المساعد الشخصي الرقمي

مشاهدة النسخة كاملة : الله يرحمك يا أمى


fagrmasr01
20-03-2009, 11:50 AM
امى باحبك وحبك ساكن مابين الضلوع

فى قلبى مابين ضحكاتى وبين الدموع

وأتمنى أقيد لك بحياتى يا أمى شموع

وحبك ياغالية فى قلبى رموز للخشوع

على كتفى انا شيلتك
وأخدتك جوه أحضانى

انا إبنك انا بنتك
وصورتك جوه أجفانى

ياساكنة فى فؤاد الروح
وحياتى فضل إحسانك

عليكى رحمة من ربى
وعفوه يملا ميزانك


حملتى شهور وشيلتى دهور
وقلبك يدعى لى بعمر مديد

ربيتى وضحيتى وقطفتى زهور
العمر لجل احيا عمرى سعيد

حنانك كان بيدعيلى لرب شكور
يطول بى العمر وفرحى يزيد

ودلوقتى انا بدعيلك لرب غفور
يجازيكى ويرضيكى بأجر شهيد


وحشتينا ياأمى ودموعنا تسيل فى يوم عيدك

ومحرومين من الفرحة ومن بوسة على ايدك

ومشتاقين لضحكتك يا أمنا ولآهاتك وتنهيدك

جزاءك عند الله بإحسانه بفضل رحمته يزيدك

بر الوالدين لا يتوقف بموتهما او موت احدهما .. فالبر يستمر ويتواصل مع من كانا يحبونهما

رب اغفر لى ولوالدى وللمسلمين يوم يقوم الحساب
خلود
20-03-2009, 12:43 PM
بر الوالدين لا يتوقف بموتهما او موت احدهما .. فالبر يستمر ويتواصل مع من كانا يحبونهما

رب اغفر لى ولوالدى وللمسلمين يوم يقوم الحساب


جميله كعادتك دائما استاذنا وشاعرنا

وتسلم ايدك
رحاب محسن
20-03-2009, 01:26 PM
كلمات جميلة
شكرا أستاذ جمال:)
اميرة حبى انا
21-03-2009, 01:55 AM
روعة يااستاذ جمال
تسلم ايديك
fagrmasr01
21-03-2009, 12:57 PM
خلود .. رحاب .. أميرة
اشكركم الف شكر
ربنا عز وجل يخليكم ويبارك فيكم

وكل سنة وحضراتكم طيبين وبخير باذن الله
وكل سنة وكل أم بخير
lionking
22-03-2009, 02:13 AM
بجد حلوة جدااااااااااااااااااااااا

تسلم ايدك يا استاذنا
fagrmasr01
22-03-2009, 03:16 AM
يارب يخليكى يا ليون
الف شكر بجد
ربنا يبارك لك
أشرف صالح
24-03-2009, 01:30 AM
أسعد بضم صوتى لما عبرت به من قلبك وخطه قلمك وأدعو الله أن يسكن والدتك فسيح جناته وتكون فى منزلة الشهداء ألهم أمين أمين بارك الله فيك وجعلك بارا بوالدتك وتقبل من ومنكم خالص الدعاء
أخوك / أشرف عبد الحميد صالح
مدرس بمدرسة أورمان طلخا محافظة الدقهلية ( المنصورة )
habiby
24-03-2009, 09:33 AM
الاستاذ جمال
انت شاعر من درجة عالية جدا وكلامك بيدخل فى القلب والعقل وتستاهل الاعجاب لانك متمكن وبتفكرنى بالشعراء الكبار الشناوى وجاهين والابنودى وبيرم
fagrmasr01
24-03-2009, 10:20 AM
أستاذ اشرف .. حضرتك المتميز حقاً
مروركم فى صفحتى وقرائتكم لما اكتب من خواطر يشجعنى على الاستمرار
ورأيكم له عندى تقدير خاص أعتز به
فشكرا على المرور الكريم
ويسعدنى تقديركم
جزاكم الله عنى خير الجزاء
fagrmasr01
24-03-2009, 10:27 AM
اخى الفاضل الأخ حبيب
الف الف شكر على تشجيعك

لكن طبعاً تعليق حضرتك ووصفك فيه مبالغة كبيرة جدا جدا جدا
لأن هؤلاء الشعراء الذين كتبت حضرتك اسماؤهم يعتبرون قامات عالية جدا بل وشاهقة فى عالم الشعر
وبكل صدق فلنقل ان كل منهم هو فى حد ذاته عملاق
او فلنقل ان كل منهم ناطحة سحاب حقيقية

ولا تنسى ان بيت واحد من أبيات شعر أى منهم يهز الوجدان ويدخل الى الأعماق

طبعا أشكر حضرتك جدا على مجاملتك اللطيفة وتشجيعك الجميل .. ولكن

لا مجال أساساً للمقارنة

شكر الله لك وجزاك عنى خير الجزاء
جمال ( فجر مصر )
الباشا تلميذ
25-03-2009, 08:10 PM
" رب اغفر لى ولوالدى والمسلمين يوم يقوم الحساب "
اللهـــــــــــــم آميـــــــــــــن
http://up.arab-x.com/pic/MBl00761.gif