لو كانت شروطى الجمال

[fagrmasr01]

لو كانت شروطى الجمال
إنتى ف عينى رقة ودلال
رمش عينك يتكتب أمثال
بيعلن لك قلبى الامتثال

بدر التمام فى حسنها
ملكة جمال مين قدها
ديوانى اتعطر بإسمها
ولا عينى شافت زيها

خطوتها يامحلا خطوتها * فيها الالهام للفنانين
وكمان عذوبة بسمتها * ابهار جديد للرسامين
أول لما عينى لمحتها * عشقتها الاف السنين
رحت أخطبها من بيتها * و مهرها قلبى والعين

عرضت عليها خاتم سليمان
وسخرت لها الملوك م الجان
قالت لى كفاية انت يا انسان
مش عايزة غير لمسة حنان

جبت لها العقد نجوم النور
وفستانها غزلته لها الحور
وعلى طرحتها لؤلؤ منثور
قالت دا قربك هو السرور

رميت شباكى على شعورها
واضحك وابكى .. بمشاعرها
فى لحظة لقيت انى أسيرها
وعشقت هواها وانا أسيرها

[خلود]

http://dc01.arabsh.com/i/00060/ahina2gwegzx.gif

[lionking]

مبدع كعادتك استاذنا الفاضل


بجد روعة الكلمات ودقة فى الاختيار وتنتقل بنا من احساس الى اخر بخفة ورشاقة


ادامك الله لنا وللمنتدى

[M.Khalifa]

يالها من سطور جميلة وشيقة ... لشاعرنا الكبير فجر مصر
ربنا ينمي مواهبك ويستخدمك في طاعته

[fagrmasr01]

الاخت خلود
ألف سلامة لعينك يا ست الكل
والف شكر لمرورك الكريم
والف شكر على متابعة حضرتك النشيطة والمشجعة لنا
جزاكم الله عنى خير الجزاء
جمال

[fagrmasr01]

ليون
الف الف شكر على اهتمامك الدائم بمتابعة ما اكتب من خواطر وعلى حسن تشجيعك المستمر الذى يعطينى دفعات الى الامام باستمرار
ربنا يجازيكى عنى خير الجزاء ويبارك لنا فيكى
وبإذن الله ربنا يتمم لك العملية الجراحية بخير وترجعى لنا بألف سلامة يارب اللهم آمين
جمال

[fagrmasr01]

اخى الفاضل استاذ محمد خليفة
شكرا جزيلا على اهتمام حضرتك بالمتابعة والتشجيع .. والى الله عز وجل ابتهل ان يستعملنى واياكم فى طاعته
وان يرزقنا حبه وحب من يحبه
وان يختم لنا جميعاً بخير
جزاكم الله عنى خيراً
آمين
جمال

[قمر]

http://www.q8boy.com/images/au4soc7qmgipzcqljtxq.gif

بجد قصيدة رائعة استاذنا جمال
ودائما تبدعنا بمواضيعك المبدعة
اللتىتثير اعجاب الجميع
وجزاك الله كل خير استاذنا
ودائما تبدعنا بكلماتك الرقيقة المعبرة
بارك الله فيك

[fagrmasr01]

قمر .. انتى الى زى العسل
وانا سعيد جدا انها عجبتك يا قمر المنتدى
يارب يبارك لى فيكى وفى تشجيعك الجميل
ويحرسك ربنا ويحميكى
يارب آمين

[lovelorn_3000]

الف شكر يا استاذ جمال على كلماتك الرئعه

والله انسانه محظوظه الجوزتك

[fagrmasr01]

lovelorn
ربنا يخليك ويبارك لك
متشكر جدا على رقة أسلوبك
متابعتكم وتشجيعكم بيخلونى مستعد للاستمرار
الف الف شكر

[habiby]

كلماتك هى احلى اشعار بتاخدنا فى قصايد كلها احساس

[fagrmasr01]

ألف شكر على كلماتك المشجعة التى تسعدنى وأتمنى أن أكون مستحقاً لها
جزاك الله عنى خير

[أشرف صالح]

من (جمال) الكلمات (ودلال) المعنى أحييك
ملحوظه :
مراتى اسمها دلال وانت كده هتعملى مشكله هههههههههههههههههه
بس برضه برافو عليك ( بدر التمام ف حسنها * * * ملكة "جمال" مين قدها )

[fagrmasr01]

استاذ اشرف.. شكرا .. تشجيعك يسر قلبى وخاصة انه منك يا صاحب الاسلوب الجميل
الف شكر على تشجيعك وعلى كلماتك الرقيقة الرائعة