المساعد الشخصي الرقمي

مشاهدة النسخة كاملة : طريق السهد والضياع


fagrmasr01
31-03-2009, 11:43 PM
من بعد ما قلبك باع * من بعد ما حبك ضاع
بودعك وانا ماشى * ف طريق سهد وضياع
وبقولها لك يا غايب * للاحباب مفيش وداع
دا اللقا بين الحبايب * جوه ساكن فى النخاع

قلبى حالف ما يسيبك
لو ها تغير ميت قناع
عايش على انه حبيبك
وانه كان ف يوم طبيبك
مش مصدق يوم يسيبك
حبك قدر مش اصطناع

قلبى خاصمنى عشان اراضيك
وحالف ما يشوف غير أراضيك
وكل آماله فى يوم يراضيك

بيكتب عنك الف قصيدة * مهما اقول له دا باعنى وسابك
وان ف ايدك لعبة جديدة * ومن طبعك .. تغدر باحبابك
قلبى رافض الاقتناع
بيقول دا الحب اتباع
و
حبك ساكن ف النخاع

لكن عقلى اختار يجافيك
وبيرفض يتعلق بيك
وحالف بالسحر اللى فيك
يمسح ذكرى سحر عينيك

عقلى بيحلف لك بجمالك
بيقول خليك فرحان بآمالك
لكن لو ناوى على فراقى
مش هيحبك تانى جمالك

وبين قلبى وعقلى باحتار
عايش تايه قلبى فى نار
ماشى طريق السهد لوحدى
شارد فكرى ف الف قرار

لكن مجبر اكمل وحدى
احيا بنارك وحيد بسهدى
تكوينى الذكرى
ونيران الفكرة
وروحى فاكرة
واسمك لسه حبيبى وسعدى
اسمك لسه حبيبى وسعدى
اميرة حبى انا
31-03-2009, 11:48 PM
حبك قدر مش اصطناع
الله يامستر جمال
روعة بجد
تعبير جميل اوى اوى عن عذاب الحب
fagrmasr01
31-03-2009, 11:55 PM
الف شكر يا أميرتنا النشيطة
ربنا ميحرمنيش من اهتمامك وتشجيعك الجميل يا أميرتنا
ويجازيكى عنى خير
آمين
lionking
01-04-2009, 10:54 AM
http://www.up.ecdscs.com//uploads/thumbs/domain-7c4496fcd4.jpg (http://www.up.ecdscs.com//uploads/images/domain-7c4496fcd4.jpg)



تسلم ايدك بجد


حلوة اوى اوى
fagrmasr01
01-04-2009, 11:23 AM
الف شكر يا ليون .. ربنا عز وجل يسلمك ويحفظك من كل سوء ..
آمين