ايه معنى الحب عندك.. هو عِندك

[fagrmasr01]

ايه معنى الحب عَندك
مخدتش منك الا عِندك


لما انسى يوم واقول حبيبى
و آجى جنبك .. بيزيد لهيبى
وإن بعدت بتشتاق حنانى
وان تعبت .. الاقيك طبيبى


حيرتنى فعلاً وياك ، وتعبتنى جداً فى هواك
فى كل لحظة .. انا كنت اتمنى .. أكون وياك
لكن لما أقرب منك .. مفيش معاك غير الهلاك
وبظلمك وبقسوة قلبك بطلب من ربنا أنساك


وان انا قلبى ف يوم يسلاك
حتى ولو روحى وياك
ولو قلبى بيتمنى رضاك
مش هرجع تانى أتمناك


كنتى الإلهام جوه ف قلبى
خنتى بسرعة طهارة حبى
اتارى حبك ياحبيبتى كان
تصريف الماضى من فعل هان



أتمنى انى أشفى من حبك
وانسى عذاب الصد ف هجرك
وانسى خضوعى لقلبك خالص
وانسى معاه عذاباتى ف غدرك



علمتى عينى دمعتى
وحرقتى قلبى بلوعتى
وبتطفى كل آمال نور الأمل
وبهجرك طفيتى شمعتى


يالى كنت عشانك انت * * جوه قلبى باقيد شموعى
خلاص ظهرت لى الحقايق ** حبك كان ادمان دموعى
ولو فى قربك ماء حياتى** متنتظرش فى يوم رجوعى
خلاص هعيش مع آهاتى ** وبحرقة قلبى جوه ضلوعى
هرفض تانى ف يوم ارجع .. وباحلف انى رفضت خضوعى


مش هاكتب تانى الأشعار
ولا ع الحب ** ولا ع النار
يكفيكى الى كتبته عليكى
ويكفينى منك .. الإنتظار
ياللى الحب عَندك.. هو عِندك
كفاية خلاص نزل الستار
كفاية خلاص نزل الستار

[lionking]

والله يا استاذ جمال روعة جداا جدااا

بتعبر عن حاجات كتيييير اوى جوى الواحد

وعجبتنى اوى الجملة دى

اتارى حبك يا حبيبتى كان *** تصريف الماضى من فعل هان


تسلم ايدك استاذنا

[fagrmasr01]

ربنا يخليكى يا ليون
ردك الممتلئ بالمشاعر .. يسحب انتباهى
وعلى فكرة بعد كتابتى للموضوع وجدت نفسى فعلا متأثر جدا بنفس البيت
حتى انى عملته فونت اكبر من كل الموضوع
أتارى حبك ياحبيبتى كان ... تصريف الماضى من فعل هان
شكرا على متابعتك لما أكتب
وعلى تشجيعك الطيب لمحاولاتى
ربنا يخليكى ويجازيكى عنى خير

[اسامة22]

مين فينا ميقدرش يتابع ابداعاتك ياشاعر الاحزان
من ابداع الي ابداع مش عارف امدحك واقولك اية
ياحبيبي
شاعرنا ..شاعر القلوب والاهات
ننتظر المزيد والمزيد

[fagrmasr01]

ربنا يخليك يارب يا أسامة افندى ويكرمك
أشكرك الف شكر واتمنى ان أستحق متابعتكم باستمرار وان استحق ما تكتبون لى من تشجيع
أتمنى .. ويسعدنى تواصلك المستمر يا أسامة ..
ربنا يبارك لك ويكرمك
آمين

[اسامة22]

ايوة كدا يااستاذ/جمال أفندي
هههههههههه
فكرتني بالكلمة الحلوة الي كنت بتقولة لي
احمد افندي رمضان
اضحك وانبسط واتقي الله حيثما كنت
وان شاء الله الدنيا حلوة تكون في احلي عيون
شاعرنا الكبير

[fagrmasr01]

بصراحة يا أسامة أفندى.. الدنيا حلوة فعلا بيك وبالناس اللى زيك .. وإكراما لأسامة افندى .. هبطل شوية كتابات الحزن .. وأحاول .. احاول اكتب ابتسامة
ادعى لى ربنا يقدرنى وانجح
لان يظهر الحزن عامل مع اخوك عقد احتكار
لكن اوعدك انى احاول
الفين شكر يا أسامة أفندى

[اميرة حبى انا]

هى الاخت اللى انت حبتها معملتش حاجة حلوة خالث كده
كله حزن حزن
عموما تعبيرك عن الحزن يجنن ومؤثر جدا
بس الحب حلو
او على الاقل شوية حلو وشوية زعل وخصام
لكن حبك انت كان ايه النظام

[fagrmasr01]

لا لا لا ياست الكل
هى عملت حاجات حلوة كتير
هى ماتت من زمان

وانا خلاص وعدت أخونا أسامة افندى هحاول اكتب ف اتجاه تانى

شكرا على صبركم .. فعلا صبرتوا كتير اووى على احزانى
من هنا وجاى باذن الله هحاول اكتب ابتسامة

[habiby]

يالى كنت عشانك انت * * جوه قلبى باقيد شموعى
خلاص ظهرت لى الحقايق ** حبك كان ادمان دموعى
ولو فى قربك ماء حياتى** متنتظرش فى يوم رجوعى
خلاص هعيش مع آهاتى ** وبحرقة قلبى جوه ضلوعى
هرفض تانى ف يوم ارجع .. وباحلف انى رفضت خضوعى
مش هاكتب تانى الأشعار
ولا ع الحب ** ولا ع النار
يكفيكى الى كتبته عليكى
كفاية خلاص نزل الستار

[COLOR="Red"][B]بصراحة .. مش ممكن .. روعة فى تعبيرات حزنك يا استاذ جمال
[SIZE="5"]كلامك روعة وفعلا رهيب ،
فى المعانى وفى الترتيب
بس واضح انه يعنى
لسه فيه عشق الحبيب
والا مكانش وانت بتهجر
تكتب لها كل الاشعار
معلش ، محاولة اهديها لشاعر الاحزان الرائع مع شديد اعجابى

[habiby]

لا والف لا يا استاذ ارجوك
شعرك الحزين بنحبه جدا
ولو حضرتك هاتنفذ بجد فارجوك انك تخليها شوية وشوية

[خلود]

والله ياجمال حزن فرح الغاز نكت كله كله جميل

كل اللى بتكتبه اكتر من رائع

حرام عليك والله كده

قلنا ولسه بنقول رائئئئئئئئئئئئئئئع

[fagrmasr01]

الف شكر يا حبيبى على اهتمامك المتواصل بما أكتب وعلى تشجيعك المستمر لى

واللى كتبته انت فى اهدائك لى حلو جدا وتعبير حقيقى عن الى جوايا
واضح انك فعلا ملئ بالمشاعر
وادعوك الى المشاركة هنا بما تكتب
فعلا الى كتبته انت جميل اوى
تسلم ايدك

[fagrmasr01]

يارب يخليكى يا خلود
ويبارك لنا فيكى كمان وكمان
مرورك انتى وتعليقك ع اللى باكتبه هو اللى بالنسبة لى رائع
واتمنى ان تعجبك كلماتى
الف شكر على المرور المضئ والتعليق المشجع
ربنا مايحرمنيش من مرورك يا خلود الرائعة دائماً

[دعاء الكروان]

اللة الله يا استاذ جمال
بجد قمة فى الروعة
بارك اللةفيك
وزادك نور على نور

[fagrmasr01]

دعاء الكروان
ربنا يبارك لك ويخليكى
والف شكر على اهتمامك بقراءة ما اكتب والتعليق عليه
شكرا شكرا على تشجيعك الطيب
ربنا يجازيكى عنى الف خير
آمين
والحمد لله رب العالمين