&& موضوع متجدد هنقول كل حاجه اذا كانت حلوه او وحشه &&

[خلود]

السلام عليكم ورحمة الله وبركاته

بسم الله الرحمن الرحيم

الاول كل سنه وانتم طيبين وبكده يعتبر العيد بخ خلاص يعنى فرحنالنا يومين وشوفنا قرايبنا وعيدنا عليهم وروحنا

لده وجينا من عند ده واهم حاجه كلنا لحمة والفته وظبطنا الدنيا نتكلم بقا فى المفيد ههههههههههههه انا جايبلكم

موضوع هيعجبكم بأذن الله انا قولت متيجى نشوف اخبار بعض ونساعد بعض ونهتم ببعض بمعنى انى كل واحد فينا

كل يوم هيحكلنا خبر حلو وخبر وحش الى بيقابلهم فى حياته اليوميه وربنا ميجبش اخبار وحشه خالص وعلى الله


الموضوع ينال اعجابكم وبجد انا بيبقا هاممنى انى اشوف الناس كلها سعيده وبالموضوع ده هنحس ببعض بكل حاجه حلوه او وحشه على رأى المثل :::

يا نعيش عيشه فل يا نموت احنا الكل

[محمد المصري]

ههههههههههههههه

عجبنى اوى المثل اللى فى الاخر دة ياخلود

تسلم ايدك

انا النهاردة رجعت من الاجازة وبصراحة ما اكدبش عليكم انا كان نفسى اقعد هناك شويتين 3

لكن هنعمل اية نازلين الشغل من بكرة

وكمان حاجة فرحتنى كلمت واحد صحبى غالى عليا اوى النهاردة

يلا اسيبكم بقى وارجعلكم بكرة باخر مستجداتى

[since1990]

جامد اوى يا خلود الموضوع ده...
اكتر حاجه زعلتنى النهارده انى طول النهار كنت عايش الوهم ان النهارده الاربعاء وبكره الخميس
بس للاسف اكتشفت ان بكره الجمعه وباقى يوم واحد فى الاجازه...
اما الشئ اللى فرحنى ان عمر ابنى بدأ يتعلم الصلاه.

[خلود]

هههههههههههههههههههه

شكرا ياابو عمرو وياعم بص فى النتيجه علشان مش تتصدم تانى

وربنا يبارك لك فى عمرو يارب وتشوفه عريس

بصراحه الاجازه عدت هواء وملحقناش نستمتع بيها رغم انها اسبوع بس واضح اننا عايزين اجازه اكتر

محمد يامديرنا الغالى حمدالله بالسلامه من السفر ومهما بعدت هترجع برضو للشغل ووجع القلب

اشكركم على التفاعل ومستنياكم هنا كل يوم مع اخر ما حدث لنا من حلو او برضو حلو

ربنا يحلى كل ايامنا يارب

[محمد المصري]

انا بقى النهاردة قضيت اليوم مع اولادى فى البيت

بصراحة القعدة معاهم متتعوضش

[خلود]

ربنا يخليهم لك يامحمد وفعلا احلى حاجه فى الدنيا الولاد رغم وجع القلب بتاعهم

انا بقى النهارده ولادى باباهم خدهم ونزلوا ملاهى دريم بارك بعد الغداء

عملها لهم مفاجأه وخدهم ونزلوا

وخلاص بقى من بكره لا بعد بكره شغل ودراسه وتعب وياعينى علينا

[since1990]

انهارده رحت فرح بنت خالتى
وكان الجو جامد اخر حاجه.
ربنا يكتر أفراحكو وأفراحنا.
الشئ السئ انهارده هو العوده للشغل وبكل كسل.

[اسامة22]

موضوع حلو اوي ياخلود
انا بقي كنت راسم علي الاجازة دي اعمل عمايل واسوي الهوايل
لان دي الاجازة الوحيدة طول السنة لي حتي الجمعة شغل
ولكن للاسف تعبت اول يوم العيد ونمت في السرير
ومع شدة تعبي قعدت اضحك وقول
انت تريد وانا اريد والله يفعل مايريد
رجعت للشغل ومشاكلة يوووووووووووة
ياسلام لو في اجازة دلوقتي لمصر
تبقي حاجة كدا فلة شمعة منورة
هههههههههه

[خلود]

صباح الخير على كل اعضاءنا وحبايبى

النهارده بقى الحلو اللى عندى ان مافيش شغل النهارده

احلى حاجه مش كده

ربنا يحلى ايامنا يارب

يلا مين هيجى ويقول الحلو اللى حصل له والوحش ربنا ما يجيب وحش يارب

[since1990]

للاسف مفيش حاجه حلوه.