المساعد الشخصي الرقمي

مشاهدة النسخة كاملة : مين يقدر يحبس مصر


fagrmasr01
14-11-2010, 01:08 PM
اتجمعوا العشاق

اتجمعوا العشاق في سجن القلعة ... اتجمعوا العشاق في باب الخلق

و الشمس غنوة من الزنازن طالعة .. و مصر غنوة مفرعة في الحلق

تجمعوا العشاق بالزنزانة .... مهما يطول السجن مهما القهر

مهما يزيد الفجر بالسجانة .. مين اللي يقدر ساعة يحبس مصر

...............

تجمعوا و العشق نار في الدم ..... نار تحرق الجوع و الدموع و الهم

نار تشتعل لما القدم ينضم .... لما الايادي تفور في لم اللحم

و اللحم متنتور في رملة سينا .... و الكدب بيحجز على أيادينا

قدم العدو غارسة في لحم ترابي ... و الكدب عشش مخبرين على بابي

و المخبرين خارجين كلاب سعرانة ... بيجمعوا العشاق في الزنزانة

...............

مصر النهار يطلقنا في الميادين .. مصر البكا .. مصر الغنا و الطين

مصر الشموس الهالة من الزنزانين .. هالة و طارحة بدمنا بسا تين

مصر الجناين طرحة مين يقطفها .. مصر الجناين للي يرفع سيفها

مهما يطول السجن مهما القهر .. مهما يزيد الفجر بالسجانة

مين اللي يقدر ساعة يحبس مصر



الشاعر أحمد فؤاد نجم


مع تحيات
الفجر الساطع
الفجر هو الأمل
ahmedabdelziem
05-12-2010, 02:25 AM
جمال ما بعده جمال
الله عليك وتسلم الايد اللى نقلت
nouran_111
06-12-2010, 01:34 AM
بلدى وارضى وامى
ولو ساعه مسها الضر افديها بعمرى
والعمر فداها قليل
الرومنسى
06-12-2010, 02:01 AM
جمال
مكدبتش عفاف لما قالت
مصر دى امى
نيلها هو دمى
وشمسها فى ملامحى
شكرا جمال
lionking
06-12-2010, 11:46 AM
جميلة جدا يا جمال

بس للاسف مصر دلوقتى محبوسة بقالها كتيييييييييييييييييير

اكتر من ساعة وسنة

بقالها عمر محبوسة

والله المستعان
ahmedabdelziem
09-12-2010, 02:19 PM
مصر بالذات بشعبها
شباب وكبار واطفال ونساء احرار
ميقدرش يحبهم غير الواحد القهار