- "الحب مش شروط" -

[RSS]

الحب مش شروط..
ما بيعرفش القيود..
إن كان يبقاله اول ..آخره ماهوش موجود..
وابداً.. ما لوهش حدود..
ماتفسروش لنفسك..
مانتاش ف الكون لوحدك..
ولا بأيدك وجود..


لما امتلكت قلبى ..أبداً مش غصب عنى

ولما خدت حبى..
اخدته برضا منى..
لهفه ومش صدود..
وهبه ومن غير شروط..
اديتلك المحبه..
ولو فى عندى حبه..
اوهب من غير حدود..

مافيش انت وانا..
ولا كان عددنا اتنين..
مافيش غير حبنا ..
وكنا مش داريين..
علمتنى حبك..

علمتك الحنيه..
سكنتنى قلبك ..
سكنت كل مافيا..
ماحسبتهاش ممكن ف يوم تتقسّم..
وانت وانا.. والقلوب تتاْلم..
بعت ونسيت انت وبقيت تتكلم..
وانا لسه شارى..
ببكى وبدارى..
وبعشقك من غير حدود..

جاى ولا طاوعت عِندك..
ولا حب جديد بياخدك..

جاى ولا شفت بختك..
واشتريت بفراقى راحتك..
مش ح انتهى.. لو تنتهى منى..
لو بعتنى.. ولآ ادّاريت عنى..
انا عشتها قبلك..
وح اعيشها من بعدك..
جايز تكون مُره.. زى مرار بعدك..
بس اهى مره ..حرمت من بعدك..
إياك ياجرح تعود..
مش يبقى حب وموت..
الحب مش شروط





منقـــول