اتفضلى رحاب محسن

[اميرة حبى انا]

بناء على اختيار الكابتن /ابو تريكة الكينج
الانسة / رحاب محسن
ضيفة الكرسى هذا الاسبوع
اتفضلى
http://up2.m5zn.com/photo/2009/3/27/03/ufa5fo30j.jpg/jpg
اتفضلوا ياجماعة
رحاب جاهزة للاسئلة
ربنا معاكى يارحاب

[fagrmasr01]

الله يسامحك يا أميرة...
هى صحيح جُنينة وشكلها أخضرانى ف أخضرانى لكن
برضه البنت لسه صغنطوطة
هاتسيبيها ازاى هنا كده لوحدها ف نص الشارع دا كله

ياعينى عليكى يا رحاب يا بنتى
طنط أميرة سايباكى ياحبة عينى لوحدك فى الغابة
معلش يا رحاب يا بنتى
بس باذن الله انتى قد اربعين غابة .. صح واللا لم صح؟
على كل حال ....
متخافيش ياحبيبتى مش هانسيبك لوحدك وكلنا هنا باذن الله حواليكى وربنا معاكى

[lionking]

ههههههههههههههههه

منورة يا رحااااااااااااااااااب

بس خدى بالك اميرة سايباكى فى غابة مقطوعة

بس باين عليها بتحبك اووى اووى

لأ وبتخاف عليكى كمان

ربنا معاكى بقى

[اميرة حبى انا]

مش تسمعى كلامهم يارحاب
ده انا جبتلك كرسى فى مكان فاضى عشان تركزى فى الاجابات
هههههههههههههههههههههههههه
يلا ركزى

[رحاب محسن]

شكرا يا أميرة على الكرسى الجميل ده
ده أنتى فعلا هتخلينى أركز فى الأجابات حتى طول ما أنا أعده أبص يمين وشمال لحسن حد يطلعلى
هههههههههههههه

[رحاب محسن]

يلا أنا منتظرة الأسئلة

[اميرة حبى انا]

:rolleyes:هبدأ انا الاول:eek:

1-الاسم؟
2- السن؟
3-احساسك ايه وانت قاعد على الكرسى؟
4- مين اقرب انساااااااان او انسااااااانه ليكى؟
5-ايه احلامك؟
6-كام مره حسيتى انك ملكيش لزمه فى الحياه؟
7- كااااااام مره مقدرتيش تكتمى دموعك؟
8-حلمتى حلم واتحقق؟؟

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟

10- مين اقربلك وبتحس انه فاهمك اكتر والدك والا والدتك ؟؟؟

11- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟

12- هاقولك كلمات توجهيها لاشخاص في منتدانا
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فى المنتدى
- انت دمك خفيف اوى
- انت شخصية قوية تتحمل الصعاب
13-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

14- هل حد ظلمك لدرجة انك قلت مش ممكن اسامح؟؟؟
15- لو هتسافر مكان ومطلوب منك تاخد شخصين بس معاك تختار مين؟؟؟

16- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
17- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

18:D ايه السؤال اللي كنت تتمنى انى ماسألوش ؟؟؟
:D:D:D:D:D:D:D:D:D:D:D
:)متخافيش لو حد طلعلك ابقى ناديلى:)
:pوابقى قابلينى لو رديت:p
:Dمعلش بقى الجبن سيد الاخلاق:D

[fagrmasr01]

نبدأ بسم الله الرحمن الرحيم

انتى فى اى مرحلة من التعليم وفى سنة كام
هل مشتركة فى منتديات غير هنا ..
ايه احسن شئ بيعجبك فى منتدانا
ايه أكتر شئ مش بيعجبك فى منتدانا
ما هى جريدتك المفضلة
ما هى القناة الفضائية التى تشدك اليها اكثر
ما هو اكثر موقع بيعجبك فى الانترنت
من هو مثلك الأعلى فى الحياة .. غير بابا ومام طبعا
من هو مطربك / و مطربتك المفضلين
مين الممثل / و الممثلة اللى بتنتظرى له اعمال جديدة
هل تشاركى فى السياسة او فى الحياة الاجتماعية خدمات لأهل الحى مثلا
هل تحبين الشعر وأى أنواع الشعر يعجبك أكثر : قصيدة - فصحى - زجل - شعر حديث
ايه نوع القصص اللى تحبى تقرايها : بوليسى - اجتماعى - عاطفى
من هو كاتبك المفضل
من هو الشاعر المفضل
ايه رأيك فى التعليم فى مرحلتك الحالية .. وكيف تحبين ان يتطور مستقبلا

لو أتيحت لك فرصة اللقاء .. ماذا تتمنى ان تقولى كنصيحة لو قابلتى كل من :

مدير/ ة مدرستك الحالية
وزير التربية والتعليم
عمرو خالد
عمرو موسى
القمة العربية التى ستنعقد الاثنين بالدوحة
حسنى مبارك
جمال مبارك
ايمن نور
ماما سوزان
أميرة حبى انا
خلود
جمال .. فجر مصر ( العبد الفقير الى الله )
الاحباب
نصل الهوى
ليون
ام الاء
الباشا تلميذ
الأمير عماد
ابراهيم البشبيشى
الطاووس الحزين
قمر
كتكوتة

ايه اكثر موضوع عجبك فى المنتدى لحد الان .. ولو قلتى كلهم حلوين اختارى ع الاقل احسن باب من ابواب المنتدى
عضو / ة تحبى تقولى له الله ينور عليك .. موضوعاتك بتعجبنى
عضو / ة تحبى تقولى له الله ينور عليك .. ردودك بتعجبنى
عضو / ة تحبى تقولى له انت شخص حاد المزاج
عضو / ة تحبى تقولى له ردودك روتينية
عضو / ة تحبى تقولى له ردودك مقنعة
عضو / ة تحبى تقولى له ردودك دبلوماسية

من خلال تقييمك لنفسك .. كم تستحقى من عشر درجات فى كل جانب من الجوانب الاتية
حادة المزاج
دبلوماسية
هادئة
مبتسمة
صديقة مخلصة
مجتهدة فى السعى للعلم والتعلم
جادة فى التزاماتك

أتمنى ان اعود فأسألك اكثر واكثر ..
إن كان فى العمر بقية
حفظكى الله ورعاكى

[رحاب محسن]

:rolleyes:هبدأ انا الاول:eek:

1-الاسم؟
رحاب
2- السن؟
14
3-احساسك ايه وانت قاعد على الكرسى؟
مفاجأة حلوة
4- مين اقرب انساااااااان او انسااااااانه ليكى؟
ماما
5-ايه احلامك؟
أنى أطلع من الأوائل دايما،وأدخل كلية صيدلة
6-كام مره حسيتى انك ملكيش لزمه فى الحياه؟
ولامرة
7- كااااااام مره مقدرتيش تكتمى دموعك؟
فى مرات كتيرة ،بس أنا مش بحب حد يشوف دموعى
8-حلمتى حلم واتحقق؟؟
مفيش

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
شئ ثمين يجب الحفاظ عليه
صديقتى مي فى المدرسة
دى دى

10- مين اقربلك وبتحس انه فاهمك اكتر والدك والا والدتك ؟؟؟
ماما
11- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
كل المواضيع حلوة

12- هاقولك كلمات توجهيها لاشخاص في منتدانا
- مواضيعك ممتازة
أم الاء
- انت فين وغايب عننا ليه
الطاوس الحزين
- المنتدى وحش من غيرك
نصـــــــ الهوىـــــــل
- رأيك بيعجبنى
فجر مصر
- انت شخصية محبوبة جدا فى المنتدى
أميرة
- انت دمك خفيف اوى
معرفش
- انت شخصية قوية تتحمل الصعاب
أبراهيم البشبيشى
13-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
لأ

14- هل حد ظلمك لدرجة انك قلت مش ممكن اسامح؟؟؟
لأ
15- لو هتسافر مكان ومطلوب منك تاخد شخصين بس معاك تختار مين؟؟؟
بابا وماما

16- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
صعب ،ماما
17- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟
السعودية(مكة)

18:D ايه السؤال اللي كنت تتمنى انى ماسألوش ؟؟؟
كل الأسئلة حلوة
:D:D:D:D:D:D:D:D:D:D:D
:)متخافيش لو حد طلعلك ابقى ناديلى:)
:pوابقى قابلينى لو رديت:p
:Dمعلش بقى الجبن سيد الاخلاق:D

[/quote]

[fagrmasr01]

وانا
وانا
انا واقف فى الدور اهو بعد طنط أميرة يا رحاب

[رحاب محسن]

نبدأ بسم الله الرحمن الرحيم

انتى فى اى مرحلة من التعليم وفى سنة كام
الأعدادى ، تانية أعدادى
هل مشتركة فى منتديات غير هنا ..
أيوة بس مش بدخله
ايه احسن شئ بيعجبك فى منتدانا
أن أحنا زى الأسرة
ايه أكتر شئ مش بيعجبك فى منتدانا
مفيش
ما هى جريدتك المفضلة
جريدة الأهرام
ما هى القناة الفضائية التى تشدك اليها اكثر
دريم
ما هو اكثر موقع بيعجبك فى الانترنت
مفيش حاجة معينة
من هو مثلك الأعلى فى الحياة .. غير بابا ومام طبعا
الرسول صلى الله عليه وسلم
من هو مطربك / و مطربتك المفضلين
مش بتابع
مين الممثل / و الممثلة اللى بتنتظرى له اعمال جديدة
مش بتابع
هل تشاركى فى السياسة او فى الحياة الاجتماعية خدمات لأهل الحى مثلا
لأ
هل تحبين الشعر وأى أنواع الشعر يعجبك أكثر : قصيدة - فصحى - زجل - شعر حديث
نعم،قصيدة
ايه نوع القصص اللى تحبى تقرايها : بوليسى - اجتماعى - عاطفى
بوليسى
من هو كاتبك المفضل
ليس شخص معين
من هو الشاعر المفضل
ليس شخص معين
ايه رأيك فى التعليم فى مرحلتك الحالية .. وكيف تحبين ان يتطور مستقبلا
مفيش أهتمام بالتعليم
رأيي بأن تتطور المناهج لأن المناهج اللى أحنا بندرسها بقالها زمن طويل ،وأن يكون فى تجارب علمية بنعملها فى المدارس

لو أتيحت لك فرصة اللقاء .. ماذا تتمنى ان تقولى كنصيحة لو قابلتى كل من :

مدير/ ة مدرستك الحالية
أن يحسن من ألفاظه لأنه بيشتم الطلاب شتايم أول مرة أسمعها
وزير التربية والتعليم
أن يطور المناهج للأحسن وليس للأسوأ
عمرو خالد
أنه داعى جيد ولكن يجب عليه أن يتأكد من المعلومة التى يقولها
عمرو موسى
سياسي جيد يبحث عن مصلحة الامة
(القمة العربية التى ستنعقد الاثنين بالدوحة

حسنى مبارك

جمال مبارك
ايمن نور
ماما سوزان)
أنا مليش فى السياسة
أميرة حبى انا
أنتى عضوة مميزة ومتغبيش عننا

خلود
أنتى موضوعاتك حلوة
جمال .. فجر مصر ( العبد الفقير الى الله )
أنت أشعارك حلوة ،و أرائك مهمة
الاحباب
أنت غايب عننا ليه
نصل الهوى
أنت غايب عننا ليه

ليون
ربنا يوفقك ، وأنتى ردودك حلوة
ام الاء
أنتى موضوعاتك جميلة
( الباشا تلميذ
الأمير عماد
ابراهيم البشبيشى
الطاووس الحزين)
أنتو غايبين عننا ليه ، تعالو تانى وشاركونا
قمر
أنتى هادئة ، ومواضيعك وردودك حلوة
كتكوتة
أنا منتظرة مواضيعك ومشاركاتك الجميلة

ايه اكثر موضوع عجبك فى المنتدى لحد الان .. ولو قلتى كلهم حلوين اختارى ع الاقل احسن باب من ابواب المنتدى
قسم كرسى الأعتراف
عضو / ة تحبى تقولى له الله ينور عليك .. موضوعاتك بتعجبنى أم الاء
عضو / ة تحبى تقولى له الله ينور عليك .. ردودك بتعجبنى فجر مصر
عضو / ة تحبى تقولى له انت شخص حاد المزاج مفيش
عضو / ة تحبى تقولى له ردودك روتينية
مفيش

عضو / ة تحبى تقولى له ردودك مقنعة
فجر مصر
عضو / ة تحبى تقولى له ردودك
دبلوماسية

دي دي
من خلال تقييمك لنفسك .. كم تستحقى من عشر درجات فى كل جانب من الجوانب الاتية
حادة المزاج 8
دبلوماسية 2
هادئة 9
مبتسمة 8
صديقة مخلصة 10
مجتهدة فى السعى للعلم والتعلم9,5
جادة فى التزاماتك 9

أتمنى ان اعود فأسألك اكثر واكثر ..
إن كان فى العمر بقية
أنشاء الله
حفظكى الله ورعاكى

[رحاب محسن]

يا جماعة فين الأسئلة
أنا عايزة أسئلة كتيرة وحلوة

[lionking]

بسم الله الرحمن الرحيم


عاملة ايه يا رحاب


ادينا مونسينك فى الغابة اللى انتى فيها اهو


شوفى بقى يا ست الكتكوتة


جاوبى على دول من غير لكاعة ولا غش


1:: جبتى هدية لماما فى عيد الام؟؟
2:: عندك كام اخ واخت..؟ ومين اقربلك فيهم؟؟
3:: لو هتوجهى نقد لرحاب محسن هتقوليلها ايه؟؟
4:: ايه هى اسوا عاداتك؟؟ وايه احلاها ؟؟
5:: ايه اللى بيعجبك فى مامتك ؟؟
6:: لو بايدك تلغى عضوية حد من هنا هيكون مين ؟؟( اوعى اكون انا )
7:: ايه رايك البنات تتحجب فى سن المراهقة ولا تستنى براحتها ؟؟ يعنى فى الجامعة مثلا
8:: عايزاك توجهى نقد لكل مما ياتى ::
1:: اميرة
2:: ليون كينج
3:: خلود
4:: نصل الهوى
5:: الامير عماد
6:: فجر مصر
7:: الفارس
8:: دى دى
9:: ام الاء
10:: ابراهيم البشبيشى


9:: لو مسكتى وزراة التربية والتعليم ايه اول قرار ممكن تاخديه؟؟
10:: تقولى لمين وحشتنى اوى اوى ؟؟( من برة المنتدى)
11:: ايه اللى مش بيعجبك فى دى دى؟؟
12:: ايه اكتر حاجة بتعجبك فى مامتك؟ وايه اكتر حاجة مش بتحبيها ؟؟
13:: تحبى لما تتخرجى باذن الله تشتغلى ولا تكونى ربة منزل ؟
14::ايه اجمل توقيع عجبك فى المنتدى ؟؟
15:: لو مكانش اسمك رحاب كنتى تتمنى يكون اسمك ايه؟؟
16:: ايه الباب اللى تتمنى تلاقيه فى المنتدى؟؟

[رحاب محسن]

بسم الله الرحمن الرحيم


عاملة ايه يا رحاب
الحمدلله



ادينا مونسينك فى الغابة اللى انتى فيها اهو
منورين



شوفى بقى يا ست الكتكوتة


جاوبى على دول من غير لكاعة ولا غش
حاضر



1:: جبتى هدية لماما فى عيد الام؟؟
أيوة
2:: عندك كام اخ واخت..؟ ومين اقربلك فيهم؟؟
أختين وأخ،أختى التوأم
3:: لو هتوجهى نقد لرحاب محسن هتقوليلها ايه؟؟
متتعصبيش علطول
4:: ايه هى اسوا عاداتك؟؟ وايه احلاها ؟؟
العصبية،الهدوء والطيبة
5:: ايه اللى بيعجبك فى مامتك ؟؟
رأيها وزوقها
6:: لو بايدك تلغى عضوية حد من هنا هيكون مين ؟؟( اوعى اكون انا )
محدش
7:: ايه رايك البنات تتحجب فى سن المراهقة ولا تستنى براحتها ؟؟ يعنى فى الجامعة مثلا
تتحجب فى سن المراهقة
8:: عايزاك توجهى نقد لكل مما ياتى ::
1:: اميرة
أنها متزعلش بسرعة
2:: ليون كينج
لا يوجد
3:: خلود
لا يوجد
4:: نصل الهوى
يدخل المنتدى ويشارك بمواضيع وردود
5:: الامير عماد
لا يوجد
6:: فجر مصر
لا يوجد
7:: الفارس
لايوجد
8:: دى دى
لا يوجد
9:: ام الاء
لا يوجد
10:: ابراهيم البشبيشى
لا يوجد
(معظم الأعضاء لا يوجد وأنا أعتبر أن النقد الى كتبته ده رأي)



9:: لو مسكتى وزراة التربية والتعليم ايه اول قرار ممكن تاخديه؟؟
تعديل المناهج وألغاء مادة الرسم من المجموع
10:: تقولى لمين وحشتنى اوى اوى ؟؟( من برة المنتدى)
خالتو وأولادها فى السعودية
11:: ايه اللى مش بيعجبك فى دى دى؟؟
مفيش
12:: ايه اكتر حاجة بتعجبك فى مامتك؟ وايه اكتر حاجة مش بتحبيها ؟؟
زوقها ورأيها،أنها بتزعل بسرعة
13:: تحبى لما تتخرجى باذن الله تشتغلى ولا تكونى ربة منزل ؟
أشتغل وممكن بعدها أبقى أهتم أن شاء الله بأولادى لما أكبر
14::ايه اجمل توقيع عجبك فى المنتدى ؟؟
توقيع أميرة
15:: لو مكانش اسمك رحاب كنتى تتمنى يكون اسمك ايه؟؟
رحاب
16:: ايه الباب اللى تتمنى تلاقيه فى المنتدى؟؟
قسم فى عجائب الحيوان والبيئة


شكرا على أسئلتك

[خلود]

ماشاء الله رحاب

انتى عسوله بجد واجاباتك طبيعيه جدا

منتهى التلقائيه والصراحه

منوره الكرسى ولا همك المكان ولا اى حاجه

[fagrmasr01]

واضح ان بسم الله ماشاء الله الجيل الجديد طالع قلبه جامد
انا طبعا قلت بسم الله ماشاء الله

ايه احب مادة دراسية

ايه اسخف ماد دراسية مش بتحبيها

هاتى لنا بيتين شعر من احلى شعر عجبك

ايه اكتر اغنية بتحبيها

ايه اكتر اكلة بتحبيها جوه البيت وبره البيت

بتشجعى اهلى ولا زمالك

هل النت بتعطلك عن المذاكرة واللا بتعتبريها حافز على انك تتشطرى اكتر

ايه احلى هدية خدتيها من ماما

ايه احلى هدية خدتيها من بابا

قولى لنا موقف بتضحكى على نفسك كل ما بتفتكريه

موقف بتندمى انك اتصرفتى فيه بعصبية وندمتى عليه وازاى صلحتيه

وللحوار بقية ان كان فى العمر بقية باذن الله

[رحاب محسن]

واضح ان بسم الله ماشاء الله الجيل الجديد طالع قلبه جامد
انا طبعا قلت بسم الله ماشاء الله

ايه احب مادة دراسية
علوم

ايه اسخف ماد دراسية مش بتحبيها
رياضة

هاتى لنا بيتين شعر من احلى شعر عجبك
المال ان لم تدخره محصنا .....بالعلم كان نهاية الأملاق
العلم ان لم تكتنفه شمائل.....تعليه كان مطية الأخفاق
هو ده من الى أنا بس حفظاه
ايه اكتر اغنية بتحبيها
أغانى سامى يوسف

ايه اكتر اكلة بتحبيها جوه البيت وبره البيت
الكبسةالكبسة فى البيت ،الشاورما بره البيت

بتشجعى اهلى ولا زمالك
أهلى

هل النت بتعطلك عن المذاكرة واللا بتعتبريها حافز على انك تتشطرى اكتر
لأ مش بيعطلنى ،هو بيرفه عنى من المذاكرة

ايه احلى هدية خدتيها من ماما

ايه احلى هدية خدتيها من بابا
هى الهدايا بتيجى دايما من بابا وماما مع بعض ،الهدية كانت حلق دهب

قولى لنا موقف بتضحكى على نفسك كل ما بتفتكريه
مش فاكرة



موقف بتندمى انك اتصرفتى فيه بعصبية وندمتى عليه وازاى صلحتيه
أن أختى عملت حاجة بضايقنى بس هى صغيرة ،وبعديها رحت أشتكيت لماما وماما قالت لبابا فبابا زعقلها جامد ،وبعديها أنا أعدت أصالح فيها بس هى سامحتنى بالعافية

وللحوار بقية ان كان فى العمر بقية باذن الله

أنشاء الله

[رحاب محسن]

فين بقيت الأسئلة
وفين أسئلتك يا خلود

[خلود]

حاضر ياقمر جايه لك بس متستعجليش

ربنا يقدرك على الاعضاء واضح بيحبوكى اووووووووووووووووووى

[اميرة حبى انا]

بجد اجاباتك روعة
ماشاء الله عليكى
ربنا يحفظك ويحميكى
:(بس انا مش بزعل الا لما تكون حاجة تزعل:(
:mad:ده توضيح مش اكتر:mad:
:Dههههههههههههههه:D

[رحاب محسن]

حاضر ياقمر جايه لك بس متستعجليش
طيب أنا مستنية

[رحاب محسن]

فين يا جماعة الأسئلة:confused:

[DMR]

بسم الله الرحمن الرحيم



جيبالك شويه اسئلة سهلة اوي
نبدأ الاسئلة

ما هي اكلتك المفضلة ؟


ما هو شرابك المفضل ؟


ما هو لونك المفضل ؟


هل تحبي الدراسة ؟


هل كل اجاباتك في كرسي الاعتراف حقيقة ؟


هل تحبي الرحلات المدرسية ؟


ما هي اكتر مادة بتحبيها ؟


اكتر مادة بتكرهيها ؟


بتحبي التليفزيون و النت ... السبب ؟






الاسئلة خلصت

[ام الاء]

متشكرة اوى يارحاب على رايك فى موضوعاتى

[اميرة حبى انا]

رحاب لو سمحتى تردى على اسئلة دى دى
وياريت تقوليلنا النهاردة هتختارى مين يقعد على الكرسى
وميرسيه على كل اجاباتك الروعة

[رحاب محسن]

بسم الله الرحمن الرحيم



جيبالك شويه اسئلة سهلة اوي
نبدأ الاسئلة

ما هي اكلتك المفضلة ؟
الكبسة


ما هو شرابك المفضل ؟
المشروبات الساخنة شاى بالنعناع،
المشروبات الباردة المانجو


ما هو لونك المفضل ؟
أخضر ولبنى


هل تحبي الدراسة ؟
فى بعض الأوقات أحبها وفى أوقات لا


هل كل اجاباتك في كرسي الاعتراف حقيقة ؟
نعم


هل تحبي الرحلات المدرسية ؟
نعم


ما هي اكتر مادة بتحبيها؟
العلوم


اكتر مادة بتكرهيها ؟
الرياضيات


بتحبي التليفزيون و النت ... السبب ؟
نعم،لأنه حاجة بترفه عنى






الاسئلة خلصت

[DMR]

شكرا يا رحاب على اجاباتك

و انا متشوقة جدا علشان اعرف مين هيعد على الكرسي ....... منتظرين اختيارك

[اميرة حبى انا]

فين الاختيار ياجميل
مين هيقعد بعدك
مش قلتيلنا ليه

[رحاب محسن]

هختار الباشا تلميذ:)