RSS
19-11-2010, 11:00 PM
http://files2.fatakat.com/2010/11/12893392784740.gif
أم المعارك
الجولة الأولي
أدم داخل بيته زهقان تعبان
البطيخة علي ايد والتانية محملة وشايلة
فتح الباب بصعوبة وفجأة
كأنه هجوم التتار أو انتشار الجراد
مسكوا في رجليه وتعلقوا علي ايديه
صرخوا زي الهنود
هااااااااااااااي بابا جه بابا جه
يا ولاد براحة شويه
طب خدوا مني البطيخة ديا
سيب يا واد رجليا
وانتي يا بنت مالك والجرافتة دي كانت مكوية
وانت يا شبر مش باين من الأرض
سيب مفتاح العربية
فينك يا وليه حوشي عيالك عني شويه
دخلت حوا منكوشة زي ما تكون
في شغل البيت مهروسة
انت جيت يا ابو العيال
مالك كدا زهقان مش ولادك دول
ولا ولاد الجيران
رد أدم بعصبية
مش وقته مناقرة حوشي ابنك عني بيعض في سمانة رجلي
براحة شوية عالواد ماهو يا كبدي طالع له سنان
فرحانين العيال بيك هم امتي لما بيشوفوك
صرخ أدم صرخة قوية
أأأأأأه الحقي ال...بطيخة هتــ..تــ..تقع
أأأأأأأأأأأأأأأأأأاه ...وقعت ...اتكسرت
وفجأة بعدوا الأولاد عن أبوهم وهجموا عالبطيخة المكسورة
كل واحد خطف له شقة وجري ياكلها
يا ولاد الـــــــــ.....
~~~~~~~~~~~~~~~
خلصت الجولة الأولي
الحكام مدهوشين مصدعين
الأولاد هما الفايزين
المشاهدين معترضين
سكووووووووووت
الجولة التانية
أدم بعد ما اتغدي دخل يريح له شويه
دخلت حوا عليه بزعابيبها
قام اتنفض من نومته
سلام قول من رب رحيم
ايه يا راجل شفت عفريت
رد أدم بانكسار
لأ العفريت كان أرحم
خير يا أم العيال
بتتريق طب افتح أجندتك
واكتب عند حضرتك
خير فيه ايه تاني
ماهي طلباتك وطلبات ولادك
مكفيها وموفيها
هو انتوا مش هترحموني
مالك يا أبو عيالي
اتغيرت أكيد مش أنت الراجل اللي في بالي
شوف حالك وكمان حالي
شوفتي أنتي نفسك في مرايتك
شعرك لبسك كلك علي بعضك
هي إنتي برضه الحلوة الغندورة
اللي بطرف رمشها وقعتني في حيرة
ردت حوا مكسوفة شويه
بس انا أعمل ايه
يا حيرتي ياني
ماهو العيال مش مخليين
وأنا فين من العيال
مش ليا برضه نصيب
ولا كله راح مع اللي راح
رفعت حوا راسها فجأة وسألته بنبرة قلق زايده
هو انت مالك النهاردة
شفت مين في الشغل شقلب حالك وقلبك عليا
هي أخبار زميلتك عليا ايه
اتطلقت من جوزها وبتدورلها علي صيدة تانية
هي حصلت لحد كده طب والله ما انا قاعد لك فيها
فينك يا اما فينك يا ابويا الوليه دي خلاص بقت ملحوسة
دق الجرس
الجولة التانية خلصت
الحكام باعو القضية
أدم وحوا عايزين لهم جامعة الدول العربية
الناس محتارين
شوية بيشجعوا أدم
والباقي متعاطف مع حوا
سكوووووووووت
دق الجرس
الجولة التالتة
دخل أدم وش الفجر
البيت اسكت هس
العيال نايمين ..زي الملايكة هاديين
دخل أوضته ..صرخ مش مصدق
انتي مين ..اتكلمي انطقي
ردت حوا بدلال
ايه يا أدم مش عارفني
وقف مكانه متسمر
أه فاكرك كنت زمان شايفك
لفت ايديها حوالين رقبته
دخل عطرها لأنفه نعنشه ..هده
ايه يا دومي معقولة تكون نسيتني
دنا غيرت هدومي
ياااااااااااااااه ..حوا ..كنتي فيين
اشتقت لك يا ستي
وانت يا حبيبي قطعت عني الجوابات
ولا نظرة حنينة ولا لمسة مدادية
ولا حتي كلمة تهون عليا
لما نسيتني أنا كمان نسيت نفسي
رد أدم وايديه بتمسح علي شعرها وعينيه هتاكل من جسمها
وانتي فين يا نن عيني همستك رقتك كلك علي بعضك اشتقت لك
بس يا أدم الدنيا مشاكلها كتير
وانتي يا روح أدم قلبك أكبر بكتير
ماهي الجنة اللي تحت أقدامك تمنها كبير
ماهو برضه ساعات عقلي بينشغل
بالعيال وهمهم
يا غلبي محدش مقدر ولا حد بيساعد
بس لو بعقلك الكبير تبطل تعاند
رموش العين هفرشهالك
ولو الكون ضاق عليك بإيدية هوسعها لك
يا حبيتي تعالي أضمك لصدري
قربي كده من دقات قلبي
ده ياما سألني عنك
بس عنه خبيت وداريت وصبرته
وقلت له مسيرها يوم ترجع لنا
حوا حبيبة قلبي
أدم ..حبيب عمري
خلاص مش راح تقدري علي زعلي
ولا عمري هنكش لك شعري
وطلباتك
وقت ما تجيبها يا خويا يعني هي الدنيا طارت
أهي هي دي حوا حبيبتي روح قلبي ومهجة عمري
تعالي أضمك مستنية ايه دراعاتي اشتاقت لك
بس عندي لسة سؤال
هي اتجوزت ولا لسة
هي مين دي
زميلتك السنيورة اللي علي جبينها أوسة
صرخ أدم صرخة قوية وطلع من هدومه
وانتهت الجولة الأخيرة
رأيكوا ايه في دي الحيرة
مين اللي فاز بالحرب
حوا ولا أدم
أم المعارك
الجولة الأولي
أدم داخل بيته زهقان تعبان
البطيخة علي ايد والتانية محملة وشايلة
فتح الباب بصعوبة وفجأة
كأنه هجوم التتار أو انتشار الجراد
مسكوا في رجليه وتعلقوا علي ايديه
صرخوا زي الهنود
هااااااااااااااي بابا جه بابا جه
يا ولاد براحة شويه
طب خدوا مني البطيخة ديا
سيب يا واد رجليا
وانتي يا بنت مالك والجرافتة دي كانت مكوية
وانت يا شبر مش باين من الأرض
سيب مفتاح العربية
فينك يا وليه حوشي عيالك عني شويه
دخلت حوا منكوشة زي ما تكون
في شغل البيت مهروسة
انت جيت يا ابو العيال
مالك كدا زهقان مش ولادك دول
ولا ولاد الجيران
رد أدم بعصبية
مش وقته مناقرة حوشي ابنك عني بيعض في سمانة رجلي
براحة شوية عالواد ماهو يا كبدي طالع له سنان
فرحانين العيال بيك هم امتي لما بيشوفوك
صرخ أدم صرخة قوية
أأأأأأه الحقي ال...بطيخة هتــ..تــ..تقع
أأأأأأأأأأأأأأأأأأاه ...وقعت ...اتكسرت
وفجأة بعدوا الأولاد عن أبوهم وهجموا عالبطيخة المكسورة
كل واحد خطف له شقة وجري ياكلها
يا ولاد الـــــــــ.....
~~~~~~~~~~~~~~~
خلصت الجولة الأولي
الحكام مدهوشين مصدعين
الأولاد هما الفايزين
المشاهدين معترضين
سكووووووووووت
الجولة التانية
أدم بعد ما اتغدي دخل يريح له شويه
دخلت حوا عليه بزعابيبها
قام اتنفض من نومته
سلام قول من رب رحيم
ايه يا راجل شفت عفريت
رد أدم بانكسار
لأ العفريت كان أرحم
خير يا أم العيال
بتتريق طب افتح أجندتك
واكتب عند حضرتك
خير فيه ايه تاني
ماهي طلباتك وطلبات ولادك
مكفيها وموفيها
هو انتوا مش هترحموني
مالك يا أبو عيالي
اتغيرت أكيد مش أنت الراجل اللي في بالي
شوف حالك وكمان حالي
شوفتي أنتي نفسك في مرايتك
شعرك لبسك كلك علي بعضك
هي إنتي برضه الحلوة الغندورة
اللي بطرف رمشها وقعتني في حيرة
ردت حوا مكسوفة شويه
بس انا أعمل ايه
يا حيرتي ياني
ماهو العيال مش مخليين
وأنا فين من العيال
مش ليا برضه نصيب
ولا كله راح مع اللي راح
رفعت حوا راسها فجأة وسألته بنبرة قلق زايده
هو انت مالك النهاردة
شفت مين في الشغل شقلب حالك وقلبك عليا
هي أخبار زميلتك عليا ايه
اتطلقت من جوزها وبتدورلها علي صيدة تانية
هي حصلت لحد كده طب والله ما انا قاعد لك فيها
فينك يا اما فينك يا ابويا الوليه دي خلاص بقت ملحوسة
دق الجرس
الجولة التانية خلصت
الحكام باعو القضية
أدم وحوا عايزين لهم جامعة الدول العربية
الناس محتارين
شوية بيشجعوا أدم
والباقي متعاطف مع حوا
سكوووووووووت
دق الجرس
الجولة التالتة
دخل أدم وش الفجر
البيت اسكت هس
العيال نايمين ..زي الملايكة هاديين
دخل أوضته ..صرخ مش مصدق
انتي مين ..اتكلمي انطقي
ردت حوا بدلال
ايه يا أدم مش عارفني
وقف مكانه متسمر
أه فاكرك كنت زمان شايفك
لفت ايديها حوالين رقبته
دخل عطرها لأنفه نعنشه ..هده
ايه يا دومي معقولة تكون نسيتني
دنا غيرت هدومي
ياااااااااااااااه ..حوا ..كنتي فيين
اشتقت لك يا ستي
وانت يا حبيبي قطعت عني الجوابات
ولا نظرة حنينة ولا لمسة مدادية
ولا حتي كلمة تهون عليا
لما نسيتني أنا كمان نسيت نفسي
رد أدم وايديه بتمسح علي شعرها وعينيه هتاكل من جسمها
وانتي فين يا نن عيني همستك رقتك كلك علي بعضك اشتقت لك
بس يا أدم الدنيا مشاكلها كتير
وانتي يا روح أدم قلبك أكبر بكتير
ماهي الجنة اللي تحت أقدامك تمنها كبير
ماهو برضه ساعات عقلي بينشغل
بالعيال وهمهم
يا غلبي محدش مقدر ولا حد بيساعد
بس لو بعقلك الكبير تبطل تعاند
رموش العين هفرشهالك
ولو الكون ضاق عليك بإيدية هوسعها لك
يا حبيتي تعالي أضمك لصدري
قربي كده من دقات قلبي
ده ياما سألني عنك
بس عنه خبيت وداريت وصبرته
وقلت له مسيرها يوم ترجع لنا
حوا حبيبة قلبي
أدم ..حبيب عمري
خلاص مش راح تقدري علي زعلي
ولا عمري هنكش لك شعري
وطلباتك
وقت ما تجيبها يا خويا يعني هي الدنيا طارت
أهي هي دي حوا حبيبتي روح قلبي ومهجة عمري
تعالي أضمك مستنية ايه دراعاتي اشتاقت لك
بس عندي لسة سؤال
هي اتجوزت ولا لسة
هي مين دي
زميلتك السنيورة اللي علي جبينها أوسة
صرخ أدم صرخة قوية وطلع من هدومه
وانتهت الجولة الأخيرة
رأيكوا ايه في دي الحيرة
مين اللي فاز بالحرب
حوا ولا أدم