منتظرة

[stylooo]

حالياً
انتظر تفاعل أعضاء منتدانا الكرام
بالمشاركة و المرور و التفاعل مع مختلف الموضوعات
فى مختلف الأقسام
فعدم المشاركة تصيبنى بالإحباط و الاكتئاب
و حتى الآن تجاوزت ال 50 موضوع
على ما أظن و لكنى لم أجد مشاركة تجعلنى استمر
و لهذا سأبتعد قليلاً لاستجمع شتات فكرى
و أرى مدى تجاوبكم معى
الفجر الساطع
الفجر هو الأمل

[fagrmasr01]

الغالية ستايلو ...
كل سنة وحضرتك طيبة وبخير وصحة وسعادة
معلش كانت ظروف العيد بالنسبة للأغلبية وكنت انا فى عندى ظروف شخصية
لا ينكر أحد ان اغلب الموضوعات لم يتم التعامل معها بما يتناسب وحجم كل موضوع
لكن باذن الله نبتدى من الان
التفاعل والرد والتواصل

[خلود]

الاخت ستايلو

احنا متواجدين معاكى بقدر استطاعتنا وغصب عننا ظروفنا مش مساعدنا اكتر من كده

انا شخصيا سيده عامله وعندى ولادى شهادات ومدارس ومن الصعب التواجد الا فى وقت دخولى ده

ياريت مش يصيبك الاحباط ياستايلو وتصبرى ويانا شويه لاننا كلنا بنمر بنفس اللى بتمرى بيها دلوقتى

ولو بصيتى لمواضيعى هتلاقيها كتير اوى صفريه ولا مشاركه ولكن احنا بنحب المكان ده وهنفضل متمسكين بيه على قد ما نقدر وهنحاول نوقفه على رجله تانى

ياريت ياستايلو متبعديش لاننا عايزينك ويانا وكلنا نشجع بعض مش نزهق ونبعد كده

لو كلنا زهقنا و بعدنا المنتدى هيبقى فاضى واظن انك زينا بالظبط بتحبيه جدا وبتحبى الناس اللى فيه

مستنينك ستايلو واعرفى اننا هنا كلنا اخوات واحبه فى الله

[اسامة22]

الصبر جميل
ولو كل واحد مل وزهقك يبقي مش هنعمل حاجة
ارجوا الصبر لان ظروف العيد ودخول مدارس
وانا اعرف والله عضو اوعضوة كانت تفضل لوحدها في منتدي ولم تمل
هيجي يوم هتلاقي الاعضاء كلهم موجودين والبركة فيكي حاليا يااختاة
في ظروف لبعض الناس ندعوا لهم بتحسن ظروفهم واحوالهم
وان شاء الله القادم افضل واحسن

[محمد المصري]

الله عليكم يا اعضائنا الجمال

بجد باشكرك جدا على موضوعك ياستايلوا

وبعدين بقى انا دلوقت

قاعد باكتب الرد دا بالماوس

زراير اللاب توب مش شغالة

لكنى باحاول اهو

ومش هامل ابدا حتى لو مفيش غير انا وانتى فى المنتدى

انتظارك مش هيطول ان شاء الله

ولكى منى ارق واجمل تحية

[stylooo]

يعجبنى التفاعل لأنه يحيي الموضوع
و يجعل للمنتدى روح
الكل يشارك و لو بشكراً - موضوع جميل - و نتابع المناقشة بعد
- أو متابع
وهكذا يعطى احساس للناقل أو الكاتب أنه ليس كم مهمل
و إلا اقتصر على نفسه
و قرأ الموضوع الذى يريد و لايعلم الآخرين
و لكنه انتقاء للمواضيع المهمة التى تخدم الكل
من أجل الأحسن و أيضا ربما لم يسعدنى قراءة موضوعك الهام
و أنا على النت و لم أجد مثل مواضيعكم الجيدة ف على الأقل كلمة شكر للناقل
أو الكاتب تجعله يداوم الاستمرار فى العطاء
على الرغم من أمومتى التى لا أنكرها
و أبنائى فى شهادات عنق الزجاجة
و لكنى كالجندى الذى كلف بانهاء مهمة
أوكلت إليه فلابد من القيام بها على أكمل وجه
ولهذا الجندى نشاركه أنه ليس وحيد فيما ألقى على عاتقه
بل الجميع مشارك و مثابر معه!!!!
و لكم جميعاً خالص شكرى و ودى لمروركم الكريم
و أمنياتى لكم بالصحة و السعادة و لن ابتعد أستاذة / خلود
و حمداًً لله على وجودك معنا مستر/ جمال
و ربنا يكرمكم و أسرتكم بخير و سلام
و يبعد عنكم السوء
ولك خالص الأمنيات بالشفاء لزوجتك
و مشكور مرورك العطر مستر / أسامة 22
و شكر خاص لك مستر / محمد أبو زيد
على مرورك الكريم الذى عطر مشاركتى

[اسامة22]

ان شاء الله
تضامنا معكي نحن موجودين
اه لو تعرفي بس من سنة منتدي اكتوبر دا كان عامل ازاي
كان عبارة عن بيت كبير لايخلو ابدا من محبية
ولكن ان شاء الله الكل هيرجع

[lionking]

ازيك يا ستايلو

معلش يا حبيبتى كلنا فى الفترة اللى فاتت اضفنا مواضيع ومكناش بنرد على بعض بس ده طبعا مش العادى فى منتدانا .....دى كانت فترة المسابقة وكان كل واحد فينا بيفضل انه بدل ما يرد يقوم يضيف موضوع احسن

:1: :1: :1:

مش عايزاكى تضايقى نفسك او صبرك ينفذ صدقينى كلنا ان شاء الله هنبدا نرد على كل المواضيع وهتلاقى الدنيا جميلة

وزى ما قال اسامة احنا هنا كلنا اخوات وبنحب المنتدى ده جدا جدا وان شاء الله مع الوقت هتعرفى كل ده

وبعدين يا ستى انا كمان حطيت مواضيع كتييييييييير وكلها صفر

المهم يعنى كل ده هتلاقيه اتغير من بكرة بعد ما المسابقة تخلص ان شاء الله

تحياتى ليكى ولمجهودك الرائع فى المسابقة الجميلة

اختك ليون

السلام عليكم ورحمة الله وبركاته

[since1990]

ايه يا استايلو
متحريميناش من مواضيعك الهادفه
انتى نفسك قصيرليه كده؟
انتى عارفه السبب فى الموضوع ده ايه...؟
المسابقه...
لان كلنا اهتمنا بوضع مواضيع كتيره وتقريبا الوقت مكنش يسمح بالرد على كل المواضيع.
انا نفسى حطيت مواضيع كتيره وكان نفسى حد يشترك فيها وانتظرت بس للاسف محدش
اشترك وده لانها كانت بتندفن تحت الكم الهائل من مواضيع الاخوات و الاخوه المشاركين فى
المسابقه.
لذا فانى اوجه دعوه الى الساده الاعضاء بمراجعه المواضيع السابق وضعها اثناء المسابقه وذلك

حتى لا تذهب اعمالنا هباءآ....