتك سؤال

انتى حاطه الاسئله مرتين ليه

زياده توكيد ولا علشان افترا ولا علشان ايه بالظبط

عموما هو المفروض يرد على المرتين بلا رحمه ولا هواده

وده يبقى احسن عقاب للى يفكر تانى يقعد على الكرسى

هههههههههههههههه:d:d:d:d

[اميرة حبى انا]

لا لا
الافترا انك تكتبى اسئلة كتير
مش نفس الاسئلة مرتين
دى كانت غلط وحذفتها

[الفارس]

طنط طنط ممكن اسال حضرتك سؤال



انتى حاطه الاسئله مرتين ليه

أفترا ياخلود هى من جواها نفسها تحطها 10 مرات



زياده توكيد ولا علشان افترا ولا علشان ايه بالظبط

وحياتك زياده تأكيد الافترا مش الاسئله



عموما هو المفروض يرد على المرتين بلا رحمه ولا هواده



وده يبقى احسن عقاب للى يفكر تانى يقعد على

الكرسى

خلود انا فاكرك بتدافعى عنى . . افتكرتك طيبه وبتهدى النفوس

لكن يظهر انتى كمان بتأكدى الافترا



هههههههههههههههه:d:d:d:d



ههههههههههههههههههه



عموما ربنا يعينا ومعاكم للنهايه لما نشوف اخرتها

[قموره]

فارس ربنا معاك واضح انك محبوب هنا اوووووووووووى
ونبتدى شويه اسئله كده على الماشى وربنا معاك يابنى
من أنت؟ وما الذى تفعله هنا؟؟ *
-ايه رأيك في المنتدى ؟
- هل احببت من قبل؟
-هل تشعر بلفراغ العاطفي؟
-هل حققت هدفك ف الحياة؟
- هل كذبت ع فتاة من قبل وندمت ع ذلك؟
-هل انت مرح وتحب الحياة؟
-يمكن ان تقضي حياتك ويكون بدايتها كذبة؟
-هل انت مغرور وشايف نفسك؟

-هل كذبت مرة كذبة قوية ومرت ع الكل؟
-يمكن ان تري كل شئ يضيع امامك وصمت ولا تحاول حتي الدفاع عنة؟
-هل تري ف نفسك شئ لا يراة الناس اجمعين ؟وما هو الشئ؟
-هل في مرة احببت حبيبة صاحبك وصديق عمرك؟


-هل تري نفسك انسان يعتمد علية؟
-هل تري نفسك جدير بثقة اصدقائك وحافظ الاسرار وعدم البوح بها تحت اي ظرف؟
-هل يرضي ضميرك ان تضع معلومات عن فتاة علي شبكة الانترنت؟
-هل تقول دائما الصراحة؟
-هل وجدت نصفك الثاني؟
-هل انت حنون وطيب القلب ومتسامح اي حد كبير؟
هل الحب لوعه ؟؟؟

هل الحب عذاب؟؟؟

هل الحب عتاب؟؟؟

هل الحب تسامح؟؟؟
http://www.nogumfm.com/vb/images/smilies/biggrin.gifلو ظهر فى بيتكم بئر نفط . هتقول للدوله ام لا ؟؟* http://www.nogumfm.com/vb/images/smilies/biggrin.gif

لو قدر اليك ان تدخل السجن فما هيا القضيه التى تتمنى ان تدخل* بها ؟؟ http://www.nogumfm.com/vb/images/smilies/sma/cool.gif
انت مكلف بحذف حرفين من اللغه العربيه*
ايهما ستختار؟ ولماذا؟؟http://www.nogumfm.com/vb/images/smilies/mad.gif
فى يدك قنبله يدويه وفى الأخرى ورده حمرا*
اين ستضع القنبله واين ستضع الورده؟http://www.nogumfm.com/vb/images/smilies/rolleyes.gif

يقال ان الكتابه محاوله لطيران بطائره ورقيه*
مجرد احلام فى الهواء ما رائيك انت؟http://www.nogumfm.com/vb/images/smilies/confused.gif
بجمله واحده فقط اكتب تعريفأ لكل كلمه من*
:الكلمات التاليه
:الوطن
:الام
:الليل
:الحب
:الصمت
اختار خمسة اعضاء من المنتدى وامنحهم القابا*
؟؟http://www.nogumfm.com/vb/images/smilies/vip/sm153.gif
وجه رساله الى شخص لا يعرفه الا انت ؟*http://www.nogumfm.com/vb/images/smilies/biggrin.gif

ما هو لون النسيان ؟* http://www.nogumfm.com/vb/images/smilies/mad.gif

_ لو تمنيت ان يتحقق لك امنيتين فماذا تتمنى ان يتحقق لك؟

_ كم تجربة حب مرت حياتك.وماذا تعلمت منها...؟

-هل ندمت ع قرار اخذتة ف حياتك؟

_ ايه شعارك في الحياه ؟
_ياتراء الدنيا فرح ولا عذاب بنسبالك ؟
_ماهى نقطة ضعفك ؟
-لو كنت هتنام وعايزه تحلم ... حدد شخص معين يكون معاك في الحلم...؟

وجه كلمات لكل من الاعضاء :-
فجر مصر
اميره
الاحباب
ليون
خلود
نصل الهوى
ابراهيم البشبيشى
ام الاء
الطاووس الحزين
دى دى
معاذ
محمد خليفه
يالا كفاياا كدا
ربنا يقويك بقى احسن اكون زودتها

[اميرة حبى انا]

ولا زودتيها ولا حاجة
خدى راحتك
ولو عندك اسئلة تانى
يلا ولا يهمك
ههههههههههههههههههه
انا بهدى النفوس يافارس

[fagrmasr01]

الله يعينك يا ابو الفوارس ويقويك

بس بصراحة

فتحت شهية الكل للأسئلة

وده دليل ان الكل بيحبك

الله يساعدك

وانا عن نفسى

هاحتفظ بحقى
انى اسألك
لكن بعد ما تجاوب على جبل الاسئلة الى عندك يابطل

شد حيلك وربنا معانا ومعاك يا أبو الفوارس

[الفارس]

عمو عمو ممكن كام سؤال صغننين كده على ماقسم

طبعا ياأموره اتفضلى ( لا بريئه )

السلام عليكم

وعليكم السلام

1- أين تقضي كل وقتك ... ؟

فى العمل والبيت

2- أين تجد راحة البال ... ؟

وسط اولادى

3- أين تجد نفسك في البيت ... ؟

مع حبايبى الصغيرين

4- من علمته الرماية فرماك ... ؟

مافيش

5- من يعجبك من أعضاءمنتدىمدينة 6 اكتوبر (( عضو واحد فقط )) ...؟

ماينفعش واحد لان كلهم بيعجبونى

6- من هو صديقك الصدوق ... ؟

زوجتى واولادى هم اصدقائى



7- من أى شئ تغضب ... ؟

من الظلم

8- متى تبكي بحرقه ... ؟

لو علطت فى حق الله



9- متى تجلس لوحدك ... ؟

لما اكون مضايق

10- متى تقول لا ... ؟

على كل حاجه غلط

11- متى تكون أناني ... ؟

من يحب الناس لايعرف الانانيه

12- كيف تعيش يومك ... ؟

الروتين العادى مابين العمل والبيت

13- كيف ترى حال الأمة اليوم ... ؟

لايسر عدو ولا حبيب

14- كيف تنظر لمستقبلك ... ؟

الحمد لله

15- كيف تنظر للمرأة ... ؟

وجودها هو وجود اسره كامله فيه الحياه والاطمئنان

16- في عصر العولمة الحالي (( ما رأيك في حب الإنترنت )) ... ؟

احساس تايه وهدف ضايع

17- يقال أن الحب يمحو جميع العيوب والأخطاء في المحبوب (( ما تعليقك )) ... ؟

صح فى الحب كل حاجه ممكنه

18- ما هو سر نجاحك في الحياة ... ؟

التوكل على الله

19- ما أجمل مافي الحياة في نظرك... ؟

ان اكون صادق مع نفسي قبل صدقي مع الاخرين

20- هل أنت عاطفي ... ؟

نعم

21- هل صدمت بالخيانة من أعز أحبابك ... ؟

لا

22- هل أنت فوضوي ... ؟

لا

23-العضو اللي تتمنى تشوف شكله هو ........

فجر مصر

24-العضو اللي نفسك تعطيه كف هزار ........

مفيش



25-العضو اللي نفسك تعطيه كف (((مش)))هزار.......

مفيش

26-عضو تلقبه بسوبر ستار شباب المنتدى......

الباشا



27-عضوه تلقبها بسوبر ستار صبايا المنتدى.........

خلود



28-عضو تقوله (ياغايب ليه ماتسأل).........

أسامه 22



29-عضو تقوله(والله العظيم اشتقنالك).........

ابراهيم



30-عضو تقوله الله يجزيك خير ويعطيك العافيه.......

نصل الهوى والاحباب على احلى منتدى واجمل اعضاء



31-عضو اتقولوا انااسف بحقك .........

اى عضو اكون اسأت ليه بقصد او بدون قصد



32-عضو تقوله (خير ان شاءالله)..........

خير ان شاء الله



33-عضو تقوله الله يسهل لك .........

هتكون دعوه ليه . . ولا هو على باب الله ههههه



34-عضو ارتحت له من اول ماشفت اسمه بالمنتدى.......

كل اعضاء المنتدى



35-عضو اول ماشفته ماكنت تطيقه ويوم عرفته حبيته......

الحمد لله كل الاعضاء على خلق



36-عضو تتخيل شكله وتقول متخيل ايه............

فجر مصر اوقات بتخيله بجلبيه بلدى ولو تعرفى تخيلت كمان انى زرته وقابلته ( على فكره دا حب ليه )



37-عضو طيب على نياته......

الفارس



38-عضو شعبيته كبيره ومحبوب عند غالب الاعضاء........

أميره



39-عضو تحسه برييء براءه اطفال........

قمر ودى دى



40-(الثقل والركاده والرزانه والهدوء والوناسه)تجتمع في العضو........

الطاووس



41-عضو مثقف.....

فجر مصر



42-عضو مرح ....

خلود



43-عضو شاعر......

فجر



44-عضو زووووء .........

ليون



45- عضو تهديه هديه وايه هي الهديه .........

خلود واهديها ورده واقولها تسلم ايدك على مواضيعك القيمه

والف مبروك الوسام



46-عضو تهديه اغنيه وايه هي الاغنيه .............

اسامه – اشتقنالك



47-عضو تهديه بيت شعر وايه هو بيت الشعر ...............

فجر

48-ما الفرق بين شخصيتك في النت وخارج النت؟

الاتنين واحد

49- ماهو مبدئك في الحياة

الرضا بما قسمه الله لى

50- ماهو الطموح الذي تريد ان توصل اليه

رضا ربى

51- ماهي امنيتك في الحياة

رضا ربى وسعاده اولادى

52-ما اجمل مرحلة دراسية مرت في حياتك وتتمنى ترجع لها ..؟

الجامعه

53-ماذا تعني لك الصداقة؟

شىء نادر الوجود الايام دى والى عنده صديق بجد يحافظ عليه

54-ماذا تمثل لك الاشياء التاليه

/القمر

تأمل جميل لكل فكر

الحب

اجمل احساس ممكن نحسه

الصداقه

حلم بتمنى يتحقق

البحر

حب غدار

الدراسه

اجمل ايام بنعشها



55-بوجهة نظرك. هذه مجموعه من الشخصيات ضع من يقابلها من اعضاء المنتــــدى,



الشخصية المثقفة ....

فجر



الشخصية الاجتماعية ....

اميره



الشخصية المبدعة ....

خلود





الشخصية الفوضوية ....

مفيش



الشخصية المشاغبة ....

اميره



الشخصية الهادئة ...

ام الاء - رحاب



الشخصية العبقرية ...

اميره



الشخصية الانيقة ....

ليون



الشخصية الدبلوماسية ....



الباشا





الشخصية المرحة ....

خلود



الشخصية الساحرة ...

دى دى



الشخصية البريئة ....

قمر



الشخصية الحادة ....

مفيش



الشخصية الحنونة وطيبه....

فجر

56 -من هو العضو الي يسعدك تواجده بالمنتدى؟

بكون سعيد لما بلاقى المنتدى مليان بأعضاءه وحبايبه



57- من هو العضو الي يضايقك وجوده بالمنتدى؟ بصراحة

بصراحه مافيش



58- كيف يعتذر الرجل عامة؟ وكيف يعتذر "محمد" خصوصا؟

بالاسف بدايتا





59- أشياء لا تحب ان تتكلم عنها مع إي شخص؟

الاشياء الخاصه

60- هل اضطررت الى الكذب في أحد أسئلة كرسي الاعتراف؟؟

لا

[fagrmasr01]

اخويا الحبيب الفارس
كلما تحدثت معنا أكثر كلما ازددنا لك حب وتقدير واحترام من القلب
ربنا يخليك يا ابو الفوارس على تكرار اختياراتك لشخصى الفقير الى الله

وبجد بجد ضحكت من كل قلبى وانت بتوصفنى .. وانك متخيلنى بالجلابية
ههههههههههههههههههههههههههه
والله العظيم من فترة لم أضحك يا فارس
يارب ربنا يبارك لك ويكرمك ويخليك ويزيدك خير على خير باذن الله الكريم
انت تستاهل كل خير فعلا

وهاحط باذن الله صورتى الحقيقية قريب اوى عشان خاطر عينيك يا اخويا الطيب الصادق المشاعر
مكنتش عاوز أحطها عشان محدش يقول مين الراجل العجووووز ده وايه الى جابه هنا وسط الشباب الى زى الورد والبنات اللى زى الفل الى هنا

لكن .. وبمنتهى الصراحة
من أعماقى أشكرك .. شكر الله لك وجزاك عنى خير الجزاء
وأتمنى ربنا يجمعنى بيك وبيكم جميعا على حب وخير وصلاح الحال للدنيا والآخرة
يارب آمين

[خلود]

اشكرك جدا على اختيارك لشخصيتى المتواضعه جدا والحمد لله

وبشكرك على الورده ومقبوله منك ياحاج

وميرسى جدا جدا على تهنئتك بالوسام وعقبالك ان شاء الله

وربنا يعينك على باقى الاسئله يافارس

بس ايه ياعم الاجابات الجامده دى والصراحه المطلقه دى

[اميرة حبى انا]

بجد ميرسيه على اختيارك ليا مش مرة واحد
بس انا مشاغبة:mad:
طيب
انت اللى جبته لنفسك يابنى
ربنا يعينك بقى
رجعالك ان شاء الله
بس للامانة
ردودك جميلة جدا
شكرا

[الفارس]

فارس ربنا معاك واضح انك محبوب هنا اوووووووووووى

ربنا يخليكى ياقموره

ونبتدى شويه اسئله كده على الماشى وربنا معاك يابنى

لا ابتدى وخدى راحتك

من أنت؟ وما الذى تفعله هنا؟؟ *

انسان . . ابحث عن الصداقه والاخوه والمعرفه

-ايه رأيك في المنتدى ؟

اجمل منتدى عرفته وطبعا جماله باعضائه

- هل احببت من قبل؟

نعم

-هل تشعر بلفراغ العاطفي؟

لا

-هل حققت هدفك ف الحياة؟

الحمد لله - بحاول

- هل كذبت ع فتاة من قبل وندمت ع ذلك؟

لا

-هل انت مرح وتحب الحياة؟

نعم

-يمكن ان تقضي حياتك ويكون بدايتها كذبة؟

لا صعبه جدا

-هل انت مغرور وشايف نفسك؟

انا انسان عادى جدا



-هل كذبت مرة كذبة قوية ومرت ع الكل؟

مابحبوش فيه عداوه بينى وبينه ( الكذب طبعا )

-يمكن ان تري كل شئ يضيع امامك وصمت ولا تحاول حتي الدفاع عنة؟

صعب

-هل تري ف نفسك شئ لا يراة الناس اجمعين ؟وما هو الشئ؟

لا انا واضح جدا للجميع ولله الحمد

-هل في مرة احببت حبيبة صاحبك وصديق عمرك؟

لا دى صعبه اوى




-هل تري نفسك انسان يعتمد علية؟

الحمد لله

-هل تري نفسك جدير بثقة اصدقائك وحافظ الاسرار وعدم البوح بها تحت اي ظرف؟

الحمد لله

-هل يرضي ضميرك ان تضع معلومات عن فتاة علي شبكة الانترنت؟

صعبه لان دايما نظرتى للفتاه هى البنت والاخت ...

-هل تقول دائما الصراحة؟

الحمد لله وكتير اوى بتكون سبب فى مشاكل لى لكن مش مهم

-هل وجدت نصفك الثاني؟

الحمد لله

-هل انت حنون وطيب القلب ومتسامح اي حد كبير؟

الحمد لله

هل الحب لوعه ؟؟؟

نعم



هل الحب عذاب؟؟؟

نعم



هل الحب عتاب؟؟؟

نعم



هل الحب تسامح؟؟؟

نعم

لو ظهر فى بيتكم بئر نفط . هتقول للدوله ام لا ؟؟*

هما هيعرفوا قبل مااعرف واكيد هياخدونى انا وهو



لو قدر اليك ان تدخل السجن فما هيا القضيه التى تتمنى ان تدخل* بها ؟؟

لا اتمناه

انت مكلف بحذف حرفين من اللغه العربيه*

ايهما ستختار؟ ولماذا؟؟

لو

فى يدك قنبله يدويه وفى الأخرى ورده حمرا*



اين ستضع القنبله واين ستضع الورده؟

قنبله فى الكرسى الى قاعد عليه وورده لصاحبته علشان ماتزعلش



يقال ان الكتابه محاوله لطيران بطائره ورقيه*

مجرد احلام فى الهواء ما رائيك انت؟

القلم والكتابه سلاح قوى



بجمله واحده فقط اكتب تعريفأ لكل كلمه من*

:الكلمات التاليه

:الوطن

فى القلب موجود

:الام

مش ممكن تتعوض

:الليل

ستار

:الحب

اجمل حاجه فى الحياه

:الصمت

مش دايما مرغوب فيه

اختار خمسة اعضاء من المنتدى وامنحهم القابا*

؟؟

بصراحه كل اعضاء المنتدى سوبر ستار بكتاباتهم وباخلاقهم

وجه رساله الى شخص لا يعرفه الا انت ؟*

انت غالى عندى



ما هو لون النسيان ؟*

مالوش لون



_ لو تمنيت ان يتحقق لك امنيتين فماذا تتمنى ان يتحقق لك؟

اتمنى يكون حالنا حال مصر والعرب والمسلمين افضل مما عليه . .

والصحه والستر لنا جميعا . .



_ كم تجربة حب مرت حياتك.وماذا تعلمت منها...؟

مره واحده واتعلمت ان الاختيار يجب ان يكون بالقلب والعقل مش القلب بس



-هل ندمت ع قرار اخذتة ف حياتك؟

نعم ندمت لكن لا احاول الرجوع للخلف



_ ايه شعارك في الحياه ؟

(البر لايبلى والذنب لاينسى والديان لايموت افعل ماشئت فكما تدين تدان)

حديث شريف

_ياتراء الدنيا فرح ولا عذاب بنسبالك ؟

الدنيا حلوه بس بنظرتنا ليه

_ماهى نقطة ضعفك ؟

قلبى

-لو كنت هتنام وعايزه تحلم ... حدد شخص معين يكون معاك في الحلم...؟

انا بتمنى انام بس مش انام واحلم



وجه كلمات لكل من الاعضاء :-

فجر مصر

جواك طيبه حلوه

اميره

محتاجين كل جديد منك

الاحباب

انت فين

ليون

مواضيعك حلوه



خلود

الف مبروك الوسام تستاهليه

نصل الهوى

شكرا على اجمل منتدى

ابراهيم البشبيشى

وحشتنا

ام الاء

مواضيعك حلوه

الطاووس الحزين

دى دى

معاذ

ليه بتبعدو

محمد خليفه

شكرا على حكمه اليوم وكل يوم

يالا كفاياا كدا

ربنا يقويك بقى احسن اكون زودتها

لا ابدا لا زودتيها ولاحاجه هما كانوا كام 500 سؤال

انا الى بشكرك لان اسئلتك عيشتنى حلم جميل

شكرا ليكى قمر

[اسامة22]

شكرا لك اخي الفارس
علي اختيارك لي وبجد انت كمان
اشتقتلك وربنا يعينك علي الي انت فية
ورجاء خاص منك هقولة لك علي الخاص
وانا عارف الناس مش رحماك
ياعالم الراجل عندة شغل كتير
شوية شوية الرحمة حلوة

[الفارس]

[quote=اسامة22;12731]
شكرا لك اخي الفارس

علي اختيارك لي وبجد انت كمان
اشتقتلك وربنا يعينك علي الي انت فية
انا الى بشكرك وبجد كنت واحشنى بقالك كتير بعيد
ورجاء خاص منك هقولة لك علي الخاص
وانا عارف الناس مش رحماك
ياعالم الراجل عندة شغل كتير
انت اكتر واحد عارف انى دايما مشغول
شوية شوية الرحمة حلوة
لكن صدقينى بجد انا سعيد جدا جدا لان لو تعرف رغم الكرسى الى انت شايفه دا لكن فيه سعاده جميله
وسعادته فى كل كلمه وكل سؤال وكل احساس حلو بتحس بيه
ودى حقيقه والله مش كلام واكيد الى جرب عارف دا

[M.Khalifa]

محمد خليفه


شكرا على حكمه اليوم وكل يوم






العفو ... من يستحق الشكر هو أنت بمواضيعك المميزة وتعليقاتك الجميلة

[fagrmasr01]

بمناسبة العمل .. اسمح لى اركز كام سؤال عن الادارة

هل تقوم بتفويض الصلاحيات للموظفين عندك

هل تطبق قانون الثواب والعقاب بالتزام قوى واللا أحيانا بيصعب عليك العقاب

هل تؤمن بالقيادة الجماعية .. ام بالتخصص ومسئولية كل شخص فى انه ينجز عمل محدد

هل تقبل ان يكون رئيسك اقل منك فى السن او فى الشهادات العلمية

هل تخطط لأهدافك بطريقة مكتوبة .. وتسجل حساب مرحلى لنجاحاتك او لا سمح الله عدم النجاح ام تتركها للظروف

من فضلك رتب الاولويات التالية ( العمل - الصحة - الأسرة ) من حيث الأهمية

هل ترى ان فى مصر بطالة .. يعنى مفيش وظائف .. واللا فيه وظائف مش لاقية أشخاص متمكنين ؟

أدعو لك من قلبى الى الله العزيز الغفار الرزاق وأبتهل اليه سبحانه وتعالى بحق أسمائه الحسنى وصفاته العليا ان يكرمك يا أخى الفارس الشهم النبيل ..
يارب ربنا يبارك لك ويوفقك
آمين

[الفارس]

بمناسبة العمل .. اسمح لى اركز كام سؤال عن الادارة

طبعا تفضل



هل تقوم بتفويض الصلاحيات للموظفين عندك

نعم ولكن ليست لكل الاشخاص وليست فى كل الاوقات ولكن لمن يحسن استخدامها



هل تطبق قانون الثواب والعقاب بالتزام قوى واللا أحيانا بيصعب عليك العقاب

لا بل اطبقه بألتزام قوى لآنه كثيرا جدا العقاب بيعمل منه رجل او موظف او عامل ناجح ولكن أحاول مكافأته فى أول فرصه لو احسست منه بالتزامه



هل تؤمن بالقيادة الجماعية .. ام بالتخصص ومسئولية كل شخص فى انه ينجز عمل محدد

روح الجماعه بالعمل لابد ان تكون موجوده فى اى عمل والا فشل ولكن ايضا التخصص مطلوب فى حاله تشعب العمل او فى حاله كثره الموظفين لدي



هل تقبل ان يكون رئيسك اقل منك فى السن او فى الشهادات العلمية

عامل السن أولا مهم جدا فى تقبل أمر الاداره فتخيل أذا كان السن ومعه أيضا شهادات علميه اقل اعتقد سيكون صعب جدا قبوله



هل تخطط لأهدافك بطريقة مكتوبة .. وتسجل حساب مرحلى لنجاحاتك او لا سمح الله عدم النجاح ام تتركها للظروف

الحمد لله طبيعتى لاأحب ترك شىء للظروف حتى الاشياء البسيطه أحب جدا الالتزام جدا بمواعيدى وتنظيم العمل وتحديد أهدافى وأعمالى اليوميه والاسبوعيه

حتى على المدى الطويل لكن ليس الطويل جدا



من فضلك رتب الاولويات التالية ( العمل - الصحة - الأسرة ) من حيث الأهمية

الصحه – الاسره - العمل



هل ترى ان فى مصر بطالة .. يعنى مفيش وظائف .. واللا فيه وظائف مش لاقية أشخاص متمكنين ؟

لا طبعا ازاى تقول فيها بطاله ههههههه

انت اكيد عارف الجواب اكتر منى أسأل الشباب الى فى الشوارع والنواصى والمقاهى والنوادى أسأل الى عايزين يهاجروا اعلن عن وظيفه وشوف كام مليون هيتقدم ليك أسأل ليه زاد القتل والسرقه والاغتصاب والنصب

كل حاجه دلوقت بقت عينى عينك ولو عاجبك الناس هتاكل بعضها

ربنا يرحمنا



أدعو لك من قلبى الى الله العزيز الغفار الرزاق وأبتهل اليه سبحانه وتعالى بحق أسمائه الحسنى وصفاته العليا ان يكرمك يا أخى الفارس الشهم النبيل ..

بجد مش عارف اشكرك ازاى وأقولك ايه

ربنا يبارك فيه ويعطيك الصحه والعافيه

يارب

ربنا يبارك لك ويوفقك

آمين

أمين جميعا يارب العالمين

[خلود]

1



http://dc01.arabsh.com/i/00085/u8n9o170omq8.jpg
احييك على صراحتك فى الاجابات وعايزين منتهى الصراحه مش دبلوماسيه خالص

-متى اخر مرة ضحكت من قلب؟ وليه؟

ايه هى احلى ذكرى فى حياتك ومستحيل تنساها ؟

اذا كنت زعلان او مضايق ايه اول شئ تفكر تعمله ؟

اخر شخص تفتكره قبل ما تنام ؟
هل حسيت فى يوم من الايام بالضعف ؟ وايمتى ده حصل ؟

اول قسم تحب تدخله اول ما تفتح المنتدى؟؟

لو سقطت منك دمعه مين تتمنى يمسحها ؟

ايه طموحك فى الحياه ؟؟

عضو يعجبك طرحه للمواضيع
عضو هادى جدا
عضو عصبي
عضو ترتاحله
عضو يعجبك ردوده
عضو تحس انه متابع لمواضيعك
عضو عاجبك توقيعه في المنتدي

عضو تحس انه غامض
عضو مرح
عضو حزين
عضو لا تعجبك ردوه ( جاوب بصراحه بس متقولش انا
عضو يرفع الضغط
عضو فقدته وتتمني رجعته للمنتدي

ماذا تعني لك الكلمات الاتية:
الحياة
الموت
الحقيقة
الخيال
المراة
الزواج
الاولاد
المال
الصحراء
البحر
الشمس
القمر
النجوم

إذا استعرضنا معـــــًا أجمل محطاتك في :الطفولة ،اصحابكـ، الدراسة فماذا سنجد في جعبتك من مواقف لم تزل قائمة في الذاكرة ؟

عبارة نسمعها { الطيب مالهوش مكان في الدنيا دى } ما رايك فيها ...؟

متى تقول لا وبدون تفكير ومتى تقول نعم وبدون تفكير بمعنى { لا و نعم } قطعياً ...?

من هو الفارس فى ثلاث كلمات
تواريخ كثيره يمر بها الانسان البعض منها يأثر في شخصياتنا اذكر تاريخا غير شيء من شخصيتك او اثر فيك ؟

للمنتديات سلبيات وليها ايجابيات كثيره في رأيك ماهي السلبيات والايجابيات للمنتديات.؟؟

ماذا تعني لك :
دمعه الطفل
دمعه المرأة
دمعه الرجل

منصب تتمنى أن تصل إليه ماهو ؟

شغل في دماغكـ من كتيييييييير تتمنى انكـ تعمله ايه هو ؟

هتقول ليه للى بينادوا بمساواة المرأة بالرجل وانت ايه رأيكـ في الموضوع ؟

ما رأيك في الحب ؟

ما هو رأيك في ما نحن بصدده من تشتت يعوق نصر أمه نبيها دينها الأسلام ونبيها خير الاّنام؟

مفضلاتك :
شاعرك المفضل
فنانك المفضل
أغنيتك المفضلة
البلد المفضل
مكان الراحة
الوقت المفضل للراحة
ماركة مفضلة تحب شراء منتجاتها
يومك المفضل

طب وفي المنتدى:
عضو مثير للشغب
عضو حساس
عضو رومانسى
عضو مكار
عضو طيب
عضو صريح
عضو شغله صح

وطبعا ممكن أى حد يتكرر أو تسيب اللى مش عايز تجاوب عليه

المقربون :
أقرب الناس لقلبك في النت؟
أقرب الناس لقلبك خارج النت؟
أقرب الأصدقاء لك على النت؟
أقرب الأصدقاء لك خارج النت؟


أصدقائك معدودين ولا لأ ولو معدودين كم عدد أصدقائك؟

متهيالى كفايه كده الا تزهق منى ومن اسئلتى وزى ما قلت عايزين صراحه

وشكرا والسلام عليكم ورحمه الله

[الفارس]

1





http://dc01.arabsh.com/i/00085/u8n9o170omq8.jpg



احييك على صراحتك فى الاجابات وعايزين منتهى الصراحه مش دبلوماسيه خالص

شكرا ليكى يا خلود . . وبعدين ماانتى لسه بتحيينى على صراحتى






-متى اخر مرة ضحكت من قلب؟ وليه؟

من يومين بس لما كانت بنتى الصغيره الى عمرها سنه قاعده على رجلى وجت الى اكبر منها بتنزلها علشان هى تقعد زعلت اوى الصغنونه و بأيدها الى زى السكر وضربت على رجلى التانيه يعنى بتقولها دى فاضيه بتنزلينى ليه .




ايه هى احلى ذكرى فى حياتك ومستحيل تنساها ؟

أولادى بقوا زكرى الماضى والحاضر والمستقبل الى مستحيل انساهم




اذا كنت زعلان او مضايق ايه اول شئ تفكر تعمله ؟

أكون لوحدى




اخر شخص تفتكره قبل ما تنام ؟

حبايبى الصغيرين لان هما الى بينيمونى

هل حسيت فى يوم من الايام بالضعف ؟ وايمتى ده حصل ؟

لما حسيت اننا مش قادرين ندافع عن نبينا وحبينا




اول قسم تحب تدخله اول ما تفتح المنتدى؟؟

اتعودت دايما افتح القسم العام




لو سقطت منك دمعه مين تتمنى يمسحها ؟

امسحها بأيدى




ايه طموحك فى الحياه ؟؟

ربنا يرضى عنا جميعا




عضو يعجبك طرحه للمواضيع

فجر

عضو هادى جدا

أم الاء

عضو عصبي

مفيش كلهم زى السكر

عضو ترتاحله

قمر

عضو يعجبك ردوده

فجر

عضو تحس انه متابع لمواضيعك

فجر ولكل المواضيع

عضو عاجبك توقيعه في المنتدي

الباشا نلميذ




عضو تحس انه غامض

مفيش

عضو مرح

خلود

عضو حزين

الطاووس

عضو لا تعجبك ردوه ( جاوب بصراحه بس متقولش انا )

لا طبعا انا قولت حاجه – حد يستجرى يقولها

عضو يرفع الضغط

مفيش

عضو فقدته وتتمني رجعته للمنتدي

اداره المنتدى حاسس انها بعيده




ماذا تعني لك الكلمات الاتية:

الحياة

حلوه

الموت

فراق ولقاء لابد منه

الحقيقة

الموت

الخيال

تعيش بيه الى مش قادر عليه

المراة

الطعم الحلو للحياه

الزواج

استقرار

الاولاد

زينه الحياه الدنيا

المال

نعمه ونقمه

الصحراء

حلم جميل

البحر

صديق غدار

الشمس

يوم جديد

القمر

حلم جميل

النجوم

حب جديد




إذا استعرضنا معـــــًا أجمل محطاتك في :الطفولة ،اصحابكـ، الدراسة فماذا سنجد في جعبتك من مواقف لم تزل قائمة في الذاكرة ؟

اتذكرت موقف لزميل لى بالجامعه مع زميله له كان يحبها لمده سنتين كاملتين لكن حبه كان بالنظرات والضحكات والاعجاب وعندما قرر الافصاح عن حبه لها وتشجع وذهب لها قالت له من انت انا لا اعرفك انت معنا هنا بالدفعه . ههههههه




عبارة نسمعها { الطيب مالهوش مكان في الدنيا دى } ما رايك فيها ...؟

ليه مكان مع الطيبين الى زيه




متى تقول لا وبدون تفكير ومتى تقول نعم وبدون تفكير بمعنى { لا و نعم } قطعياً ...?

لا لكل ماهو غلط ونعم للمكن اعمله لخدمه الناس ومساعدتهم




من هو الفارس فى ثلاث كلمات

انسان بسيط جدا قلبه مفتوح لكل الناس

تواريخ كثيره يمر بها الانسان البعض منها يأثر في شخصياتنا اذكر تاريخا غير شيء من شخصيتك او اثر فيك ؟

يوم اليتيم




للمنتديات سلبيات وليها ايجابيات كثيره في رأيك ماهي السلبيات والايجابيات للمنتديات.؟؟

منتدى 6 أكتوبر أول منتدى سجلت فيه ودخلته ومن خلاله اتعرفت على اجمل اعضاء فيه واستفدت كتير اوى من مواضيعهم .

ومحتاجين بجد الى بنكتبه وننقله نحس بيه ونعمل بيه ونحب بعض ونساعد بعض على أد مانقدر .




ماذا تعني لك :

دمعه الطفل

بتخلى قلبى يدمع معها

دمعه المرأة

بحس انها ضعيفه اوى

دمعه الرجل

بتبقى كسر ليه




منصب تتمنى أن تصل إليه ماهو ؟

رضا ربى عليه




شغل في دماغكـ من كتيييييييير تتمنى انكـ تعمله ايه هو ؟

انا دماغى دايما مشغوله ياخلود وفيها كتير اوى




هتقول ليه للى بينادوا بمساواة المرأة بالرجل وانت ايه رأيكـ في الموضوع ؟

صعبه ولو حصل يبقى على الدنيا السلام




ما رأيك في الحب ؟

اجمل احساس بينقى القلب من حاجات كتير




ما هو رأيك في ما نحن بصدده من تشتت يعوق نصر أمه نبيها دينها الأسلام ونبيها خير الاّنام؟

بتمنى نكون يد واحده




مفضلاتك :

شاعرك المفضل

جاهين وجويده

فنانك المفضل

مفيش حد معين

أغنيتك المفضلة

ست الحبايب بحبها اوى

كل احاسيسى بتقف عندها

البلد المفضل

مصر

مكان الراحة

البيت

الوقت المفضل للراحة

الظهر

ماركة مفضلة تحب شراء منتجاتها

مافيش ماركه معينه بشترى الى برتاح ليه ومناسب ليه

يومك المفضل

الخميس




طب وفي المنتدى:

عضو مثير للشغب

كل الى عندنا زى الفل ولله الحمد

عضو حساس

خلود

عضو رومانسى

مين رومانسى هنا ياجماعه يرفع ايده

ايه دا كلكم

عضو مكار

الحمد لله ماعرفش حد مكار

عضو طيب

دى دى

عضو صريح

اميره

عضو شغله صح

نصل الهوى




وطبعا ممكن أى حد يتكرر أو تسيب اللى مش عايز تجاوب عليه

حاضر يافندم




المقربون :

أقرب الناس لقلبك في النت؟

كل اعضاء منتدى 6 اكتوبر

أقرب الناس لقلبك خارج النت؟

زوجتى واولادى

أقرب الأصدقاء لك على النت؟

كل أعضاء منتدى وكل ماهو مضاف لدى

أقرب الأصدقاء لك خارج النت؟

أولادى حبايبى





أصدقائك معدودين ولا لأ ولو معدودين كم عدد أصدقائك؟

الحمد لله كتير




متهيالى كفايه كده الا تزهق منى ومن اسئلتى وزى ما قلت عايزين صراحه

انا ازهق منك برده هو حد يزهق من خلود دنا هروح اطلعه على بنتى علشان سميتها خلود



بجد اسعدتينى بكل اسئلتك دى وربنا يبارك فيكى

ويسعدك




وشكرا والسلام عليكم ورحمه الله

وعليكم السلام

[الفارس]

فجرمصر – الباشا – اسامه – خليفه - أميره – خلود – ليون – دى دى – قمر



كل أعضاء المنتدى الغاليين



بجد بشكركم من كل قلبى على الاسبوع الى قضيته معكم على كرسى الاعتراف



كان اسبوع من أجمل ايام حياتى كنت سعيد جدا بوجودكم وبكل سؤال سألتوه



ليه واتمنى من احلى اداره ومن مشرفتنا الغاليه حاجات حلوه كتيره زى دى



تجمعنا دايما مع بعض .



واتمنى مايكونش حد منكم زعلان منى ولا أى حد من اعضاء المنتدى



وربنا يوفقكم ويسعدكم .



وبحكم قوانين المنتدى المفروض ان اختار شخص عزيز عليه وغالى



اقعده على الكرسى الحلو دا



بختار ....... أسامه 22



استعد يابطل

[fagrmasr01]

بصراحة
نورت الكرسى بجد يا ايها الفارس النبيل الشهم

ختاماً لأسئلتى ارجو ان تتكرم واختم بسؤال ذو شقين

أكتب لنا حديث شريف ، وآية قرآنية

جزاك الله خير الجزاء أيها الرجل الطيب
وأحسن الله إليك
جمعنا الله معك بصحبة أشرف الخلق أجمعين
سيدنا محمد الحبيب المصطفى
صلوات الله عليه وسلامه عليه
وعلى آله وأصحابه أجمعين
آمين

[خلود]

عضو لا تعجبك ردوه ( جاوب بصراحه بس متقولش انا )
لا طبعا انا قولت حاجه – حد يستجرى يقولها

اجابتك دى مش مريحانى خاااااااااااااالص

قصدك انا مفتريه ولا حاجه

يلا ما علينا مش اشكال حصل خير



ههههههههه





متهيالى كفايه كده الا تزهق منى ومن اسئلتى وزى ما قلت عايزين صراحه
انا ازهق منك برده هو حد يزهق من خلود دنا هروح اطلعه على بنتى علشان سميتها خلود
بجد اسعدتينى بكل اسئلتك دى وربنا يبارك فيكى

مش بقولك حاسه اتخنقت انت منى خالص


شكرا فارس على اجاباتك وردودك واختيارك لى كعضو مرح وحساس

ربنا يخليك

واختيارك للعضو اللى هيقعد بعدك اختيار موفق جدا

اسامه من الاعضاء اللى نحب نتعرف عليهم اكتر من كده شويه

وميمنعش نخنقه ونزهقه برضو شويه باسئلتنا

يلا يااميره اتفضلى حطى احلى كرسى لاخونا اسامه

وطبعا مش هنوصيكى بقى ميتخيرش عن باقى الكراسى كده الجميله المريحه اللى بتحطيها

معاك ربنا يا اسامه

[اميرة حبى انا]

شكرا يافارس على اجاباتك الجميلة اللى امتعتنا بيها
الف شكر

[اسامة22]

الله يسامحك يافارس لية كدا بس
دا انا مش بهوب ناحية كرسي الاعتراف
تيجي انت ياشيخ وتعملة كدا في
دااحنا زي بعض ولاعلشان المسافة بيني وبينك
بعيدة وعارف اني مش هقدر اشوفك
بقي انا كنت متعاطف معاك يارب كانو وضعو
ليك مليون سؤال حلال فيك
ماانا عارف اني كلامي من غيظي
وانت قاعد وبنتك الامورة قاعدة تتنطط
علي رجلك وفرحان في
اقول اية بس فيك يااخي
وبقول اهو اذا مكنش كرسي كويس ومريح
مش هجاوب واذهب بعثة للسودان
علشان مفيش نت هناك
وياجماعة يااعضاء منتدانا المحترمين
الي مفيش زيهم في العالم وحلوتهم
ارجوكم كل واحد سؤال او سؤاليين بس
بقي من يوم وليلة وانا الي كنت قاعد بتفرج من البلكونة علي
الي بيقعد علي الكرسي
القي نفسي بقيت داخل كلبشات الكرسي
بس انا واثق من جميع الاعضاء
انهم هيقدروا غربتي وعملي الكتير
ومش هيسألو كتير
ههههههههههههههههه وربنا يجعلة عامر
نداء الي عمنا الكبير احمد نجم(شاعري المفضل جمال افندي)
خليك جنبي وحياتك داانامسكين وغلبان ياجمال افندي يامحبوب المنتدي
الباشا تلميذ- كلك زوق وانا عارف انك حنين
اميرة خليكي للاخر علشان انا عارف انك مفترية
خلود داانا بقول ومازلت بقول انك طيبة وحنينة
ليون-شوية شوية علي
والي رجل الدين في منتدانا محمد خليفة اخوك اول مرة يتعرض لهذا الموقف ارجو منك نصيحة
والي كل الاعضاء الي بحبهم وبمووووووووت فيهم الرحمة حلوة
وانت يافارس لقد اسقطك من علي جوادك ( منك للة)
حبيبي وكبيري جمال افندي
ارجوك كارت توصية للجميع
وخاصة كارت التوصية ياشاعري لمشرفتنا الفاضلة كرسي كويس والا؟؟؟؟؟؟؟؟؟؟؟؟؟؟؟؟؟؟

وانا لله لراجعون
استودعكم الله في ثياب كرسي الاعتراف
وشكرا

[fagrmasr01]

الف مبروك يا أسامة أفندى
انت لها يا رجل

وهل يحتاج اخونا الغالى المحبوب أسامة الى توصية
انت محبوب الكل يا أسامة
سمى بسم الله ومتخافش
قلوبنا معاك وبندعى لك

وعلى فكرة.. مش بيدخل الكرسى ده غير النجوم .. وانت باذن الله نجم النجوم هنا

أما ست الكل أميرة .. فهى ..... انا عارف ان قلبها كبير وبتحبك
وعلى فكرة.. هيبان من شكل الكرسى

وأما رائعة المنتدى خلود .. أنا عارف انها بتحبك .. وبتحبنا كلنا .. وهى أساساً أسئلتها خفيفة على قلوبنا كلنا

أخوانى وأخواتى أعضاء منتدانا الكرام
نداء استرحام .. لأن الراجل متغرب
واتمنى قلوبكم ترق على اخونا المحبوب الغالى أسامة أفندى

ياللا يا بطل سمى بسم الله وادخل برجلك اليمين
وربنا معاك
أخوك جمال