طريق الموت

[أبو هلال]

يبدوا أن مدينة أكتوبر غير مستعدة لإستقبال محدودي الدخل
فطريق الواحات وبالذات قبالة نادي الإعلاميين ومدينة مبارك العلمية ووادي دجلة في الإتجاه من دريم إلى مدخل مدينة أكتوبرطريق منحدر و لا يوجد مطبات صناعية أو أماكن عبور للمشاة مسافة 5 كيلومترات مما يعرض حياة أطفالنا نحن محدودي الدخل للموت المتكرر في هذا المكان أثناء عبور الطريق سيراً على الأقدام وهو كما ذكرت سابقا محصور بين ناديين رياضيين ومدينة مبارك للعلوم أي طريق يعج بالأطفال ولا يوجد مطبات إلا في إتجاه واحد للمتجه خارج أكتوبر ويمكن عبور المطبات المقامة في جهة واحدة من الطريق على سرعة 80 كيلو متر في الساعة بدون أن يؤثر على السيارة (مطب حنين) حتى لا يضايق سيارات أصحاب المعالي والسعادة الذين سكنوا في المناطق المجاورة, ويومياً نرى حوادث دهس وتصادم في هذا المكان.

[since1990]

سيدى الفاضل منذ فتره
واحنا حاسين ان تفكير الحكومه فى اكتوبر قد تغير من كونها
مدينه جديده يجب ان يكون بها عوامل جذب سكانى الى كونها
مدينه للاثرياء فقط ,بدليل عدم وجود اى مشاريع للمواصلات بها.

[أبو هلال]

سيدى الفاضل منذ فتره
واحنا حاسين ان تفكير الحكومه فى اكتوبر قد تغير من كونها
مدينه جديده يجب ان يكون بها عوامل جذب سكانى الى كونها
مدينه للاثرياء فقط ,بدليل عدم وجود اى مشاريع للمواصلات بها.


فعلاً إنها مدينة للأثرياء فقط

وطريقة المواصلات الداخلية هي عربات البوكس مثل عربات نقل المجرمين

ولا يوجد محطة بنزين واحدة بها بنزين 80 اللهم إلا بنزينة التعاون ولمدة ساعتين يومياً فقط

أما المدارس الخاصة فمستواها زفت وبأضعاف مصاريف مثيلتها بالقاهرة والجيزة

بالمختصر عندي إحساس أني أقيم في غزة تحت الحصار

[khaled2010]

6 اكتوبر للاسف لسه ناقصها كتييييييييييييييير

[lionking]

ايه ده كله

معقول كل ده عن مدينة 6 اكتوبر

معلش يعنى مش منطقى انى اعبر الطريق السريع ده على رجليه لأ واخلى ولادى يعدوه كمان انا كده بعرض نفسى للخطر

لو جايين من الفردوس ممكن اوى تاخد توكتوك ويلف بيك للناحية التانية بس مش اعدى شارع زى ده ولا حتى صلاح سالم ولا الاوتوستراد ممكن يتعدوا على الرجلين
لان الناس عندنا مش بتفهم اصول وقواعد الطريق لا اللى راكب عربية ولا حتى الماشى على رجليه

انا معاكم ان وسيلة النقل غير ادمية بالمرة لكن اكتوبر لا تعتبر مدينة للاثرياء والدليل على كده وجودنا احنا محدودى الدخل فيها وغيرنا كتييييييييييير اوى

بالنسبة للمدارس فى مدارس خاصة اسعارها زى القاهرة والجيزة وفى طبعا مستوى عالى جدا

وكل واحد يختار اللى يقدر عليه

تحيااااااااااااتى

[أبو هلال]

ايه ده كله

معقول كل ده عن مدينة 6 اكتوبر

معلش يعنى مش منطقى انى اعبر الطريق السريع ده على رجليه لأ واخلى ولادى يعدوه كمان انا كده بعرض نفسى للخطر

لو جايين من الفردوس ممكن اوى تاخد توكتوك ويلف بيك للناحية التانية بس مش اعدى شارع زى ده ولا حتى صلاح سالم ولا الاوتوستراد ممكن يتعدوا على الرجلين
لان الناس عندنا مش بتفهم اصول وقواعد الطريق لا اللى راكب عربية ولا حتى الماشى على رجليه

انا معاكم ان وسيلة النقل غير ادمية بالمرة لكن اكتوبر لا تعتبر مدينة للاثرياء والدليل على كده وجودنا احنا محدودى الدخل فيها وغيرنا كتييييييييييير اوى

بالنسبة للمدارس فى مدارس خاصة اسعارها زى القاهرة والجيزة وفى طبعا مستوى عالى جدا

وكل واحد يختار اللى يقدر عليه

تحيااااااااااااتى



كلامك معقول لو كنت من سكان الفردوس لكن أنا من سكان الحي السابع ومفيش توك توك يقدر يمشي المشوار ده ولو مشي المشوار لجان الشرطة تسحبوه وإن سلم في الطريق تفتكري ممكن التوك توك ياخد كام من الحي السابع لمدينة الإعلام إذا كان التاكسي الأبيض بياخد علي المشوار الواحد 15 جنيه ذهاب فقط أو عودة فقط يعني اليوم واقف عليا ب 30 جنيه وإذا كان أولادي عندهم تمرين رياضي في نادي الأعلاميين 3 مرات في الأسبوع أي 90 جنيه في الأسبوع أي في الشهر 400 جنيه.
طبعاً راح تسألوني وإيه إلي مشحططتك ما عندك نادي أكتوبر أقول لكم إن إشتراك نادي أكتوبر 65 ألف جنيه!!
أنا ساكن جديد للأسف من عام واحد فقط في أكتوبر واللي قدرت عليه هو أن أشترك بنادي الأعلاميين ب 15 ألف جنيه شوفوا الفرق.
بقى أنا أشوف نادي أكتوبر من البلكونة ومش قادر أدخل فيه, منا لو معايا 65ألف جنيه كنت أشترك في النادي اللي قريب مني وبلاش بهدلة.
ودلوقتي إشتراك النادي أصبح لمن عنده 3 أطفال مثلي ضرورة مش زي زمان.
زمان كان الواحد وهو طفل كنا نقضيها في الشارع والجيران بستحملوا بعض.
لكن دلوقتي محدش بستحمل حد.

المهم دوشتكم.. مش الأرخص هو عمل عبور مشاه ومطبات محترمة ومش لازم كوبري مشاه زي اللي عمله نادي صيد القطامية.
أظن طلبي متواضع؟

[أبو هلال]

حتى بعد 25 يناير لا يوجد تغيير