النظافة في مدية 6 اكتوبر

[m_hatem]

النظافة في مدينة 6 اكتوبر صفر كبير استبشرنا خير بالمحافظ والمحافظة الجديدة ولكن للأسف الشوارع الجانبية كلها قمامة بيهتموا فقط بالشوارع الرئيسية. استغاثة بالمحافظ ياريت قبل عيد المحافظة يمر بالشوارع الجانبية.

[هايدى]

اه والله ياريت

[habiby]

نفس المحافظ كان فى الجيزة وكان بنفس الطريقة شوارع الناس المهمين بس النضيفة وباقى الجيزة كانت اعلان عن قمة القذارة
هل ينفع يزورنا فى منطقة 12 مستحيل يعملها ولو عملها هايكنسوا لمدة يومين وانسى ياعمرو
بنسمع اغنية مصر اليوم فى عيد لكن مش عيدنا احنا عيد الناس الكبار يابهوات يا كبار

[fagrmasr01]

من لم يمت بالسيف مات بغيره
تعددت المحافظين .. والموت واحد

مع الاعتذار طبعا

لكن اذا كنا عاوزين تغيير فى النتائج التى نحياها حالياً
يجب علينا تغيير طريقة التفكير التى نفكر بها حالياً
دى قناعة أساسية
فى تنمية الموارد البشرية

أما على مستوانا كشعب
النتائج اللى احنا عايشين فيها من خراب فى كل الخدمات
فهو ناتج عن تخاذلنا عن اتخاذ مواقف
واننا استسلمنا لنومنا فى العسل..
بس مع الاسف
العسل الاسود

المحافظ الى بيفشل فى محافظة بينقلوه يكرر الفشل فى محافظاااات تانية
او
او يعينوه وزير

طالما محدش بيطالب بحقه فى النظافة
.. وغيرها..
يبقى نستاهل الى يجرى علينا


الساكت عن الحق شيطان أخرس
وما ضاع حق راءه مطالب


والله عز وجل هو المستعان

[أبو رانيا]

النظافة من الايمان
النظافة من الايمان
النظافة من الايمان
النظافة من الايمان
النظافة من الايمان والقذارة من اللي بيرمي خارج الصندوق والمسئول لازم يعمل غرامة لكن مين المسئول ابقوا قابلوني لو لقيتو مسئول
لان لو فيه مسئول يمنع العشوائية اللي بالحي 12 مكنتش تلاقي رصيف مربع كان كان بالقذارة والسوء ده بتوع الخضار وعربية الكبدة وعربية الفول وفاترينة الساعاتي والسجاير والباعة الجائلين كل دول مخالفين وطبعا بيدفعوا . وكله كوم وبتوع الموبيليا اللي فارشين الارصفة يا اخواني فين المسئولين

[m_hatem]

نعلي نبرتنا شويه
بدل ما نشتكي هنا في الموقع
ناخد خطوة ايجابية
اكيد نقدر نوصل صوطنا لجرائد المعارضه
او للقنوات التليفزيونيه المعارضه
هما بيموت من الخوف منها
ما تيجو نموتهم من الخوف ونتفرج عليهم
اي حد يعرف يوصلها يبتدي يتحرك

[m_hatem]

ما تيجوا نعمل حاجة ايجابيه
ما تيجوا نفتح الموضوع ونقدم اقتراحات ونتخذ موقف سريع
في انتظار ردودكم علشان ننسق موقف ونقوم بيه

[m_hatem]

سألت طلبتي اليوم عن ماده حقوق الإنسان الي بقت مقرره عليهم في الجامعه اخدوا فيها ايه
قالولي اخدوا حقوق الأجانب في مصر
ها ها ها ها

[كاسبر سكاى]

كلمة حق يجب ان تقال
لو بدأ كل انسان بنفسه
أكيد ستتغير اوضاعنا كثير
**********
لكن للاسف ياجماعة هناك صحيح سلبيات كثير
لكن نحن ايضا سبب هذه السلبيات
عندما لايتحرك احد منا عندما يرى شخص اخر يساعد فى التلوث
عندما نرى الخطا ونسكت وكان الامر لايعنينا
عندما نكون نحن انفسنا سلبيين الى اقصى درجات السلبية
بالتاكيد ........ لايجب ان يلقى كل اللوم على المسؤوليين
*******
وللامانة الدكتور فتحى سعد من المحافظين النشطيين جدا
لكن واضح ياجماعة ان هناك تضييق كبير على سلطاته
واولها انه حتى الان لايوجد مبنى محافظة
او مبنى مديرية امن
تحياتى للجميع
من منطقة شباب الحى السادس

[stylooo]

أحيي أخى كاسبر سكاى على كلامه الإيجابى جدا
و أشكر كاتب الموضوع
بحب أكتوبر
و لكن ماذا تفعل و أنت تجد آخرين يرمون القمامة بالشارع والصندوق
على بعد أمتار منهم أو يضعونه بجوار باب عمارتهم ؟؟؟؟؟؟ !!!!
هل يدل على شئ فى نظرك ........... ؟؟؟؟؟؟
أرجو أن نبدأ بأنفسنا و نحن من يرى النظافة ويرى الملوثات
المهم القدرة على التفاعل
و لنكن يد واحدة و بعدها نطالب بحقوقنا التى سلبنها نحن بأيدينا....
فلنعمل على رفع الوعى بين أصدقائنا و جيراننا

[m_hatem]

كويس جدا تفاعلكم بس فين مقترحات الحل؟
انا كل ما الاقي الشارع اتوسخ اروح للكشك بتاع شركة النظافة وازعق معاهم وقولهم حشتكيكم للجهاز
ثاني يوم يجبعتوا مجموعة عباره عن ثلاثة اشخاص بالمقشات والعربية ويكنسوا الشارع وطبعا ادفعلهم
وكل ما يمر ثلاثة اسابيع اكرر نفس القصة
ده مش حل
نعمل فريق عمل من المتطوعين ونبتدي نوصل صوتنا ونعليه هو ده الحل

[stylooo]

كويس جدا تفاعلكم بس فين مقترحات الحل؟
انا كل ما الاقي الشارع اتوسخ اروح للكشك بتاع شركة النظافة وازعق معاهم وقولهم حشتكيكم للجهاز
ثاني يوم يجبعتوا مجموعة عباره عن ثلاثة اشخاص بالمقشات والعربية ويكنسوا الشارع وطبعا ادفعلهم
وكل ما يمر ثلاثة اسابيع اكرر نفس القصة
ده مش حل
نعمل فريق عمل من المتطوعين ونبتدي نوصل صوتنا ونعليه هو ده الحل

أيدى بايدكم للعمل كفريق من أجل النظافة و أشياء أخرى كثيرة و لكن كيف ننظم أنفسنا
لابد من عمل جدولا أعمال و البدء بالمهم فالأهم
وإن شاء الله نتوفق
منتظرة رأيكم.......:50 (13):

[m_hatem]

اعتقد ان احنا نشكل فريق عمل واهم خطوة ان احنا نضم ليه اكبر عدد ممكن من الأعضاء ومن جميع احياء ومجاورات مدينة 6 اكتوبر
ليه ده مهم؟ لإن لو عددنا كبير وعملنا شيء حيكون ظاهر مش نقطه في بحر وبالتالي حيشجع ناس اكثر ينضمولنا وايضا ممكن بعدها نخاطب المحافظ فيهتم اكثر لإن الكثرة تغلب الشجاعة.
لو اتفقنا على هذه الخطوة يبقى الخطوة التالية هي:
1- اختيار اسم للفريق لإشهاره
2- البحث عن وسيله اشهاره لضم اكبر عدد من الأعضاء ليه
وشكرا

[stylooo]

اعتقد ان احنا نشكل فريق عمل واهم خطوة ان احنا نضم ليه اكبر عدد ممكن من الأعضاء ومن جميع احياء ومجاورات مدينة 6 اكتوبر
ليه ده مهم؟ لإن لو عددنا كبير وعملنا شيء حيكون ظاهر مش نقطه في بحر وبالتالي حيشجع ناس اكثر ينضمولنا وايضا ممكن بعدها نخاطب المحافظ فيهتم اكثر لإن الكثرة تغلب الشجاعة.
لو اتفقنا على هذه الخطوة يبقى الخطوة التالية هي:
1- اختيار اسم للفريق لإشهاره
2- البحث عن وسيله اشهاره لضم اكبر عدد من الأعضاء ليه
وشكرا


أشكرك على ترتيب أفكارك و لكن لابد من اختيار اسم مشجع على النظافة و الجمال
بالمدينة
أولاً لابد أن نجمع عدد كبير من رواد المنتدى و من خلال المنتدى
يتم التناقش على كل الأمور بما فيها الاسم و طريقة الاشهار
و لتكن جمعية أهلية خاصة بالنظافة و الجمال
و تكون مهمتها الحفاظ على مستوى النظافة
كما كانت تتمتع به أكتوبر فى سابق عهدى بها
و لنتفق على موعد نلتقى من خلال النت عليه
و نكون كلنا على قلب رجل واحد و لكن ليكن الموعد مبكر
حيث انى أعمل وحتى لا يتعارض وقت عملى مع العمل الجماهيرى
خالص الدعوات بالتوفيق

[lionking]

والله يا جماعة حلوة فكرة الجمعية الاهلية دى جدا

وياريت تتحول لحقيقة بجد

لان فعلا اكتوبر اتبهدلت من ساعة ما اتحولت لمحافظة ونفسى افهم ليه

مش عارفة ايه العلاقة بين المسمى الجديد للمدينة والنظافة

ع العموم.............

ياريت تحاولوا فعلا تنفذوا الفكرة دى واكيد هتلاقوا اعضاء كتير من المنتدى معاكم


ربنا يوفقكم ويوفقنا كلنا

[stylooo]

كالعادة ف الشعب المصرى يهب مرة واحدة لفعل أمر ما
و بعدها تهمد فيه الحالة فينام و يشد الغطا لحين حدوث شئ آخر
فين الهمة يا رجالة انا عارف من يوم سعد زغلول
قالها حكمة ما فيش فايدة
منتظراكم من أجل نظافتك ياااااااااااا مدينة 6 أكتوبر

[stylooo]

أظن الجميع سكت لأن أمله بالنظافة تحقق
أم هو الاحباط و عدم اللامبالاة

للتجديد

[حبايب]

السلام عليكم ورحمة الله وبركاتة

انا سعيد بدخولي هذا المنتدي وربنا يجعلة منارة علم ولجميع المسلمين


التوقيع حبايب

[حبايب]

الاستاذ الفاضل Styloo

انا باحب جدا تعليقاتك البناءة فمزيد من تعليملتك



التوقيع حبابب

[ملك محمد]

انا عضوة جديدة فى هذا المنتدى المفيد ,باختصار انا اؤيد كلامك يا فجرمصر وفعلا الساكت عن الحق شيطان اخرس بس ياترى هنفضل لحد امتى........؟ والله يا جماعة انا من سكان الحى 11 عمارات بنك الا سكان والتعمير جميع الحدائق الداخلية للعمارات مليئة بالقازورات وانا عن نفسى نظفت الجنينة اللى بتطل عليها شقتى وطلعت حوالى 15 شوال من الزبالة للا رض واعتنيت بشكلها واشتريت زرع وفأس وزرعتهم بنفسى وبقى كل حد يعدى يشكر فيها وطبعا دة بيشجعنى على المزيد والله يا جماعة ابدأ بنفسك اولا بلاش نعلق كل حاجة على الحكومة مع العلم انهم مقصريين لكن هناك سلبيات كتيير بيننا وشكرا لصاحب الموضوع.

[زهرة الياسمين]

الناس عليهم عامل كبير انا بشوف بنفسي مظاهر سلبية كتير

الام لازم تربي ولادها على إن رمي أي شيء في الشارع جريمة وزى مانحافظ على نظافة بيتنا لازم يكون ده تعاملنا مع الشارع

لو كل واحد بدا بنفسه وبادر في ازالة القمامة من أباب بيته مكانش يبقى فيه مشكلة