..نار الشك..

[RSS]

الشك نار ..مالهاش نهايه..
أول دمار.. ينهى الحكايه..
ويشدّنا لعبه ف إيديه..
ولا حد بيسيطر عليه..
أو يمنعه لمّا يلاقيه..

يلعب باْفكارنا وعقولنا..
ويهزنا ليلنا ونهارنا..
نبات ونصحى بيه وعليه..

الحب يتحول مرار..
والوقت يبقى غيظ ونار..
تقاسى من بعد الحبيب..
والشك قايد فيك لهيب..
يتبدل الإحساس عذاب..
والحب يبقى طيف سراب..
وتلاقى احلام الشباب..
متبحتره..فوق التراب..


ياحبيب قلبى الحب ثقه..
دفا وآمان مش بس لقا..
إخلاص غالى ورضا وتفانى ..
وحبيب راضى يدوب ف التانى..

بطل بقا تشغلنى عليك..
تتعب قلبى واخاصم فيك..
حبنا تروح قوته..
كترالشك يموته..
من حقك ياحبيبى تغيير..
بس الشك عايزله دليل..
لازم تتاْكد ياسيدى..
قبل ماتجرح وريدى..
تبقى برىء من ذنبى..
ولا ف رقبتك دمى..
غيير ده الحب حرارته الغيره..
واقلق..واسهرلك كام ليله..
لكن أوعى تشك فى حبى..
الشك عذاب ناره طويله..
بيضّيع فى معانى جميله..
ويفرّق مايسيبش وسيله..
وانا ياحبيبى بحبك موت.
لوضاع منى الحب أموت..
فكر قبل ماتظلم بختك..
مين فى الدنيا قدى يحبك..
انا مااعرفش أخون ياحبيبى..
مااتعلمتش.. إلا أحبك..
آه من حبك لما تشك..
م الخوف بطل قلبى يدق