فى انتظار ليون كينج

[اميرة حبى انا]

ستتوقف المسابقات لحين رجوع اختنا
ليون كينج
بالف سلامة
ندعو لها بسرعة الشفاء وترجعلنا بسرعة ونبدأ المسابقات تانى

[خلود]

يوووووووووووه لسه هنستنى الست ليون دى شغلانه بقى
يعنى هو لازم ليون يعنى

هى ليون دى طلعت لنا فى البخت ولا ايه هههههههههههههههههه

طبعا علشان فيه ناس هتفهم غلط هنا وبتصدق بسرعه

انا بهرج واكيد لازم ننتظر ليون لما ترجع لنا بسلامه الله ان شاء الله من العمليه بتاعتها

وبدعى لها انها تقوم بالسلامه يارب ويشفى عنها وترجع بالسلامه بسرعه لبيتها ولاسرتها ولاولادها ولاخواتها واخواتها هنا فى منتدانا الحبيب

يالا ارجعى بسرعه بقى ياليوووووووووووووووووووون ياحبيبتى

[fagrmasr01]

أسأل الله العظيم رب العرش العظيم ان يشفيها وان يرد اليها صحتها وعافيتها بأسرع وقت
وأن تعود بأسرع وقت ممكن
آمين

[DMR]

ان شاء الله ترجع لنا بالسلامة
و نبدأ مسابقات جديدة و تفوز فيها كمان

[fagrmasr01]

طبعا علشان فيه ناس هتفهم غلط هنا وبتصدق بسرعه

شكرا ياخلود
لم اكن اتوقع ان نصل الى هذا التهكم فى الحوار
لكن
ارجع واكررها واقول
الله يسامحك ويسامحنا
والله يشفيها ويشفينا
آمين

[اميرة حبى انا]

جميلة اوى روح المحبة والاخوة اللى موجودة فى المنتدى ده
بارك الله فيكم جميعا
استاذ جمال
خلود بتتكلم عموما عشان محدش يفهم كلامها غلط لانها بتهزر
هو فين التهكم ده

[الفارس]

طبعا علشان فيه ناس هتفهم غلط هنا وبتصدق بسرعه

شكرا ياخلود
لم اكن اتوقع ان نصل الى هذا التهكم فى الحوار
لكن
ارجع واكررها واقول
الله يسامحك ويسامحنا
والله يشفيها ويشفينا
آمين


أخى فجر مصر صاحب القلم الرائع والفكر العالى

لماذا ننتظر الكلمه لكى نأولها

بل هى كلمات عاديه غير مقصود بها اى شخص بل مجرد كلمات للمزح والفكاهه
مع أختنا ليون شفاها الله وارجعها لنا سالمه

أعتذر لتدخلى لكنى رأيت ان الموضوع يتكرر كالعاده
فلاخت خلود انا متأكد أنها لاتقصد اى شخص سواء كنت انت أو غيرك لانها تعرف معنى الكلمه
معذره على تدخلى

لكن بجد احب ان نكون بداخلنا كما نتمنى وكما نقول وكما نحب لهذا المنتدى ياصاحب القلم الرائع
والفكر العالى فنحن جميعا نتعلم منك .

[اميرة حبى انا]

مش كده والنبى يااستاذ فارس يااخويا
قوله لحسن مش بيصدقنا لما نقوله هزار

[قموره]

طبعا علشان فيه ناس هتفهم غلط هنا وبتصدق بسرعه

شكرا ياخلود
لم اكن اتوقع ان نصل الى هذا التهكم فى الحوار
لكن
ارجع واكررها واقول
الله يسامحك ويسامحنا
والله يشفيها ويشفينا
آمين


استاذنا فجر مصر هى خلود قالت اسم حضرتك علشان تزعل اوى كده

مظنش خلود كانت تقصد حضرتك هى بتهزر اكيد مع صديقتها وصديقتنا كلنا ليون

وخافت حد يصدق التهريج بتاعها علشان كده قالت اللى قالته

معلشى فجر انت اخدت الكلام على نفسك ليه

انت زعلان بقى من خلود اصلا وبتدور لها على غلطه ولا ايه

انا بحب كتاباتك جدا وبتعجبنى جدا ولكن هذه قوله حق ولابد ان اقولها

واعذرنى لتدخلى

[خلود]

ايه ده فى ايه
ايه كل الحوارات دى
استاذ فجر على راى الاخت قموره انا مقولتش اسمك بالمره بتاخد الكلام على نفسك ليه
هو انت هتمنع الهزار مع اى حد هنا
على العموم علشان انا بجد اتخنقت
وبجد زهقت جدااااااااااااا

بعلنها قدام الكل انى بتوقف عن اى مشاركات واى ردود فى مواضيع فجر بيه وانى فى اى رد على اى موضوع مش بقصد حد خالص

وبشكر كل من شارك وحاول ان يدافع عنى ويوضح انه كان مجرد تهريج
لانه فعلا كان مجرد تهريج
واللى بيحصل ده مش مفهوم بصراحة
شكرا

[اسامة22]

نعيب زماننا والعيب فينا ومالزماننا عيب سوانا
بعدالتحية
في اية يااستاذ/جمال افندي
زعلان لية واحنا بنقول انت الكبرة بتاعنا لما نزعل نرجعلك
لالالالا الموضوع مايستهلش في اية
لاني قرات الموضوع بتاع خلود ومش شايف تهجم اطلاقا
بالعكس تهريج وهزار لليون انت بقي زعلت لية ممكن تفهمني
مجرد دعابة لالالا ياجمال افندي
وانا زعلان ليك بجد لانك حرمت موضوعاتك من الرد
عليها من الست الخلوقة خلود
لالالا لازم تجيب العمدة وشيخ البلد
وتروح تعتذر لخلود الي الواحد لما بيضع موضوع بيتشرف بردها علية
وانت ولاموضوع ليك الالما كانت بترد عليك
ياخسارة ياخسارة ياشاعرنا
انا جاي اهدي النفوس بس
والف سلامة ليكي ياليون
بلاش مسابقة دي
قال اية هناخد كأس العالم
استاذ/جمال افندي لية اخدت الكلام عليك
اجابة اتمني اعرفها
وانت من كام يوم جايب تورتة كبيرة اوي للكتكوتة؟؟؟؟؟؟؟؟
وهو في حد يزعل من سندريلا المنتدي الجميلة خلود
واشوفكم بخير
وربنا يجعلة عامر

[fagrmasr01]

اتقدم باعتذارى الى الاخت خلود أمام الجميع

أسف يا خلود على سوء فهمى
وارجو منكى التكرم بقبول الاعتذار
من أخ الى اخته
وارجو المعذرة

واليكم جميعا .. شكرا لكم بارك الله فيكم .. ومتزعلوش منى .. قد أكون أسات الفهم .. وهذا وارد

والاعتذار هو حق لخلود .. وقبول الاعتذار هو تكرم أرجوه منها كأخت لى فى الله

[خلود]

والاعتذار هو حق لخلود .. وقبول الاعتذار هو تكرم أرجوه منها كأخت لى فى الله


حصل خير استاذ جمال عفا الله عما سلف واحنا اخوات فى الاول وفى الاخر يجمعنا حبنا لمنتدانا

وشكرا

[fagrmasr01]

شكرا خلود
بارك الله فيكى
وجزاكى خير الجزاء
آمين

[habiby]

الصلح خير وندعى ربنا يشفى كل مريض أهم من أى مسابقة

[lionking]

http://www.up.ecdscs.com//uploads/thumbs/domain-b37f95fa81.jpg (http://www.up.ecdscs.com//uploads/images/domain-b37f95fa81.jpg)




انا جيييييييييييييييت :D


وحشتوووووووووووووووووووونى جداااااااااااااااااااااا


جداااااااااااااااااااااااا


بجد بشكركم كوووووووووووووووووووووولكم على دعائكم وعلى كل اللى اتكتب :D



بس انت يا خلوووووووود


حسابك معايا ايه:eek::eek:


بس اطلعيلى برة كده
وانا اوريكى:eek:



:);););)

[اميرة حبى انا]

بما ان اختنا الجميلة ليون
رجعتلنا بالف سلامة
نستأنف مسابقاتنا على بركة الله تعالى
استعدوا يااجمل اعضاء فى الدنيا